老鍋台式火鍋 (京都廣場) (已結業)

今日來到銅鑼灣京都廣場一間老鍋食lunch，呢間餐廳有面牆，貼滿明星同老闆啲合影，睇來餐廳裡面啲嘢應該好味。餐廳好乾淨，空間大，卡座嘅分隔做啲好好，私密度好高，檯面同餐具都好乾淨，可以放心食。我啲點佐佢哋養生湯，有兩種麻辣同酸菜，主食有兩種白飯同米線，我啲都揀米線。配菜有好多可以揀：雪花肥牛、松葉蟹棒、台灣蛋餃、牛肚、魚肚、雞肉、豬腩肉等等，可以自由揀三款。麻辣養生湯唔會太辣，但係微微麻辣刺激味蕾，湯應該冇放太多調味，飲完都唔會渴。酸菜養生鍋酸酸啲好開胃，湯好鮮香。一份小食台灣蒜香腸：色澤紅豔，口感紮實，嚼勁十足，煙韌多汁。自家製飲品：白桃烏龍茶、雪梨桂花茶淡淡啲花香味讓人回味。