老鍋台式火鍋 (京都廣場) (已結業)

同朋友們傾下計吹下水飲下啤酒🍻打邊爐🍲就最啱㗎喇今次試咗呢間老鍋台式火鍋🍲事前都做咗少少功課睇下到底揀邊個湯底最正😍由於大家都唔辣得嘅關係我地揀咗尚膳養生鍋同膠原蛋白美人鍋湯底非常足料同有質素😊味道好濃郁 正呀😎我哋仲叫左鹽酥一口豆腐外脆內軟仲熱辣辣點解可以咁好食😋火鍋配料好新鮮亦都唔會好細份可能係平日關係人都唔太多可以坐下傾下計正呀😌#heacookmama

黎到銅鑼灣，一直都係食西餐或日本野，今日試試台式火鍋。入到黎覺得好有台灣感覺，環境好舒服唔做作，服務也很好，地方好乾淨企理。我地揀左個2人餐，包羅萬有，簡直啱晒我地呢d懶人。唔好以為叫set餐多數食唔飽呀，我地2個女仔，亦唔係算細食架，但真心想再叫多d海鮮都食唔落了。我地想叫，係因為食餐再加配好鬼抵囉😹😹😹知慳識儉好重要架，話晒疫情中大家嘅荷包都縮水。而佢地嘅食材都好新鮮，就算連蔬菜都好清甜，爽脆。重點係除返開，每人都好花算

母親節突然唔太想同其他人迫，想打返個靚邊爐～就簡左呢間位於銅鑼灣嘅餐廳，地鐵站行幾步就到了🥰二人套餐 $289套餐可以揀湯底肉類同埋麵食，而肉餃拼盤同新鮮蔬菜就預設好。唔太食得辣嘅我就選擇了酸菜白肉鍋，雪花肥牛和米線。😎酸菜白肉鍋本身已經有好多配料，酸香嘅大白菜湯，令到五花腩冇咁膩，更加想夾多幾塊。另外仲有寛冬粉、冬菇、粟米等等，超豐富！🤩雪花肥牛嘅肉味好濃，而且好鮮嫩。丸餃拼盤就有墨魚丸、香菇貢丸、魚皮餃同台灣蛋餃。另外仲有五色蔬菜拼盤同米線。真係超飽超滿足啊😛

午餐二人餐 $289酸菜白肉鍋有大量酸菜、白肉、蕃茄、冬菇、寬粉條、粟米，湯底酸酸地好開胃，唔辣亦唔油，重蕃茄味，清清地幾啱我口味，白肉醃過重胡椒味，煲得耐都唔會好鞋。寬粉條好吸湯，質感煙韌，食極都有，份量好多，好飽肚。丸餃拼盤魚皮餃外皮煙韌，蛋餃飽滿，蛋皮包住多汁的肉餡，墨魚丸夠彈牙，香菇貢丸大粒脹卜卜，整體都唔錯。雪花肥牛牛肉雪花均勻，入口軟腍，唔會雪到死實，打邊爐點可以冇肥牛呢！五彩鮮蔬盤打邊爐都要有菜，先食得健康，有冬菇、金菇、娃娃菜、油麥菜、生菜，二人份量啱啱好。米線米線彈滑，不會斷開，煙韌度適中，吸哂酸菜湯底，淥一淥就食得，唔好太耐會太腍。

今天同家人到銅鑼灣購物逛街，走到駱克道京都廣場，發現一家老鍋臺式火鍋，感覺不錯隨即上到二樓，店裏環境寬敞明亮，中式風格古香古色，很有特色，每個人可以根據自己喜歡的口味去選擇適合的碗料，都是自助的。 我們要的酸菜白肉鍋：老式銅鍋裏配有肥瘦相間的豬肉、酸白菜、香菇、玉米、寬粉等，食料十足，湯底酸中帶有一點點甜味，鮮味濃郁。白肉肥而不膩，香韌有嚼頭；寬粉薄而透亮，入口即溶。雪花牛肉新鮮美味，口感極佳；拼盤裏的魚皮餃、蛋餃、魚丸、牛肉丸每種各兩個，吃起來都是那麼鮮美可口，入口彈牙；新鮮的蔬菜油麥菜、娃娃菜、金針菇、香茹、萵筍葉等讓我們有機會補充到了更多的維生素，就連光滑細膩的米线都是有型有款的！節日裏和家人在一起逛街吃飯感覺很開心的。

同朋友約左銅鑼灣shopping，行街前去打邊爐😜，食完先行街可以快d消化😌呢間OpenRice預先book定位有折的。1️⃣酸菜白肉鍋（有菜、肉、粟米、菇、寬粉條等-酸菜一向好開胃，真係好鍾意酸味味既味道，入口好開胃，湯底酸中帶甜🤣☺️，白肉唔會太薄，好有口感👍🏻呢個鍋原本有少許蔬菜，感覺又健康左dd 😂湯底配埋寬條真係好正☺️2️⃣嘉美農場雞肉-超級驚喜系列！必點！份量充足之餘，雞肉真係好夠嫰滑，真係超出預期😍😍😍 下次再食都一定一定會必點，而且肉感唔肥膩，女生都可以放心食多兩舊😝😝😝3️⃣鹽酥一口豆腐-賣相吸引🥰外脆內軟，味道亦唔會太鹹，最重要係酥炸之餘唔會「成口油」

今次食咗火鍋，呢到嚟銅鑼灣地鐵站都好近，非常之就腳，由地鐵站出口步行大約1至2分鐘就已經到，所以地理位置係佔優！我星期六嚟到餐廳大約下午1:00，一啲都唔多人，所以完全唔使排隊👍🏻入到去佢個座位都好舒服，擺位都好闊落，所以食得好舒適今。次食咗最多優惠餐我哋揀咗一份雪花肥牛，仲包左一個湯底，我哋叫咗麻辣湯底，麻辣湯底完全唔辣亦都麻嘅味道，所以唔會食到個嘴都紅。嗰份牛可以配個湯底之外，仲可以配沙茶醬或者豉油！仲有好多唔同嘅特色丸，例如貢丸，魚皮餃等等，我哋呢個餐仲包左每人一碗飯同埋蔬菜，包我哋夠飽！如果大家想要飲品嘅話，呢度都可以加錢叫唔同嘅飲品！

銅鑼灣京都廣場不嬲都好多嘢食好耐都冇打過邊爐🥰見到呢度都幾有特色既湯底 就二話不說大多數都係卡位 環境闊落亦都非常有格調🎈食得打邊爐都一定會熱氣 優惠價既呢個排毒嘅烏龍茶其實都唔錯仲要係凍凍地 好好飲 茶味都好出 不過就唔太飲到有桃味叫咗個台灣香腸小食 份量都好多 煎得非常香口 呢個酸菜白泥湯 其實入邊食材嘅份量都好多有香菇 粟米 蕃茄 五花肉 木薯粉等所以其實都唔使另外再嗌咁多野食佢個木薯粉煙煙韌韌 仲可以吸埋啲酸菜嘅汁湯更加唔使講非常鮮甜 亦都有浸浸嘅酸菜味不過要留意到最後冇乜湯嘅時候 酸味就反而太出額外叫咗一份無花豬肉 呢個必定要食！肥瘦分明 入口唔鞋 好有水準雖然未去到入口即溶 但係都係非常好食呢度呢個豬肉丸非常好食 應該係人手打制你會食到鮮肉味 亦都唔係好實好硬魚皮餃就同出邊食嘅差唔多估唔到呢個價錢都可以有咁多皇帝蟹棒其實成餐都好抵食 湯鍋已經都包咗好多材料唔需要額外再添加 我哋變相識到超級飽

老鍋台式火鍋火鍋就食得多😍 見到呢間火鍋店係台式火鍋 🍲就想試下有咩唔同🤓酸菜白肉鍋酸菜白肉鍋原料是大白菜，酸香又脆口的酸白菜，解左五花肉的膩， 變得令人非常開胃，鍋入面配埋，寬粉條 ，粟米 🌽，冬菇🍄.... 非常豐富嘉美農場雞肉雞肉肉質嫩滑、脂肪少、雞味濃蟹子墨魚滑（一份）墨魚滑爽脆彈牙， 加上蟹籽 ，脆卜卜嘅質感令到口感更加豐富鴨血本人好鍾意鴨血比較嫩，久煮不硬，口感相對細嫩爽滑台灣蒜香腸口感紮實，濃郁蒜香味，令香腸香甜不膩冷泡白桃烏龍茶帶點微甘既烏龍茶在帶點清香嘅白桃香 非常之清香開胃

平時酸辣米線食得多，酸辣火鍋就真係第一次 8點半入座仲有7折！！今次係俾呢個酸菜白肉火鍋吸引而來🤤🤤嘩，十分足料，蕃茄，冬菇，粟米，腩肉，娃娃菜，仲有好多薯粉，兩個人食曬呢個鍋d料已經有五成飽，味道唔錯，飲咗兩碗湯😋 呢個丸款色就多，蝦丸墨魚丸牛丸都好彈牙，但個梅菜豬肉丸&鹹蛋黃豬肉丸，個人覺得麻麻地😅可能食唔慣咁嘅配搭。呢碟手切肥牛，有驚喜，不過二百幾蚊就細份左小小台灣香腸小食好可口，脆卜卜👍🏻

环境：在美食街駱克道上面，有個臺式火鍋又平又抵食，服務又好，朋友聚會被拉上黎試一試，果然不同。服务：樓面姨姨勤力加湯加水。經理服務好好，餐廳氛圍唔錯。|三秒嚮玲^真系數第三秒就可以摞出來食。所謂「打邊爐必食響鈴」。脆而不幹，嫩而又滑，證明豆皮好滑。|安格斯雪花肥牛^油花細緻，口感爽脆。雪花肥牛真系靚，肉質鮮嫩不油。襯晒我地選擇噶花膠椰青雞湯。|花膠椰青雞湯^椰青有豐富的椰汁，清香甘甜 解熱生津，椰青的果肉較少且嫩，打邊爐雞湯都會鮮美。鵝肝丸上面系黑松露丸，下面是有包含住鵝肝噶細丸。真系揾到細細舊鵝肝。

好一段時間沒有來這裏吃火鍋, 晚上實在有點難book位, 轉戰 假日午市來這裏, 輕輕鬆鬆又避開人潮高峰。好掛住白肉酸菜鍋， 有好多材料， 粟米、冬菇、 白肉、 韭菜、 大白菜、 裸條。 湯底酸酸辣辣 ， 最鍾意裸條吸收曬湯底嘅精華， 滑捋捋 煙煙靭靭。羊肉一份羊肉幾份量都不少， 肥瘦適中， 輕輕灼幾十秒已經食得， 肉質都算幾滑。蛋餃蛋皮煙煙靭靭， 豬肉餡料 味道也不錯， 放在白肉鍋 吸收湯汁精華之後陪添美味。魚皮餃魚皮餃大大隻 ，唔係平時喺凍肉舖見到嘅貨色， 煮熟嘅魚皮餃外層煙韌， 好有咬口。皇室魚肚第一次試皇室魚肚， 原來即係好似雞扎入面嘅魚肚， 好鬆化又爽又滑捋捋， 最鍾意就係呢啲可以吸湯嘅食物， 真係最啱打邊爐。椒鹽豆腐每次嚟都會order ，最鍾意就係 呢個小食， 椒鹽炸豆腐， 大量風沙炸蒜， 撈埋豆腐一齊食超好味， 豆腐外皮香脆內嫩滑， 細細粒一口接一口。

兩個人叫咗個酸菜白肉鍋、手切牛肩肉、鴨血、腐皮、雜菇、冬瓜茶同烏龍茶。個鍋底都幾多料，有粟米、蕃茄、酸菜、豬肉同寬粉。不過我覺得味道酸咗啲，下次再嚟就會試吓佢個椰青雞鍋。鴨血好滑，牛就一般，腐皮幾得意...... 飲料方面鍾意甜就可以點冬瓜菜，唔甜就烏龍茶！最後九折咗$630埋單。

對於一個一年365日都可以打邊爐嘅瘋狂愛好者，因為好懷念台灣嘅養生火鍋，就嚟到食火鍋！地點非常之方便，喺正地鐵站對面，個餐廳好闊落同埋好大，起碼食嘢嗌好多餸都唔使迫迫埋埋，又驚推跌野，食得咁辛苦啦今次貪心既我就食咗鴛鴦鍋，老鍋秘製麻辣鍋（小辣）➕酸菜白肉鍋！有啲可惜係應該叫中辣，有啲唔夠喉，但係如果大家唔食得辣嘅話，咁小辣我都唔會建議因為佢越煲越辣！而酸菜白肉鍋個味真係好驚艷，開頭以為會係酸菜魚嘅湯底但事實上係比較好似胡椒豬肚湯嘅味，即是落晒啲羊肉之後都唔會好油膩，齋咁飲湯酸酸哋好開胃！另外係本身湯裏邊已經有啲食材，例如有唔少白肉同鴨血！齋食個煲都好多餸啊！涮鍋小羊肉片 $98羊肉片一啲都食唔出騷味，而且有肉味真係同好新鮮，抵食！福州丸湯包（半份）$48我開頭以為呢個係小籠包點知原來係類似潮州貢丸，好大粒，好多汁鮮造韭菜餃（半份）$48作為一個韭菜迷，個餃子肉比韭菜多，淡啖都係肉，好好食，唔係超市買到嘅韭菜餃寬粉條 $48呢個粉條唔係出邊街食嘅咁寛，但神奇嘅係佢煲咗15/20分鐘都依然好有咬口，吸晒啲麻辣汁酸菜汁真係好香好入味！鴨血 $68啲鴨血好新鮮，雖然難啲煲得入味，但係佢好挺身有

中午食火鍋，總覺得會比夜晚少人，今日星期日中午，一於中午食火鍋，食飽先慢慢行街了。先叫鍋底，是一個酸菜白肉鍋鍋底本身用料充足，已經有白肉，菇，蕃茄，栗米等等既食材，已經令人好期待。而且唔油，令怕肥既人都可以好放心食。 配料方面，嘉美農場雞肉- 雞肉好滑，完全沒有雪味，反而煮整都一樣滑，好濃既雞味。蛋餃- 皮比較薄，好快已經熟可以食，而且一口可以食得完。福洲丸湯包- 爆漿既丸物。一煮好大大粒，一咬開裡面係啖啖肉，記得吹凍少少先好食。 打邊爐又點少得響鈴卷，一上黎既時候仲係熱既，證明新鮮炸起，比一般既響鈴更加正，更加脆，更加香。吸曬酸菜湯既精華。再黎就係峰巢豆腐，一直覺得豆腐係必食，峰巢豆腐又比平時豆腐實少少，打邊爐冇咁易爛，而且係吸湯方面既功力一流。再整兩個王子麵，王子麵幾乎係台灣即食麵象徵黎，超正。熟食方面，鹽酥一口豆腐亦十分正，等食物煮熟個陣可以食住先。飲品方面叫了白桃烏龍，茶去油解脂，配火鍋一流。