老鍋台式火鍋 (京都廣場) (已結業)

下晝喺銅鑼灣行街，又心思思想打邊爐，就去咗京都廣場既老鍋到開餐。座位有大量卡位，亦有圓枱選擇，地方大，坐得舒適。外面嘅自助醬油區清潔乾淨！我地揀咗酸菜白肉鍋做湯底，雪花肥牛，丸餃拼盤(墨魚丸，香菇貢丸，魚皮餃，台灣蛋餃，各兩粒)，另外仲有個五彩鮮蔬盤。酸菜白肉鍋非常足料，有酸甜大白菜，豬腩片，粟米，冬菇，寬粉等等，好豐富！湯底酸酸甜甜好開胃，一定要飲番碗湯先開始打邊爐！豬腩片爽口，肉味香濃；粟米好清甜！寬粉煙煙韌韌索哂湯嘅精華，真係啖啖滋味！雪花肥牛肥瘦均勻，淥完之後，口感依然細嫩，一啲都唔韌。丸都唔差，粒粒爽彈，魚皮餃皮薄餡靚，而且仲有個健康蔬菜籃，中和翻肉膩感。最後仲有個米線，好飽呀！