美味佳 (已結業)

有一晚係黃埔附近睇完戲已經差不多夜晚十點想食宵夜之際 諗起附近有間好出名嘅美味佳 專食串燒 於是去左食行到去 當晚堂食店竟然冇開門口有紙寫住話附近有另一鋪位專做外賣的則照常營業而外賣店當晚在後巷也放置了幾張枱所以都可以坐低食外賣生意的確很旺店員也提醒我地下單後大概也要等半小時落單時可選辣或不辣我地揀左小辣味道的確不錯很喜歡調味粉嘅味道特別推介是墨魚咀爽口之餘配合調味粉辣辣地之餘又有少少甜甜地串燒款式很多最多人叫是雞全翼拎上手慢慢食 很滿足價錢亦都抵＄25有三隻雞全翼環境氣氛： ★★☆☆☆食物質素： ★★★★☆服務態度： ★★★☆☆

今日又去紅磡搵嘢食。呢間美味佳已經有好多年歷史，之前經過幾次，都排晒長龍，今日終於有幸所以一試！小店冇特別裝修，似大排檔，但尚算整潔，啲呀姐態度很好，唔趕客，我哋分開幾次落單，都冇嫌我地麻煩！一嚟就梗係叫招牌車仔麵啦，＄30有3個餸包野飲，去邊度搵呀！我揀咗五香肉丁、牛腩、魚皮餃配幼面，唔洗驚一碗會KO你，就係份量唔太大，俾機會你嗌其他嘢食值得一提嘅係個車仔麵湯底唔係平時果種，係有薯仔同豬骨架！之後唔少得嘅就梗係要嗌佢啲串燒啦，王牌呀！叫咗三吋雞中翼一串兩隻都係＄25咋！有蜜糖嘅甜味又有惹味孜然粉！食串燒唔少得嘅梗係肥牛韭菜卷啦，有肉汁架，最後唔夠後仲叫多個蛋炒腸粉，腸粉好香呀加左蛋好特別！呀姐係即叫即整㗎熱辣辣！梗係會再幫襯啦

蛋炒腸粉（$16）/串燒牛脷（$11）/串燒豬頸肉（$11）/燒雞中翼（$10）/串燒韭菜（$8）/燒茄子（$18）👅講左一排想試美味佳😆住紅磡同讀Poly既朋友仔對呢間野應該唔陌生啦😎😎😎串燒牛脷同豬頸肉好爽口好juicy😋雞中翼都好香口👍🏻燒韭菜同燒茄子都係之前返大陸食過覺得好正😆所以學識左叫呢兩樣嘢食😝韭菜燒得啱啱好唔會好乾，茄子都燒得好林👍🏻不過我就覺得啲調味就落得重手咗啲🤔聽人講呢度啲調味都係好random睇彩數🙈🙈我最鍾意最鍾意係嗰碟蛋炒腸粉呀😍😍😍😍加左蛋煎有蛋香又煎到好香脆咁👍🏻啲蛋痴咗係啲腸粉到食落更加有口感😙雖然唔係啲好好食嘅腸粉，因為比較厚身🤔但加埋啲混醬同蛋，成個配搭好有魔力😈會不停隊入口🙈🙈雖然好似全部嘢食啲調味都差不多😂都係落孜然粉，但咁百搭燒得又香又惹味😋😋仲要食咁多野幾個人除番開咁平😍唔怪之得咁多人黎捧場啦～

記得唸大學的時候，很喜歡到西營盤附近的一兩家串燒店，喝啤酒吃串燒。這晚收工後到了紅磡跟妹妹搵食，今天的大學生就帶了我到美味佳吃串燒。她說理大的學生都常來這裡吃宵夜，而且車仔麵也好吃，所以推薦給我。真的，這裡好正，而且比起我大學時期喜歡的那家，美味佳的價錢相宜很多，點得落手好多，嘻嘻！晚上九時多，落單後待了十分鐘左右便有位了，不算久。店內環境擠擁，好熱鬧的，有些食客自己帶啤酒來伴串燒吃，其他人就自行取飲料，埋單計。最喜歡這樣的親切感覺！蛋炒腸粉是這晚我最難忘記的，這是大學時另一家宵夜店的招牌（我們叫它腸蛋）。今天看回頭，原來只是我們的世界太小，這小食應該很多地方也有？哈哈。美味佳的真的弄得很好錯，腸粉的質感也太好了。停不了口的我一口氣吃畢了大半碟。聽妹妹的推介，點了三餸車仔麵（菜、豬皮蘿蔔和牛腩粗麵），連凍檸茶也只是三十多元，好經濟。這湯應該是以很多豬骨煲出來的，可能是晚上的關係（還是日間也是這樣？），店員潷了好多豬骨和薯子給我們，肉好淋，很好吃。但湯就咸了點，我想應該是鹽重手了，妹妹說平時沒這麼咸的。我們還點了串燒雞全翼、蘑菇和韮菜，全都很好吃，不會太油，但十分惹味。我是個很佬的食家，

就算我唔係理大人，都知「美味佳」是理大生的宵夜聖地。唯一唔好是呢度夜晚真係好多人，要等好耐。反正我多是獨來獨往，所以除非約了人，否則我通常會在下午一些九唔搭八的時段來，咁就不用等了。此店雖然也賣車仔麵，但我真係冇興趣，來這裏主要食的是其港式串燒，當中尤以雞全翼為首選。呢度的雞全翼燒得唔算太乾身，還有少許肉汁，總體而言勝在大大隻有肉地，加上我喜歡吃雞翼尖，因此全翼最啱我。值得一提的係呢度食全翼order三隻會平少少，所以我通常都會食三隻。不過，今天來之前已吃得飽飽的，這次只吃一隻算了。另外，我亦喜歡這裏的豬腩肉及韮菜，加埋孜然粉來燒味道剛好。至於此店另一名物蛋炒腸粉雖然幾香口，但我反而不覺得特別，因為蛋並不是沾滿全條腸粉，還是專心食串燒好了。畢竟這裏的串燒買得好便宜，即使叫一大堆都係七、八十元，甚抵也！

個人很少係香港食類似嘅燒烤店，第一次黎美味佳試食，整體而言這家燒烤店不錯。最初進去人流不多，坐下後店員看見我們兩個手拿飲料，就提醒我們不可以有其他店的飲料進去店裡。幸好牡話罰錢。等左大概係15分鐘就有開始陸續先後我地共5碟嘅上檯😍。兩個女仔食5碟野🤣。燒烤的食物都好味（應該係我太耐牡食）。共食左140蚊左右除此以外，仲係附近有間叫coco都可 的野飲係我想飲好耐嘅野飲。價錢不貴，一杯珍珠奶茶大概17蚊，同以前一樣

新年夜一夜去紅磡，間間食市都無開門，得番美味佳有開門，已經對佢有好印象，再加上味道唔差，於是乎再去幫襯。未坐底，店員講明等成個鐘先有得食，都無所謂啦，食吓煙傾吓計，好快一個鐘。新年幫襯，等咗45分鐘，第二次幫襯，真係等足一個鐘，好多人聽到等一個鐘，即走。當然，生意太好，每枱叫嘅食品又多，漏單在所難免，明白。燒牛舌，燒九菜，燒豆卜，燒全翼，燒雞腎，燒燒賣，燒牛肉，燒栗米，燒茄子，牛油金菇，炒腸粉..... 等咗成個鐘，咩都叫一份啦...其實燒烤食品唔難處理，只要唔係燒過頭，唔係變壤，基本上經過碳火燒過都好惹味。每款食品，美味佳燒得唔錯，唔會燒得太燶，係市區想食燒烤食品，又可以泊低部車係旁邊，又可以食煙，又平，有街邊風味，老板娘又有禮貌，唔俾個 like 對唔住自已囉！

以往由讀大學時已經係佢既捧場客，宵夜好去處！但今晚一肚氣！！本身諗住好耐冇去幫襯，就帶幾個朋友去啦門口一如既往多人，落單等位啦～等得耐都預左，但阿姨阿嬸阿婆d態度勁「好」！ 心諗....好食都唔係要黎受氣瓜？！今晚佢地仲上演一幕幕內訌對罵，然後 d野食又黎到亂晒又漏！叫既冇黎，黎左一次又再黎！D串燒燒得又黑又乾！等碟雞蛋炒腸粉又等左勁耐！阿嬸仲要死撐話排緊隊整 明明隔離枱遲黎卻已經食完走埋！！！今晚經歷： 一個字 --> 差......

今晚選擇紅磡食好西=]自從上次去完九龍灣，食唔到個平民漢堡，個心就一直鬱到而家打算去紅磡食平民熱狗1987啦，點知....去到無開門....😭😭無乜心情之下，唯有怒食其他紅磡出名既小食啦😏一直都知美味佳多人排隊，而且因為即叫即燒，所以通常都要等好耐雖然已經7點3到，但職員話要預番半個鐘因為油煙味好重，所以四圍行左一陣點知番到去已經過左幾個籌..原來職員當時既意思係指，要食哂D野要預番半個鐘，而唔係等位入去坐要半個鐘😵 蛋炒腸粉 $16蛋太少太碎，食唔出蛋味。腸粉微微炒到少少焦，有焦香位既腸粉比較好食。另外加上醬油、麻醬、甜醬同白芝麻，其實味道同齋腸粉一樣。串燒韭菜 $8由於燒既關係，所以一定乾身，表面灑滿香料粉，但個人覺得鹹得制；而且韭菜本身好高纖維，好難咬得斷，而家乾左仲難咬...串燒花枝丸 $12花枝丸同平時係街市買既一樣味，唔會特別彈牙，只係多左香料味燒原條茄子 $18送上枱果陣賣相唔係咁靚，蒜蓉只係薄薄一層，但仍然有蒜香。茄子燒到好多汁，一D都唔乾，亦唔會太鹹韭菜肥牛卷 $12一卷有四件，韭菜比肥牛包住黎燒，所以仍然保持到水份，不過肥牛味食唔太出。建議成件放入口，因為韭菜好難咬

有位朋友介紹話紅磡區呢間串燒幾出名而且價錢又平,所以專程過黎試下係咪真係咁正.聽聞呢度夜晚要排好耐先有得食.試完又覺得普通La,唔係話好好食,係平囉!最推薦係佢個招牌菜:蛋炒腸粉,係幾香口,口感似炒河粉.果日因為係星期六收工去,所以唔算多人,等左20分鐘就有得食.呢間野比我感覺都幾大陸feel,裝修懷舊,播埋D 8,90年代既歌,果日我同個fd坐左兩,三個鐘,播D國舊語歌播左好多次.如果唔洗排,都可以考慮下再過黎食既.

識食嘅朋友推介過呢間燒烤 所以就約左一齊去食好東西當日系星期六 夜晚7點令左右 去到已經好多人系度食緊 大約等左20mins 環境都系好地道同大排擋feel 有圓枱 有長枱 所以唔好期待超級乾淨樓面姐姐態度良好落單上菜收碟手腳都好快！所有食物都系即叫即做 即叫即燒首推 蛋炒腸粉 第一次聽已經覺得好新奇😂 一試更系停唔到口估唔到炒蛋同腸粉可以咁夾 加埋d甜醬花生醬 芝麻成個感覺好香好有口感 食多左都唔會覺得膩同濟！燒全翼 雞皮燒到脆脆地 但入面雞肉仲有肉汁同嫰 唔會乾爭爭 食損個口佢落嘅孜然粉令成隻燒雞翼嘅變到好惹味！擔擔肉 好滿足另外試埋燒茄子 （皮卜卜脆 茄肉軟滑 加蒜蓉一齊食好香但陣蒜味系口到都last好耐 帶定薄荷糖）豆卜（個人覺得太乾） 雞比菇（咬落好多汁 感覺新鮮同清新）燒賣 雞軟骨 （惹味同脆 好有口感）注意呢度唔比 外帶野飲 如果唔系佢會系埋單個陣加錢 個度有汽水、津路等飲品賣 價錢同市價差唔多～

知道紅磡有好多小店今日就黎到出哂名既串燒店怪自己笨豬 行左好多冤枉路先搵到間餐廳去到既時候撞正lunch time全場爆滿甘岩有枱準備走 我地先有位坐我地既位置係最近門口果一枱因為第一次食 唔知規矩原來係有張紙點串燒我地仲笨豬到係車仔麵紙後面白紙寫自己想食既串燒=="菜牌都係睇返wall上果d本身都知道串燒有排等所以都叫左汽水飲住等係隔離見到串燒師傅由頭到尾一直燒 無停過好努力 俾個like師傅終於有得食啦由於係輕食,我地只係叫左幾串黎食串燒都落孜然粉 仲可以自己落沙嗲醬首先係我呢掛好鐘意食既燒賣燒到有D燶 不過外皮香脆之後我比較鐘意既串燒雞翼係幾好食 夠大隻同juicy雞軟骨同五花腩都無咩特別我同朋友都覺得可以唔使特登黎食既店員臉上都話哂俾人知佢好忙我都無特別煩佢地

相信理工的學生對於美味佳一定不陌生，特別是住hall的同學仔，宵夜時段簡直是人山人海。這次我們就比較特別，選擇了中午去吃燒烤，由於覺得中午輪候的人會沒有這麼多，速度也會相對地快一點，結果我們實在是太天真了！我們透過電話下單，外賣自取，職員告訴我們15分鐘可取，對於非常肚餓的我來說實在是天大的好消息。但結果友人放下手上的research，15分鐘後去到得知還要繼續等，他感覺完全被fake，哈哈。總的來說，這次的燒烤感覺實在一般，不知道是何時開始，感覺美味佳除了等的時間太長外，便沒有任何特色了，再也回不去第一次吃時的味道了。下面會放上部分的照片，拍得比較急促，也沒有好好抓住角度等等，還請見諒呀。第一個是燒茄子，茄子相信是許多人吃燒烤必點的東西，但這次外賣的茄子賣相不好看，味道也非常一般，完全失水準發揮。還有貪新鮮點的燒菜心，結果菜心太老，有點失望。友人第一次見到有人燒烤點燒菜心，被笑了好久哈哈。接下來是蛋炒腸粉，這個是我想要推薦的食物，大概本來我就是好蛋之人，感覺這樣的炒腸粉是別有一番風味。蔬菜這次只叫了韭菜、豆角和菜心，感覺豆角和韭菜都是沒有什麼味道，大概是所有東西的味道都是同一種味道吧

食物雖然很好食，但是外賣經常有問題，不是漏了幾串食物就是收多了錢，建議外賣既人可以check清楚。同埋時間方面都要等1-2小時才食得，佢地只會講等45分鐘但實際時間是長很多的

一直都好想試下美味佳！因為好多時晚上經過都見到室內爆到街上都要加檯！仲要有好多人排隊等位！又見到食評唔錯宜且價錢經濟！咁啱今晚成9點幾又經過美味佳，見冇乜人排隊，心諗今次有機會試到！行到埋去，同姐姐報人數！姐姐問坐街有冇所謂！咁當然ok啦！因為當晚天氣清涼，坐街仲唔使捱油煙味添！跟手姐姐問要等45分鐘先有得食！既然一場黎到就等下啦！睇下張點餐紙！都幾多選擇！而且真係好經濟！唔怪得咁多人食啦！見到咁，就呢樣又叫下嗰樣又試下！燒烤要等成45分鐘又見有D凍，先整碗車仔麵暖下胃先！慢慢d野食開始進場雞翼我個人覺得燒得好香同仲好Juicy. 另一樣我覺得都唔錯就係茄子，因為燒得時間夠，茄子已淋哂！基本上所有野都不過不失！唯一就係調味就比較劃一！可能大陸串燒既通病！都係辣粉加孜然粉！不過佢地有另一個調味問題，就係加左蜜糖！唔係咁夾！車仔麵就真係麻麻地！下次可以唔叫！好啦！到最尾先知道出事…因為真係點左好多野食！當然唔會浪費食物啦…食唔哂要打包走人埋單$350…因為實在叫左大多野！如果正常估計應該120-130都好夠！抵食就真係好抵！不過就自己衡量有冇耐性等咁耐…