美味佳 (已結業)

好多人去紅磡都食"美味佳"依間賣串燒🍢, 車仔麵嘅店😄因為夜晚係特別多人食,要排好耐先有得食🍜所以特登中午時段去食😆就唔洗排隊😎之前路過美味佳門口,已經聞到勁好串燒味😜今次終於好機會去食啦😍牛油焗金菇($17)金菇好入味😉蛋炒腸粉($16)等左好耐先有得食😌，但味道唔錯👍蛋味好香，腸粉煎到好香脆😍啲😙而且仲有好多醬，蛋配腸粉依個配搭好夾😍不過食完覺得好口渴😅燒茄子($18)賣相一般，表面有蒜蓉，茄子燒到好淋😄,多汁，唔會太乾☺ 食完之後蒜蓉味係個口last好耐😅燒雞中翼($10/1串, 25/3串)每串串燒有落左好多孜然粉😃所以聞落好香😋雞翼好juicy😍雞軟骨($8/1串, $13/2串)惹味而且好脆, 😄口感唔錯😜串燒雞肶菇 ($8/1串)咬落好多汁流曬出嚟😍,味道唔錯😋雞腎($9/串, $20/3串)雞腎好香, 燒得岩岩好,唔會太硬太乾❤

平時lunch time美味佳都未開，放學又唔會行過呢邊喎，今日放學肚餓就專登走去買🙈間舖好細間，冇咩位坐，啲人去到通常都係叫外賣拎走🙈認真冇誇張，我真係未食過咁好食既燒雞腎，雖然9蚊一串有啲貴，但係好食就得啦😂佢一入口就已經成口都係啲香料同雞腎香味，仲要燒得啱啱好！平時啲雞腎煮耐左會好硬，但呢個唔會，好爽口，脆卜卜🤤🤤雞全翼都好食，啲肉夠林，啲皮仲燒到好香好脆😋但相對雞腎黎講就冇咁驚喜啦🙈啲個蛋炒腸粉相對之下比較冇咩特別。啲蛋味唔多突岀，仲要落左好多醬料，蓋過左陣蛋香味🤦🏻‍♀️不過勝在炒過，比起一般腸粉口感豐富啲😆

個個都話人氣小店，終於都去左試店面比較簡陋同混亂，加上一群群的年輕人比較多，環境好嘈好雜亂，樓面好似無呀姐落單，好多人行埋去廚房落單，不解。。。。。講聲就得，無單，真心佩服呀姐又要整野食又收錢又記得哂咁多人要乜蛋炒腸粉係必食，一個人食唔到幾多，加多串串燒剛好，點了最愛的墨丸，試下功力見到人地碗車仔麵黎，我就覺得自己叫對了等候時間比較耐，但眼見呀姐係幾用心炒，炒出黎唔熱氣唔會好脆硬度剛好，蛋味好香，落哂醬料，個底有好多花生醬，好評，都係令到碟野更香的關鍵，份量也是一個人食完唔覺得濟墨丸串燒也是美味！呢種墨丸鬆鬆軟軟配上香料真係好惹味！好想再黎一串！不過呢到適合咩人群？我覺得真係岩哂返學的候生仔，食個腸粉又一餐。老實講，好在味道同呀姐人情味救返個環境。。。d位迫到俾後面位細路撞到兩下人情味就係，我當日忘了禁機帶唔夠現金，呀姐好爽快俾我去銀行禁機再返黎！！！呢下真係！！！比著係譚x米x一早叫你俾身分證寫欠單啦！小店真係唔同！！下次會再黎！

住黃埔既朋友應該都識呢間人氣小食店架喇，主要係提供多款串燒。而我同男友就係比佢既蛋炒腸粉而吸引去既😻提醒大家因爲人多，而且串燒製作需時，所以有時間先好去呀。🔻蛋炒腸粉($16)見到師傅都好有心機炒，落左蛋漿就上碟喇。聞落好香，賣相亦夠晒吸引，食落夠晒香脆！比平時食既煎腸粉特別，但如果多d蛋會更加好👍🏻🔻雞軟骨、牛舌、雞中翼串燒我同男友都覺得串燒過份重甜味，對個調味比較失望。可取既係牛舌唔會燒到過乾，仍然juicy，但個人都係喜歡厚切多d😽有冇同好🙌🏻？眼見好多街坊都order雞全翼，下次經過會再試試，但唔會再特登去食喇😺

呢一間美味佳出名食燒雞翼，的確佢嘅燒雞翼幾出色，尤其是串燒的價錢好抵，$21蚊可以食到三款雞翼，雞翼尖或者全翼。不過就真係等得好耐，佢係即叫即燒，所以叫一轉串燒可能都要等返半個鐘頭以上先有得食。另外佢嘅蛋炒腸粉都好出色，腸粉煎得好香，仲有少少蕉，所以食落好有口感。食一次美味佳，我諗要預成三個鐘頭先能夠食完，因為你要等位，仲要等食。

之前已經特登嚟過幾次，今晚嚟開紅磡就一定要嚟食佢星期五晚凌晨1點左右嚟到，竟然唔使等位之前嚟嗰幾次都要等一陣位，今晚竟然唔使等，即刻有位，正基本上啲串燒都係$15以內就有燒雞全翼$25就有3串，好抵食三個人食，價錢唔貴，所以我地都好似當放題咁落單第一輪叫左小辣，所有串燒都係蜜糖味咁甜甜地再加孜然粉味，枱面上個有沙嗲醬沙嗲醬味道濃郁，好香花生味，令串燒更加惹味最好就係佢擺係到任你加，每啖串燒都充滿住沙嗲醬平時11點幾嚟嗌完通常都要等30-45分鐘，但今次等左15-20分鐘就有嘢食😆第一碟~最正就係午餐肉($12)!!!!面頭燒到好脆，入面就好淋，好香口😍😍😍牛舌($11)好爽又有咬口飛魚籽腸($12)雖然同台灣既飛魚卵香腸無得比，但都係唔錯既選擇燒燒賣($11)普普通通，唔算特別魚片頭($11)唔多彈牙，但加左沙嗲醬都幾惹味豬腩肉($12)味道一般雞全翼($25/3) 25蚊有3隻雞全翼，好抵味道還可以，但唔算多肉。依個價錢嚟講，都可以接受獅子狗($9)都係較普通，無乜特別豬頸肉($11)好爽!!!配埋沙嗲醬一流!!!牛舌($11)有咬口，唔錯雞軟骨($13/2) 味道一般芝心丸($12

其實不時都會來美味佳吃個宵夜串燒，每次來都很多人。因為附近多住宅，又有poly。好彩今次立即可入坐，但等食物的時間也頗長。因為我和友人都不太吃肉，所以點了較多蔬菜類。蛋抄腸粉絕對是美味佳名菜，吃串燒之餘每次都要叫一碟。腸粉很滑，炒過後外皮帶一點脆，混醬的比例十分合適！好味！茄子是原條燒的，抵食，但在表面的那些味粉有點太多了，太濃味牛油金菇，份量不少，吃之前記得撈一撈，牛油都在底部。雞肶菇！燒完之後都十分juicy，彈牙！最愛燒豆卜！三個人叫了十串。。😹燒了的豆卜外皮香脆！還帶一點甜不過每次吃完都十分口渴。店內很多人很噪，如果想坐低傾計就不太適合了🌝

如果鐘意濃味既野食就岩曬... 雖然咩都試一串... 但都好飽下喎... 唔飲汽水唔得... 阿姐落粉好重手... 試一次就夠啦... 食唔夠太濃味既野... 見台台都會叫雞全亦... 唔係一串... 係好多好多串好誇張... 但唔想食得咁麻煩所以點雞中亦 XD 果然雞亦燒得好靚... 脆肉瓜味粉唔多脆肉瓜又爽~ 食咁多串燒緊係要食下菜啦~ 燒茄子個粉濃味又辣... 食唔到... 腸粉一般~ 牛舌同豬頸肉夠淋~ 價錢大眾化所以成日都咁多人排隊... 燒野要時間... 所以一座底就要快手落單唔係就有排等...

由2012年開始每年都會幫襯既平民串燒店，舖仔細細，夜晚必定坐無虛席，所以今次揀左5點零呢d時間黎食，唔洗等位、坐得舒服、食物又好快上枱試過宵夜時段黎食，等位一小時，等食物又一小時今次黎食物又加左價了，雞全翼由幾年前$17/3串加到現時$25/3串了，雖然加左價，但老實說仍然係比出面串燒店平的。雞全翼真係必食的，又脆又juicy雞賢係第二最愛，爽口唔會乾$17/3串粟米係第三最愛，超甜燒到有脆既口感，$13/2件蛋炒腸粉以前亦係我必食之選，但今次稍有少許失色，蛋同腸粉分離，但味道仍然不錯值得一試。其實成枱野除左腸粉稍為退步外，其他全部都好滿意，只係未能逐一評價；更重要係，成枱食物加兩罐飲品，埋單先$153！呢個價錢堂食，我相信香港已很難找到，重要有咁既質素

平時真係好少寫食評，實在睇吾過眼好受氣，認真攞錢買難受。不過睇完其他差評之後可能我呢d真係濕碎嘢。今晚同朋友係黃埔，10點半經過貴店舖諗住食少少宵夜串燒都唔錯，門口有四五個人係度等位，見門口坐咗兩檯諗住坐門口熱d都可以接受，問呀姐可否開張檯佢話門口唔坐得。。。唔知我見到果兩檯係咩。。。好啦，咁落咗單等一陣就等一陣。等到11點左右可以入得啦，地方真係好迫伸手就會撞到隔離，不過都理解真係人多地方細。一直坐到12點，來咗6隻雞翼(雖然肉味就無，雞翼尖都係生嘅，不過我鍾意孜然粉味道所以覺得還OK)，3串雞腎(真係好硬)，5串豬頸肉(都係食孜然味ok)，5串韭菜(認真又老又乾試咗一串吞唔落其餘。。。作廢)，一碗車仔米線(無汁揀，清湯，無味道可言，d生菜爛到發黑咬左d綠色ge食，同埋唔知點解加咗兩三舊大豬骨俾我仲叫我食咗佢全部都係骨我真係唔知點食)。之後就一直等等等，係多人，但係唔知點解佢哋上咗嘢食之後無記錄，次次來都係問你食咗乜乜乜未？係咪你哋㗎？有無落乜乜乜呀？等到0010仲有好多野未到，趕住搭地鐵尾班車，就同一個呀姐講我地趕地鐵，未整ge取消之後埋單，佢一句答你：你坐低等啦！好，等咗五分鐘，

黎到黃埔，好多人都話美味佳嘅燒烤好好食架， 話一定要試，本身都幾鍾意食串燒雞全翼，之後喺網上見到蛋炒腸粉，好似好特別自己又未食過，所以經過就你試吓佢啦黎到既味道真係好香，叫咗兩串雞全翼，一串燒雞肉，又平又正！雞翼燒得啱啱好，皮有啲脆，肉質嫩滑，而且佢嘅調味粉好正，特別要試吓佢喺枱面擺嘅醬汁， 有啲似沙茶醬！好令人回味無窮！雞肉都非常嫩，全部都係肉，可以一啖食之後就係蛋炒腸粉，其實聽個名又唔覺得有咩咁特別，但係好多人都話好好食，所以就叫左一個！估唔到味道真係唔錯，腸粉表面脆脆地，入面就軟，加埋沙茶醬，超級正！

說到紅磡必吃一定少不了美味佳, 不論任何日子, 只要晚上過來都總會滿座。是日星期六晚來, 姐姐先給了紙落單, 交單後便會安排座位, 等了一會兒便有位了。與友人點了以下數款試試:蛋炒腸粉: 腸粉滑, 炒過始終較油, 味道不錯燒韮菜: 很有驚喜, 沒想過這麼好吃! 韮菜和串燒粉也很夾。燒雞翼:燒茄子: 另一驚喜之選, 原條茄子加上辣粉及蒜蓉, 好吃得一口接一口!墨魚咀, 燒賣, 芝士腸:就是一般的貨色, 也是好吃的可能今天坐近門口位置, 相對較熱, 下次可考慮涼一點再來或買外賣回家吃。

依間串燒店係紅磡黎講應該都出哂名 最出名既應該係佢既蛋炒腸粉是晚10點左右黎講 都好多人等位 應該有好多都係大學生出黎食宵夜吧 哈哈依到拎位比較特別 要先畫紙交比店員然後就會比個數碼牌比你 我同朋友都覺得蛋炒腸粉冇乜特別 我就嫌佢太油 雖然食落煙煙unun 但味道真係一般 串燒味道都係尚可 雖然夠便宜

有時一大班人聚埋，多數都係食氣氛既姐！而尼到就既岩feel又有mood，岩哂一大班朋友仔尼食宵夜嫁！一切既燒物都要等好耐，事關實在太多人啦！果然人潮就係美食既指標啊！本人最愛燒雞翼，燒茄子，腸粉炒蛋，燒豬頸肉。。。等等。。。所有燒物燒完都會落粉，好滋味嫁！🔺腸粉炒蛋，鐘意既腸粉既朋友唔好唔記得嗌呀，腸粉同蛋原來炒埋好夾嫁！正！(而且可以等燒物既時候，可以食住先)🔺燒豬頸肉！注意！有肉汁！好正！

成日見到佢好多人，甘就排隊去試下，排左個幾鐘 ，野食其實係好普通既野，唔同出面甘多元化，所以佢價錢唔貴。。。野食味道不過不失，雖然唔係超級難食，但絕對唔值得要排隊去食！佢碟韮菜又生又老又粗，根本吞唔到。。。。我件好多人叫完韮菜都唔食，個個燒飯團怪到不得了！紅磡區其實都有好多間既串燒店都好味過佢🤦🏽‍♀️