美味佳 (已結業)

畢業以後， 好少再經過紅磡， 更不用說再食附近食店。當年瘋狂到凌晨12點先落街食美味的“肥婆雞翼”， 到而家仍然歷歷在目，可惜， 上班後已不能再有如此精力去燃燒青春。今日難得與男友一齊放假， 便想回味一下。平日既六點， 大家還未放工， 我們才有機會有位子坐， 而且野食唔使等太耐， （愈夜愈多人， 起碼落左柯打要等九個字）我地叫左燒燒賣， 燒墨魚丸， 雞軟骨， 雞翼同雞肉燒燒賣外面乾爽， 入面仍有少濕潤， 好好味燒墨丸亦非常出色， 大粒， 烤得唔錯雞肉及雞翼都有濃濃孑然味， 好入味仲有係必叫的蛋炒腸粉， 多汁， 多醬， 腸粉配上蛋， 好完美我希望再有一日encore 美味佳

蛋炒腸粉小時候, 媽媽經常會煮蛋腸粉, 估唔到呢類特色小食出街都可以食到美味佳除了串燒出色, 蛋炒腸粉都一樣好味, 都係好多捧場客腸粉加雞蛋炒, 味道會更香, 配上勁多甜醬, 芝麻醬, 芝麻, 完全停唔到口

我諗住紅磡既大家對美味佳都會好熟悉, 只不過其實除左串燒之外, 仲有好多野食都好正。就例如個人最愛既蛋炒腸粉, 油菜多渣, 都一樣咁正。當然, 串燒就推介大家要食豬腩肉同雞脾菇, 都係水準之作。推介大家三五知己去食, 可以食多D款式,不過就真係要等得耐少少,始終串燒都係即叫即燒, 冇返45分鐘都唔使旨意有野食

這小店在這區一直頗有名氣～ 每次經過都見門外聚集着人群 🙈🙈🙈這天十點半還未吃晚飯⋯心想這裡應該不用排太久吧🤔🤔 便來碰碰運氣～ 幸好門外只有兩三組人～ 便邊下單邊等候～ 第一輪先這樣😋😋牛舌和牛肉串～ 牛肉仍然juicy～ 牛舌多了一份爽勁～ 喜歡這家的醃料～ 令肉惹味得多 😋😋雞肉串～ 大大塊雞肉充滿肉汁 😍😍😍雞中翼～ 每串有2隻 😍😍 外皮烤得香脆 雞肉嫩滑😋😋蘑菇～ 大大粒蘑菇不會過乾～ 晒上味粉好好吃 😍😍😍豬肉串～ 大大塊豬肉充滿嚼勁 👍🏻👍🏻芝心丸～ 我的最愛😍😍😍一口食掉🙊🙊 熱熱的流心芝士在口腔爆發☺️☺️☺️ encore encore 😁😁花枝丸～ 有加入花枝粒粒⋯但略嫌口感太粉～ 比較喜歡爽口彈牙的丸 😜😜台灣咖喱丸～ 本着好奇心點的⋯咖喱味不濃⋯夾雜着我不喜愛的蔥粒🙈🙈🙈第二輪追加！牛油焗金菇～ 本身很喜歡吃牛油焗金菇⋯初初見索價$17便沒有點～ 但見很多人都點⋯加上朋友推薦⋯我們也點一份～ 裡面有一整包金菇😍😍 店家亦很好⋯在焗前先把整紮金菇弄散⋯進食蠻方便👍🏻👍🏻 每一口金菇都有滿滿的牛油香 😍😍 燒茄子～ 鋪上蒜蓉加上味粉～ 茄子juicy又美味😋😋👍🏻👍🏻

由細住紅磡住到大，一直都知美味佳有名氣，試左咁多年都冇令我失望，每次都有高水凖串燒可品嚐首先必須一讚個廚，因為無論嗌得多定少，燒肉定燒菜，時間拿捏、香料調味等次次做足，皆因出面好多串燒鋪都係斬立決而已呢種精神抵讚，也怪不得每次都排咁耐今次小試燒雞腎及雞軟骨，香料調味合到好處，腎及軟骨亦有口感，一流味覺享受。平時晚上去等太耐，下次放假再來試更多款式

紅磡有好幾間串燒店，但係當中最出名嘅應該就係呢一間，有讀過理工大學嘅朋友都應該會知。佢最出名嘅就係燒雞翼，雞翼皮燒得脆脆地，加上調味粉，同埋我個人鍾意點嘅沙嗲醬。仲有另外一度就係蛋炒腸粉，未係其他地方食過，出色。

呢間串燒店次次經過都好多人，仲越夜越多人 。黎到當然要試招牌燒全翼，雞翼皮脆得黎，裡面唔乾身，亦唔會太咸。蛋粉腸粉係另一個推介，我第一聽嘅時候都覺得好奇怪，但食落又有少少似炒年糕，不妨一試。燒茄子超抵食，叫一份原來係成隻茄子上。烤到熱辣辣，軟棉棉。燒鴨胸，本身個鴨胸味道偏咸，所以麻麻推薦。

朋友一行5人食完晚餐唔太飽就黎左呢間馳名既串燒店個晚係平日所以等左10分鐘左右就有位，等位期間已可以寫定order燒雞翼必點，好好食好香其他必點之選仲有蛋炒腸粉同燒栗米，超好食！！而且唔睇價錢咁點埋單每人都係幾十蚊，好抵！另外個晚餐廳裡面仲有播好多懷舊歌好有返左80年代既feel

大學時期，跟住讀poly既朋友係紅磡搵食，佢地既首選，永遠都係串燒又抵又好食既美味佳。畢左業幾年，黃埔地鐵站又開通埋，又多左個埋由返黎呢區搵食。好多年無食過美味佳，串燒以外，最想再食既就係蛋炒腸粉。係香港，已經無乜地方可以食得到，但其實加左隻蛋一齊煎，係香口好多架😍大家快啲試下啦😍😍

每當心頭湧現串燒呢類食物，都會把握機會去接男友放學，為既係搵佢陪我去食紅磡既呢間串燒鍾意佢既原因係又平又抵食又好味就係鍾愛呢類型既小鋪特色金菇一大包，等耐啲都唔緊要，最緊要有得食不過再多啲粉我會食得開心啲食串燒已經夠肥膩，仲要叫五花腩簡直萬惡之首，男友評價而肥牛韮菜卷同雞腎就冇得輸，雖然油膩但juicy翠玉瓜唔會硬，燒到軟軟地岩岩好，加埋味粉正正子韮菜雖然會食到口臭，但為左食我係唔會理會，啲粉灑得夠哂多，食落去亦keep到水份唔會係乾燒菜個啲牛肉雞肉雞翼真係攞我命，因為太好味我忍唔住食好多，但又太肥膩，所以要叫枝冰紅茶黎balance返啲油膩其實仲叫左個燒茄子不過唔知點解upload唔到張相，anyway個茄子係成條比，唔會一舊舊，係成條中間打橫切開一半，keep到juicy加埋啲粉，對於鍾意食蔬果既我，簡直不能抵抗得住

同朋友咁岩去黃埔唔知有咩食， 就諗住去幫襯呢間好出名嘅燒烤店，因為我見身邊好多朋友都有推介過。一去到鋪頭門口就已經見到好多人龍排緊隊，不過我哋都已經有晒心理準備要排好耐隊咁有個阿姐出左來招呼客人，初頭都冇乜野，之後就嚟料！我哋一同三人行，一早已經寫好晒我哋要嘅嘢食，早過隔離枱落單我哋亦都體諒燒烤要等一段時間，所以都好有耐性咁等。等左大半個鐘只係嚟咗兩串豬頸肉，都算！之後等左差唔多一個鐘都只係嚟多咗一串墨魚嘴......之後我哋好好禮貌咁問個姐姐點解隔離枱啲嘢食嚟晒，我哋只係嚟咗兩碟，之後個姐姐都有幫我地問下追吓單，問咗十幾次都話兩分鐘後到！！到左兩個鐘後都只係嚟咗四碟嘢食！最後我哋真係頂唔順話想取消其他剩低嘅嘢，食個姐姐唔俾我哋取消不特止，仲態度極差鬧我地，又話好快到最後等左三個鐘，冇錯係三個鐘！！咁樣都叫唔好耐性？？！非常唔合理嘅時間！問題係三個鐘啲嘢食都係未黎齊，仲有成7-8碟未嚟，我哋好嬲想去埋單，取消未嚟嘅野食，但佢竟然強行收多我地錢！！好彩我有堅持計番岩條數仲要啲嘢食係完全唔好食，淡茂茂一啲味都冇，而且啲肉都未熟啲，韭菜燒到好似草咁，又硬又燶又乾！ 完全唔明點解枱枱都到齊哂，

野係幾抵食，但D阿姐跟單不時出錯，攞多左串串燒，仲好惡甘叫你要埋佢。由於佢地無收銀機，只有一位平時煮野食既哥仔用計數機對住張鬼畫符既單 即場篤過數俾你埋單，計多左十幾廿文要番轉頭問佢攞番攞完番左屋企發覺仍然計多左串，懷疑佢地經常計錯，但由於d野食平，無mud人會對多次張單就走左...所以都係blacklist無下次

行經紅磡寶其利街，每晚都見到呢間美味佳坐爆晒人，聞說閒閒哋都要等 30-45 分鐘先有得食！雖然主要售賣串燒和車仔面，但其中燒全雞翼同蛋炒腸粉就最為受歡迎當日所見每位既人都有點，當然我都吾例外！美味佳的串燒的確吾錯，價錢當然是平，態度亦沒有網上食評咁差，哈哈燒雞全翼皮燒得脆脆的，調味粉應該是當中精髓，十分入味，不過略咸。其他串燒都不錯，但因為調味粉多的關係，有時搶去了鮮味，失色不少至於個蛋炒腸粉都幾特別，不過我都係鐘意食傳統點醬個種。都算係呢區既平價美食，環境坐得比較狹窄，但有空調都算係咁。

地鐵通左車 黎呢到方便左。呢間一直好想食。勁多人等位世界級燒雞全翼 由頭到尾都燒得好均勻 熟哂。好好味又惹味。而且一d都唔乾！回憶食物終於再食到。蛋炒腸粉。腸粉煎到外皮脆卜卜，沾滿蛋漿。食落會有蛋香！煙煙韌韌牛油金菇值得一提既係金菇係撈散左再燒。所以每一撮都好入味！

紅磡有間出名既串燒店，愈夜愈有機架！夜晚7點先見佢開門，愈夜愈多人，凌晨最多人，排外賣都起碼等45分鐘！今晚我都係夜媽媽去，客人真係好多呀！叫左佢最出名既燒雞翼，$21三串，我由佢$17三串食到宜家$21，水準仍然無變，首先$21三隻全翼好抵食！全隻都係阿姐精心煮出黎，見到阿姐妝都融埋！雞翼皮香脆可口，面應該有啲七味粉，好惹味！雞翼入面無血水，無新色，的確燒至全熟，雞肉入味，嫩滑，特別雞搥位，連埋d骨一齊咬下啜下幾滋味！雞翼皮有d燒焦，如果介意記得去左皮先食啦！