美味佳 (已結業)

7點幾來到,勁多人, 等左勁耐。不過呢度經濟實惠, 都要等LA...雞肉: 好大串, D 雞肉唔會鞋, 燒得剛好。芝士腸: 燒得乾左D, D 芝士都乾哂, 無得爆漿獅子狗: 燒得乾得滯豬頸肉: 大大舊, 但好肥...雞全翼: 好食飛魚子腸: 入面有D蟹子，　唔似腸，比較硬, 似丸多D金菇: 好幼身, 比較細包, 但好香牛油蒜茸味茹子: 大大條, 蒜茸味唔夠。太多人, D 阿姐做到燥粿地, 又會趕客... 趕左我地2次....

相信紅磡同Poly人對呢度一定唔會陌生 小小既店舖主打車仔麵同串燒 無論堂食定外賣都排哂隊 仲要即叫即燒 想食就要俾少少耐性等下喇 招牌之一蛋炒腸粉($16) 腸粉本身唔係好滑 加上蛋炒完腸粉外皮香脆 加上蛋香又幾夾 脆肉瓜($8) 燒得外香 入面仲有瓜既水份好味 花枝丸($12) 本身花枝丸好難唔好食 燒兩燒更香 燒雞全翼($10) 皮脆而且肉嫩 火喉夠迫哂雞油出黎 串燒牛脷($11) 一黎細舊二黎乾身三黎燶哂 咬都難咬 魚蛋($11) 一個字乾 韭菜($8) 份量好大份 不過粉落大多好似吞緊樽粉落肚咁 始終一個人要顧幾個爐 質素有參差 串燒加枱面花生醬微辣更好食 店名: 美味佳 地址: 紅磡寶其利街2號地舖.... KJFOODLIFE飲食玩樂地圖

怕排隊，特意提前出門的時間半走半跑的來到有「紅磡之寶」之稱（誰改的名字？）的小店，誰知道甫坐下就被白眼了兩三下！頭頂的電視機播放著張國榮張學友的首本名曲，大家如若無人之境在唱歌，餐廳裡面開懷大嚼的食客都樂在其中呢。蛋炒腸粉：姨姨不吝嗇的放了麻醬和甜醬，配煎的香口的腸粉很配！串燒：燒燒賣和燒雞肉不是最多人的選擇，卻對燒賣外脆內軟的酥口感毫無抵抗力呢！常知道招牌的雞翼、雞全翼和茄子，但是雞肉也很有水準呢！下單的時候姨姨會問辣度，叫不辣的話串燒也有惹味的孜然粉吊味。

每次說起紅磡有什麼美食，住紅磡的朋友總會想起美味佳，說到蛋炒腸粉驚為天人似的。今日我就決定要會一會佢！首先不要期望環境會很好，因為是街坊鋪，賣的不是環境，是風味。但阿姐的服務態度真的很好，笑容滿面。而且沒有催我落單喔。當我研究了點菜紙張一段時間，始終找不到傳說的蛋炒腸粉。就直接問阿姐有冇蛋炒腸粉。 最後叫了蛋炒腸粉加一串燒燒賣。終於食得！首先蛋炒腸粉名不虛傳喔！用蛋炒真的比平時的淨炒腸粉惹味得多，雖然如常有加甜醬和芝麻醬，但多了一份蛋香可能我去的時候人流未算多，吃得出阿姐的用心，腸粉炒得香口而又不乾，十分滿足。另外燒燒賣都不錯啊！表面有點黑黑的，但燒功非常了得，外皮只是脆脆的，沒有變乾，一般吃燒燒賣難免外皮會有點太乾，但這個真的做到外脆內軟一定會再幫襯 ！

Polyu學生/紅磡人↪️宵夜好去處😋必食👍🏻#美味佳 #蛋炒腸粉 $16 識食一定要混醬食 仲要多醬多醬 先好味😄加入雞蛋一齊炒，令腸粉更香，不知不覺一個人食哂一碟腸粉😂呢間店仲有串燒都好似唔錯，見到好多人都會食串燒😆吃貨下次再試下先😄....三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_紅磡美食推介

昨晚在附近下班，和同事們共四人走到這間串燒店。每次經過這間串燒店都看到很多人在等位，心想既然店面其貌不揚，但都這麼多人，想必一定非常有內涵。到門口，有位阿姐遞上食物單，叫我們先揀好食物才進店內坐下。我想是因為太多人的關係吧。阿姐態度雖然一般，但仍然能夠理解。我們選好食物，走進店內坐下，由於店內沒有酒賣，我在附近便利店買了幾罐啤酒。串燒點都要有啤酒，贊成？等了45分鐘，終於來了兩串雞軟骨(其實我們點了4串)。漏單，也不打緊，畢竟人多，吃下的一刻，失望了，雞軟骨不脆。半小時後，再來了牛脷，牛肉，和墨魚咀。基本上全部都已經沒有肉味，但也不致於乾身，吃下去只有孜然粉味。我稱為亂燒作品。燒豬腩，我真心覺得，燒到脂肪完全沒有油脂滲出是極為困難，但他做到了。味道，不用多說吧。燒雞翼，合格了。是一般在街上吃到的水準，唯一是燒到肉身有點乾，但已經可以接受。燒茄子，看見賣相不易知道是茄子的。茄子芯的確是可以的，但皮因爲燒乾了所以有燶味，可能大家平常吃這道菜未必會吃皮，但我習慣是會吃的。然後還有燒磨菇，獅子狗，飛魚籽腸。我已經吃到不想再拍照。一直有大量學生進店吃宵夜，我想這裡是他們的飯堂吧，畢竟後街就是宿舍

✔️👅：7/10✏️ 一到夜晚就排曬長龍既紅磡小店 原來專賣串燒同車仔麵 係咁聽poly人講 想食好耐啦😳✏️ 比較推薦既有燒雞中翼（$10）外焦內滑 燒豆卜（$8）香甜美味 豬頸肉（$11）肥瘦適宜 爽口彈牙 蒸腸粉（$8）豬油味突出 非常彈牙✏️ 其他例如韭菜（$8）比較乾 芝士腸（$8）冇咩特別 招牌蛋炒腸粉（$16）失望了😞 腸粉炒完之後口感奇怪 同蛋 各種醬唔算合拍啊⭐️ 早d黎/預定排隊啦 宵夜都唔錯😇

美味佳這間位於紅磡的串燒小店，聽說是理工大學學生的宵夜聖地，除了串燒之外最著名的定必非蛋炒腸粉莫屬。這次經過紅磡，順道為著聞名遐邇的蛋炒腸粉造訪一下美味佳。小店地方不大座位固然不會相當寬敞舒適，門口右手邊為廚房，可以看到即點即燒的過程。除了串燒之外這裡更有車仔麵，不過當天吃過飯後才來胃容量實在不足以挑戰，只好專心致志點一份蛋炒腸粉及少量串燒。蛋炒腸粉 ($16)腸粉加入雞蛋煎炒至金黃色，淋上麻醬、甜醬及芝麻。腸粉質感滑溜外皮微脆，相當香口，驚喜之作。墨魚嘴 ($12) 串燒牛脷 ($11) 雞腎 ($8) 串燒質素平均，雞腎燒得爽口，不過牛脷可能因為已經放涼而質感帶韌。燒茄子 ($18)曾經在元朗的燒賣皇后中吃過燒茄子，油得令人咋舌，每咬一口都滲出幾乎一湯匙油。這裡的燒茄子鋪上蒜蓉燒製，不過沒有抹上蒜蓉的邊位部份味道太淡。肉質軟綿，不會過油。串燒的價錢合理之餘水準亦不錯，尤其以蛋炒腸粉最為出色，假如在紅磡居住或者讀書，的確是個宵夜好去處。

成日聽poly既朋友仔講美味佳又平又好食，地鐵開通真係方便好多，終於抽時間黎食串燒款類都幾多，由肉去到蔬菜都有，價錢仲好親民呀，食多幾串銀包都唔會痛雞翼、雞全翼($24/3)，雞腎($19/3)，豆卜、豆角、韮菜、雞肶菇等($8/1)，牛肉、豬頸肉、燒賣等($10/1)串燒等左15分分鐘左右就開始有得食，串燒都係統一沾上同樣既調味粉，十分濃味又入味，不過會愈食愈咸！最喜歡食雞翼，燒到個皮好脆口，而雞肉仲好嫰滑，雞肶菇都好正，咬落仲好多汁tim燒茄子燒茄子就麻麻地，因為燒得太乾同燶！當日下午去，唔洗等位，朋友話夜晚多數要等好耐位，建議愛吃串燒既你地，都係下午去吧！！而且，食完一定要飲涼茶，太熱氣！

老友記又出動搵食，好耐冇食過串燒，今次就黎紅磡過下口癮先！其實依間之前都食過好幾次，大件夾抵食因為串燒都要啲時間等，所以叫個車仔面幾個老友記分住黎食先，28蚊3送包野飲 抵到爆！牛腩，豬腸，菜油面好食又大碗，打定個底燒茄子燒豬頸肉，必食肥牛韮菜卷韮菜唔可以一口咬哂，如果唔係就會咬唔斷！燒雞全翼，必食燒五花腩，必食燒丸同飯團飯團包住芥末醬，好特別好得意因為全部都好食，所以冇特別寫，但最推介係雞全翼，豬頸肉同五花腩

每一次經過紅磡，都一定會光顧幾家老店，美味佳絕對係其中一家。雖然黃埔地鐵通車，變相呢一區新開咗好多不同特色嘅店舖，但美味佳呢家老店在我心中地位依然沒有任何動搖，今次又再嚟到紅磡去番呢間老店懷舊一下。今次同朋友點咗: 燒雞翼 ($10/串  $24/3串)燒茄子 ($18) 牛油金菇 ($17)芝心丸 ($12)燒雞翼 ($10/串  $24/3串)係美味佳必點item，由於銷量最好，佢地一早都已預先半燒起啲雞翼。雞全翼燒得好香口，外皮好脆，而且好入味。蒜蓉燒茄子  ($18) 一上台就已經香味四溢，我同朋友已經忍唔住好想食喇…茄子已經完全吸收濃濃蒜蓉加埋孜然粉，一入口已經感受到嗰種震撼!牛油金菇 ($17)次次燒野食都必點牛油焗金菇，見到menu 上面就當然急不及待點一份嚟試下！ 金菇每一口都充滿住牛油香味~正! 芝心丸 ($12)同樣燒得外面微脆，芝心好滿，咬一口芝士就流晒出嚟，好食到停唔到口最後由於呢餐實在太邪惡，就叫咗燒烤必備飲品-加多寶，太爽喇！　整體而言，份量好足，味道幾濃，CP值高絕對會無限encore ，但最好閒日嚟，因為假日實在太多人喇…

每次夜一夜先食到飯嘅時候都會諗到食呢間串燒舖 貪佢平靚正但真係等得好耐 一個鐘頭係正常㗎！大家唔好催姐姐呀不過佢啲雞翼係真心好食嘅 21蚊三隻係好抵的其他串燒都好值得推介 例如茄子 雞腎 翠玉瓜 有得揀辣同唔辣除左串燒 有一個叫做蛋炒腸粉都係必食嘅 唔係度度有㗎 另外 仲有一個我比較少叫嘅麵(個名唔記得^_^) 都應該下次試下 乜配料都齊哂 又多餸 唔想等太耐又想飽嘅不妨一試題外話，美味佳入面個電視成日都係播住kpop 嘅歌不過就比較舊😂

作為理大人點會未食過美味佳又抵食又可以一大班人HEA時間 仲邊有得輸雖然呢間美味佳裝修麻麻，睇落好似無咩特別，但係長期都勁多人排隊！！今次我地點左有燒雞翼，燒牛肉，豬頸肉，蛋炒腸粉雞翼：除左有D位置燶左之外，都燒得幾好好味。外屠燒到有D脆，真係非常之野味。牛肉：除左嫩口之外，仲有一絲絲既肉汁，好彩唔會UN，加分豬頸肉：好香滑，同D朋友爭住食咁款！！最正係佢夠厚肉，有口感！！炒腸粉：炒腸粉已經唔係度度有，仲要呢間係炒得最好食既，最正係腸粉有D皮係脆脆地咁，無得頂！！！

可能自己大鄉里，從來都唔知紅磡有呢間「美味佳」串燒店，有次睇完無線飲食節目介紹，就引起了興趣。睇返原來佢係紅磡好出名，今次就親身見證過，我5點左右去唔太多人，6點後就不得了，人多到要係門口出面開枱。因為人多，因為即叫即燒，所以要有點耐性等下，唔好催老闆娘（雖然佢都好nice，忙得黎仲會同食客講笑）。串燒係跟你order的一次過出菜，唔會逐款食物上。由左至右介紹下：雞全翼、豬肉韭菜卷、雞肉腸、雞中翼、雞軟骨、牛脷，大部分都係十蚊左右一串，同款叫兩至三串又抵d，如圖中咁多樣都係七十幾。每款都醃得好入味，尤其雞軟骨同雞翼，甜甜地，仲有孜然粉的香，真係可以食唔停口，本來想再encore，但諗起要等太耐，都係放棄了，下次再來。

同個朋友夜晚9點幾到，落完單，俾咗張飛我地，叫我地等30分鐘-45分鐘有枱。我地睇下要等幾多啦，叫到9號，我地張飛寫得唔清唔楚，12號又得21號又得，等咗成粒鐘，走去問店員，佢話張飛21號，咁就再等啦。見到啲人入曬，再問同一個店員，佢又話張飛係12號，等咗1個半鐘，同我地講過要再等，話冇21號飛，佢店員話張飛12號又得，21號又得，咁一開頭又話係21號，佢自己都根本分唔到張飛係21定12，仲要態度非常之差，佢並冇安排枱俾我地，無視我地，咁既態度，唔值得光顧呢間，後來同朋友去咗另一間串燒舖食，唔洗等，上餐快，都冇咁嬲。