美味佳 (已結業)

離開咗紅磡之後，已經好耐冇食過美味佳，嗰日同朋友經過決定去美味佳敘舊，搵返當日嘅滋味。好可惜，等候嘅時間越嚟越長，串燒亦都冇以前咁好食。雞翼燒出尼有啲唔熟，俾人感覺係草草起貨。其實肉類串燒都比較普通，燒翠肉瓜同燒韮菜都算保持原有水準，串燒整體尼講都係退步左。燒茄子都唔及以前好食，整體調味比較咸。但係值得一讚嘅係蛋炒腸粉，美味街既蛋粉腸粉真心幾好食。滑滑嘅腸粉加上蛋漿一齊炒，直至腸粉表面變得金黃，再加上甜醬同豉油，食落真係好脆、好惹味！不過可惜越食越貴，間唔中食一次過吓癮就夠了。

住過poly宿舍既無可能無聽過無食過 「美味佳」由當年$18/3隻雞翼 到依家$25/3隻 加左四成都仲係要返黎食佢 因為佢真係好好食 好岩一班人黎傾計食野 唔想等位既最好日頭黎 不過佢開既時間好似唔係好定時 夜晚要黎食一係就食第一輪 一係就好夜好夜先黎食啦 唔係的話就要有心理準備等返一個鐘起啦 每次黎都係叫個幾味嫁啦我 蛋炒腸粉 油菜多湯渣 呢兩個最快 所以等串燒既時候可以頂住肚先 因為即叫即燒 為左食好野係要付出下嫁啦 因為佢無酒牌 如果想配啤酒就要自己買黎啦 佢本身都有樽裝罐裝野飲既 串燒我推薦燒賣 司華力腸 茄子 韭菜 豬頸肉 叫小辣岩岩好 同朋友一路傾一路食 岩晒啦

今日興之所至同男友過咗嚟紅磡食串燒, 閒日夜晚未夠7點嚟到係唔使等位可以直入嘅 (萬歲!)兩個人瘋狂點菜之後, 就坐定定等食大約10分鐘就有蛋炒腸粉食啦我只能夠話 真係未食過咁香咁滑嘅炒腸粉燒粟米勁香口 好好味雞中翼不過不失冇乜特別 (不過見到隔離位食雞全翼食得好滋味)金菇香噴噴好惹味雞腎爽口又好食, 魚片頭燶邊好好味, 牛脷就可惜太韌老咗些少雞軟骨幾好咬口, 翠玉瓜同雞髀菇勁juicy 好好食燒茄子都好好味軟綿綿不過唔記得影相兩個人喪點喪食都係$161, 一於下次再來

我第一次咁嬲所以先寫食評呢間野亦無下次呢間野一開始叫我地寫野食先 之後比左張飛仔話好快有位好 原來等成9個字等左9個字入左去入左去再話要等9個字先有野食 問仲留唔留係到我當堂想爆粗你做唔切就唔好話好快有位係出面等左9個字入到去再等9個字？ 垃圾先唔評論野食 淨係呢個咁呃你留低既方法已經係垃圾無下次。

夜晚根本排唔到買來食之下午茶時段終於食到去親黃埔都會見到呢間小店大排長龍，條龍係等兩個鐘都未必食得到，住附近朋友話星期一至五都長期捧場客，今日下午4:00竟然無人！立刻食！燒茄子係我最愛之一，燒完裡面軟綿綿，加上孜然粉，幾條街都聞到，呢度仲有辣味選擇，bb辣、少辣有得揀先係老闆！誠意推薦牛油金菇及牛脷！牛脷唔乾之餘，好香好爽口，牛油金菇加左蜜糖，好滑好想食玩再食！呢度仲有旦炒腸粉，人人都食，外脆內軟，蛋味非常之香！

今日成班同事放工聚會 專程來紅磡這間美味佳 吃串燒， 加恩有同事經常推介這小店怎樣好吃怎樣抵吃。 今日終於等到這個機會， 可能我哋收得早六點鐘左右好好彩大枱唔洗等位， 我朋友話平時門口擺滿仲要等十個八個。 地方簡陋 唔算大, 飲品係自助式的.坐低二話不說落order， 因為朋友話平時order要等好耐. 價錢真的很便宜 有辣醬 及自家製爹醬串燒豆卜很香口， 司華力腸正常。 海膽丸貢丸墨魚丸。 25元三隻燒雞全翼抵到爛 燒得香口肉嫩。牛油金菇好味燒牛肉豬頸肉雞肉芥蘭韭菜麻麻哋好多渣韭菜牛肉捲其實幾好味 不過都係韭菜太多渣 整體嚟講串燒點算好食抵食$100飽到甩轆

熊妹同魏太太拜完年，熊大又話過來紅磡揾熊妹睇戲喎，新年喜劇《棟篤神探》，黃子華佘詩曼都有保證喇，仲有好多大卡士人客串，係幾好笑既幾歡樂既。睇完戲夜晚十點幾岩哂食宵夜，熊大同熊妹都知紅磡有好多野食，行下行下見到呢間食串燒，岩哂宵夜餐喇。都好多人光顧，門口外都擺左幾張枱，熊大同熊妹等左一陣，等人食完，就入得。經過條窄窄走廊，都擺左2張細枱，側邊係廚房，然後到大廳，幾張大枱，不過咁多人排隊，熊大熊妹都係要撘枱的。事不宜遲，馬上選好食物落單喇。都幾多串燒款式可以揀，價錢不貴，熊大揀啲熊妹揀啲，投其所好，最後點左牛肉，雞肉，燒賣，脆肉瓜，司華力腸，燒茄子同煎腸粉蛋，都幾多下，肥，一齊肥。其實都等得幾耐下，來一串兩串又等下又來一兩串咁，前後都等左一個幾鐘，見佢應該係睇下有邊幾張枱叫同一樣的食物先一齊燒咁，所以，一款食物會一齊上幾枱。茄子燒得幾熟透，可以好容易夾起質壁分離。煎腸粉蛋都幾多醬下，蛋成份唔多，腸粉煎左外皮脆脆地，幾好味。其他串燒味道就唔係好驚喜，都係灑啲味粉上去燒，變成款款味道差不多。坐左一個幾鐘，仲有最後司華力腸同脆肉瓜未上。終於見阿姐一手拎住碟司華力腸一手拎住雞軟骨，司華力腸仲唔係熊

放工又到左今晚食咩餸時間，因為經常性出沒紅磡，決定係呢殊覓食。因為3個人前一晚先食飯完(中式菜款)，今日唔想食炭水化合物類咁飽滿，決定食其他，於是閃左去食串燒。數落紅磡區都有5-6間串燒鋪，但要數幫襯次數最多既，係呢間，因為性價實在太高，ok好味又抵食，係佢未俾雜誌推介之前已開始幫襯，其時價錢仲抵，人流亦未達至而家咁爆場。而家基本上過左7點半就會出現人龍(附近理大生聯群結隊黎食)，所以如果6點半至7點左右到達都唔使點等就可以有坐位(店面不大，會坐得比較迫)。真正要等既時間係燒，等佢上串串既時間先食真正等待既開始，故此食肥大媽(負責係門口燒野食果位應該係老闆)要預左食一個半鐘走少不了的。咁碞有位坐近店尾二張方枱，因為係店外排隊等位時就已選好食咩(畫好紙然後交比姐姐，按收單先後次序安排入座的)，所以一入黎就係等食。等左15分鐘左右，先上雞翼(25蚊有3隻原翼，超抵)，外層有掃蜜糖同七味粉燒，令表皮頗脆仲帶點輕鬆蜜甜，可能係大量燒既關係，肥大媽一時時火喉控制得都會有唔係太好時候，試過有時雞翼啲角位、邊位會燒燶左，要自己動手搣走燶左既位置先食。不過整體上呢度既燒雞翼係無得輸，勝在又抵又香，必點

串燒宵夜🍢😋聽講美味佳好出名，終於俾我試到啦。十一點左右去到唔洗等位，野食等左大約半個鐘就黎齊。傳聞中必食既蛋炒腸粉好好味，老實講係冇乜特別，只係腸粉表面脆脆的😋鷄全翼燒得好香，肉質啱啱好唔會硬，有少少蜜糖味同好多孜然粉味😋整體黎講中上，不過同九龍城既蘭英比較，都係蘭英好食d(佢個汁真係冇得頂😍)講到咁出名，其實都係普通串燒，值得一試但唔會去多幾次，試下新舖頭仲好😂

話說第一次黎食消費了二百幾蚊，但食到成肚氣！一入去阿姐吩咐我同男友和另外一對情侶坐在最小的二人台（收銀旁邊），果個位置仲要啲阿姐大大聲係度講嘢，就好似一個喇叭係咁係你耳邊轟炸咁，阿姐話係坐住先我先欣然接受，眼見佢係咁放人入黎都唔叫我地換台，心諗 你一開始就冇諗住幫我們轉台就唔好應承。等野食又係一個耐性既考驗，不過我已經預左，但完全冇預計過會坐係咁既環境下仲要比啲人行黎行去期間仲要係咁有衝撞，在又吵雜又比人撞既行為已經維持將近一個小時，啲食物仲要未黎！呢間鋪頭比我既第一印象已經係唔講信用，仲要埋單計多幾十蚊。第二次黎食係因為男友想食串燒，但又唔知邊度有得食，係免得浪費時間找另一間新店，就給多次機會比美味佳，點知又係谷鬼氣！今次比上次好，只是埋單果陣阿姐強行收多我一瓶水的價錢！那瓶水係我行街果陣買既，已經飲剩一半後來食美味佳就帶了入去，結果阿姐話支水間鋪頭都有得賣，冇證據唔係呢度拎！飲品價錢又冇標示清楚，真心，我有冇必要呃你美味佳一支水既價錢？真心谷鬼氣，幾蚊當買個教訓，唔會再幫襯第三次！！！食物質素又係一般，俾錢食調味粉。

紅磡有不少串燒小店，當中最多認識就係呢間美味佳，出名抵食但服務態度麻麻，夜晚經常坐無虛席。假期的中午時段食客不多，不會擠迫。這裡除左串燒，還有車仔麵食。3餸車仔麵連熱飲$30, 點了兩碗 - 一碗係海膽丸+冬菇+芝士腸；另一碗係牛腩+豬皮蘿蔔+魚皮餃。湯底竟然係豬骨、雞肉和薯仔煲的湯，仲俾埋湯渣，成碗麵都好足料，湯底亦夠味。D餸就普普通通，唯獨牛腩較差，帶點燶味。另外點了油菜($12), 都係用車仔麵豬骨湯底上，亦有湯渣，好大碗。招牌燒雞全翼$25三隻，好抵食，沒有唔試嘅理由。雞翼燒得剛好，既有蜜糖味，也有孜然粉和少少辣粉，算不錯。

星期五放lunch諗唔到食咩，最後行入美味佳。有別於夜晚總係坐爆位，等好耐，個個都食串燒，下午都唔洗等，個個食完lunch都快快埋單番公司。串燒一如以往乾身，夠孜然粉味車仔面不過不失啦

是咁的考完試閒逛見到呢間野咁多人就去幫襯下一開始好多人呀姐開始黎料 大大聲話攞住張單先啦好啦落完單坐低 個位逼到啲呀姐出出入入係咁撞到你 唔緊要等左差唔多一個中先有碟雞全翼上枱 由於肚餓就濟九秒九清左碟雞全翼 但留意番係未熟再等多半粒中先黎兩串雞軟骨 仲要係乾爭爭等到兩個中終於黎曬 但途中冇啦啦叫你轉去第二張枱 想食野都冇一刻安寧 但雞腎同豬腩肉係燒得幾好食 同埋側邊個沙嗲醬必試 PS 見到對面兩個女仔追單比呀姐鬧到唔敢出聲 大家幫襯記得唔好追啦 廢事比姐姐鬧啦

考完第一科生命值下跌☠️朋友就帶我去食肥婆雞補血（一直以為肥婆雞係賣雞專門店😂）車仔麵款式太少，賣麵直情可以話係搭單。大部分都係丸類，所以叫咗豬腸牛腩冬菇試試佢手勢。一見到其實有啲失望。住港島食車仔麵大，未見過咁淡色，連骨上。湯底只有腩汁，望落比較清，幸好幾入味，得一款湯底都唔遜色。而且油麵鹼水味恰好，有彈性，唔錯。豬腸清得唔太乾淨。雖然冇異味，但望到黑色唔多放心。一般嚟講內層都會清走佢。揀嘅豬腸太肥，咬唔開，硬吞兩件之後就冇食嚕...🙄牛腩切很好岩巉，以為會好韌，點知食落又唔錯喎😚肉好稔，仲夾住層膠質，炆得好入味。佢用嘅竟然係較貴嘅爽腩😮冬菇都吸晒湯汁，唔錯。串燒即叫即製兩樣調味一樣。少少蜜糖香甜，灑上五香粉，掃油燒香。調味簡單但唔會蓋過肉味，唔錯。涼茶較淡，但自家製作，都係唔錯嘅選擇。總括嚟講車仔麵湯底同麵都ok，有出色嘅餸，但真係唔多，焗叫三餸我都搵唔到三味正嘢。車仔麵真係唔入流。嚟到都係食串燒算喇🤔美味佳論味道價錢都唔係出眾，衛生更加......佢受歡迎嘅原因大概在於氛圍，一個價錢公道，但唔洗企街食嘅串燒店真係唔易有。只有舖租平吧地方先做得到...港島串燒店一係舖細做外賣，一係走

好味嘅串燒，梗係要等啦，猶其是晚上七點打後，一定人多，如果唔想等咁耐，最好唔好晚上幫襯。在店門外已經要畫定單諗定要叫咩原本冇諗住叫嘅雞全翼（$25/3隻），但喺當入到店內，朋友見到每本台食客到叫，所以我哋唔執輸都要加單叫埋，外脆內軟又入味，成為必食推介！雞軟骨，一串ok淋，一串好硬，可以唔試～雞腎好食，墨魚丸好有墨魚味，牛筋丸比錯左黑椒牛丸好辣好勁黑椒味，唔好食！串燒牛肉唔好食好乾，炸燒賣外脆內軟好好食，跟住我哋再encore雞腎，正～最後追左幾次先嚟嘅燒豆腐卜同埋煙肉卷香腸，豆腐卜係甜嘅仲有蒜蓉味，煙肉卷香腸唔夠外脆內軟，但係上次食係非常好食架外脆內軟！飲品係自己喺雪櫃攞，啲食物係好食，不過服務欠奉，不過我下次都會再光顧～～～