素年 (三陂坊)

营业中

休息中

Impossible burger $128墨西哥脆片配秘製辣莎莎醬 $68脆脆春卷芒果薄荷醬 $58冬陰功意大利飯 $88泰式香辣不可能肉醬意粉 $88玉桂蘋果pancake $128香蕉火龍果燕麥奶 $48藍莓黑提子燕麥奶 $48南瓜玉桂燕麥奶 $48食齋要食得夠in夠好味嚟素年就啱晒，喺三阪坊嘅雜亂中，白色門面份外清新脫俗😂仲幾啱打卡添🤣一行四人訂位諗住try try impossible，所以就叫咗個impossible burger，burger塊肉真係真係好似一塊肉，好食過好多知名素食店👍🏻個包夠大都可以切到四份，仲配埋番薯條🍠好味，但應該都幾月巴下😂春卷可食可唔食，冇乜特別！意粉同飯我就覺得辣味啱啱好，因為我鍾意食辣，朋友就覺得辣咗啲，如果唔食得辣嘅朋友仔可以問吓可唔可以少辣啦😛黑色嘅墨西哥脆片普通，至於個sauce話袐製，雖然番茄多🍅汁就少同唔夠”杰”，啲蕃茄餐蕃茄，汁還汁，脆片比較難點到嚟食，但整體味道ok ge! 嘢飲就幾好飲，用咗特別燕麥奶，幾好唔錯！最後到蘋果pancake，賣相好吸睛，成果蘋果俾糖醬包圍住，pancake再配上cream唔會覺得太甜，另外又有藍

前幾日去食晚飯，之前因為食得太多肉所以想食啲素食。於是揀咗呢一間素菜店。佢裏面嘅裝修以白色為主，好少餐廳係咁樣， 但一啲都唔會覺得奇怪同吾舒服，同埋感覺似係一間Cafe。首先叫咗個不可能TM肉醬意粉,佢哋用咗一隻係植物中嘅肉叫做不可能肉，如果佢唔講嘅話我真係以為自己食緊肉醬， 同埋本身佢個意粉都整得好好食，個意粉好煙銀，醬汁亦都好好味甜甜地酸酸地少少鹹味，非常好食另外我哋叫咗個墨西哥脆片配秘製辣沙沙醬，個醬汁都好墨西哥，酸酸辣辣再加埋啲蕃茄粒，中和返個沙律醬同埋墨西哥脆片嘅膩感覺，好開胃，睇波飲啤酒食一流。素材就食得多之前，但係呢一間真係比到你好似食緊普通餐嘅感覺， 因為食開嘅蔬菜都係比一般菜式冇咁好食，而呢一間就完全冇呢個問題，相反佢就煮得好好食

前排同朋友walk-in去深水埗素年食晚飯，原來好full2間分店都滿座，最近荃灣新開左分店，即刻同朋友去試試。魚香茄子意粉$88荃灣分店限定，唔係唔叫呀嘛～以新豬肉加醬料炒香再加入茄子，面頭有鋪上辣椒絲，味道上非常似魚香茄子，少許辣但非常惹味。份量非常大！黑松露蘑菇漢堡包$98外表非常吸引眼球，用大啡菇取代漢堡扒，咬落去質感不比漢堡扒差，仲有濃香芝士配搭，健康之選。而蕃薯條炸得好好，不油膩仲充滿蕃薯香。跟餐嘅飲品方面有驚喜，玄米茶好香！而伯爵茶也不錯！

之前向奶奶同姑拉介紹素年, 佢哋都好感興趣, 於是事隔咗一個多月之後, 就一齊去食素年晚飯。吸取上次O既經驗, 今次我哋訂咗枱先, 一去到就入得, 用餐時間係90 分鍾, 見到轉咗MENU, 大部份嘢都唔同咗 香草青醬螺絲粉 - 香草青醬撈螺絲粉, 上面仲有火箭菜同蕃茄乾。青醬好好食, 唔會太鹹, 而且醬份量剛好, 亦撈得好均勻, 包住每一條螺絲粉, 唔會食到一舊舊醬。而我第一次食青醬, 覺得好驚豔。日式咖哩吉列豬扒意大利飯 - 以新豬肉整吉列豬扒, 口感同真豬扒好似, 真係好似平日出面食O既吉列豬扒。紫薯芋頭片伴葡式意粉 - 呢個等咗好耐, 原來係將紫薯同芋頭切到勁薄片再炸, 薯芋頭片都切得好薄, 好脆口! 葡汁意粉都幾好食! 不過因為之前已經食咗咖哩意大利飯, 所以食到呢個感覺有D 漏。黑松露純素芝士蕃薯條 - 呢個係姑拉指名要點的, 上次食過, 蕃薯條好大條, 配以黑松露芝士醬, 絕配。魚香茄子意粉 - 一如以往的好! 店員態度親切有禮, 餐廳環境舒適! 我哋都食得好開心, 好滿意呢餐飯! 

這家素食餐廳以白色牆和木質餐枱椅為主調，粉紅色的外框令餐廳添加了少女味道。中午時段坐無虛席，還有客人需要等位。女服務員年青有禮，素食餐點配搭頗有心思。日式咖喱吉列豬扒意大利飯 新豬肉吉列豬扒的外層幾脆口，裡面的素豬扒很有豆香，質地軟腍。日式咖喱飯香而不辣，飯內有切粒的滷水雞髀菇、蘋果片和新鮮的車厘茄。黑松露蘑菇漢堡包軟熟的大漢堡包夾著新鮮的大蘑菇、沙律菜、蕃茄和素芝士。黑松露蛋黃醬配香軟的蕃薯條，薯控真的沒法擋。玫瑰燕麥奶咖啡玫瑰味芳香濃郁的香滑咖啡，很喜歡！熱情果檸檬梳打不太甜，是清新開胃的飲料。

今日繼續跑素！嚟到位於小巷嘅素年，一嚟到就被佢個大玻璃窗吸引！嗌咗外賣魚香茄子意粉，店員話可以喺玻璃前坐低等，成件事真係好chill😌不得不提個外賣盒，真係好靚，個杯面嘅design上有樹木年輪嘅線條，食物盒都係以木色為主調，覺得由店舖環境，到包裝都好有心思。到主角，魚香茄子意粉！份量好足夠，素肉醬、茄子同紅椒絲都好多，啖啖有料，好正！如果唔講係素肉，食落真係有肉感，我覺得唔鍾意素嘅人都會好食得滿足。但因為呢個係炒意粉，所以真係比較多油。

相約咗幾位素mates來試試這間新派素食，本來只有7:00時段，但都願意比7:30時段我地！第一下就有一種不錯嘅印象！讚👍得兩頁簡簡單的menu，但內裡的菜式都很令人滿意魚香茄子意粉🍝 這碟已是全晚最普通的一道菜式，係好味道架！只係其他嘅更好味。不可能漢堡包- 佢用素肉去做漢堡，都非常出色，薯條就用上蕃薯條去做，食完都唔覺得有邪惡感。日式咖喱吉列豬扒意大利飯 - 唔太吉列，但好厚身 幾好味！墨西哥脆片配秘製辣莎莎醬- 呢道菜好好味！如果送酒係一流，同酒吧果碟有得揮，但呢碟好似健康啲🤣純素沙律碗 - 呢道菜很新鮮的羽衣甘藍 色彩繽紛 好fresh香草青醬螺絲粉 - 呢道菜式好香好好味，令人一試難忘，青醬唔辣但非常香！讚👍仲有杯紫薯粟子燕麥奶 - 有粟子粒粒肉 由於真係紫薯黎架 所以都會飽肚是晚很滿足，不足的地方是今晚一行五人但限聚令四人 要用板隔開😒😒

去荃灣探朋友同佢個小朋友，疫情之下廢事叫佢地出街，於是化身外賣仔。素年午市冇得book，只可以walk-in，嗌外賣可以免卻埋等位既時間，一舉兩得。提早約20分鐘落order，預好時間去到就有得拎，好方便。自取外賣仲有9折優惠，成件事即時抵左好多。可惜我唔係住附近，如果唔係實當依度係飯堂。拎到上朋友到都仲熱辣辣，影埋相就可以開餐喇。朋友點左咖喱吉列豬扒意大利飯，塊豬扒係用新豬肉整既，炸得好香脆，加埋兩片蘋果就更有日式風味。食之前冇話比小朋友知塊豬扒係植物肉，後尾話返佢知，佢個樣一臉茫然，好明顯就係分唔到同比時食既豬扒有咩分別我點左超級重口味既芫茜意大利飯。我本身就唔係特別鐘意食芫茜，不過就貪得意想試下，原來一啖啖芫茜食落口果陣味冇想像中咁強烈，都可以接受喎，食完都冇口臭添。相比起食植物肉，我更鐘意依類全由新鮮蔬菜做材料既菜式，可以品嚐到蔬菜既味道，亦都更加健康。食完飯當然唔少得甜品，menu上面三款甜品都係vegan既，由於最近都唔太想食朱古力，所以揀左另外兩款。豆腐芝士蛋糕味道不過不失，唔會太甜，亦都冇一般既芝士蛋糕咁漏，但就似乎乾身左少少，如果有啲士多啤梨/藍莓汁，又或者係焦糖/糖

三彼坊大部分都係大排檔～有日行過發現有一間粉紅色牆身大玻璃餐廳～起初以為係Cafe~細看餐牌先知係素食💁🏻‍♀️餐具仲要全部都係粉紅色～完全係少女心紫薯芋頭片伴葡式意粉紫薯芋頭片好薄～脆卜卜！真係好似食緊薯片～完全滿足我食薯片條癮～少最鐘意意粉多汁多醬🙃條條意粉都掛到汁😋😋意粉又係低GI食物～依碟意粉啱哂減緊肥嘅我💁🏻‍♀️黑松露蘑菇漢堡包蘑菇好juice～上有芝士嘅鹹香～下有黑松露獨有嘅濃香～不比漢堡失色👍🏻最鐘意食伴碟嘅蕃薯條～外脆內軟～唔會炸到變咗蕃薯乾😏小食我又係揀左脆卜卜～脆脆春卷配芒果薄荷醬之前兩道菜都有炸嘢～食返個配酸酸甜甜嘅薄荷醬春卷～解返個油膩感🙆🏻‍♀️順帶一題～素年嘅份量比較大～絕對唔會食唔飽😆

自上次吃過一次，心思思素年的味道，今天約了姐姐一起去。餐廳就像間美美的cafe, 光線明亮，設計簡約而富時代感。餐單大約8-10款主菜，包熱玄米茶或凍伯爵茶一杯。🔸️泰式香辣不可能肉碎意粉🍝泰式口味的意粉，加入了素肉碎，沒有肉類但味道很足，就像真的加了肉類。這就是素年的魅力，運用香料和調味的功架一流，令人感受到好丰富的味蕾刺激。🔸️芫荽意大利飯 ☘芫荽控必點! 飯裡面加入了許多芫荽，而上碟後又舖上一層芫荽，真的好多。和意粉一樣，都好夠味，但又唔會覺得過鹹，厲害。唯一建議是飲品可以包另外一些健康飲品，例如detox water或果汁等，適合不喝茶的食客。

睇完youtube 有碗話碗 就有啲心思思想試除咗啲野食同環境好適合打卡啲野食亦都幾有驚喜！不可能肉醬意粉用咗impossible meat 但食落似食平時嘅肉醬意粉，但味道有驚喜 係我鍾意食既偏甜茄汁味泰式冬蔭意大利飯食落幾有冬蔭公味，但就無泰式冬蔭公個種辣味，可能就返香港人口味但都幾好食日式咖哩吉列豬扒意大利飯呢個好實實在在咁俾你試到impossible meat的口感同味道想像中會以為口感怪怪 味道又奇怪咁點知又唔係 只係似免治肉整出黎 口感淋身既炸吉豬係呃到人嘅野飲1 奇異果羽衣甘藍富士蘋果燕麥奶味道幾清新 2 香蕉火龍果燕麥奶甜甜地 雖然無上一款咁清新 但都好飲3 黑芝麻香蕉朱古力燕麥奶略嫌朱古力蓋過香蕉味

«1016»三顧素年 今次為了茜飯！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷芫茜意大利飯 $88芫茜、蘆筍、茄子、蓮藕、粟米芯黃先生表示：茜味好重好滿意ヽ(゜∇゜ヽ)因為配菜咬落都係索索聲個啲，意大利飯又偏硬身，食耐咗會𡁻到牙骹軟，但佢係鍾意呢隻有𡁻度嘅口感，唔算好creamy但係汁嘅比例剛好～me：成陣茜味！畀返你食(〜￣▽￣)〜▶不可能漢堡包 $128不可能漢堡、火箭菜、車打芝士、洋蔥、意大利黑醋、番蕃條我都係食返啲正常嘢，呢個burger已經係第三次食，每一次都覺得塊扒好似肉～有彈性嘅口感同埋巧juicy!!而我最最最鍾意食就係隔離嘅番薯條，脆得黎唔會𠝹損口，甜得來又重番薯味，再點勁多茄汁，正！▷熱培茶燕麥奶 $38▶餐飲 凍伯爵茶培茶燕麥奶都幾香濃，用燕麥奶雖然冇牛奶咁rich，但整體隻味特別啲，熱飲更明顯💚 另外，成日覺得連啲跟餐飲品都好吸引，唔會係見到唔想飲嗰啲款😂🤎﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣素年 Friends of Years荃灣三陂坊20號地舖

之前就知道深水埗有一間～現在新開左係荃灣咁啱又出黎～一定要黎試下～門口有落地大玻璃好光猛👍🏻一入到去見到樓底好高～同朋友傾偈都唔會聽到隔離好嘈😝我哋叫咗一個沙律一個飯～純素沙律碗見到咁多生果好吸引😋仲要用奇異金果🥝甜甜的～但最正係有羽衣甘藍食素最好多菜🥬加埋西柚汁好開胃😝芫茜意大利飯一見到menu有芫茜當然一定要試啦～上菜見到咁大碟真係好飽😂但味道我喜歡🥰好香芫茜～飯入邊仲加左茄子係度～但我覺得可以加啲菇會更好食😋每一個主食都可以配一杯野飲～我地配左玄米茶～杯茶唔錯～但如果用包住啲茶葉就會更好～P.S.味道同環境都唔錯～好值得再黎～食物就比較大份👍🏻

荃灣多美食，朋友帶咗我去三陂坊覓食， 三陂坊小菜館多，但最近開咗間文青咖啡店－素年。地點並非位於大街大巷對正大街馬路，而喺內街，彷如隱世小店，真係轉個靚彎有驚喜。 素年深水埗嗰兩間都好出名，經常都高朋滿座，今日我同朋友竟然可以喺荃灣店先食為快，真係巧開心。素年荃灣店同深水埗福華街店一樣走純白路線，店內白色的清雅環境好舒服，樓底極高，絕無壓迫感，座位亦寬敞，唔會令人坐得好迫夾。菜單設計及種類亦與福華街店相似，我點了個主菜-不可能漢堡包$128 ，呢個可謂係素年店嘅signature，漢堡包用咗火箭菜、車打芝士、洋蔥及意大利黑醋做材料，配上幾乎有兩吋厚嘅漢堡，係一個酸酸甜甜又清新嘅配搭漢堡厚實而且好juicy意大利黑醋配上火箭菜同洋蔥，令人咬落去已經覺得好開胃，融融的車打芝士更是錦上添花嘅配搭，令到成個漢堡包香鹹味更突出 但又不覺得油膩。 意大利黑醋與芝士平衡得宜。漢堡份量相對較大，本以為會食到好飽，但清新開胃嘅配搭令到人愛不釋口，特別之處係配上蕃薯條，真係好少見，又長又厚切嘅番薯條，炸得外皮脆脆，咬落去軟綿綿，而且番薯味好香甜，根本不用沾番茄醬也很好味。日式咖哩吉列豬扒意大利飯-$108

好彩訂咗位如果唔係Walk in就要摸門釘啦餐廳比深水埗的地方更大裝修簡潔，以白色為主調泰式香辣不可能肉碎意大利粉$88可以走芫荽同走辣意粉好香香蒜味而肉碎食起上嚟同普通肉完全冇分別麵質彈牙日式咖喱吉列豬扒意大利飯$108甜咖喱配搭蘆筍同蘑菇用咗OEM ! Pork新豬肉嚟做嘅吉列豬扒口感真係同食真嘅吉列豬扒完全冇分別齋睇埋相真係好難說服呢件吉列豬扒係素食😂無論外型味道同質感都幾可亂真晚餐仲送玄米茶同伯爵茶