素年 (三陂坊)

营业中

休息中

今日中午12點嚟到入座率已經係九成入咗起計用餐時間係75分鐘轉眼間出邊已經排晒隊叫咗個不可能漢堡同埋芫荽意大利飯飲品叫咗奇異果羽衣甘藍富士蘋果燕麥奶😆....純粹貪佢個名夠長同埋啲配搭幾特別友人只係叫咗杯正常嘅凍咖啡諗到用芫荽做意大利飯真係好創新😍芫荽控一定要試另外個漢堡做得非常之逼真好食😋嗰塊肉竟然可以做到半山熟咁樣有啲紅色入邊實在太神奇高質嘅素食用餐體驗絕對想再試埋佢餐牌上嘅其他菜式🍴

💛💛💛素年💛💛💛事先聲明，本人好唔鍾意食素食，好唔鍾意啲扮肉嘅豆類製品。呢間餐廳完全係顛覆咗我對素食嘅諗法🥺，好食！我哋兩個人都唔係好肚餓，所以嗌左一份主食同一份小食。餐廳環境超靚，文青Feel，超多影相位😍。日式咖喱吉列豬扒意大利飯 $108裏面包含左好多唔同既配料，新豬肉、蘆筍、雞髀菇、蘋果、車厘茄😋。首先講吓最重要嘅新豬肉，食落去係好似豬肉，咬落去見到個橫切面都有豬肉嘅一絲絲，出乎意料既好食👍🏻。意大利飯煮得好，食落硬硬地，有得咬下。份量好大，對得住個價錢，女仔未必食得晒，最好叫佢少飯⚠️。黑松露純素芝士番薯條 $68係出邊食炸薯條就食得多啦，反而蕃薯條就真係比較少食。番薯條非常之甜，又香口又甜好好味😙。重點係個黑松露醬，將炸到脆卜卜嘅番薯條Yum落去個黑松露醬到，就好似有降溫嘅效果咁😂。兩者好夾，份量大又好食💗。髒髒咖啡 $38我哋嗌既正常嘅奶咖啡，呢度嘅咖啡比較淡，唔重咖啡香🥲，要改善下☝🏻。好處係有好多唔同奶揀，例如鮮奶、豆奶、燕麥奶等等，岩晒素食人士。埋單$214（無加一）

星期日關係,等咗大約6-7張枱叫咗肉丸肉醬意粉🍝好味道😋impossible素肉丸食落質感好似真肉、唔講都唔知道係素嘅👍🏻👍🏻👍🏻冬陰意大利飯等咗好耐🤣因為漏左單味道係好味材料都足夠嘅,但偏辣可能係我唔食得辣份量都好大份絕對夠飽

放假的一天去了try try呢間素食coffee shop。之前已想試好耐，今日終於試到了！經過一堆茶餐廳後就會發現這間coffee shop。我叫左個不可能漢堡包+芫茜意大利飯！作為芫茜控嘅我，點會錯過芫茜係主角嘅食物！黎到嘅時候，確認勁多芫茜同勁綠油油。飯入面仲有矮瓜醉，蘆筍粒。再有一片蓮藕，兩條仔粟米芯向飯面做配菜。雖然係好綠，味道沒有我想像中有濃烈的芫茜味道。感覺飲普通意大利飯。沒有太大驚喜。味道中規中矩。反而個不可能漢堡包就真係幾驚喜。雖然係素肉，但嗰塊不可能的漢堡肉，無論口感同味道都唔差過真嘅漢堡包！勁厚！食落仲有一陣陣煙熏味。個包都好好食。唔係嘉頓麵包質素。另外佢配嘅炸蕃薯條都好好食！外脆內軟！又甜甜的！不錯不錯。咖啡就叫左杯black coffee, 沒有特別話好飲。反而朋友話佢杯凍伯爵茶不錯。下次再黎，我一定會再食不一樣漢堡包🍔！芫茜意大利粉👍🏻👍🏻👍🏻不可能漢堡包👍🏻👍🏻👍🏻👍🏻👍🏻

我今日想介紹位於荃灣嘅一間素食嘅餐廳 素食餐廳嘅價錢一向都偏貴 但我覺得餐廳除左好適合打卡 (場上有we goona be alright 特別適合疫情下嘅我地🥺) 食物質素頗高 都誠意推介日式咖喱吉列豬扒意大利飯 - $108但我今次食外賣(六點後) 叫左依個意大利飯 雖然賣相唔算吸引(因係外賣) 但咖喱味道十分濃郁(唔辣) 當中有蘆筍 雞髀菇 車厘茄口感十分豐富同足料 而塊新豬肉吉列豬扒食落似漢堡扒而且幾厚身 都係啖啖肉架😍 但因為外賣凍左少少而且吉豬唔算脆口 扣左少少分)But overall 都好唔錯 我會再食😋

之前聽過荃灣有間素食餐廳好出名叫素年，香港好味嘅素食餐廳實在唔多，今次去荃灣專程去試下，入到去發覺餐廳係打文青風格，入面嘅裝修有唔少植物而且個氛圍都比較舒服簡約。今次order咗不可能漢堡包，材料有火箭菜、純素芝士、紫洋蔥、意大利黑醋、蕃薯條。第一啖咬落去完全唔知道自己係食緊素，仿真度好高，好似完全咬緊一個和牛漢堡咁樣，味道好juicy而且亦都有好多唔同層次。另外點咗香蕉朱古力冧酒撻，濃沃嘅朱古力味加上淡淡嘅冧酒，而且配搭埋香蕉嗰種軟滑同埋水果味，會令人回味無窮。若之後約朋友茶聚或食飯，我一定會再嚟素年。

很久沒有吃素食，今次同朋友一起到荃灣三坡坊裏一間主打素食餐廳品嘗美食。一到埗比那白色的外圍門口裝修吸引。還有一大幅通透的玻璃窗，非常開揚及引進陽光進入頗為達到環保的概念。門口附近還擺進入后我們被安排坐在近窗口位，店員很有禮貌地遞上餐牌。 餐牌上我們選擇了一款及2款飲品。泰式香辣不可能肉碎意粉- 牛肉加豬肉混合體，香氣撲鼻，肉味道適中，配料指天椒、芫荽、金不換、車厘茄、雞髀菇及蘆筍，配料芳香入味，惹味，視覺和味蕾同得享受。非咖啡 - 選擇了抹茶燕奶麥- 綠茶味香濃，燕麥打碎後加入抹茶拌混后，質感輕盈軟綿。另外一杯- 香蕉火龍果燕麥奶。 香蕉味濃加上火龍菓後，顏色變得很美。女孩子必定喜歡，又是打咭呃like 的好飲品。店舖因應季節還擺放了一些本地農夫種植的蘿蔔給客人採購，非常特色！

近日特別多事情發生，相約了好友去食素菜，安靜一下心靈。素食首選素年，近近地就到荃灣店香草青醬螺絲粉自家製羅勒青醬，很清新且份量滿滿，跟友人二人分享剛好。黑松露純素芝士蕃薯條這個蕃薯條是我的至愛，之前都是食漢堡時作伴碟，這次就特定叫了一客來食。蕃薯條伴有黑松露純素芝士，黑松露香氣，再伴有芝士，雖則邪惡，但一口接一口很脆口，而且放久了味道依然脆口不淋身。紫薯栗子燕麥奶好友說栗子味濃，而且是當造朋友十分喜歡奇異果羽衣甘藍富士蘋果燕麥奶清新的味道，淡淡奇異果酸但又有蘋果的甜香，本人十分喜愛素年果然是信心之選，無論食物品質，服務也令人稱心滿意

素食一向給我感覺很老派，近年變成一種流行，今天到了一家新式餐廳素年，門面簡潔光猛，店員年輕有禮，文青感十足。😚 黑松露純素芝士蕃薯條長短不一的蕃薯條每條都炸得香口，粗身蕃薯略帶甜味，芝士黑松露醬稠身，濃厚味道與甜味蕃薯配搭得宜，有一種反差感。😍日式咖喱吉列豬扒意大利飯份量大得餐牌上也有提醒😚終於一嘗新豬肉風味，跟午餐肉口感幾乎一樣，彈牙酥脆，日式咖喱甜中帶香味，配上黏口意大利飯，特別的日西式混合。玫瑰花茶玫瑰花味清香，加上紅棗桂圓，夠滋潤，店員貼心為我們添加熱水，浸泡一下，比開初更清，解膩之選。🥰本想多加甜品，份量已足夠2人食用，環境舒適，過了一個悠閒下午。突破了我對素食的想像，下次再試其餘分店！☺️

好耐冇去Cafe食嘢 近來想食清些就試吓荃灣新開嘅一間素食Cafe😝😝呢度位置都幾方便朋友同我各自搭小巴同喺地鐵行過嚟都好快。係一眾餐廳下呢一間Cafe嘅外型行一種文青清新嘅風格特別顯眼😳入到去入邊更加覺得每一個角落都可以俾人影相打卡用❤️❤️一坐低即刻睇吓個Menu意粉意大利飯漢堡包呢幾種食物種類都好齊下👍🏻👍🏻首先揀咗網上好多人推介嘅泰式香辣不可能肉碎意粉嚟到好大碟雜菜同肉碎嘅份量都好多炒到幾乾身非常香口👍🏻肉碎非常有口感完全唔覺得係素肉整出嚟嘅😳😳而朋友就叫咗個日式咖喱吉列豬扒意大利飯 吉列豬扒用咗一隻叫新豬肉嚟整非常之有驚喜😳😳口感雖然唔似豬扒但係好有口感好似食緊扎肉咁樣 唔錯👍🏻👍🏻隨餐亦有附送熱玄米茶或者凍伯爵茶非常之抵食👍🏻👍🏻食得好開心最後決定試多佢一個甜品 揀咗個香蕉朱古力冧酒撻朱古力唔會係死甜有種甘香感覺加埋個冧酒味道非常之出眾呢個係我呢一餐嘅最愛❤️😝

與友人難得平日下午有空檔便尋找食店一齊tea一tea記得荃灣這間素食店是我之前週末想排隊食卻排唔到今日再來試下此店隱藏在大街小巷之中要先找到眾安街行到甜品店與涼茶藥材舖附近便會見到三陂坊的指示牌之後走進這小巷裡彷彿穿越結界走入香港的另類空間其實香港真係一個多元的美食天堂 想食咩都隨街可以找到 想試美食當然亦要下一番功夫尋找一個轉角便看到在眾多午場休息的黑漆漆火鍋店之中有這間白雪清新的店 叫friends 亦即係素年的第三間分店 friends are u alright? Wish u all the best!就是這店給我的第一感覺沒有旅行的日子超過一年了這店卻讓我再有旅行中的慢活感原來只開1130-2030 大家要留意時間來平日下午真係少人啲可以直入看到香港蘿蔔的單張我一定會再來這些支持本地農夫的小店嘗嘗鮮甜蘿蔔的味道菜單也有不同選擇我和友人都食過午飯再出來聚一聚所以只叫了一些飲品小食這杯奇異果羽衣甘藍富士蘋果燕麥奶真係好好飲 清新的味道 沒有苦澀或過酸 另外墨西哥脆片配辣沙沙醬都好夠份量果個脆片係紫色 可能係紫薯製作的配上新鮮蕃茄粒和辣醬 好滋味好夠辣份量太多 我哋食唔晒仲要打包

荃灣分店份量都大大份🥒香草青醬意粉🍝味道唔錯調味杰度適中滿滿意大利綠黃翠玉瓜Sundried tomato 微酸意粉份量多到可分兩餐🍔不可能漢堡🍟漢煲厚厚的純素芝士醬其實👀係旁邊嘅番薯條番薯條係熱辣辣應該叫即炸而且差唔多每一台都有, 保證新鮮素年除咗主食了得甜品水準都一樣高🧀豆腐芝士蛋糕🍰極力推薦呢個甜品充滿著香濃豆腐味芝士唔會太過厚膩

.充滿驚喜嘅vegan food🌱💛成日都好想試試「素年」，結果係個唔錯嘅體驗亦都改變左👦🏻👧🏻對vegan同植物肉嘅睇法～快啲bookmark低遲啲試，大推啊！🤩.✨ 日式咖哩吉列豬扒意大利飯真係超似一塊真嘅吉列豬扒，面頭層炸衣炸到好脆😋咖哩意大利飯呢樣都好特別，不過味道又幾夾而且飯嘅生熟都控制得唔錯～.✨ 不可能™漢堡包整體黎講同一個普通burger都幾似塊漢堡扒仲食得出牛味，好顛🤣最好食嘅竟然係伴碟嘅蕃薯條！味道超重，但係完全唔油膩🥰不過成道菜相較意大利飯就比較普通～.日式咖哩吉列豬扒意大利飯 $108不可能™漢堡包 $128

星期日既早上, 好凍! 本來唔想出外用膳, 但老公力勸我出去行下, 又可以去買餸FOR 晚上打邊爐。好啦! 好不情願下, 動身出去覓食。想起好耐冇去素年, 好啦! 就GOGOGO 啦!記得上次去到, 大約12:30, 好多人排緊, 今次我地遲左去, 都諗住要排一陣先有位。點知好好彩今次唔駛排隊, 可以直入! 開心! 去到見到轉左MENU! 掙扎緊食冬蔭公三色螺絲粉定泰式香辣不可能肉碎意粉最後, 我揀左意粉, 而老公揀左日式咖喱吉列豬扒意大利飯。日式咖喱吉列豬扒意大利飯相比起上次, 今次塊豬扒細塊左日式咖哩夾埋意大利飯好食!只係少少辣! 不錯! 泰式香辣不可能肉碎意粉勁大碟! 勁多芫茜! 都幾辣!我呢, 就唔係好食芫茜既, 不過呢碟意粉芫茜味算唔重, 中間夾住黎食都可接受。味道偏辣, 食到流晒鼻水! 肉碎唔似齋, 幾好! 好大份, 食完勁飽! 埋單每人都係$110 左右, 我覺得可以!用餐時間只有75 分鍾, 我見到有D 係幾個朋友黎食的, 就唔係好夠時間吹水啦! 

之前喺openrice睇到有呢間今日專誠嚟到呢度試下佢啲素食。睇到個餐牌都好得意，份量好大份，超抵食， 包埋一杯凍伯爵茶都係$88-$128員工質素好高，非常有禮貌環境清靜而簡潔下次再嚟過