素年 (三陂坊)

营业中

休息中

好多美食既荃灣，有間隱世素食店🌿，門口有塊大玻璃，可以睇到入面既環境，好光猛，感覺悠閒舒服 香草青醬螺絲粉🍝(走五辛) $88青青綠綠比人健康既感覺，青醬混合螺咗芝士🧀、羅勒葉🌿、橄欖油、松仁子及其調味料；好香既羅勒味，配埋爽口既意大利青黃瓜🥒及油漬蕃茄🍅，食落口感夠哂豐富，螺絲粉食落剛好 脆脆春卷配芒果薄荷醬🥭 $58金黃色既香脆春卷，一口咬落去啲餡料唧哂出嚟，配埋個好香既芒果🥭薄荷醬，好清新🌱 黃薑粉薑汁燕麥奶🍯 跟餐+$24濃濃郁郁既黃薑粉味，飲完仲留有薑味，好香滑既燕麥奶，健康好飲 素年 (荃灣)荃灣三陂坊20號地舖

這間素食餐廳近排好多人吃，不過大多數朋友都會去深水埗那邊的兩間分店，而我第一次食的時候也在深水埗，不過那次是食Lunch set!今次來到這間位於荃灣開了不久的分店，餐廳比深水埗的地方大，而且更加有文青的感覺!不可能肉醬意粉，這個意粉一直都好想試，因為上次看電視的時候，剛剛主持人便是吃這個意粉吃得津津有味，今次終於可以一嘗。這款意粉吃上去絕對不像在吃素食，意粉的茄醬味道濃郁，很夠酸味，肉醬用上新豬肉製成，口感和味道跟真的豬肉沒有分別，完全令人對素食改觀!而且意粉份量很多，吃得很飽!芫茜意大利飯，這個意大利飯絕對適合芫茜迷，用上大量的芫茜，加上蘆筍、茄子拌進飯中，看上去雖然很清淡，帶有很濃的芫茜味!還有蓮藕和粟米芯作裝飾，感覺很清新!榛子燕麥奶咖啡，咖啡口感順滑，有淡淡的榛子味，由於用上燕麥奶，所以味道上會有少少燕麥的味道，而杯上還有拉花，很美呢!青檸接骨木花梳打，梳打有濃濃的接骨木花味，味道都幾酸，有種開胃解膩的感覺!

素年第三分店，開在我經常溜連的荃灣，真是天大的喜訊，今日又在荃灣，必定要光顧一下，看質素是否跟前兩間一樣正！店舖雖然不是開在大街大巷，但是三坡坊食肆林立，且人來人往，很容易便找到！對比附近的食店，素年窗明淨亮，明顯走年青人路線！店舖裝修以白色為主色調，陳設簡約，原木色的枱，白色的椅子，給人一種寧靜舒服的感覺！素年提供的食物，也以簡單淸淡為主！這一份黑松露蘑菇漢堡包，第一個驚喜是賣相，顏色配搭得宜，不同的緑、配搭上紅黑黄，賞心悅目！第二個驚喜係薯條，外脆內軟的薯條，顏色偏紅，甜甜的，食真啲～竟然是番薯條，好味到震呀！麵包一貫的鬆軟、啡菇一貫的多汁、蔬菜一貫的新鮮，這是素年一貫的堅持，這兒也保持得到！這一份日式咖喱吉列豬扒意大利飯，濃濃的咖喱日式咖喱香氣，撲鼻而至！飯中加入了雞髀菇及蘆筍，成個飯嘅口感與別不同，比一般意大利飯感覺更清新，食晒整碟飯都不會溜滯👍新豬肉做的吉列豬扒，口感食味，跟真豬扒十分相似，對無肉不歡的我，也感滿足！

素年本來扎根喺深水埗依家已經喺荃灣開咗第三間分店！荃灣呢間分店空間好闊樓底好高，彩光好好😃😆 全間舖頭都係粉紅色😍 少女心大爆發！.近呢幾年都興起左vegan diet🙈更加有好多餐廳選用新豬肉作為食材推出好多「不可能」嘅菜式😍.不可能肉醬意粉 $88味道媲美傳統嘅肉醬意粉～味道甜甜的唔會因為冇咗豬肉而令到菜式失色😋.黑松露蘑菇漢堡包 $98用咗大啡菇取代漢堡扒配埋番薯條好夾～.香蕉火龍果燕麥奶 $48選用左植物奶啱晒有乳糖不耐症嘅人😋🤩.主食：送熱玄米茶/凍伯爵茶.好多人都可能覺得食齋會唔夠飽但係素年一改傳統觀念每樣菜式都大大份食完包你感到滿足🤤

星期六同媽咪行街，經過一條內街，突然俾一間好清新ge cafe吸引住。落地大玻璃加上木色夾白色ge裝修，成個環境好relex，所以我同媽咪都想入去試一試。坐低發現呢間係素食cafe，我地叫左個impossible漢堡加芫茜意大利飯。漢堡塊肉係人制肉，雖然會少d肉味，但個質感真係好似牛。個芫茜意大利飯就幾有創意，我地本身中意食芫，所以都幾滿意個飯。飲品都唔錯，佢地主打燕麥奶咖啡，可以一試，另外花茶都有心思，用料唔錯。

今日做完運動，決定食清淡啲，記得深水埗嘅素年開到嚟荃灣，決定做完運動之後就去食素年。素年位於三坡坊，周圍都係食潮州打冷，非常之嘈同埋熱鬧，餐廳開係呢個麻甩佬味咁重既地方係非常之唔夾。😂叫咗兩個主菜，一個係日式咖喱吉列豬扒意大利飯，$108 ，新豬肉10分鬆軟，煎得好甘香。珍珠米粒粒分明，充滿咖喱汁，再配埋其他配菜蘆筍、雞髀菇等等，十分豐富！另外嗰個冬蔭意大利飯就有啲辣，朋友食開辣都有啲頂唔順，食幾啖要唞一唞。

深水埗分店成日都排長龍，今次去荃灣店終於唔駛排隊喇！.🌱 炸南瓜薯餅 $68外脆內軟甜甜哋，新鮮炸起好好味！🌱 芫茜意大利飯 $88芫茜味好重，蘆筍清爽，但係食完冬蔭意粉再食味道就好淡。如果兩樣都叫，記得食咗呢個先！🌱 冬陰意粉 $88+10唔想碟碟都係飯，所以加$10轉咗意粉，嗰冬陰醬汁同意粉好夾，酸酸辣辣惹味又開胃！🌱 日式咖喱豬扒飯 $108用 新豬肉整嘅吉列豬扒香脆，但有少少鬆散，咖喱味略嫌太濃。.☕️ Dirty $38燕麥奶同咖啡口感有層次，味道超夾。

一直都好支持素食文化，但香港素食餐廳同種類都唔多，好多人對於素食嘅印象都係好死板嘅食齋餐廳，所以知道呢排屋企附近開左間幾出名既一定要拖埋朋友去支持下🤩🤩。出面裝修已經好與眾不同，係我最鍾意嘅簡約風啊🤣！直接講到戲肉啦🤣我同有人各自嗌左個impossible burger 同日式咖喱吉列豬扒意大利飯一直都聽聞impossible meat係好出名有植物研發嘅素肉，今日終於有機會試吓～(唔識奶素嘅朋友可以轉全素！)真係估唔到咁好食😱以為自己食緊真肉！啲火箭菜夾落個漢堡包令個包更甘香😋😋最痴線係仲有肉汁流出架我既肉食朋友都表示贊不容口，真係好好味啊！然後出場既就係豬扒飯一上碟已經聞到咖喱味好香～雖然唔知啲「肉」用咩植物整出嚟，但食落真係同一般吉列豬冇分別😱超級神奇！不過佢本身比較大碟，好彩我同朋友食量比較大就啱啱好食得晒～食量細既朋友記得提早講叫佢要少份啦差啲唔記得介紹呢個芝麻香蕉朱古力燕麥奶。呢個芝麻非常香，食落好有口感但係又唔會太大粒，飲到停唔到口🤣🤣其實個人而言其中一個鐘意食素既原因係就算食濃味既嘅咖喱、漢堡，個口都唔會好大陣味🤣亦都唔會覺得好「濟」好油～🤣所以好想私心推薦一下🤣絕對係

今日同哥哥去咗荃灣新開隱世文青風既素年食午餐😍餐廳外面嘅裝修已經充滿文青風，簡約企理仲有好多植物☘️坐喺度完全可以減慢步伐放鬆心情💗哥哥揀咗黑松露蘑菇漢堡包🍔餡料有大蘑菇、沙律菜、蕃茄、車打芝士、黑松露蛋黃醬😍一啖咬落去口感真係非常豐富😝特別係半溶芝士💗真係諗起都流口水，仲有非常惹味嘅粗身番薯條伴碟🌟份量仲好多添😆甜品哥哥揀咗豆腐芝士蛋糕🍰每一啖都充滿豆腐甜香，仲有好多香脆果仁粒粒伴碟💗豆腐配芝士真係絕配👍🏻最後加埋凍朱古力🍫香濃嘅朱古力味而且佢哋係用燕麥奶🌟可以俾哥哥鈣質💪🏻呢度嘅環境真係好舒服光線柔和氣氛舒適唔會有好侷促嘅感覺💗仲可以品嚐到咁美味嘅嘢食輕輕鬆鬆咁又多咗一個下午🥰

見天色唔錯，決定同爸爸散步至荃灣食黃店。十二點左右來到成為第二檯客人，用餐時間七十五分鐘，及後其他客人陸陸續續入座，唔想等的話就預早少少較好。裝潢以白色同淺木色做主調，加入綠葉植物元素，樓底高，有把三葉吊扇裝飾，感覺簡潔，明亮舒服。香草青醬螺絲粉 $88外表平平無奇，食落青醬清新無負擔，羅勒味道香得嚟唔搶，好喜歡。日式咖喱吉烈豬扒意大利飯 $108吉烈豬扒外貌像真度高，估唔到口感、味道同樣幾可亂真，食落脆口惹味，好過癮；意大利飯用日式咖喱燴成，有籚筍、雞脾菇、車厘茹等配料，咖喱甘口香濃，重口味人士之選。跟餐有一杯熱玄米茶，有茶香，不過飲到飄浮在上嘅茶葉時就有啲困擾。門口有人等位嘅關係，我哋食完就快快離開了，食物有質素，如果可以坐下享受下會更常來。

睇空肚講宵夜見到梁祖堯話呢間齋好食。食到個頭都巢亂埋。男人老狗話齋好食喎！仲唔即刻save 低佢？！幾個月後發現竟然荃灣開左分店！就襯假期專登下午兩點幾先黎。點知都要等位。等左約15分鐘。座位距離一般吧！芫茜意大利飯：本身對芫茜無乜大感覺，但呢個飯真係好多芫茜！連埋啲茄子同菇食好香！個意大利飯都唔會好淋，做到al dente. 佢面嗰兩條粟一燒超級好味！又香又嫩又冇左粟米仔啲草青味！好想問佢攞一兜黎食！日式咖哩新豬扒飯：本身覺得叫兩個飯好奇怪。但見隔離檯個豬扒真係好似好靚。忍唔住叫左。新豬扒炸得好好，脆得黎又唔會界口。雖然其實食得出唔係豬扒，但個質地絕對可以接受。咖哩汁好正，甜得黎帶啲微辣。另外飲左杯espresso tonic. 估唔到個咖啡都唔錯喎！香，唔酸。唔見有梁祖堯食嗰個朱古力蛋糕。叫左個豆腐芝士蛋糕。千其唔好叫！完全唔知乜嘢黎。冇味兼又乾又硬！Brownies 都偏硬，但起碼有味。唔通素蛋糕真係唔係咁易整得好食？！總結：黎食主菜好ok. 素菜黎講十分高質. 但甜品不了.

係荃灣行街揾野食經過呢個玻璃門被吸引住，覺得好令好清新就試下佢😍😍😍 入去先知原來係食素食，好健康既感覺😋😋😋  黑松露蘑菇漢堡包 大啡菇淋上蛋黃汁，再配上新鮮既蔬菜，食落雖然冇平時既漢堡包咁扎實，但口感更清新😙😙 特別中意佢用左蕃薯條，同樣炸到好香脆，點埋蕃茄汁食好香甜🤗🤗🤗  不可能肉醬意粉 呢個其實真係睇唔出係素食，面頭仲灑左好多芝士望落勁吸引丫🤤🤤 食落其實都係有平時肉醬意粉個種味，只係少左d油脂香 店家好似有幫手剪開意粉，可以方便食用🤣🤣  兩個餐都包一杯野飲，呢度比較特別有凍伯爵茶，仲要好大杯，消滯一流😝😝  素食要做得好食真係好花功夫，呢度唔止做到賣相令，食物都唔會話好淡，一樣食到好滋味 

鐘意素食嘅朋友留意‼️素年最近喺荃灣開咗新分店，裝修以白色、木系作主調，加上綠色植物點綴，建構出簡潔明亮嘅日系風格，環境舒適😚店員服務態度好好，整體都幾滿意💛————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🍛日式咖喱吉列豬扒意大利飯 $98豬扒用上新豬肉，同真豬肉都幾似😋炸得好香口，飯入面加咗蘆筍、雞髀菇、蘋果、車厘茄，口感豐富。🍔黑松露蘑菇漢堡包 $98漢堡正常水準，蕃薯條香脆好食👅🥔炸南瓜薯餅 $58私心好鐘意呢個南瓜薯餅🤤南瓜蓉好滑，炸得香脆，以羽衣甘藍、紫椰菜、車厘茄伴碟，份量十足！☕️美式咖啡 $34🍋熱情果檸檬梳打 $34飲品方面就不過不失～💡味道：🌕🌕🌕🌗🌑⠀⠀💡環境：🌕🌕🌕🌕🌑💡服務：🌕🌕🌕🌕🌑⁣⁣⁣⁣⁣⁣⁣💡性價比：🌕🌕🌕🌑🌑⁣

阿妹極力推介素年, 咁岩見荃灣開左分店，好近屋企，所以短時間內食左2 次。第一次用餐日期係9 月11 日(星期五晚)，咁岩限聚令放寬左,  心血來潮想WALKIN 去食晩餐,  點知原來唔BOOK 就冇位啦, 咁唯有叫外賣返去食啦，外賣仲有9 折添!MENU 食物選擇唔算太多, 最後我地點左不可能肉醬意粉、冬蔭意大利飯同黑松露芝士蕃薯條。外賣大約等15 分鍾左右就有啦! 急不及待即刻返屋企食呀! 食物包裝用紙盒, 我好鍾意, 環保D，不過D 食物就唔太保溫。先試黑松露芝士蕃薯條, 雖然返到屋企唔係第一時間食, D 蕃薯條冇咁脆，但無損薯條本身既味道。鍾意黑松露味既, 可以點埋個黑松露醬呀! 不可能肉醬意粉 - 用上素肉黎煮, 但係口感食落同真既冇分別，而個醬汁酸酸地, 調味岩岩好, 真係好好味! 唔講真係唔覺食緊素。我同老公不斷夾不斷夾, 好快就食晒啦! 冬蔭意大利飯 - 有泰國茄子, 蕃茄仔, 露筍, 香茅等黎煮, 飯個質感係好粘稠。我本身唔算食得辣, 個飯食落我覺得比起平日出面飲既冬蔭公湯辣, 越食越出汗。配料茄子, 蕃茄仔, 露筍, 好好食。不過由於之前已經食左不可能肉醬意粉同黑

成日吃肉，也會想試下食素， 上次發現荃灣三披坊有一間非常精緻的素食，就入去試下。餐牌選擇種類不算多， 有意粉，意大利飯，漢堡包和小食。黑松露蘑菇漢堡包我覺得這個黑松露蘑菇漢堡包賣相非常吸引。色彩繽紛的漢堡包，裏面有新鮮蔬菜，蕃茄，車打芝士，蘑菇和黑松露蛋黃汁。 攞上手非常大，要兩隻手才拿得起。 咬落去蘑菇汁和黑松露蛋黃汁非常鮮甜， 醬汁多到流出來。 蘑菇與車打芝士味道非常匹配， 加上清新爽口的鮮茄和蔬菜， 是一個健康美味之選。 旁邊用了番薯薯條做配菜， 外脆內綿， 口感和薯條不同， 別具風味。墨西哥脆片配秘製辣莎莎醬這個墨西哥脆片， 最特別就是他那個秘製辣莎莎醬和蕃茄雜菜蓉。 那個莎莎醬辣度有中辣， 適合我這種愛吃辣的人士。 番茄雜菜蓉酸酸辣辣的，和脆脆鹹鹹的墨西哥脆片一起吃， 是一個刺激味蕾之選。餐廳裝修非常精緻， 以簡約白色為主， 桌面寬闊， 所以也感覺很寬敞。 適合文青和三五知己聚餐。