素年 (福隆大廈)

营业中

休息中

今日男朋友話帶我去食齋，我即刻以為要食羅漢齋呢啲中式齋菜？🤔點知！男朋友係帶我去食深水埗呢間走文青風嘅新式素食！好有驚喜！❤️餐牌選擇都幾多，樣樣我都好想試！😋我哋最後揀咗芫茜意大利飯（$88）：芫茜多到冚住晒成個飯，芫茜味十足，上面嘅粟米仔應該用牛油煎過，超級香，好驚喜！不可能肉醬意大利粉（$88）：係其他地方都食過不可能肉，其實味道同口感都真係幾似真肉，我本身鍾意食啲甜甜哋嘅嘢，呢個肉醬甜甜酸酸就啱晒我口味！跟餐有凍伯爵茶：熱玄米茶：飲完侍應會幫你加熱水，好貼心！

今日和幾位朋友吃飯，因有位朋友吃素，故我們都會圍繞素食的範疇去找食店，從朋友口中得知深水埗有一間素食店，口碑還不錯，所以就選了這間來聚會。來到這兒，在外面看來很不像我們平常見的素食店，這裡的設計很新派，簡約，感覺走文青路線似的，當時雖然還未夠七點，但入面已經坐滿客，我們就訂了七點半的，所以時間還早，所以七點半再來過。到了七點半，可能侍應知道我們訂了七點半，所以見到我們就立即叫我們入內。我們看看餐牌，其實這裡的選擇不多，但樣樣都很吸引，好在我們有五個人，所以可以試多樣菜式。我們很快就叫了餐。晚餐還送上玄米茶或凍伯爵茶。玄米茶很香，入口很順喉，很舒服。朋友叫了一支手工啤酒（鬼佬），這個味是印度淡色艾爾，入口很有麥味，朋友話好飲過生Ｘ啤酒。青檸接骨木花梳打 和 凍伯爵茶，青檸梳打有陣陣接骨木花味，感覺很清香，味道特別，可口非常！凍伯爵茶味道都很有英國風味。芫茜意大利飯上枱，單見賣相就有點擔心，雖然我本身對芫茜不抗拒，但見到那麼多芫茜就有點驚，驚味道太濃，但當吃第一啖的意大利飯，居然出奇的好吃，意大利飯好有芫茜味，但不會太濃，味道調較得好好，好易入口，吃得出廚師在這碟飯用了心機去調較出一個恰度

為何說「終於」呢？因為素年其實真係幾「難」去的。「難」，不在於它的地理位置，而在於店方強勁的人氣👭👫👬👨‍👧👨‍👧‍👧，之前試過2次打算造訪素年，結果都是「敗下陣來」，有門而不能入:有一次星期六打算去午飯，到了店門，看見長長的人龍🐉，於是只好去了品蓮有一晚，在長沙灣時，致電店方📞，結果是要一個小時後才有位，於是只好去了滕王閣素年的人氣就是這麼的鼎盛，店內不是說想入便入的🙈。幸好，在早前一個星期六的下午，恃着「人少易攝位」的優勢，我們終於再訪素年✌，來個二人午飯了。 「咖喱吉列豬扒意大利飯」 雖然在餐單中，標示着這食品是以「新豬肉」作食材，但這個吉列豬扒的味道、口感，和平時在其他素店吃的素豬扒似乎分別不大🤔。反而是其他配角的特色，有點蓋過了「素豬扒」這個主角的鋒頭。一般素店的豬扒飯，都是選用白飯，店方選用意大利飯，會較有口感和嚼勁，此乃一讚👍；以蘋果、蘆荀、車厘茄為配料，為食品帶來清新感覺，此乃二讚👍。此外，通常咖喱飯的汁都會頗多，讓喜歡把食物沾上滿滿咖喱汁的朋友能夠大大滿足一下，但這食品有咖喱味之餘，碟上卻沒有「咖喱汁氹」的出現。對於不喜歡食物多汁的朋友來說，這特別之處是值得加➕分的。

近日大吃大渴, 晚上又預約左五個course大餐, 原本想素食清一清, 結果, 素都可以超豐富😂叫左日式定食, 冇預到咁大份丫烏冬好咬口, 大大碗食極都有, 唔惹小喎！配油豆腐兩片, 睇落唔多, 但真係好滋味, 我個人非常喜歡。可樂餅既咖哩味可以加重少少, 感覺好似健康左啲豆腐豆味香濃, 個汁好夾, 上面有花辨點綴, 又靚又好食。黑椒毛豆好香口, 黑糖番薯仔甜滋滋, 綠茶厥餅好煙靭, 我係好鐘意厥餅, 難得呢度有。整體都好好味, 好健康呀～

幾位老朋友相聚， 由於有朋友吃素，所以提議吃素年。從深水埗地鐵站d2左轉走3分鐘就到，算方便。芫茜意大利飯 芫茜是意想不到的多!除了稍微有些鹹，每一口都充滿芫茜的味道，是芫茜控一定要試，必成至愛。冬陰意大利飯一上枱便飄來了冬陰香味。果然，一試下，充滿了香料氣息，比泰國餐廳的要好吃。加了金不換，超香! 注意，這個頗辣的。不吃辣的不知可否改小辣。不可能肉醬意大利粉用新豬肉入饌， 與意大利醬配合得好好。不說的話，不會知道沒有肉。神奇。日式咖哩吉列豬扒 意大利 飯不錯，但和以上菜式相比，反而相對較普通。黑松露蘑菇漢堡包有大蘑菇、沙律菜、蕃茄 、車打芝士、黑松露醬 ，配番薯條。 好惹味，口感層次分明。不可能漢堡包有火箭菜、 車打芝士、 洋蔥 ，配蕃薯條。主角是不可能漢堡，很似肉呢！同樣地高質素。鬼佬啤麥味香濃 ，勝過一般啤酒。紅棗玫瑰桂圓茶很足料，味道濃。玄米茶餐飲較普通，量少。試過幾款菜式都令我們很驚喜很驚喜 無論是西式還是泰式 ，味道都很正宗， 而且食物很新鮮。非常滿意，如果不收加一服務費 便更好了。

這間素食，我會再想去。這次我叫了日式定食，不可能漢堡包同加了碗南瓜湯，飲品都要了一杯玄米茶和伯爵茶。先說南瓜湯，味道甜，飲下去有滑身的南瓜泥,證明它用了好多南瓜，味道豐富。當天叫了日式定食，是最令我驚喜是可以試到很多不同種類食物，有炸南瓜，甜番薯，青瓜，綠茶麻薯，烏冬日式豆腐，同埋支豆。南瓜同番薯甜得來很好吃，青瓜爽的，綠茶麻薯吃起來有口感，整體這個餐會令人開胃。不可能漢堡食落好清新，因為有菜同洋蔥，個素肉排唔會好肥膩，但有好香既肉味，比真肉漢堡差唔多，橙色係番薯條，甜甜地。比薯條好食。至於玄米茶，有強烈的米味道，感覺好清。伯爵茶都有足夠的花味。

一直都好想試素年但每一次都因為唔同原因食唔到🥺 有次book咗位但病咗☹️有次去到想walk in都無位☹️今次終於book到位食到啦！😍😍😍1️⃣ 黑松露蘑菇漢堡包配蕃薯條第一次食無仼何肉類嘅burger，感到新奇入面有：大啡菇|沙律菜|蕃茄|車打芝士|黑松露蛋黃食落好juicy，黑松露味都幾重😙2️⃣香蕉火龍果燕麥奶香蕉味好重，但嗰色好火籠果🤣3️⃣純素芝士蛋糕個人本身麻麻食芝士蛋糕，友人話覺得都幾不錯，估唔到素都整到芝士蛋糕☺️整體嚟講，食物質素幾high juice🥰

有時食得多肉都想食下素食，間中清淡一下。今日就左試呢既文青風素食餐廳，叫素年。餐牌選擇都多元化，有burger有定飯同意粉，所有主菜都會送一杯伯爵茶。我就叫左呢個日式素食定食，首先有個腐皮豆腐烏冬，湯底幾清甜，唔會好淡味。仲有個味噌湯小食方面，全部都好精緻🙈有漬物、玫瑰花豆腐、黑糖紫薯、南瓜薯餅、秋葵同綠茶mochi ❤️男朋友就叫左泰式冬蔭功意粉，首先個汁同個意粉做得幾好，個味道同口感岩岩好。材料方面有新豬肉同蔬菜，睇個樣唔算好辣，但其實都幾辣下🥵岩中意食辣既朋友🤣下次都會再去食，不過記得最好訂定位，因為都幾多人😋

今晚同朋友去了深水埗買野，順便又試新餐廳。 素年 顧名思義是間主打素食的西餐廳。因為平時經過見餐廳都很滿座，多數要預約，否則末必可以直接有位入去食。 不可能漢堡包入座後，點了個套餐，叫不可能的漢堡，漢堡有火箭菜，車打芝士，蕃茄和素肉造成。口感和味道竟然和真肉漢堡無分別，而且沒那麼油膩，感覺健康得多。此外，套餐還有蕃薯條，雖然是炸物，但又不太油膩，而且充滿蕃薯香，真的非常美味同驚喜。菊花花茶主菜另加30元叫了壺菊花花茶。可以一邊食巨大的漢堡扒，一邊品茶解渴解油膩。花茶有淡淡的苿莉花香和菊花香，很淡但又悠悠既香味，配合環境真的很舒服和悠閒。最適合與朋友慢慢地享受。整體味道真的很不差，而且價格方面相對很划算，真的很值得素食愛好者試試。

今晚去深水埗食飯，好彩一早就book定呢間餐廳，如果唔係真係有排等！素年，主打各款素食同全素食，餐牌寫得好清楚，唔怕叫錯～我叫咗香草青醬意大利粉，賣相好green！好護眼😎面頭鋪咗我都幾鍾意嘅火箭菜，味道係偏苦澀，如果唔鍾意呢個味嘅朋友就記得走咗佢，因為份量都好多，唔好浪費嘛！意粉好大份，我自己一定食唔晒，好彩有男朋友幫手食！除咗火箭菜之外，仲有蘆荀，夠嫩唔會好老好多根咁。好多青醬，每一啖都食到好濃嘅青醬味！而且係好入味😋應該係我係香港食過最好食嘅青醬意粉💖男朋友叫咗黑松露蘑菇漢堡包，有蕃薯條，好香😍 唔係一般薯條咁頹。個餡有juicy大蘑菇、半融車打芝士、番茄、沙律菜～黑松露蛋黃醬同個包勁夾，而且所有野都好新鮮juicy，比起有肉嘅burger，我同男朋友都更鍾意素食burger！加咗$36轉飲oatly特飲，藍梅黑提子燕麥奶，甜度剛好又唔酸👍🏻另一杯係跟餐嘅凍伯爵茶，都幾好飲，凍飲感覺比平時熱飲甜啲。以後想食素都有多一個地方揀啦！而且呢到服務好好，有禮貌，就算無book都值得等下❤️

之前都介紹過素年呢間素食餐廳，本來都想試吓其他嘢，點知揀咗好耐都係揀返至愛嘅日式咖喱OmniPork豬排意大利飯同Impossible Burger 😅都係嗰句，佢哋嘅 #新豬肉 豬排係我試過最好食嘅，外面好脆，唔油，帶有肉嘅質感，配上香濃嘅日式咖喱🍛，正😋個impossible burger都幾好，肉汁豐富，唔講真係會以為係肉😱 最鍾意佢地啲蕃薯條，好鬆脆😋.啲嘢食又好味，加埋係 良心小店💛值得支持😉 未試嘅話記住帶隊嚟挑戰自己嘅味覺喇😊

深水埗出現左一間Fusion素食店，以新穎的想像提升素食的層次，有日式、泰式、漢堡、豬扒等不同類型的素食。.📍日式定食🔸包括麵豉湯、雜錦配菜、烏冬及甜品。🔸雜錦配菜有可樂餅、冷豆腐、枝豆、木耳及日本蕃薯仔。🔸配菜整體麵非常好食，可樂餅香脆可口，調味剛好；冷豆腐及木耳也非常開胃。🔸烏冬的湯底用了一貫的柴魚高湯再加上兩塊甜甜的腐皮，清淡中更見特出。.😋味道：7.5/10🙃回頭：8/10💰消費：$108

某日星期三已經想試下呢間野，見到d野食幾正，又要係素食。放工未7點已經去到，點知冇位，要等到8點半，果斷離開，因為太餓了。結果星期五book定枱，再去過，餐廳唔大，所以記得要book 左先好去。叫左一個impossible burger, 幾大份, 同牛肉好似但冇牛味的。番薯條甜甜地，好大條。另一個叫左吉列豬肉咖啡飯，我地都比較喜歡呢個既味道，飯係用左意大利飯既做法，都幾特別。有樣唔好既係，呢2個都好熱氣，不過素食黎講幾特別，值得一試。

今日同女朋友兩個嚟咗深水圳嘅素年食lunch，之前成日經過過都覺得裝修好靚，但始終諗起會係平時係街市見到個啲素雞素鴨嘅味道我就覺得麻麻地。但係今次有fd 同我講話佢啲"人造肉" 唔係真係肉，但又好似真係肉咁嘅味道同質感，咁我就覺得好新奇，真係要嚟試下喇！我地嗌咗兩個餐，一個日式定食，同一個人造牛肉漢堡。女朋友就食真嘅素，我自己就食呢個漢堡。漢堡食落味道口感真係好似牛肉，仲做得比真嘅牛肉更滑口，因為太好食食得太快無影到相，佢係做到好似真牛肉咁中間紅紅地，好似5成熟咁架！lunch 嚟講係貴少少，但係好驚喜，都會想再番嚟食！

特登去懲罰呢間良心餐廳，講下喺一餐飯嘅時間，我點樣被佢打動 😌點左日式咖哩炸「新豬扒」意大利飯，叫得「新」，你都知係素食豬扒。賣相靚、咖喱香、素肉似豬肉，仲怕你膩，有蘆筍、車厘茄、蘋果。我覺得素豬係似肉嘅，講真咖喱汁，又炸得咁香脆，瞇埋眼食我都未必分得出囉。「肉」質係鬆散過真肉，但我覺得像真度都有80%，對於想食齋又甩唔倒肉食嘅人黎講，係幾唔錯嘅! 🤭拿，你地自己望下個質地。仲點左杯特飲 —— 青蘋果西芹羽衣甘藍燕麥奶。一聽就知堅，堅健康! 😂比我想像中淡，青蘋果味為主，無乜西芹味，質地又幾滑。我會推介俾想擁有健康人生，但又怕西芹嘅人（即係我）😂黎到打動我嘅位喇! 講真做素食唔多唔少都啲 heart，想sell呢個意念俾大眾。純粹想賺錢嘅話，整啲迎合絕大部分人口味嘅野（=肉）仲好啦! 🤷🏻‍♀️ 大家有無發現，佢連飲管都係紙造架? 🤭 環保、不殺生，我覺得間餐廳好consistent囉!!仲要有良心，抵去幫襯啦? 喺長沙灣政府合署對面隔條馬路咋嘛，睇完唔該同我 go try try!