素年 (福隆大廈)

营业中

休息中

今日同女朋友兩個嚟咗深水圳嘅素年食lunch，之前成日經過過都覺得裝修好靚，但始終諗起會係平時係街市見到個啲素雞素鴨嘅味道我就覺得麻麻地。但係今次有fd 同我講話佢啲"人造肉" 唔係真係肉，但又好似真係肉咁嘅味道同質感，咁我就覺得好新奇，真係要嚟試下喇！我地嗌咗兩個餐，一個日式定食，同一個人造牛肉漢堡。女朋友就食真嘅素，我自己就食呢個漢堡。漢堡食落味道口感真係好似牛肉，仲做得比真嘅牛肉更滑口，因為太好食食得太快無影到相，佢係做到好似真牛肉咁中間紅紅地，好似5成熟咁架！lunch 嚟講係貴少少，但係好驚喜，都會想再番嚟食！