紅花會 (已搬遷) 新店位置

今晚朋友帶我來到這間早排viuTV都有提過的中菜餐廳，餐廳在商廈內的2樓，環境好grand，大多數都是卡位，坐得舒適!餐牌上有多款川菜可以選擇，差不多每枱都會點招牌酸菜魚食!涼拌土豆絲，有很香的麻油味，土豆切成幼絲，能把醬汁掛起，而且沒有辣味，是很好的前菜很開胃!老壇酸菜沙巴魚，幾乎枱枱都食這裡的酸菜魚。魚可以揀選桂花或沙巴魚，而我們便揀選了沙巴。沙巴魚魚肉嫩滑，而每片魚片都沒有骨，能夠安心吃下去，不怕嗆骨!湯底不是很辣，有大量酸菜，酸酸咪咪真的很開胃!除了魚，內裡還有蓮藕、蒿筍、芽菜、粗薯粉等。粗薯粉煙煙韌韌，吸收了湯的味道，十分美味!而蓮藕、蒿筍等蔬菜都很爽口，口感豐富!乾煸四季豆，四季豆非常有鑊氣，看上去雖然有不少辣椒，但食落只有微辣，而且肉碎很美味，用來下飯一流!

紅花會 今日去開灣仔, 想食麻辣, 所以上來試試啦擔擔麵同平日既唔同，呢個相對較為辣，麵條彈牙又不易碎好好味。椒鹽九肚魚椒鹽味都幾足阿, 好好味份量都好足夠辣子雞 火紅紅的辣椒, 加上好多既雞件麻辣味好足。地方坐位舒服, 各方邊都ok 阿

今日因朋友嘅邀請，咁我就嚟咗灣仔呢一間紅花會到食飯， 其實嚟到呢間餐廳到食飯我覺得餐廳嘅裝修都幾靚好有特色而且坐得亦都幾舒服。 咁我見到個餐牌有酸菜魚， 雖然 價錢都四百幾蚊，但係我同朋友因為都好鍾意食酸菜魚咁我哋就叫咗酸菜魚嚟食。老壇酸菜魚： 佢有桂花魚同沙巴魚選擇 ，咁我就要咗桂花魚，呢一個酸菜魚我覺得一上碟嘅時候 ，睇落都好似幾多料，例如有我最鍾意食嘅酸菜同有雞髀菇， 其實我自己都唔算係食得辣， 但呢個酸菜魚嘅辣我都接受得到 。因為啲酸菜都唔算太辣，桂花魚亦非常嫩滑食到桂花魚肉中有魚味， 魚亦切得適中， 魚肉滑、易入口 ， 而且呢個魚嘅份量我覺得都適合2至4人嘅份量 。酸菜湯易唔算太咸， 建議叫個飯餸條魚嚟食， 最後我食埋個飯，飲左成半碗湯。 而且湯底下去亦都有啲粉喺度，啲粉煙煙韌韌， 襯埋個酸辣湯底 成碗嘢都好夾 。其實如果兩個人喺度食飯，叫一個酸菜魚我覺得都已經足夠㗎啦，加多一人一碗飯。 酸菜魚加多碗飯我覺得真係好正加飽!喺大陸公幹嘅時候本人己經真係好鍾意食酸菜魚。 估唔到係香港仲可以食得返好食嘅酸菜魚。 所以希望下次嚟嘅時候可以試下去另外一個沙巴魚， 希望到時有另一番新嘅感

限聚令放寬左終於可以同屋企人出街食飯❤️今次揀左一間出名食辣野既式餐廳過一過口癮🤟🏻🤟🏻🤟🏻呢到既環境好闊落 卡位坐得好舒服餐廳裝潢係華麗中式風格 成個感覺好好！首先講下呢到既主打菜式水煮魚 我地點左桂花魚 中辣 份量好大 夠哂四個人食超級香 魚片好嫩滑 一d都唔腥咸辣適中 唔會話淨係得個麻字而且仲有好多配菜，包括索哂水煮魚湯底精華既寬粉，煙韌得黎又入味，仲有蓮藕片同窩荀等等超惹味！🤩之後我地仲點左辣子雞 一樣揀左中辣一上菜時見到咁多辣椒都好驚會太辣 食落又唔算，反而係好香口，好香孜然粉味！份量亦好大，雞粒炸香左好好味，會忍唔住不停咁食🤣🤣🤣🤣另外仲點左蔥油麵係面到淋上秘制蔥油 超邪惡裡面仲有d蝦米仔 口感豐富！最後就係樟茶鴨，我地四人點左半隻呢個真係第一次食 個味咸咸香香有d似煙鴨胸！ 肉質肥瘦適中，唔錯唔錯！總括黎講 性價比好高環境舒服 而且服務員都好細心值得一試！❤️❤️❤️

真係好耐無食酸菜魚啦～～吊住條癮，見到呢間新開既川菜，就同朋友相約一起品嘗久違的酸菜魚店內環境舒適，清幽。是簡約的中國風，茶杯碗碟也是古色古香。夫妻肺片，加上香芹，清甜可口口水雞十分驚喜，入味之餘，還辣中帶甜，十分惹味超級讚👍🏻👍🏻👍🏻跟住就到大家都好期待既酸菜魚！！我地選左桂花魚。除了魚肉片，魚骨部分也做了炸的處理，沒有浪費任何一部分。配料有酸菜，萵筍，年藕片，寬粉皮，芽菜，菇，雲耳，用料相當豐富。魚片夠滑，湯底也非常濃郁，真係食到大家舔舔脷擔擔麵湯底夠香～炒飯正好為大家解解辣

不嬲都麻麻地食辣野，平時只會係跟大隊食先會考慮，但朋友推薦話不錯，咁就過黎試下。在食酸菜魚同水煮魚，我哋成班人投票，最後結果還是酸菜魚取勝，始終酸菜魚多人可以接受，而且又唔會太辣，人人都食到。佢個味會唔會係太過辣，而且相對味道較為溫和，就算飲幾碗都可以接受，個魚又算幾滑，切得算好薄，同個湯非常夾，只不過價錢相對真係唔算平。我個人來講覺得擔擔麵還可以，麵有點淋，而且個湯唔算辣又唔算會食到好飽個隻。我說一定要叫點菜吧，最後吃到的萵筍絲，我嫌切得太過細條，口感相對無咁出色，因此，我個人來說不太特別喜歡，而且好細碟。不過整間餐廳都算不大，如果有興趣嘅話就一定要訂位，因為星期日晚可以說滿座，而且基本上個個都會整條水煮魚或者酸菜魚。其實而家酸菜魚有好多地方都有提供，而且有好多地方都做得不錯，那間廚十三有我朋友都食過話幾好食，唔知大家有冇特別分享。最後要提一提我哋都叫咗呢度嘅樟茶鴨，不算特別嘅菜式，不過同佢川菜嘅餐廳風格有點不同，又出奇做得不錯。另外要投訴嘅係餐廳嘅白飯實在係淋得好緊要，如果你攞酸菜魚嘅湯餸直頭係食粥咁，我想呢一方面餐廳一定要改進。

說起來，又是跟 Staycation 有著千絲萬縷的關係。早前入住鴨脷洲兩日一夜本土遊，壓軸一餐就係「澄海小館」。話說跟食友C小姐相識都有6，7年，近年對方淡出飲食界，之後偶爾都會相約敍舊，但近一年來先後約了好幾次，都因著不同原因取消，想不到就在「澄海小館」門前相遇。難得踫到，即約飯聚。「紅花會」並非「反清復明」組織，裡面亦唔會有陳家洛、文泰來同駱冰，而係一間位於商業大廈內既餐廳。餐廳主打川菜，座位間非常寬敞，不單有卡位，亦有私人廂房，感覺良好。由於早到，兩個人隨意找了個靠窗的4人卡位，相當舒適。望望餐牌，午市套餐兩位用都不過$248，就算連茶芥加一都不過$300左右，每人不用$150，真係好抵食。前菜共有三款，「香油萵筍絲」幾清新爽朗；「椒汁鮑魚」西芹好脆嫩，但鮑魚切成超薄片，而且份量稀少；「麻辣豬耳絲」陣陣辛香又爽脆。再來是一碗火喉十足的例湯。至於主菜先有「紅花水煮魚」或「老壇酸菜魚」（桂花魚或海沙巴）二選一，C小姐之前試過水煮魚，今次就轉點酸菜沙巴魚。一上檯，便知道份量十足，酸度與辣度都比較輕盈，魚肉燙得嫩滑，以$150一位的價位，個人覺得CP值相當高。另外仲有兩道主菜，包括「麻

係灣仔新開左間川菜館，裝修好新潮有沙發座位，但又不缺傳統川菜館以紅色為主調既特色。.今日Lunchtime 去食，就決定揀2人餐唔使諗食乜又可以試晒前菜、湯、主菜 及 甜品。.先上三款前菜。1. 香油萵筍絲相對清淡既一款前菜，萵筍切成絲，有爽脆口感！.2. 椒汁鮑魚廚師將新鮮鮑魚切成薄片，以秘製椒麻醬汁拌勻，令鮑魚既鮮味更突出。.3. 麻辣豬耳絲最後呢款前菜就用麻辣醬汁醃製豬耳絲，豬耳既脆骨好有口感，加埋又麻又辣，刺激味蕾。.湯今日既燉湯款式係椰子煲雞湯第一啖就嚐到清甜椰子香味，然後就嚐到香濃雞精華，瞬間飲光。.主菜黎啦！1. 老壇酸菜魚海沙巴海沙巴魚肉厚而少骨，岩晒我呢d怕魚骨既朋友。湯底既酸辣程度適中，加埋寬薯粉、木耳等配菜，好正。.2. 麻婆豆腐用熱辣辣既煲仔上既麻婆豆腐仲有吱吱聲，好有鑊氣！嫩滑豆腐粒配上香濃又不會太辣或太咸既醬汁，配碗白飯就完美。.3. 乾煸四季豆以肉碎、蝦米及乾辣椒既醬汁爆炒四季豆好惹味！四季豆好乾身爽脆不會過火喉。.XO醬海皇炒絲苗炒飯最緊要係炒到粒粒飯分明，呢間川菜館就做到了！XO醬既份量剛好，不會太多太重口味，但又唔係清淡到無香味。.甜品金絲棗蜂蜜黑糖

灣仔區完成工作，約朋友去紅花會試吃酸菜魚，聽聞此店的調味用的料很正宗，所以想試很久，限聚令剛好4人去試。老壇酸菜魚(桂花或海沙巴)$428 我選了吃桂花魚除肉質滑嫩外，我要求微辣所以味道就剛好，味蕾就感覺到很多不同的豐富味道魚骨有少少肉還炸了放進去，反而我吃了很多魚骨茶燻醬茶鴨燻味不太霸道皮脆肉嫩，值得一試還有，兩道小菜其中韭菜花腰果蝦乾抄豬腰豬潤，味道幾好。至於砂鍋胡椒海中蝦不是味道不好，而是蝦肉太爽口不是我的口味，開了大邊雖胡椒是入味很多，可惜就吃時不方便。

水煮魚 桂花魚 一條 中辣 $468未上到黎已經聞到好香既辣味 十分期待入面有好多配菜：寬粉、蓮藕片、窩荀魚片好滑、一啲都唔腥、每一塊都沾滿辣椒既油香味，又麻又香！！係我食過最好味既水煮魚之一！辣子雞 中辣雞粒份量比想像中多，好重孜然粉味，如果有得邊食邊飲冰凍既啤酒就perfect🤩樟茶鴨食第一啖既感覺係好似煙鴨胸😍鴨既肉質好林 啲皮薄 唔會太肥！半隻都夠食，啖啖肉！蔥油麵女朋友既至愛 除左蔥之外 仲有啲蝦米仔增添香味 好正！

紅花會係一幢商廈的二樓， 環境很寬敞， 紅綠色的格調很有氣派，而且一看便知道是做四川菜。 餐廳有很多廂房，見到職員出出入入， 應該有不少私人飯局。既然是吃四川菜，餐牌有不少是辣的選擇， 例如水煮魚和辣子雞等， 但近期想少吃辣嘢，便點了也是餐廳的招牌菜的茶燻樟茶鴨 (半隻$168)。 由於是即叫即蒸，所以都大約等了二十分鐘， 剛來時，香噴噴， 茶味飄香， 鴨皮香脆 ，鴨肉緊緻， 只是略嫌肥了一點。避風塘九肚魚($148) 非常惹味， 外皮炸得十分香脆， 魚肉嫩滑， 配搭大量的香蒜粒， 不過九肚魚不是整條連尾，而是切件。四川炒絲苗($138)雖然有四川二字， 但實質並不辣， 炒飯配料有蝦仁、肉絲， 還有大量的欖菜，陣陣鹹香。

紅花會地址: 灣仔謝斐道303號凱聯2樓電話: 27223412好幾個月無同兄弟出街食飯飲酒吹水了，見情況好轉，幾個人搵左間新開無耐架高級四川菜，務求食得放心，傾得開心盡興。$428 一大盤水煮魚，夠2-3個人食，就先來一盤啦，無食水煮辣菜唔好話來過,呢度用左比較貴架魚種，我地點左條沙巴魚，魚很細條無乜肉，加埋其他配料如筍，蓮藕,歡粉先勉強夠食。因都幾多油同辣，正常食幾塊已有股油滯感覺。仲破格連埋魚尾魚骨魚旗都放入去，同平時食到只有肉片不同，但很多魚骨同碎骨.......椒香脆辣雞半份，肉就唔多架啦，始終得半隻，過下口炸到香口，都幾岩點返杯啤酒，降下火。魚香茄子無魚香味？略為油膩麵overcooked ,大家夾了一口就放棄了。勝在坐位闊坐得舒服，價位在灣仔算中上。

紅花會是金庸小說裡的集結了江湖中不少成名豪傑，江湖豪傑的天下第一大幫會，見到灣仔開左一間叫紅花會食川菜，放工可以試吓～水煮牛肉 $368 去食川菜，水煮菜式都係一個不錯嘅選擇. 每一片牛肉都被麻辣和鮮辣椒包圍住，大碗內滿載了新鮮滑溜嘅牛肉片,牛肉片一啲都唔肥而且有咬口,就算被辣油包住亦不失牛肉本身嘅味道，而且有好多配菜例如有雞髀菇， 萵筍，木耳，蓮藕同煙韌嘅薯粉等等.水煮牛肉調味剛剛好，香辣可口，牛肉片相當嫩滑, 整盤水煮牛肉都非常有質素.紅花椒香脆辣雞 （半隻） $238點左水煮牛肉唔太想又點勁辣嘅辣子雞，店員推介左依味紅花椒香脆辣雞， 一來係個皮好香脆，二來鍾意食辣嘅朋友先點辣汁， 唔點辣汁嘅雞件係完全唔辣好似炸子雞一般。我哋覺得呢隻雞肥瘦適中唔會有好多肥膏得嚟又有肉地，雞味濃又juicy, 個辣汁都幾正，完全唔油，又享受到麻辣嘅香脆雞。蛋黃豆腐 $128我自己最喜歡這道菜，因為出面食嘅蛋黃類嘅都好邪惡，好膩，依個出奇地温和，返而蛋黃嘅淡香更顯突出，豆腐切得大小適中，豆香味濃，另外仲混合了不少爽口的原隻蝦肉。依度人流唔多，空間感大，如果想同朋友家人朋友舒舒服服食餐飯，可以一試。

朋友約聚餐竟然帶左我地去灣仔食川菜，我同老公準時到達，一行四人去到灣仔一幢商廈- 凱聯，第一次去門口好高級嘅大堂，對食物帶點期待。齊人就坐 lift上2/F, lift門一開覺得唔似普通飯店，幾張圓型卡位同窗邊卡位，而環境寧靜燈光柔和。老壇酸菜魚 可選擇桂花或海沙巴同價錢 $428桂花魚較嫩滑而海沙巴就肉厚較有口感。大家商議後選擇前者桂花魚，4個人食剛剛好，大大湯碗送上真材實料，酸酸辣辣而且唔會太油，酸菜脆身爽，新鮮桂花魚肉同骨腩，辣度適中唔會死辣有層次感，最喜歡湯底嘅配料，有脆藕片，爽萵筍， 芽菜菇片同埋吸晒味嘅薯粉，惹味非常，啖啖魚片可口。茶燻樟茶鴨 $168 半隻每口都食到淡淡煙燻味，肉身都嫩滑，但同時鴨皮嘅微微脆兼鴨油香，有驚喜喎，好耐無食過有質素嘅菜式。老乾媽牛鬆炒絲苗 $148大大碟炒得夠鑊氣，熱辣辣香噴噴金黃色，即時增加胃口，炒得出色粒粒飯乾身，加上牛鬆又嚼頭，菜粒老乾媽醬豆豉同炒，口感非常豐富兼惹味。口水雞 $108朋友最愛去邊到聚會有呢款菜也會叫的，麻麻辣辣，用上唔同花椒油淋起面，雞肉沾滿椒油鹹香唔太辣，雞肉出奇的滑不失雞味，無被蓋過，值得一試。4個人竟然可以食唔晒，

紅花會是座落灣仔的王子酒店的一家川菜館，今次我們一行四人，就被安排了就坐於2樓的一層有高級酒樓的感覺，店的裝潢偏向於紅色，配合其川辣主題食物：水煮魚 沙巴龍躉 中辣 $428沙巴龍躉肉質扎實，部份魚片部份魚尾魚鰭，變化甚大。水煮魚的花椒跟辣油中，含不少的配菜，比如豆芽，萵筍，蓮藕，還有薯粉，份量頗足紅花椒香脆辣雞 半隻 $238跟炸子雞有異曲同工之妙，外皮香脆肉質夠稔，正！不過略嫌不夠辣，紅花椒往那裏去呢？魚香茄子$128滋滋作響的魚香茄子煲，油香撲鼻，茄子稔軟，非常下飯，偏酸的味道又解一解膩，不俗擔擔麵$68口感爽脆的肉碎跟微辣提升了這擔擔麵的層次感，小巧玲瓏卻好吃青菜燴麵$58這一道菜比較清淡，用小棠菜加上麵條，口感稔軟，較易消化