紅花會 (已搬遷) 新店位置

限聚令放寬左終於可以同屋企人出街食飯❤️今次揀左一間出名食辣野既式餐廳過一過口癮🤟🏻🤟🏻🤟🏻呢到既環境好闊落 卡位坐得好舒服餐廳裝潢係華麗中式風格 成個感覺好好！首先講下呢到既主打菜式水煮魚 我地點左桂花魚 中辣 份量好大 夠哂四個人食超級香 魚片好嫩滑 一d都唔腥咸辣適中 唔會話淨係得個麻字而且仲有好多配菜，包括索哂水煮魚湯底精華既寬粉，煙韌得黎又入味，仲有蓮藕片同窩荀等等超惹味！🤩之後我地仲點左辣子雞 一樣揀左中辣一上菜時見到咁多辣椒都好驚會太辣 食落又唔算，反而係好香口，好香孜然粉味！份量亦好大，雞粒炸香左好好味，會忍唔住不停咁食🤣🤣🤣🤣另外仲點左蔥油麵係面到淋上秘制蔥油 超邪惡裡面仲有d蝦米仔 口感豐富！最後就係樟茶鴨，我地四人點左半隻呢個真係第一次食 個味咸咸香香有d似煙鴨胸！ 肉質肥瘦適中，唔錯唔錯！總括黎講 性價比好高環境舒服 而且服務員都好細心值得一試！❤️❤️❤️