紅花會 (已搬遷) 新店位置

小辣妹@紅花會 The Hua Club灣仔謝斐道303號凱聯2樓2/F, KONNECT, 303 Jaffe Road, Wan Chai吃辣是一種被虐待的FEEL, 次次食完都受不了, 卻又每個月總會搵嗜辣的朋友, 一起迎接辣的死亡挑戰。幸好朋友們都知我是BB LEVEL, 點食物都控制在小辣程度, 正所謂小辣多滋味。辣子雞 $268 ，雞每塊一口大細，火紅紅的辣椒，油快泡，仲有腰果，叫了白飯來配，因略濃味同鹹，麻同帶辣。$168 梅肉炒蒿筍絲，一道辣另一道要不辣的清菜。豬肉蒿絲爽口味淡的，作為去辣的間場菜，是不錯地方坐位舒服，感覺同價錢都非常高級的呢！不過服務未能配得上價位，客不多但服上菜亦超慢，超過30分鐘都未上到第一道菜，希望效率日後會加強。

夜闖 紅花會 皆因想食川菜，沒有陳家洛堂主，只有葉世昌師傅，早前就是看了 Viu TV 「踢館」水煮魚，垂涎欲滴，於是一行四人來！紅花會是一家走會所風格的川菜小館子，揉合傳統及創意元素，整體水準唔錯，值得推薦。 據說川菜講求百菜百味，只不過在香港吃到的川菜皆以麻辣為主，個人口味來說，一餐有辣有唔辣的川菜晚宴方才合意！ 尖椒黃金皮蛋 $78唔食唔知皮蛋都有金黃色的！平日見慣黑黑灰灰，據說因為四川醃法不同。這道黃金皮蛋賣相搶眼，見樣已經覺得好食！同樣是蛋白有點通透似啫喱，蛋黃黏黏地半溶狀態，質素好好，食落順滑順口；一片紅海的賣相好似好辣，其實我唔覺得辣，相比一般皮蛋添了蛋香，少了阿摩尼亞的霸氣，好吃，值得一嚐。 茶燻樟茶鴨 $168裸妝而上沒有雕琢，樟木及茶葉之獨特香味更出，鴨皮酥脆、鴨肉香嫩，水準之作！美中不足在於麼麼皮，稍為熱度不足，令香軟度遜色！蛋黃豆腐 $128遇上我喜愛的兩款食材，蛋黃調得恰到好處，混合豆腐滑溜非常，淨食或佐飯更一流，愛不釋手！水煮魚（海沙巴） $428果然是招牌，而且份量十足。魚肉新鮮結實，被辣油沐浴之後異常順滑，而且有曾炸過及原味兩款混合。鍋內有四川薯粉條及芽

個日睇VIUTV個踢館, 見到其中一PART個大廚鬥煮川菜, 睇左一輪, 原來係灣仔紅花會既大廚, 隔住個MON都聞到香味咁, 睇到我勁想食川辣野!今日要過海做野, 夜晚就特登過黎食! 紅花會係商廈KONNECT 2樓, 裝潢有現代中國風格, 梳化座位設計非常闊落, 卡位由其舒適。入面仲有廂房, 適合聚餐。火辣醬野菌炒牛肉 $168可見既材料有唔同既辣椒, 菇, 牛肉片, 洋蔥, 蒜頭, 就咁睇賣相好似冇乜特別, 但入口真心十分驚喜, 一放入口就嘗到香辣鮮味, 細看之下見到材料上沾有薄薄既橙紅醬汁, 相信係餐廳秘製既火辣醬, 食一啖已覺惹味無比, 即刻要叫碗白飯, 配飯食一流! 牛肉片厚身, 爽滑鮮味, 最後食到隻碟得番D紅辣椒碎~~紅花椒香脆辣雞 (半隻) $238原本以為係類似辣子雞既做法, 點知原來係另一回事, 不過錯有錯著,  半隻雞皮香肉嫩, 骨肉均秤又唔會好多肥膏, 一路食一路讚嘆點整到雞肉咁嫩而皮位可以又薄又脆, 而且食到最後一件既時候依然保持脆口! 何謂紅花椒香呢, 另外有一碗醬汁分開上, 相信係唔想淋落去破壞雞皮既香脆, 醬汁主要係濃烈既花椒香氣, 係麻度同辣度方面則

呢間裝修算靚, 坐得都好舒服, 服務都好好, 店員都好有耐心同細心.值得一提係呢到店員都會幫我地換碟, 加分加分!呢到水煮系列應該係主打黎, 我因為得2人食, 所以佢地比我地叫半份, 價錢當然都會平一半的,半份都已經係我平時出去食既一份水煮牛, 所以相當大份, 最好多D人來食,牛肉十分好食, 係因為牛好滑又軟, 夾得唔小心D 都會滑返落去. 牛肉十分鬆軟, 一D硬既感覺都無, 好易入口同埋平均D牛肉都係好大件, 湯方面我叫既係小辣, 麻味都算重重地, 入口之後先會開始辣, 配埋牛肉本身既肉味,一流!另一個係半份酸菜沙巴魚, 尤於我地人少, 加上本身都好大碟,我地就無叫太多菜.魚身又係整到好滑, 主要令我覺得好食係本身魚味唔太重, 但係加左小小酸味又岩岩好,2種菜都係湯底比較重味既野, 但配埋白飯食就岩岩好balance返!整體黎講, 呢到服務,環境,味道都唔錯, 值得一試! 

紅花會佔據凱聯二樓整層，以紅色為主題裝潢中式大氣，座位闊落舒服。菜式以川菜為主，選擇種類繁多，價錢屬中等價位。老檀酸菜桂花魚本人極推薦的菜式，湯頭濃香酸辣卻不油膩，呷一口酸香迴盪，意猶未盡。師傅把桂花魚切片起骨，每片肉厚質感緊緻卻柔嫩，鮮香魚味無腥。配菜包括寬粉、芽菜、菌類等，更顯豐富。麻婆豆腐鮮紅滾燙的醬汁配上青蔥豬肉，蓋過雪白的嫩豆腐，表面淋的香熱油騰騰冒著熱氣。豆腐鮮美滑潤、細膩嫩滑的口感、麻辣香氣撲鼻，讓人不禁喉頭微動！擔擔麵肉碎醬料等份量豐富，麵湯濃香香辣，麵條質感較柔軟，口感柔滑有彈性。辣度比普遍香港餐館高，吃不了辣的朋友要注意。蔥油麵蔥香夠濃郁卻不過於油膩，蔥油被麵條均衡吸收，香口惹味，要注意麵條放涼會開始粘住，盡量趁熱吃光。總括來說，食物高質味道佳、環境舒服闊落、價錢合理，宴客慶祝的好選擇。

餐廳好新淨，裝修幾靚，座位都闊絡同舒服但略嫌餐廳內的燈光較暗黃點餐佢個menu 個紅色好靚好吸睛，食物方面都算多選題，主菜價錢由百幾至四百幾不等，個人覺得少貴，最後我地兩個人點咗兩個小菜同一個麵乾扁雞軟骨味道同平時的炸雞軟雞差唔多，但多咗啲花椒的香味同少少辣椒的味道，同預期一樣，唔算有驚喜香脆辣雞有少少俾佢個名呃咗，其實佢就係炸子雞配咗個花椒辣油的醬。雞皮算香脆，雞肉都幾嫩滑，味道不錯鮮雞燴麵好正常的一碗麵，無咩特別總結：味道不錯，但價錢少貴

拍檔帶路，今晚帶我上一間類似會所的樓上店食川菜，餐牌以辣菜為主，少量菜式可以減辣，近日腸胃有些不妥，小辣比較適合。整體夠火喉，味道都好，師傅處理得很好。兩款小菜，先來蛋黃豆腐，兩種材料是好好的配搭，有鹹蛋香及豆腐的滑，如乾身些會更香，賣相會更好。樟茶鴨做得有水準，鴨肉都嫩，樟茶味濃，酥脆，肉質嫩，配上的麵包質地堅挺。水煮魚很大盆，四個人都夠食，可以減辣我唔敢食多，試了件魚好滑，都食得到，薯粉好食但很辣。薑米肉崧炒絲苗，乾身有薑味有鑊氣。

疫情期間外出用膳，不單要選擇食物質素好的餐廳，也注重餐廳在衞生方面的安排。紅花會的餐桌以卡座為主，每桌之間有寛敝空間，桌上亦備有搓手液，令客人可安心用膳。蒜泥白肉-醬油、大蒜和辣椒油幾乎完全覆蓋五花肉，香氣立時令食慾大振。五花肉肥瘦適中，Q彈的肉質圈著爽口青瓜絲，提昇了清新感。椒汁鮑魚麻香誘人，鮑魚爽口彈牙，瞬間便被清碟。老檀酸菜魚可選桂花或海石斑，侍應推介桂花魚比較嫩滑。酸菜魚份量頗大，我們四人吃也足夠。餐廳採用的桂花魚比一般食店的更厚肉，吃時口感更豐富，肉質的確嫩滑。窩中還有炸過的魚骨、薯粉、酸菜、木耳、芽菜等，整體辣度較低，適合不太能吃辣的食客。吃過幾道辣勁頗高的川菜後，來一碟梅肉炒萵筍絲有助清新味蕾。脆嫩的萵筍絲帶有淡淡的椒香，簡單而味美

來到灣仔區突然想食酸菜魚，見到有間新店開張咁就試試佢啦。餐廳提供一個性價比唔錯嘅商務套餐，有例湯、前菜、酸菜魚、兩碟小菜及甜品，可以一試。例湯好快就黎到啦，蓮藕沙角煲豬展老火靚湯，飲落好舒服，唔覺有味精、唔渴喉。前菜有椒汁鮑魚、涼拌萵筍絲和麻辣豬耳。萵筍絲配搭麻油香味，十分開胃。麻辣豬耳香口，冇想像中咁麻咁辣。整體小菜都唔錯，開胃一流。主角酸菜魚出場，有得揀水煮魚或者酸菜魚，魚款亦有桂魚同沙巴魚揀，任君選擇。酸菜魚口味偏濃，配合配菜芽菜、寬粉、蓮藕、木耳食落好有層次和豐富。魚亦有兩類，魚骨嘅部份會用炸既方法處理、魚身較滑嘅部份如平時一樣。呢個做法十分出色，另到一碟酸菜魚比平常多左唔同嘅層次。另外兩款小菜分別係麻婆豆腐同乾煸四季豆，麻婆豆腐豆腐好滑，味道亦都教濃，配飯食一流。四季豆口感出色，配上辣肉碎亦食唔停口。主食方面，有海皇炒飯。入面有好多海鮮配料，飯身亦夠乾，配上以上小菜食落唔錯。最後個甜品係蜂蜜黑糖糕，一打開蒸籠就聞到香噴噴嘅黑糖糕味，食落唔算太甜，一人一件剛剛好。整體來講用餐感覺10分舒適，商務套餐性價比亦算高，$248兩位用絕對夠飽，包晒例湯、前菜、主菜、主食同甜品。好食又抵

試了午市自選外賣套餐，可以選擇三款前菜和一款主菜，可供選擇的菜品種類頗多。這次選了白肉茄子、手拍青瓜（雖然明顯不是手拍的⋯）和涼拌兔耳菌，都是素菜，想說和味濃油膩的主菜可以中和一下。每一款的味道都不錯。主菜選了麻辣雞煲，並沒有想像中的油膩或味道過重。雞肉鮮嫩，搭配了的洋蔥和彩椒烹煮火候也恰到好處，和雞肉搭配相得益彰。絲苗米愛好者表示白飯從量到質都非常好。例湯也不錯。取餐時看了餐廳環境，感覺疫情平息後應該會嘗試堂食。

和朋友一行五人，特來嘗試這新四川菜店。原來有四川餐牌及廣東餐牌，四川餐牌由在2樓服務員寫菜落單，廣東餐牌有6樓的服務員寫菜落單。互不相干！後來我們寫了八個菜，食完六個菜等了30分鐘，卻發現漏落兩個菜。我們追左三次，有些服務員說自己來至6樓不知2樓落單，有些回應後就根本沒有人理會，我們再等30分鐘後埋單結帳。十分氣憤而離開。結帳：兩個涼拌菜四個熱主菜共HK$1180，食物：沒有特色，味道普普通通！服務：沒有用心去聽客戶的服務需要，亦沒有恰當的去處理。最離譜的是扮聽唔到！劣評語！

經openrice訂枱，上次被人包場禍咗，繼續再訂， 邂逅丫鬟，再來多一次。前菜（ 丫鬟），甫上枱有點出乎意外，迷你，但精緻，手工巧手，想讓佢多留住一刻！蒜泥白肉卷，紅帶環腰，白肉卷青瓜絲，顏色清晰鮮明，蒜蓉紅油辣醬，微辣，香氣香味吸引，調較得宜，先甜辣，後清爽。涼拌皮蛋豆腐，豆味香滑，白色圓柱型釀入皮蛋碎加蕃茄碎，清甜爽，不經意灑上像瑤柱絲裝飾，不規則絲狀，白黑红黃，精美裝置藝術，瞳孔放大，正合儂意。黑魚子煙燻七味流心蛋，黑魚子卜卜聲，丁屎都有鮮腥必出，入口咸香襲感官，蛋王特大又流心，灑些少七味粉，紅䄂添香，已銷魂。粟米，第一次感覺一般，再試粟米卜卜脆，蛋白花，非黃水。八味醬蒸腩肉片，是否就是四川八味(魚香、酸辣、幹燒、麻辣、辣子、紅油、怪味及椒麻)，但無酸麻感覺，鑊氣氣牆濃郁，微辣，像回鍋肉，醬汁可撈幾碗飯，回味！手剁咸魚蒸肉餅，肉質溶爛打實，紋理看到，不像手剁，無嚼口，味道接受。Xo醬三蔥炒牛肉，好香有鑊氣，葱受牛肉感照，變得更惹味香甜，牛肉香又脆。主菜最重要有白飯，苗，有米飯香，軟綿有口感，感受到幸福感覺。杞子桂花糕，弄出花型，清甜味跟一般酒樓有些分別，是否杞子大粒影響，但

如題，私人會所感覺首先就有張精美的自動麻雀檯，環境私穩，冷氣夠，茶水服務足午市結束就同朋友來雀局晚上8點開席轉另一間房朋友已預先向店主預訂餸菜頭盆除左中間個芝士卷，旁邊兩個餸是辣的最大頭個碟就係爽脆兔耳菌喇聖子都好食，但普通哩個花膠燉雞 真係一流足料，濃味好想飲多次...柚皮好軟林林 零渣 入味鮑魚唔洗多講鵝掌好入味不過食完佢已經開始飽 可能柚皮太漏海斑四食 普通最香口係黃金煮法反而我欣賞個菇同西蘭花🤪哩個魚湯津白呢...津白其實好難輸最重要係個湯身，哩個湯身好奶油奶穌味嚴重影響左哩個餸最後係個麵線，麵線好好食但係我唔記得咗影相😅每位770 （包加一服務費）整體令我回味的就是個燉湯但太貴了，再黎都一定要有喜慶先會考慮

友人介紹，見新開張有試食優惠，同一家大細去試新野，請埋廚神（我奶奶😜😜😜）去研究研究 🧐🧐🧐 驚喜發現各樣美食均 巧奪天工，去骨九肚魚，龍井蝦仁，飽粒雞煲，黑松露帶子西蘭花，香煎肉餅，豆腐海皇羹，乾炒牛河，就連甜品生磨杏仁茶， 鮮榨蘋果汁都見到大廚既功夫，連我個廚神奶奶都讚不絕口，服務細心體貼更為佢加分，招待一家大細完美享用晚餐 👍👍👍

Love spicy food and this new place feeds my cravings .. the spicy beef jerky, Sichuan spicy fish in chilli oil, and spicy chicken bites are amazing, highly recommended but can’t really have every dish spicy so tried the deviled eggs and abalone chicken pot as well. Both yummy and not too salty but enough flavour. Was told there are new items coming soon too, will be back to try more!