紅磡雞蛋仔

营业中

休息中

上次經過食了鮮芒果斑pancake好好食今次再來試雞蛋仔，我簡左鴛鴦雞蛋仔，以滿足我的好奇心，另外還可以加芝麻的，我卻沒加。朱古力味很濃，食完半邊朱古力味再食其餘半邊原味即刻淡然失色但都是很足料，而且伯伯好好人，好有心機處理吾同order下次再來

✏️「沙律雜果香芒班戟」❤️紅磡雞蛋仔咁出名 唔知大家試過未呢 住紅磡一定成日忍唔住黎食 由店鋪環境同老闆 都散發住一種懷舊感同人情味呢個班戟只係$10 十分抵食！班戟多數岩岩煎好 仲暖暖地 加上沙律醬牛油奶油 再加埋雜果 同埋老闆好自豪「自家種」既芒果 賣相色彩繽紛 見到都食慾大增 咬落去口感好豐富 班戟好香好軟 水果好鮮甜😍 我格幾日就要食一次！

今次黎到紅磡食呢個成日上網都見到人POST出黎既雞蛋仔夾餅一叫叫左兩個,沙律淨芒班同埋肉鬆口味個夾餅蛋香味幾香幾重,又夠厚,芒果同雜果就係平時個D咁啦跟住就係肉鬆口味, 伯伯話佢用個D係靚肉鬆,所以肉鬆唔易散開,呢個同芒果比的話,呢個係大勝,非常夾,下次一定要早D黎!

每逢來到紅磡，我必定會特地到這邊吃這個百吃不厭的芒果pancake！pancake皮內卷著一顆又一顆的芒果，再加上cake皮上塗滿了味道適中不過咸亦不過甜的沙律醬。兩者配合得剛剛好。看看每顆芒果，又大又黃。雖然間中會有一丶兩顆是酸的，但整體都是黃黃的熟透的芒果。一個字: ！

鍾意食雞蛋仔夾餅嘅 又點會無聽過紅磡雞蛋仔😏-沙律淨芒班㦸 ($16)可能因為臨收鋪 7點幾先嚟到 人情味伯伯唔好意思同我地講芒果賣哂 得返半份😢 咁唔緊要啦 照殺 亦都唔想伯伯難做🙆🏻芒果都幾甜的 同埋有溶咗嘅牛油 幾夾 但反而唔喺好食得出沙律醬嘅味😂而且個pancake 蛋香味幾重 唔錯唔錯 I love it❤希望下次試到全份嘅威力-肉鬆班㦸 ($10)估唔到肉鬆比起芒果更得我歡心 可能我本身真喺唔太好甜 肉鬆嘅咸香 配埋鬆軟嘅pancake 再搭埋練奶同花生醬 本身以為會怪怪但點知喺出奇地夾 所以真喺唔錯 唔想食芒果嘅 可以試下肉鬆👅-

紅磡雞蛋仔是紅磡內的名店，我也慕名去光顧過幾次。第一次吃了芒果班戟，用芒果肉做的班戟，很有handmade的感覺，味道不會太濃。第二次吃了蛋白肉鬆班戟，我感覺蛋白肉鬆與班戟的味道較夾，肉鬆很多但很鬆散，吃的時侯不斷掉落，吃得很淪盡。第三次我吃了原味格仔餅，我感覺格仔餅比班戟好吃，也比其他店鋪的好吃。醬料的份量不會太多也不會太少，自己吃一個也不會覺得膩，格仔餅也不會過淋或過脆，口感軟熟厚實。班戟和格仔餅都是微暖，口感軟熟，是水準之作。

終於有機會一嚐紅磡呢間小店嘅班戟！😬果然無令我失望！芒果粒都幾大～芒味香而且都算系甜，似系用左水仙芒😀見住老闆一路匹芒果肉一路嗌多啲多啲💥見到都興奮😊滿滿嘅芒果肉配上鬆軟煙軔嘅班戟🙂班戟帶小許甜，落左好多粉醬食完都有啲飽😊好滿足👍

之前見好多人介紹呢間，就專登去左紅磡食，結果係好失望。芒果係甜同冰凍同埋份量都多，但班戟皮就真係麻麻地，得個厚同埋熱。環境衛生都唔係太好，一路等都見到有野係食物附近飛黎飛去，食落都唔多開胃。

芒果班戟 Mango Pancake $16一1）無好似絕大部份人咁爆多芒果，呢份少到喊2）見唔到傳說中既人情味好人伯伯3）啲芒果甜得有啲匪夷所思，似浸左糖水而甜成咁誇張一
我好少去紅磡，因為唔就腳，但我一直都知呢間紅磡雞蛋仔好出名，因為好多人介紹講咩人情味超濃，超級爆多芒果等等，可惜既係，呢啲咁美好既情節我咩都遇唔到😟😟當時我同妹妹食另一間餐廳食到超飽，然後見到此店仍堅持地要食，可見我對其期待係有多大😬相對失落感都有多大一其實味道都唔差既～始終咁既組合都難食都無咩可能😂😂班戟暖暖地咁，厚身鬆軟略有煙韌口感，幾有蛋香味既，內有少少沙律醬增添味道，令其食落更順口。但啲芒果呢就真心無其他人講到咁誇張多囉～～至少我呢份好明顯唔係囉！😟😟同埋我諗係非律賓定泰國芒果嚟，超級無敵甜到我地覺得有點假，猜測浸了糖水，哎，我對芒果既認識程度幾乎係零，但我知唔係平時食開既愛文芒或呂宋芒。一無緣感受到傳說中伯伯既熱情富人情味且敬業的精神😫😫從我倆主觀角度出發而言，食既果一剎那只覺得，唔太合我地胃口，無論份量或味道，都覺得 $16 有點貴，始終我地果份又唔係大大份咁，又無爆晒啲大大粒芒果出嚟，又感受唔到任何人

沙律淨芒pancake $16呢度既雞蛋仔出哂名，今次試pancake, 見佢啲pancake烘得好靚，好鬆軟，軟林林。芒果又新鮮，大大粒，咬落內凍外熱，super jeng!! 老闆又得意又有人情味，我比滿分！芒果控要去試下

每次又經過依度 一定會排左先講 因為真心正同埋體現香港精神淨芒班戟 $16 轉眼間已經加到16蚊 不過依然好味 老闆嫻熟既手勢 從容不逼既multitasking 大愛依間小店 第2次食依個班戟彷彿番到第一次食既模樣 因為真係味道不變 芒果依然好甜好香 班戟挺身厚實有嚼口 但唯一不同就係排晒長龍憶當天: 吾知佢開幾點 個時只係個FM year1仔 傻更更甘去左個開學禮 見係附近就去左紅磡雞蛋仔 記得個時太早11點幾 但又好想食 吾甘心就甘番屋企 就係附近吽到1點半定吾知幾點佢開門 行到腳都斷 但食完個刻係滿足既 再之後有一次去食佢既肉鬆班戟都係勁好味

每次去紅磡點都會買黎食, 因為香港已經好少呢一隻夾餅啦.今日我同友人一個買左奶油同埋芒果味奶油味就我係我既招牌,每一次都會食呢個, 夾餅皮好香蛋味, 非常鬆軟, 好滿足, 加埋煉奶花生醬, 冇得輸友人試下呢個芒果, 芒果夠曬大粒, 粒粒芒果都好甜, 搽上沙律醬, 每一啖都令人好幸福, 個皮都係一樣, 即叫即整, 仲有好多氣孔係上面, 好正呀食完老闆見到我個為食樣仲問我, 好唔好食呀? 我話正呀, 佢笑住口好開心咁講咁咪好囉!開心好簡單, 整野比人食, 食個個開心, 整個個都會好開心幸福

|| 花生醬芒果班戟 ||pancake w/ diced mango and peanut butter 當日老闆說他中了六合彩，說加料多給我們一點芒果，真的快要滿瀉出來！點了一個沒有沙律醬的班戟✌🏻️好吃多了！不記得原本那個有沒有花生醬，但花生醬的半咸半甜與芒果的香甜出奇地配搭呢！芒果鮮甜多汁，班戟軟稔厚身但富空氣感，不會太膩太濟。

專程去紅磡食呢間出名既pancake~嚟到當然要嗌芒果pancake ,但原本佢地有肉鬆pancake!! 岩晒名我去但又唔食芒果既朋友！pancake 皮好香好軟熟，陣陣蛋香味！仲要熱辣辣好新鮮～ 十分多芒果肉，好開心！ 果肉好癬粒好甜，仲要係凍既～～～ 加上沙律醬食唔錯～肉鬆pancake亦到好多肉鬆，滿瀉甘滯～ 肉鬆加沙律醬一直都係絕配。 十幾蚊一件有甘陣容，仲可以去邊度搵？ 呢間小店值得支持。

我是慕名而來試這個芒果班戟的！聽說紅磡雞蛋仔是馳名港式班戟，許多人必定會食肉鬆班戟和芒果班戟，餡料豐富之餘價格便宜！吸引到不少學生、年青人、上班族和家庭主婦等前來光顧，雞蛋仔老闆為人友善親切又刻苦耐勞，做事又有效率有質素，看得出他是真誠對待每一個客人！這間老字號雖然店舖較小，但可以從餐牌中看到所售賣的款式很特別，例如有雜果香蕉班戟、鴛鴦格仔餅和芝麻雞蛋仔等等，配搭新奇有趣！夏日熱辣辣當然要食芒果班戟！凍冰冰大大粒的新鮮芒果肉，加上暖暖和鬆軟的班戟的配搭簡直不得了！ 不但價格便宜，而且芒果餡料很多，食完感覺清新醒胃，這個港式甜品真是回味無窮！我絕對會再食多次芒果班戟，太好味了！(芒果班戟 $16)我的朋友都食了一個原味雞蛋仔，老闆為我們即整一個熱呼呼原味雞蛋仔，外脆內軟又有很香很重雞蛋味，而且相比其他雞蛋仔他售賣的價格便宜得多！有質素的良心之作真的少之又少，不能錯失！ (原味雞蛋仔 $13)