紅磡雞蛋仔

营业中

休息中

風聞呢間小店-紅磡雞蛋仔-好好食, 排晒長龍~我終於試到喇!! 因為等陣仲要食正餐~ 所以要份小小的班戟, 食唔到雞蛋仔, 夾餅了.... 可惜....本想叫芒果班戟, 但見$16,  比什果班戟貴$6~~~ 擔心未必咁好食, 所以唔捨得貴野....什果班戟 $10: 嘩~ 個班戟有料到~! 暖暖的, 又鬆軟又香, 厚厚的包住芒果, 好夾呀~~不過什果有菠蘿、棷果個d... 因為唔夠芒果咁軟冧冧~ 無咁夾~但都好食既~~ 希望下次可以食埋其他味啦~~~ 期待~~~~

芒果班㦸 和原味（ 花生醬 煉奶 ）夾餅紅磡夾餅其實好出名，終於佢臨收工(晚上7點幾)到達，叫左夾餅後有個藍色箱放左勁多呂宋芒和沙律醬係度。好快手就做左2件出黎，呂宋芒勁多爆出黎，食落去堅甜帶微酸好味道仲有少少沙律醬剛剛好。夾餅夠厚身而香，以$16黎講都抵食又夠特別。而花生醬煉奶份量剛好又搽得平均，啖啖都有醬，正。這小店的叔叔仲好自豪咁講我地用呂宋芒先咁好食，吾係求其買芒果返黎，食完之後都覺好味，下次都必食甜品。

之前已食過佢既格仔餅，又脆又香今日又黎幫趁，叫左朱古力，味道依舊好味，朱古力味濃，好可惜個餅，完全唔脆….唔知係咪今次老細唔記得吹凍佢，定係格仔餅變左質， 今時唔再係往日咁不過老細都細心， 我要一半有， 一半無花生醬既格仔餅，整完仲同我分開兩份

今日行到紅磡，見到有好多人排隊。等了五分鐘，食左朱古力原味雞蛋仔，16元。不夠脆，朱古力味夠甜但原味就冇咩味。曾經食過班戟幾好味，係花生醬煉奶。有機會會想試其他口味。

A must try is definitely the pancake with mango! This is a to-go shop so you don't have the option to dine in. The food is basically prepared on the street which makes it a unique and worthwhile experience! Even though all signs are in Cantonese, the owner speaks and understands English. So just ask for what you want

成日係面書見到～每次見到就想食～ 聞名不如一試～ 今日終於有幸食到肉鬆班戟喇！雖然已經係夜晚，但都仲係keep住要排隊～ 由於我係肉鬆怪，所以肉鬆一定係我首選～ 拎到手既時候班戟係現成，但都好軟綿～有沙律醬做底醬，加上肉鬆～ Yummy好有兒時味道～ 如果我細個係附近番學，相真係會一日一底～美中不足～如果個班戟能夠熱熱地既話相信會更好食～

紅磡雞蛋仔既沙律淨芒班戟 $16 all time favourite 班戟蛋香有口感 芒果好甜 但又吾會好假 沙律醬吾會太多 整體搭配好夾 黃埔站之後開左真係會忍吾住係甘去食啊！

紅磡雞蛋仔嘅芒果班戟，差唔多次次黎紅磡都會食。個叔叔次次都勁好人同我地傾計。記得之前第一次去食，猶豫食咩好。叔叔就同我地講，最受歡迎係芒果班戟。果然班戟皮好軟，配合熟透甜甜的芒果，好有心意咁加埋沙律醬，令到班戟食落去好開胃。雖然好多人排隊，但係都好快到自己，值得等。

之前聽說會“執立”，感到好惋惜。原來，佢系搬左位，實在太開心。今次食左{原味格仔餅} 餅底好厚身，唔好以為厚身就一定唔脆，甘就錯啦，呢間格仔餅就做到外脆內軟，餅底正！加上牛油，花生醬和煉奶，好食！(贊)但略嫌花生醬份量少。仲食左{原味雞蛋仔}雞蛋仔好足料，每粒都是實心的。但覺得皮不脆，軟軟地可能掛住影相遲做食，淋左（哭）

紅磡雞蛋仔人人都話好味，今日終於有機會試試。即使接近黃昏，門口仍有不少人在排隊，約有10人在排隊，但不用等很久，大約10分鐘就到。店主見男的叫靚仔，女的叫靚女，笑容滿面的，予工作與娛樂，都有點沾到他的開心。原味雞蛋仔較朱古力味制作得快，大約2-3底原味才有1底朱古力味，但等是值得的！攞上手是熱辣辣的，濃郁的朱古力香撲鼻而來。每粒都是脹卜卜的，一咬，外層脆脆的，內裏很鬆軟，很有口感。用上原粒朱古力，焗到粒粒都溶掉，熱溶的朱古力很滑，朱古力味更香，口感滑，甜味適中，一底只需$16，物超所值。

沙律淨芒果班戟 $16終於都食到啦，平日又唔經，假日又多人。今日專程黎食，所以叫左個好受歡迎既芒果班戟。伯伯超級親切，知我第一次食，立即叫我試試，仲問好唔好味，我真係想答：「好好味，芒果好甜，你甘親切甜到入心。」但我好怕羞甘一邊點頭，一邊不停食。芒果好多好足料，食到尾聲都仲有芒果粒，而且果肉新鮮香甜，真係想知佢係邊入貨，料靚保證好味。班戟亦唔係做配角，好鬆軟有蛋香，仲充滿彈性，好夾芒果料。 完美的小食，完美的窩心甜品。

淨芒果班戟都算多芒果呀芒果味道都算甜，一兩粒酸都可接受班戟唔夠軟熟，不過入口都唔錯，少少煙韌蛋味可以再濃啲就好 16蚊貴左少少，不過當支持老店都抵既！下次希望試埋最普通嗰款淨鍊奶

好啦 我終於"的"起心肝寫食評😂因為今日既事 我好想寫寫我既感受話說同伯伯結緣講緊係3年前既事 想當年去紅磡既學生屋企補習 由地鐵行過去 途中一定會經過於是就誤打誤撞食左第一件既朱古力雞蛋仔一食 就深深愛上😍睇住佢即叫即整 用朱古力粉溝成漿倒落個模嘩不得了 驚為天人 絕對係外脆內軟 (食到最後果粒仲係!!無誇張!!)感覺似食緊超rich既朱古力蛋糕 間唔中仲有啲半溶既朱古力粒唔會係半粒空心似食空氣咁 伯伯：好唔好食呀?我：好好食呀!!伯伯：我喺網上面有幾多個讚呀?好似有40幾個 (呢下我估喺講緊openrice既笑臉😅)我(即刻search)：唔係呀 又多左啦 50個啦跟住佢笑得好開心😁之後我再去食過芒果pancake (想當年只係12蚊)睇住佢落啲蛋漿喺個爐度煎兩煎 反兩反 三兩下手勢就搞掂攞上手 wowwww熱辣辣既pancake皮 包住凍既超甜芒果 冰火交融果下真係無得輸😙啲芒果多到我試過論盡到跌左一粒落地😂之後有時好多人排隊 或者我趕時間 我都只係默默地飄過不過我都keep住幫襯都有食過原味既pancake(齋落花生醬同煉奶)同埋原味格仔餅伯伯佢仲要認得我 仲試過話有一排唔見我

經過紅磡雞蛋仔唔使排隊又食得落，為食豬緊係要買啲嘢食下啦！上次食唔到芒果pancake今次終於有機會食啦。拎上手個pancake熱辣辣，芒果份量多，由頭食到尾都仲有。可惜芒果可能唔當造比較酸，而且為食豬唔多鍾意配蛋黃醬，如果配沙律醬食夾好多。不過個煙煙韌韌嘅pancake依然深得為食豬心。下次都係食返平靚正奶油pancake啦！

難得假期來到紅磡,,當然要一吃著名的紅磡雞蛋仔~~下午3點左右，排隊的人不算多~姨姨在煎班戟,,,叔叔在烘雞蛋仔~人手不多..因此仍要等等~大約等10分鐘使到了,,,試過水果班戟~今次來試一試咸的~~肉鬆沙拉蛋白班戟(~$10)肉鬆的份量絕不吝惜,,,多到要跌出黎,,竟和沙律醬出奇地配~加上班戟皮軟熟,,充滿蛋香~~吃得欲罷不能~,,原味雞蛋仔+芝麻($~16)雖然個人認為班戟較好食~~但原味的雞蛋仔也蛋香十足,,,真的做到外脆內軟的口感~~加上芝麻多了脆卜卜的感覺,,和香味~小小的店舖在有限的工具和材料下,,能做出出色的小食,,,~支持地道的口味~~