紅磡雞蛋仔

营业中

休息中

之前已經嚟過食咗一次芒果班戟今次咁岩去開紅磡 特登來試埋另一款蛋白肉鬆咸班戟🕺🏿❤️-肉鬆嘅份量好多好多 多到一度食一度跌🤤每一啖都食到滿滿嘅肉鬆🤤最欣賞佢嘅班戟 真係世界級班戟厚身有彈性 口感煙煙韌韌蛋味濃郁班戟仲查左 牛油 花生醬 同肉鬆係幾夾的相比起芒果甜班戟其實我更愛咸味肉鬆🤤一份咁多肉鬆都幾飽肚下 $11黎講 真係好足料 性價比幾高而且伯伯都好親切 好好人下次一於試埋淨奶油班戟 實在太愛佢嘅厚身煙韌班戟 無得頂

即使是吃東西，有時也要講緣份的。之前兩次專程往「紅磡雞蛋仔」都摸門釘後，這次「三顧茅廬」終緣份到了，吃了此店的名物芒果班戟，看見芒果滿瀉的情況，大滿足！紅磡吃雞蛋仔的話，紅磡雞蛋仔及在此區起家的媽咪雞蛋仔都是必然之選。不過，前者那些加入幾種不同餡料的班戟也屬佳品也。內心在選擇加入肉鬆或淨芒果中的班戟掙扎，最終選了後者。老闆態度親切，不會因生意好而變樣。他在弄得熱熱的班戟上，十分闊綽地卷著芒果。芒果帶微酸，但屬可以接受，切得大大粒，亦拌上少許較稀身的沙律醬，味道又幾夾喎。唯一有小許「麻煩」的是芒果太多，很容易會瀉出來雖然是簡單的一道小食，但吃完卻會有一種窩心的感覺，妙。

紅磡雞蛋仔，呀伯👴係間細細鋪keep住做，咁多年人流都係冇停過，已經算係紅磡必食。🙆自己最鍾意食佢既沙津淨芒班戟🌮，係即煎既班戟上面塗滿沙律醬，再加上超多份量既芒果，夾埋一齊，簡簡單單。當季既芒果好甜，沙律醬既鹹鹹地，兩者mix埋係出奇地夾，夏天最岩。👍下次試下佢既蛋白肉鬆鹹班戟先，聽講都唔錯。😍

紅磡的老字號不得不提紅磡雞蛋仔。可是它出名的只是雞蛋仔，還有沙律淨芒班戟。每次見到老闆伯伯，都會跟他閒聊幾句。他確實是又風趣又親切，活像一個大不透的小孩子～沙律淨芒班戟班戟漲漲的，食落好有質感，蛋漿調配得很到位。愛吃芒果的我，小撒嬌的對老伯伯嚷著要「超多芒果」！老伯伯當然笑笑口答允了，一邊往班戟裏添芒果肉，一邊打趣地反問我：「加到夠你就叫我停啦～」提提大家，班戟拿上手是熱烘烘的!原來伯伯一直忍著燙手之熱每件班戟親手放上沙律醬和配料，而一邊與客人聊天，可真是十分敬業。年輕一輩，當真要好好向他學習那一份堅持和心態。

紅磡雞蛋仔相信好多Poly既同學仔都會試過，而好多住附近既街坊行過都會買尼食下，因為佢既雞蛋仔真係好好食。去到大家都會好自覺咁排隊，早2個月佢隔離鋪就開左美味佳外賣專門店，兩間鋪都人頭湧湧，咁大家就仲容易揾到紅磡雞蛋仔啦。 原味雞蛋仔，$14，好香脆絕對唔會淋過毛巾，粒粒都係實心唔係係個殼朱古力原味雞蛋仔加芝麻，$18，呢個<朱古力原味雞蛋仔加芝麻>一定係我既推介。加左芝麻令成個雞蛋仔味道層次昇華左，有芝麻香又有雞蛋仔既咬口。最最最正既係佢入面係實心，食落好似食緊蛋糕仔咁，好飽肚叫朱古力原味雞蛋仔一次過可以食到兩隻味，成件事覺得好滿足而我同A小姐仲叫左奶油甜班戟(好大食仲要食到一半先記得要影相)$8，奶油甜班戟係甜甜地落左牛油，花生醬同煉奶。其實我覺得似係一個輕量版既格仔餅，但就用左班戟皮去包住，比較細份量，兩種食法都好好食

去到門口已有8個人左排隊，不算太多人，所以我都排埋一份。好彩今日天氣唔算熱同埋無落雨咋，唔係排隊就有D辛苦喇！舖內除左班戟外還有雞蛋仔及格仔餅食,但今日我要食店內最出名既沙律淨芒班戟。哈哈!其實老闆每次可製作4 塊班戟，所以好快就排到我了。老闆好快手既整淨芒班戟，勁多新鮮芒果肉,而且嗅D芒果已經知道係超香甜。加上班戟係厚身有彈性,而且蛋味濃郁，加上中間配埋牛油及芒果食落口感有豐富層次。正！當作茶點或飯後甜點都係唔錯既選擇黎。

每次我到紅磡，都必定會到人龍店 - 紅磡雞蛋仔買一底朱古力雞蛋仔，相隔多月難得來到附近睇戲，當然不會放過與朱古力雞蛋仔重聚的機會 >3<雖然現在不少小食店都有得賣朱古力雞蛋仔，不過這裡的朱古力雞蛋仔就連粉漿都是用朱古力粉開，不會只有其色而無其味，加上內裡亦有溶化了的朱古力碎，朱古力味十分濃郁。即叫即製滾熱辣，趁熱即食口感外脆內軟，外面脆卜卜，裡面軟綿帶韌度，即使呆等了差不多20分鐘，但吃到我最愛的雞蛋仔，也是值得的！！

偶爾經過紅磡雞旦仔，只會光顧芒果pancake。今日又買左個吃吃。芒果很甜，份量算ok，pancake 雖然唔太有蛋香，但熱熱軟軟，加上沙律醬再捲住芒果同雜果，口感不錯。加左價後略貴，偶爾過下口隠咁啦😬

傳說中的網紅店，隊伍很長，大概20分鍾才輪到我們，跟朋友選了一個蛋白肉松鹹班戟，淨芒班戟和朱古力雞蛋仔，肉松吃不出味道，很幹，但芒果都算Okay，沒什麽特別，只是沙律醬味道有點奇怪，可能天氣太熱有點變味，然后如果班戟皮再香脆一些可能更好吃，三個裏面好吃的就只有朱古力雞蛋仔了，比較香甜但又不膩，一口氣吃完一整個。價格都算很便宜的，味道跟旺角比起來好很多，只是希望能再仔細搭配下內容，做精細一點。

今日tea time 時間經過紅磡，想食d 小食，所以搵左呢間食，之前已經知道呢間係人氣店，成日排長龍，佢有雞蛋仔、夾餅同班戟，今日下午大概三點到，意外地唔駛等，好好彩。我每次都是食芒果班戟，班戟即叫即整，拎上手班戟是熱辣辣，班戟粉槳足，又厚身，蛋味濃，而且熱上，一流，中間有奶油配上新鮮芒果，芒果好新鮮好甜，當甜品食唔錯。

<紅磡雞蛋仔>🍋芒果($16)&肉鬆班㦸($10)🌮🔻之前成日去開紅磡都無食過，今日終於一嚐😺🌸班戟皮微暖，軟熟，但口感有dd乾韌，略厭蛋香味欠奉🤔🌸芒果餡肉鬆餡真係慷慨地夾超多👍🌸芒果粒粒又大又多汁又甜☺️配埋d沙律醬又ok wo😚🌸肉鬆就失色好多😣d餡係爆多，但有d大粒到粘埋一舊嘅大肉鬆，口感好似食緊紙緊😰成件事好乾身。🌸班戟內仲有搽花生醬牛油，但本身乾就乾上加乾左d😖有d花生醬牛油調味係幾好嘅，但濕潤番會好d🙁🌸肉鬆入面好似混左d砂糖🤔甜甜地，我仲2咸香肉鬆多d。#hkfood #hkfoodie #uhkfood #wwhkfood #hkig #hkeat #紅磡雞蛋仔

朋友話係紅磡讀書一定要去試下紅磡雞蛋仔，於是今日上完堂就去試下，鋪頭細細，除左雞蛋仔，呢度仲有格仔餅同班戟賣，諗左一陣，決定買個沙律香芒什果班戟，班戟好熱好足料，食落好煙韌，微酸嘅沙律醬同甜甜地嘅什果好夾，好好味，平平地買黎做下午茶一流。另外，老闆非常友善，態度很好，短期內會再黎試埋雞蛋仔同格仔餅。

作為一個鍾意周圍食既吃貨 一直以黎好想去紅磡同黃埔呢兩個地方好好覓食 今次難得有地膽帶我地周圍去食所以就幫襯紅磡雞蛋仔🤤舖面唔大 主要都係做呢個雞蛋仔或者係班戟👍🏻 雖然款式有十幾款 唔算太多但都揀到眼花撩亂😂 最後朋友推薦我食 沙律淨芒班戟($17) 揀既時候猶豫左陣 諗緊嗌$11沙律香芒雜果班戟好定 沙律淨芒班戟✨ 之後老細出聲話淨芒班戟係新鮮芒果 而個日芒果好靚😆再加上我朋友話雜果班戟既芒果係罐頭芒果 唔算太特別🤔 所以就決定左☝🏻 賣相係幾吸引 份量算係幾合理 芒果又大又多粒 食落幾甜夠哂Juicy 同班戟幾夾🤞🏻記得唔好掛住食芒果粒 如果唔係食到最尾得返班戟會好寂寞😭

響紅磡食完時新接住女友要求要試呢檔芒果pancake難得過開紅磡嘛響時新行過去都一段路去到有成十個八個人等緊位置響戲院斜對面花多眼亂 樣樣都正 樣樣都想食添大部分人都係買班戟老闆會間唔時大叫有無人買雞蛋仔 格仔餅 因為會快d 有得食 唔駛排最後揀左淨芒班戟同肉鬆班戟睇住佢整 有趣報紙上既老闆黑髮 但真人依家滿頭白髮了不過都好好禮貌 見到小朋友好奇 行到好近睇佢整 佢又會好細心提小朋友唔好行咁埋 小心辣親 小店既人情味 我唔客氣啦 拎上手感覺都幾細件 但芒果都好多 食每啖都驚就跌左芒果出黎咁而且芒果唔酸 好味但食完芒果再食肉鬆就覺得怪怪的啦可能甜完又咸對比起黎就失色左但講真 肉鬆都好好味 又係好足料 勁多肉鬆 正！而且佢既班戟有厚度 有咬口

今日紅磡揾食,經過見呢間排哂隊,大少又鐘意食雞蛋仔,梗要試啦!就試雞蛋仔,排咗陣,通常第一次試嘅食店都會試招牌菜,唔使估,如招牌嘢都唔得就咩都假,攞上手...淋嘅!食落口仲淋,失望!味偏甜,有蛋味嘅!$14蚊,一次算!