影片
更多
2016-10-23
594 浏览
好啦 我終於"的"起心肝寫食評😂因為今日既事 我好想寫寫我既感受話說同伯伯結緣講緊係3年前既事 想當年去紅磡既學生屋企補習 由地鐵行過去 途中一定會經過於是就誤打誤撞食左第一件既朱古力雞蛋仔一食 就深深愛上😍睇住佢即叫即整 用朱古力粉溝成漿倒落個模嘩不得了 驚為天人 絕對係外脆內軟 (食到最後果粒仲係!!無誇張!!)感覺似食緊超rich既朱古力蛋糕 間唔中仲有啲半溶既朱古力粒唔會係半粒空心似食空氣咁 伯伯：好唔好食呀?我：好好食呀!!伯伯：我喺網上面有幾多個讚呀?好似有40幾個 (呢下我估喺講緊openrice既笑臉😅)我(即刻search)：唔係呀 又多左啦 50個啦跟住佢笑得好開心😁之後我再去食過芒果pancake (想當年只係12蚊)睇住佢落啲蛋漿喺個爐度煎兩煎 反兩反 三兩下手勢就搞掂攞上手 wowwww熱辣辣既pancake皮 包住凍既超甜芒果 冰火交融果下真係無得輸😙啲芒果多到我試過論盡到跌左一粒落地😂之後有時好多人排隊 或者我趕時間 我都只係默默地飄過不過我都keep住幫襯都有食過原味既pancake(齋落花生醬同煉奶)同埋原味格仔餅伯伯佢仲要認得我 仲試過話有一排唔見我
因為今日既事 我好想寫寫我既感受
話說同伯伯結緣講緊係3年前既事
想當年去紅磡既學生屋企補習 由地鐵行過去 途中一定會經過
於是就誤打誤撞食左第一件既朱古力雞蛋仔
一食 就深深愛上😍
睇住佢即叫即整 用朱古力粉溝成漿倒落個模
嘩不得了 驚為天人 絕對係外脆內軟 (食到最後果粒仲係!!無誇張!!)
感覺似食緊超rich既朱古力蛋糕 間唔中仲有啲半溶既朱古力粒
唔會係半粒空心似食空氣咁
伯伯：好唔好食呀?
我：好好食呀!!
伯伯：我喺網上面有幾多個讚呀?好似有40幾個 (呢下我估喺講緊openrice既笑臉😅)
我(即刻search)：唔係呀 又多左啦 50個啦
跟住佢笑得好開心😁
之後我再去食過芒果pancake (想當年只係12蚊)
睇住佢落啲蛋漿喺個爐度
煎兩煎 反兩反 三兩下手勢就搞掂
攞上手 wowwww
熱辣辣既pancake皮 包住凍既超甜芒果 冰火交融果下真係無得輸😙
啲芒果多到我試過論盡到跌左一粒落地😂
之後有時好多人排隊 或者我趕時間 我都只係默默地飄過
不過我都keep住幫襯
都有食過原味既pancake(齋落花生醬同煉奶)同埋原味格仔餅
伯伯佢仲要認得我 仲試過話有一排唔見我
有時佢老婆又會黎幫手 係一個好好笑容好客氣既姨姨😊兩公婆都好熱情好nice😙
好啦 講左咁耐 驅使到我寫我第一篇食評既係今日既經歷
話說今日黃埔站通車
我同呀妹就搭去黃埔 諗住去置下裝
順便去探下伯伯(無錯 我呀妹之前俾我無限洗腦強烈推薦去食😂haha佢食完都話正 又話伯伯好風趣 又同伯伯講話佢家姐我好中意食🙈)
我呢 其實都半年無幫襯喇
大學畢業就冇再幫人補習 冇去開果邊
今日呢 見好耐冇食 呀妹又話要食
條龍依然咁長 不過都唔理喇照排
不過出奇地去得幾快 原來多左個幫手(我諗係親戚/同鄉?)
我諗都係七八分鐘左右就到我地
嗌左兩個芒果pancake 諗住一人一個
佢整左一個 就笑笑口問 家姐定呀妹先呀?
佢再話 好耐冇見你囉喎(指住我)
我好驚訝 仲諗住成半年冇黎佢會唔認得我
仲要見今日咁多人我都唔諗住同佢吹水阻住佢做生意
好感動!!!佢竟然記得我😢😢
呢啲咪人情味囉
其實次次見佢做到手震震都好心疼🙊
無幾耐之前睇到佢一篇專訪
話佢仔女都大個哂出黎做野 都有勸佢兩老退休
不過佢唔肯 堅持自力更生 真心好敬佩佢
希望佢繼續好生意啦 但有時見佢做到無停手又好心痛 真係好矛盾😓
不過有樣野無變既 就係我會繼續支持你架
加油☺
26 浏览
0 赞好
0 留言
张贴
