紅磡雞蛋仔

营业中

休息中

每次放工經過都忍唔住排隊買嚟食，因為呢間嘢整出嚟嘅班戟真係無得輸。奶油班戟：材料簡單，就是只有牛油、煉奶、花生醬同班戟，但整出嚟嘅味道真係會食上隱。而班戟熱辣辣，軟綿綿，很有蛋香味，而且非常軟熟，當你咬第一啖就感覺到班戟果種彈牙，再加上花生醬果種香、煉奶果份甜，份量岩岩好真係一試難忘，食完超級滿足。

奶油甜班戟💁🏻去到得番最後三塊,想食既芒果班戟冇哂😭,所以揀左呢隻!明明只係格仔餅既 餡料!但轉左做班戟就好味左! 入面其實都係鍊奶,花甜醬,牛油班戟好鬆軟 !有好多air係入面七蚊而已,仲想點?💃🏻💃🏻舖頭老闆好好禮貌!會再去試多次呀一定

難得仲放緊假， 當然周圍搵好野食去左紅磡食下雞旦仔. 老闆人很好， 係等雞旦仔期間，係咁了我地傾計😝原來佢岩岩開鋪 而且仲要冇芒果格仔餅 , 只好食原味雞旦仔* 好香旦味， 雞旦仔口感 外趣內軟， 好鬼好食‼ 超好味

班戟皮一早整定 有人order再落不同餡料 攞上手只是微暖而已我的芒果班戟(已加價至$16)裡有其他鮮果餡料，可明顯鮮果班戟比淨芒平幾蚊，希望不是故意芒果偏酸，肉鬆班戟($10)非常足料，味道尚可，飽肚之選

男朋友兒時經常吃紅磡雞蛋仔‬，吃了那麽多年竟然也不知道這小檔非常有名！之前專程去了幾次也碰門釘，這一趟終於嘗到了！大熱天時，狹小的店舖內只有幾把扇，老闆仍臉帶笑容，專注地做令他引為傲的雞蛋仔。老實說，對很多人大讚的芒果班戟‬著實有點失望……期望香甜多汁的芒果是酸的，期望熱烘烘的班戟卻是涼的。幸好‎班戟‬皮厚而鬆軟，且帶淡淡蛋香，‪芒果‬切成大顆，以$14(已漲價不少)來說份量也多，吃到底還有呢！而且在班戟面層抹了薄薄的‎沙律醬‬，味道不太酸，神奇地令芒果和班戟兩者更融和。早前看過老闆的專訪，使我由衷地敬佩這位年過五十的叔叔！三十多年來，每天堅持一個人買材料、打蛋漿、弄各款雞蛋仔‬、‪格仔餅‬及班戟、清潔……身體早已勞損不堪。然而，他從不假手於人，因他生怕別人會搞砸他的檔子。只是這份敬業樂業的精神就值得人們再次光顧。

到了紅磡想食些小食，本身想食雞蛋仔，但俾我找到好多人推介食這間的班戟，就算要行多幾條街都要去試下。我叫了這個較多人推介的沙律淨芒果班戟，雖然要$16，但都要試試。班戟熱辣辣，軟綿綿，有蛋香味，加上芒果份量超多，最重要就是芒果好甜，加上了沙律醬，味道好新鮮，果然值得一試，我相信叫普通的班戟都會好食。

雞蛋仔係香港出名小食，周圍都有得食，但唔係度度好食既。呢度雞蛋仔即叫即整，通常等五分鐘度啦，出爐雞蛋仔蛋香味真係好強烈，所以應該唔會溝好多水係裡面，食落蛋味食得出係重既，而且入口都真係脆既，脆到pop pop聲，尤其雞蛋仔邊皮，脆到差少少界口，水準算係中上既雞蛋仔，一粒一粒咁食係正既，人生～

mango pancake hkd14👅班戟即叫即整，新鮮熱辣，非常鬆軟而且厚身，蛋香也挺濃！配上沙律醬和大大粒鮮甜芒果，沒有不好吃的理由！邊行邊食更有風味!pancake is thick and spongey with salad dressing and juicy mango pieces wrapped in between simply costs you hkd14 such a reasonable price😚

哈哈!!!又黎一篇大學回顧,老實講係紅磡讀書住hall真係好開心,周圍有咁多好味既餐廳小食甜品,試極都仲有😎前幾日返去溫書見肚餓就貢去紅磡雞蛋仔買我至愛既原味+朱古力雞蛋仔,去到既時候見到條人龍仔,排左陣發覺都幾多人叫格仔餅,見住老細純熟既手勢一野就搽左好多牛油花生醬同練奶,仲有大量既沙糖,望見都已經覺得好滿足😛老細襯其他人等緊雞蛋仔or格仔餅既時候,就會努力煎pancake,塊塊都確保新鮮,最簡單既甜pancake只需要7蚊,就算配沙律醬同芒果粒好似都係12,3蚊度,熱辣辣既pancake配上凍冰冰既芒果真係絕配😍講返我今次食果個原味配朱古力雞蛋仔,即叫即烘,朱古力漿係用吉百利朱古力粉開成,雖然吾似其他出名既雞蛋仔店用朱古力粒,但佢既朱古力味都好濃郁😍😍😍😍雞蛋仔粒粒都外脆內飽滿,食完超級滿足✌✌✌哈哈老細見我影緊相,仲叫我影靚d😂😂

睇演唱會前緊係去紅磡搵野食醫肚✌🏻️芒果沙律醬班戟 $14 熱辣辣既班戟加上大量甜芒果🌚$14食到咁大份班戟真係好抵食!老闆仲好好人!很想要吧😌😌

今日本來想到附近的店買雞蛋仔、格仔餅食，點知去到，間店話未夠鐘開市wo……但係我又應承左要買比人wo，點算呢？於是我記起寶石戲院附近有間買雞蛋仔、格仔餅的店鋪，而且好似幾出名，雖然遠就遠d，但都冇計啦……總共買左3件原味雞蛋仔、2件原味格仔餅、1件原味朱古力鴛鴦格仔餅，共$74，但伯伯收我$80，初初佢仲同我講話$81，後來佢齊頭數比我，即係$80，我又衰既，冇睇價錢，完全信晒伯伯佢……在等候雞蛋仔、格仔餅期間，伯伯問我係咪第一次幫襯，又問我個雞蛋仔要脆d定"林"d，在等候期間，可能伯伯突然發覺自已計錯我錢，又唔好意思比返我，於是佢比左塊班戟我食，當時我好驚訝，我個陣其實唔知佢計錯我錢，佢比我個陣，同我講叫我趁熱食，又叫我食住等，又問我好唔好味個d，個陣其實唔係咁好意思收，同埋係度諗，哇！人情味十足，讚！點知……原來係個局..........A..A"原味雞蛋仔：同事說美味。原味格仔餅：同事說美味。原味朱古力鴛鴦格仔餅：喜歡甜的可要朱古力格仔餅會更佳。奶油甜班戟：醬如果可以再多點就好了。其實我對於雞蛋仔、格仔餅一般，只是很久沒吃，最近想試試而已，但今次意外地試了奶油甜班戟，感覺比格仔餅

芒果pancake $148.5/10暖烘烘的pancake有點厚度, 不會太薄, 鬆軟綿密之餘帶點煙韌, 蛋香四溢, 本來已經很好吃😋😋😋再塗上沙律醬, 夾上大量甜美多汁的芒果肉, 神級美味!👍伯伯熱情依舊, 人情味依舊😊

終於完成左poly人一定要做既事--食沙律淨芒班戟!😋 個個食過都話好好味 一路都唔信有幾好味 今日一食 決定要係短期內去食多次😍老闆冇乜講野 淨係不斷做手勢叫人排隊同行前😮 好似好惡咁😗 不過見到熟客就會同佢地傾計 仲記得晒d熟客食開既野 佢地行埋去俾錢就即刻有得攞☺️班戟就咁揸上手覺得好細塊 但食落就唔會覺得唔夠喉😊 班戟好熱好厚 仲好煙韌 留心d睇可以見到晒每一個氣孔 絕對唔可以同快餐店出品比較😀 小店出品永遠都係誠意之作😍芒果超級甜又大粒 仲有好多舊😍 本身體質唔食得芒果既我都忍唔住食晒全部😚 班戟面搽左層薄薄既奶油 有d鹹鹹地 更加突出芒果既甜😊小店服務非常好👍🏻有紙包住班戟再俾左個細紙袋 以防d奶油漏出黎 都唔會整污糟隻手✋🏻

每次經過呢間小店都會幫親一下，夾餅，雞蛋仔同班戟都好有水準。今次就買左芒果班戟($14)，班戟整得十分軟，咬落去就好似食緊棉花糖一樣。芒果十分新鮮同埋好甜，以呢個價格黎講性價比十分高。所以好受歡迎。每次去都有人排隊。好彩老闆手腳快，一般等幾分鐘就得。 咁高質素既小店一定要支持!!!

黎到紅磡唔可以唔找美食，但趕時間就無得坐低食，咁就不如食雞蛋仔！叫左個原味黎食，食落個皮唔太脆，但個心就好軟熟，好啱口味！所以如果個皮脆返少少就非常之正啦！下次要黎試下個pancake!