紅煙窗餐廳

营业中

休息中

我們一行8人....一星期前book"木台"....臨上去時發現冇帶openrice 75折coupon....即刻打去receiption...佢可以幫我remark做返75折比我...但由於冇coupon就冇6位送紅酒一枝啦....冷盤本人覺得做得好出色....蠔...一早已經開定啦...佢會定時定後refill...不過當然有肥有瘦啦...我就每次等佢refill時先拎...因為可以choose d肥d既...而長腳蟹refill速度就冇生蠔咁快啦...我反而覺得蟹好普通...唔新鮮...可以接受....三文魚已經一早切定哂...任夾...唔錯...唔需要叫人地夾...亦唔會每次得一兩塊...而花之戀...你行埋去就會有2件...睇食評好多人話有燕窩怪怪地...而我又反而覺得ok wor...不過唔食得多...因為有飯...~既然比我發現左佢地...有段時間....我見到個hot dishes上面長期都吉既???咁0岩再次行過...發現eeeeeeeee.......有帶子????就拎左2隻...行過佢又refill 又拎2隻...行多次...佢已經轉左蒜容帶子.........

2月是最高興的一個月, 因為小妹破自己紀錄. 一個月吃3次buffet星期五, 去食buffet. 今次選擇佐敦的紅煙窗餐廳今個月主題是鵝肝+燕窩. 嘩,好吸引. 便試一試最重要是有我至愛的MOVENPICK雪糕場地細,但可以叫麻雀需少, 五臟俱全.入坐後大概十五分鐘, 侍應就會上每人一份的法式煎鵝肝伴意大利飯. 鵝肝有半吋厚, 肥美. 飯是一粒粒, 有咬感, 飯已經吸收鵝肝精華, 非常美味. 這道菜最有趣地方是用大扇貝殼盛著海鮮:美國生蠔—不大不小, 毫無鮮味. 長腳蟹—肉質霉, 凍虾—肉質彈牙及鮮甜.刺身有三文魚, 吞拿魚及劍魚. 3款刺身內只有三文魚肥美油潤, 其他2款不過不失.熟食方面只有幾樣, 但其實不斷轉新款. 桂花雞翼—雞翼上面有許多桂花, 聞一聞有一陣陣桂花香味但吃下只有蜜糖味. 芝士薯蓉焗扇貝, 扇貝細小, 肉質彈牙但汁太咸. 又是用大扇貝殼盛著燒牛肉—不過不失日式炸豆—外脆內軟.燕窩蟹粥—因為之前食過某間buffet的粥. 覺得這兒一般日式燕窩燕蛋—軟滑但沒有入口即溶的感覺燕窩花之戀---正呀!!!因為三文魚肥美油潤. 甜品: 朱古力蛋糕---濃厚朱古力味, 愛好朱

今年搵多左,於是同屋企人黎哩度慶祝生活見哩個咁多人推,又見有毫又有我至愛既花之戀,就吸引我決定一試 ...服務都相當唔錯,收碟既速度相當之快...廚師出黎check貨亦十分既頻密,一見生毫有六成清貨,已經準備即時添貨,生毫冰架,全程保持常滿,而且都幾肥美三文魚長期供應,哩度最好係橙汁,奶茶同咖啡,係自助吧長期供應,真係值得一讚!!講真,飲品飲得幾多呀,食物加水,講真,真係有d 淡口....希望哩個要keep...平均水準都唔錯!!一家人抱住肚子離開

after parents day食自助餐，一想原來我已經六年沒有吃過了﹗因為早到，所以好多食物都未有得供應。食物慢慢地出來了，有凍青口及非常普通的凍蝦，沙律款色油膩，不宜多吃。媽媽最欣賞生滾粥，配料有雞，魚，花，切片的油炸鬼，蔥花等。熱盆少款而且款色不令人感興趣，所以我冇咩點食，就是狂吃時菜。甜品蛋糕款式更差，只有機bea的pancake、看樣子也翻胃的芝士蛋糕和栗子蛋糕等，還有中式甜品例如椰汁芒果黑糯米和沒有一點味道的豆腐花。水果只有西瓜、哈蜜瓜和菠蘿等，連草莓呀等等都沒有。唯有未飽就轉攻Movenpick雪糕，味道有士多啤梨、朱古力 、乳酪、焦糖合桃、雲尼拿、咖啡、hazelnut，我是足足添了三大杯~!HK$16885折再加一，真是一點不抵﹗我寧願拿這個錢去七十一買Movenpick雪糕杯好過呢！OK臉是給雪糕而已~!

帶小朋友食自助餐，抱住要平的心態，因為小朋友顧得玩多過食，一直想到紅煙窗一試，比想像中好﹗因為早到，所以要等，其實是服務員已帶我們入座，坐住等 三文魚大量供應，肥美新鮮，由於不停添加，到完場仍有大量提供 另有凍青口及凍虾普通，沙律一般沒有特別驚喜，壽司有5-6款，份量不太多，都有添加 生滾粥最受歡迎的有雞及魚片，配料有花生、油炸鬼、薄脆、蔥花等任加 三文魚骨d汁好味，最緊要是夠熱冇腥味所以特別好食 試過其他地方有d凍冰冰好難食熱盆多款但一向不太感興趣，所以冇咩點食，有燒牛肉、牛柳粒味道幾好切成方粒易入口、時菜、 pizza、炒飯等例牌菜式日式蒸蛋幾滑，可以一試，如果份量細d更好甜品蛋糕款式都算不錯，有即做自選水果pancake、芝士蛋糕、桂花糕、芒果布甸、橙味慕士、栗子蛋糕、綠茶卷蛋、椰汁芒果黑糯米、雪耳糖水、啫喱杯.....等，但記得留肚要試超滑豆腐花水果有西瓜、蜜瓜、哈蜜瓜和菠蘿Movenpick雪糕有士多啤梨(有士多啤梨粒的) 、朱古力 (有朱古力碎的) 、乳酪、合桃、雲尼拿、焦糖中湯有排骨煲老黃瓜 ; 西湯有忌廉湯冇咩等別，一試無妨2個大人2個小朋友 HK$516.10

舊同學聚會, 朋友極力推介, 加上又有coupn,所以就一次!一去到唔使等位^^ 環境一般, 熱食亦不算多, 不過我熱盤一向麻麻地, 所以無所謂啦~海鮮有:1. 生蠔, 雖然細, 不過亦算新鮮ok啦.2. 長腳蟹: 細隻+無味3. 青口及蝦 就一般, 無咩驚喜不過我的最愛甜品呢, 真要讚讚!!! 口味多, 亦好味, 大部份甜品亦加了燕窩.另外亦有我喜愛的Mövenpick雪糕添

每逢聖誕節，剛巧又係家姐的生日，每次都總係一齊慶祝而今年亦不例外，於是我就到處睇下有咩好食媽咪提議食自助餐，但係自助餐一到聖誕節價錢就一定好貴，要揀一間價錢適中，而且質素唔錯，又要有聖誕節氣氛，都真係幾難係openrice睇左聖誕自助餐特集後，見到有幾間酒店餐廳質素唔錯，而且價錢唔算太貴。大家最後一致決定試下恆豐酒店既紅煙窗餐廳！我地訂左12月26日，好彩係早訂位，遲D可能會無位)))))去到餐廳後，環境都唔錯，而且仲有人演唱tim，氣氛好好！我地一去到就即刻去左拎野食，雖然款式真係唔多，但勝左夠新鮮，不停有侍應巡下，睇下有乜野唔夠特別係生蠔，不停出，真係新鮮到不得了整體都非常滿意，但仍有改善的地方，例如食物款式可以加多D，不過都算唔錯嫁

與 5 位朋友慶祝聖誕節，有朋友建議嚟佐敦食，起碼唔會好似旺角同埋尖沙咀咁多人！食燕窩 dinner buffet ，加上有 8 折，聽起嚟都幾吸引！ 以「燕窩盛宴.鵝肝」為主題， dinner buffet 6:30 ~ 9:30pm. $398/位 ，( 8 折 ) ，每位大約 $320 。燕窩既矜貴又養顏！好啱愛美一族！ 當晚好多食客同樣慶祝聖誕節，所以比較嘈吵及熱鬧！相機嘅閃光燈亦閃不停！侍應們替食客影相，亦忙不停！一坐落，侍應為每位遞上一杯水，好讓我哋解渴一下！感覺不錯！此外，侍應們眼明手快，收碟有效率！走去兜個圈，睇吓有咩啱食！見到剛上架嘅生蠔大隻又新鮮！零零落落嘅長腳蟹，同無人問津嘅小龍蝦。每位食客均可贈食法式煎鵝肝意大利飯一客-鵝肝煎得好香，不錯！只係意大利飯好油！放扇貝殼上，頗有心思！另外，薯蓉芝士焗扇貝-最正！薯蓉加上芝士，焗完之後，芝士熔化，令薯蓉及扇貝一樣咁入味！蝦、燕窩、木瓜小杯-蝦夠大隻鮮甜，木瓜夠甜。燕窩昆布燉溫泉蛋-作法好似幾複雜！ 溫泉蛋攞去焗，加上昆布，即係海帶，最後加些燕窩，賣相不錯！素翅一般有點辣，長腳蟹算鮮甜，當然食唔番喺日本嘅味道！西湯-係忌

去到7點半, 放低手袋就去巡一巡~其實冷熱盤counter同以往咁多年都係差不多,食物都款式接近同往年一樣....我先食生冷野:生蠔....ok啦, 無乜特別刺身....都係三文魚/吞拿魚果d...無話特別好食.壽司一樣啦!長腳蟹不錯, 蟹鉗幾好味.凍蝦都不錯翡翠螺好彈牙....都ok既, 不過唔明點解無螺味同事食過凍蟹, 佢地都話ok!佢地已經話d肉好"霉", 唔知係雪到過左龍, 定係烚到過左龍~不過拎左返黎就照食啦, 但咬左兩口...d肉真係無味的, d水仍然咇緊出黎, 我不得不放棄, 唉~食下熱野啦....燒牛柳... 無乜特別同事食左一件羊架, 得骨, 一丁點肉都無-_-(我寫到呢度...已經唔記得自己仲有食過d乜,只知道...我全晚夾埋都唔知有無食到$100蚊野-_-)湯..., 我飲左一啖, 好濃味..., 但又唔算係好好飲,同事就覺得應該係加左味精!露荀.....唉, 無味的, 只可以食半條,因為有半條好多"渣"!仲有d碎濕濕既冷盤.., 我諗都叫做前菜啦, 都ok既~甜品今次我反而食多左,朱力布甸ok不錯雪糕, 以前係一桶桶放係度比人"筆"的,依家係一杯杯現成, 幾衛生

老公話帶埋細佬 去食餐勁, 我話開心唔使擇日, 於是乎就諗起有2個朋友都推介要帶小朋友去食自助餐. 即刻打去BOOK夜晚有得食. 去到差不多FULL HOUSE,大人細佬唔理三七廿一即刻去行一轉攞野食, 呢度有好多' 行' 放野食, 食左3轉都未行得完全部o野食, 勁!!!! 由於食物太多未能盡錄, 精心推介以下食品： 1 . 我地6個人起碼食左10隻芝士焗龍蝦!!! 超好味, D'高'超多超香!! 推介2. 海鮮泡飯, 自選即煮 好有Heart, 食落有幸福的味道 ^^3. 仲有我喜愛的北京填鴨 同生蠔4. 我怕肥但又想食蛋糕, 竟然比我發現在云云蛋糕中有' 班蘭蛋糕' 好味又超軟！！！小朋友有咩開心食品: 非常流行的棉棉冰(即刨), 綿花糖(即轉), 黑白朱古力噴泉, 飲品自助兼任飲, Häagen-Dazs 超過10種味道(我最LIKE BAILYS 都有!!!) 美中不足係有時Ｄ貴野要排一陣隊囉。。。無計啦，　旺場係咁，　推介有小朋友一定要帶佢去食

今年可能市旺, 大大小小的酒店, 餐廳都成個月都分時段, 重好貴, 選來選去無得好選. 跟住阿媽話之前一天遊去過恆豐酒店食BUFFET 話D 三文魚好新鮮, 見佢 22/12 都無分時段, 重有8折, 無選擇下就BOOK 了.其實問心我係一D 期望都唔敢有, (因之前就算去 洲際, SHERTON, 更至半島 (日式) 我都覺得只係OKAY, 名多於實), 只係諗一家人過聖誕食一餐, 又可以玩成晚已好足夠.去到個埸係細細地, 但都算OKAY, , 不過D 食物真係物超所值的好好好... 想唔到比起好多大酒店都好得多. 今次係燕窩主題- 海鮮都好多, 也很新鮮 (生豪, 鮮蝦, 龍蝦仔, 長腳蟹). 不停供應..- 魚生好新鮮, 雖然種類得幾樣, (三文魚, 吞拿魚, 墨魚, 另外重有兩種), 但三文魚好新鮮重係厚CUT 好正, 好好味, 重有三文魚花之戀, 爸媽食了勁多. - 熱盤 不停轉, 有D 心思, 我食了日式蒸蛋, 魚柳, 好好味, 重有田螺- 燕窩蟹粥, 好食.- 每人一客的 鵝肝焗飯, 勁好味...- 想唔到燒牛肉, 燒得幾有水準, 多汁唔硬.. 正.重有焗元貝,

本身諗住12號去食..但係已經FULL左..咁就BOOK左16號..本人以為冇左75折..但係都仲有..4個人去食..折左都係$312一個人..價錢同場地都可以接受..係燕窩主題..D食物都好新鮮..空左都好快加快哂!可惜GE係D八爪魚拎左一次就冇加..好食GE有:好大隻GE帶子燕窩花之戀蟹粥(好多膏)蠔(好快比人拎哂)長腳蟹(好重海水味)火雞基本上熟食同刺生,海鮮係冇唔好食甜品:tiramisu(同朋友覺得唔好食)(芝士CAKE超好食)燕窩牛奶布甸(好滑)藍妹撻(太甜)朱古力黑松露CAKE(本人覺得太濃,但朋友覺得!)燕窩葡撻(唔錯)大約食左咁多野..拎第二次GE時候見到有D扇貝..但係D人已經夾哂-_-次後都冇左再過!

已很多年沒光顧這店, 水準還算保持得不錯. 生蠔不是即開的, 味道也不夠鮮, 只是一般水準. 長腳蟹肉質稍粗, 可能是雪得久了, 味道可以, 質感稍遜. 龍蝦仔, 青口和蝦都不錯, 有中上水準.燕窩花之戀的燕窩太甜, 味道不太協調, 不過還是可以的. 蟹皇燕窩粥頗有鮮味, 我用以取代餐湯, 味道不俗.昆布燉蛋太老, 焗原隻帆立貝很美味, 壽司新鮮. 反而是刺身賣相不佳, 補充得慢, 要扣分.熱盆非我所愛, 無甚印象. 燒牛肉OK, 尚算鮮嫩多汁. (如能生一點更好)甜品方面, 推介燕窩燉北海道牛乳, 一小樽一份, 奶味濃又不太甜, 很好. Cheese cake和 tiramisu 都不錯. 燕窩大菜糕的香油味太濃, 有點失真.Movenpick 雪糕有很多口味任揀, 楓糖合桃是我的至愛, 自行伴入脆粒, 很美味。水果推介菠蘿, 十分香甜.是晚的重頭戲是一人一客的煎鵝肝伴炒飯. 鵝肝煎得非常出色, 外酥內軟, 火候剛好, 是全晚最回味的食品, 值得一讚.整體而言, 約$320的價錢有這麼多食品選擇, 已值回票價. 比起皇家太平洋柏景餐廳$370沒有生蠔, 龍蝦仔和燒

聽聞這餐廳年年都入最受歡迎自助餐廳之列，適逢以燕窩做主題，很想看個究竟，終於這晚約到以前曾一起共事多年的好友同來夜「燕」。甫入內，發覺餐廳頗暗，地方較為殘舊，自助餐檯分幾部份，冷盤區，熱盤加刺身、壽司區，花之戀檔，粥檔，甜品和飲品區，雪糕櫃等。這晚人客頗多，約有九成滿。我們都是以冷盤為起點，先試幾隻生蠔和長腳蟹，看生蠔肉質應不是即開的，因欠缺了應有的彈性，唯味道不過不失，小試六隻便算，長腳蟹雖是返本必吃之物，唯怕顧此失彼，吃兩件便算，味道鮮甜。刺身的種類有三文魚，吞拿魚，八爪魚等，唯擺放的地方欠佳，引不起興趣，而壽司的品種算不錯，但也祇試兩件火炙，飯團較硬。而主打之一的燕窩花之戀壽司是即做的，先用一片三文魚刺身圍著飯團，在中央放些少沙律醬，上放燕窩，看來較矜貴，但對食味並無提昇，綽頭而已。燕窩焗扇貝亦是人客全晚虎視眈眈的主打，唯每次祇出十隻左右，不知到了第幾輪我們才每人攫取到一隻，貝殼是巨大的，扇貝用白麵豉醬加燕窩焗，味道是可以的，有無燕窩亦無影響。我還嚐了燕窩鵝肝醬，放在一片薄法國麵包上，鵝肝的味道並不濃郁，成份問題而已，還有燕窩溫泉蛋，半隻溫泉蛋上加些燕窩，頗吸引人來取吃，若單是溫

好耐冇食BUFFET，見佢有DISCOUNT就試下啦~果場好似唔係好大，不過D野食又OK WO，食下冷盤，D蠔好好食，一人都起碼食半打，D蝦都大隻同甜，係D蟹就差D，冇0味冇咩肉~不過淨食蠔都夠晒其他仲有沙律，最記得有個紅酒JELLY鵝肝多士~D個好食又特別，但有個溫泉蛋就麻麻仲記得有個蟹粥，唔食好過食....D熱盤都OK，而且REFILL快，REFILL又唔同款，所以都好多野食~仲有牛仔肉同羊扒，都好食，不過D牛太熟，如果去返6-7成會更好味果日有鵝肝飯送，不過D飯油左D，即上即食為佳甜品不過不失，有D以牛奶THEME既特別好食，好有味道仲好滑，不過甜品唔轉款，來來去去都係果4-5款，所以食左一轉都冇左去~另外仲有SWISS雪糕~成餐就係食到好飽，是日我地由開場前就入去，收場先肯走，而且有折，咁既質素食物配呢個價都真係算幾抵~