紅火鮮料火鍋專門店

营业中

休息中

呢排天氣開始轉涼,又係時候同屋企人打轉邊爐開心下,打邊爐最好就出街食,唔使自己買料,洗料,又唔使搞到成屋味,最放便唔使自己洗碗。於是就諗下喺邊度食,喺openrice搜尋之下見到旺角兆萬17樓有間任食火鍋專門店,價錢唔係好貴,每人百零蚊就可以任食任飲,自己買料都差唔多啦。我地一行4人,晚上六點半入到去,唔係好多人,入去即刻有位坐。發現原來舖頭有成10個湯底,我地呢次就簡了個出面舖頭好小食到的銀杏菜乾白肺煲。(因為豬肺好難自己整到,見咁特別就梗要試下)個煲好正,好多豬肺,認真唔錯。舖頭入面好光猛,坐位寬敞,坐得好舒服。 而且鋪頭入面有個醬料區,所用嘅醬料係要自己喺醬料區度攞嘅。至於醬料果度有d小食畀大家食,包括豬紅,韭菜同埋青瓜等。飲品區呢就有大量嘅啤酒,汽水,烏龍茶等的飲品,想清熱氣的話仲有任飲嘅竹蔗茅根。好有心思的擺設,唔怕太多碟餸無位擺呢度啲水餃雲吞係全部店幫自己包,唔似出面啲任食火鍋全部係交番嚟嘅。肥牛同牛柳粒都唔錯。必食推介:手打蟹子鮮蝦滑(真係好好食)及釀油炸鬼

尋日訂了位，8:30pm去到，完全不用等，叫了花膠雞煲， 走清淡路線， $178加一， 任食火鍋配料， 叫了蝦呀甜粟米等等， 侍應幫手加了很多水， 一定要問侍應拿一個蓋子， 不然滿滿湯的鍋子很難可以滾到。 加了$30食刺身， 三文魚很肥美，食了兩round便飽左了。

最近喺旺角做嘢，放工同同事諗唔到食乜就可以去旺角兆萬中心逛一逛總有一間啱你心意😉這間＂紅火鮮料火鍋專門店＂價格相宜，環境光猛整潔，而且選擇亦不少一於入去試一試銀杏菜乾白肺湯有這個銀杏菜乾白肺湯做火鍋湯底幾特別，感覺一邊打邊爐都可以滋潤個肺😝當打開個煲蓋時香噴噴的菜乾味撲鼻而來，湯底材料豐富內臟洗得乾淨，湯味清甜刺身拼盤刺身款式選擇不多勝在夠新鮮👍🏻美國雪花牛肉，新鮮九肚魚，生猛海蝦，脆鯇骨腩，手打蟹籽鮮蝦滑，手打蟹籽墨魚滑，魚皮餃，買魚頭搭魚嘴雪花牛肉切得厚薄適中牛味濃郁，九肚魚新鮮滾熟之後入口即溶非常柔軟，海蝦大大隻蝦肉彈牙爽口，手打蝦滑和魚滑絕對彈牙唔會覺得食一舊舊麵粉👏🏻我會過河田雞這道田雞真的有意外驚喜，來到的時候田雞還在顫抖著，雖然有點殘忍，但從未試過那麼新鮮，新鮮的肉質果然不同，鮮甜爽彈，一試難忘😋油麥菜，生菜，娃娃菜蔬菜爽脆也洗得乾淨，吸取晒湯底的精華

身邊總有人鐘意食放題，尤其是食量比較大嘅朋友，相對單點食得放啲，唔洗就住就住。今日收工就近近地打邊爐，雖然兆萬被稱為劣食塔，食過部份放題都唔會再訪，但呢間紅火鮮料火鍋係當中唯一覺得唔錯的。餐廳位於17樓，面積頗大，裝潢一般火鍋店格局，有唔少梳化位置，亦有卡位，坐得舒適任飲任食形式，7:30pm前入座，收費每位$168/位，另收加一，食足兩個鐘，價格合理。先揀湯底，款式真係算幾多，除左一般嘅蕃茄、豬骨、沙嗲之類，仲有牛腩、雞煲，佢地嘅雞煲唔錯嘅，之前食過；秋冬仲新增左幾款新鍋底，包括：羊腩煲、酸菜魚煲、花膠筒雞煲等。我地點左花膠筒雞煲，湯底上枱都幾吸引，有半隻雞份量，另加娃娃菜、花膠筒，老實講湯底偏淡唔起膠，預期之中，雞件都算嫩滑唔鞋口，待滾起就可以拆件食。如果鐘意重口味，比較推薦佢地嘅雞煲。前菜自取，青瓜幾好食，開胃配料方面有超過80款任食，寫紙仔下單，份量分大/小，不過我地寫大，佢都係按人頭份量出，冇所謂啦，任食，寫多幾轉囉海鮮類有海蝦、蜆肉，都幾新鮮，而且蝦都幾大隻。蜆肉無沙，我地都食左幾轉。美國肥牛、牛柳粒等質責中規中矩。個人最推薦呢度嘅鮮蝦丸、墨魚丸、鮮蝦滑、墨魚滑，質素比起其

諗唔到食咩當然係去打邊爐啦今個月嘅聚會輪到我諗食乜嘢， 大腦閉塞， 所以就揀咗自己一年四季都好鍾意嘅打邊爐， 上openrice search下旺角邊度有得打邊爐， 畀我搵到兆萬17樓有間任食打邊爐好似好正咁， 以前喺旺角返工就會成日去兆萬食晚餐，通常都係鋸下扒食下日本嘢咁。係兆萬打邊爐好似第一次。Book咗六點半， 上到去啲裝修好新好乾淨， 座位嘅距離啱啱好唔會太迫， 好怕有啲餐廳坐咗落去好似會出唔返嚟咁。今次又係叫咗鴛鴦湯底沙嗲同埋清湯，值得一讚嘅係佢個清湯，夠味得嚟又唔會好咸，飲完都冇覺得口乾。另加咗每位三十蚊任食刺身，啲刺身又幾新鮮拍得住日本放題嗰啲。一如以往，未食肉之前食左菜先，今次叫左娃娃菜同埋唐生菜。另外仲叫左打邊爐一定要有既肥牛同烏冬。另外仲叫左我好鍾意食嘅墨魚滑蝦滑，鮮雞件，午餐肉，雲吞同埋羊肉片。當中最驚喜既係羊肉片，一啲騷味都無。朋友推薦既淮山麵喺出面打邊爐冇見過有。呢個麵口感同上海麵差唔多，但係就幼身好多， 味道唔錯，但係我始終鍾意食烏冬多啲。野飲有我就飲咗一罐烏龍茶，同朋友share咗一個竹蔗茅根，唔知由幾時開始打邊爐一定要飲竹蔗茅根好似變成咗個習慣咁，可能係

係天氣轉涼嘅晚上，加上肚餓指數屬於中高，走去食任食火鍋是常識吧呢幢大廈大部份嘅食店都係以放題為主，門口有各店侍應拉客，見到呢間任食火鍋每位都係百幾蚊，任飲任食2小時，仲等咩? 即刻搭LIFT上17樓啦有卡位有電視，坐得幾舒服只需$238就可升級至海鮮鷄煲加任食火鍋，今餐人丁單薄左D，下次多D人黎先試下多款鍋底選擇，濃啖味都有照顧到最後選擇蘿蔔崩沙牛腩煲，崩沙腩肉質幾嫩同較有肉味，加入蘿蔔嘅清甜味，仲有芹菜嘅香味，成個湯底有肉香得黎又清甜，與其他食材應該可以做到friend。選好湯底後，當然要落食材柯打，款式都好多，都要花點時間選擇飲品出去自助任取，有啤酒/特飲/汽水見到呢張紙寫住每位加$30，可任食刺身咁嘅價錢，當然唔駛諗啦，出面食碟幾片三文魚刺身都唔係呢止呢個價啦，哈哈......款式都唔少，大路如三文魚，八爪魚，魷魚呢D當然唔少得，口感幾好，未開始火鍋時間食住先作頭盤!係食緊刺身時，火鍋食材已經送上，放置係三層架上，美觀又慳位當然係每樣點D啦，呢碟包括有西班牙黑豚肉，手打蟹籽墨魚滑，芋絲，貢丸，生腸及大粒鮮蝦雲吞西班牙黑豚肉薄片狀，方便火鍋食法，肉質烚完都仲嫩口，帶少少脂肪增加油滑

坊間打邊爐嘅選擇實在太多，咁啱嚟到旺角就附近搵吓邊間打邊爐又平又抵食啦！兆萬中心的確係個好地方，無論想食乜嘢都一定搵得到啱食嘅呢間紅火火鍋價錢唔貴而且選擇到高，任飲任食都只係$200內，以價錢來講佢的確唔貴。可以自助拎飲品之餘仲有甜品雪糕任拎任食，已經算係唔錯啦。湯底方面亦都好多選擇，小妹就叫咗酸菜鍋，湯底落咗大量嘅雨充滿鮮味，而且越食越難非常過癮點心紙選擇都多，而且我比較欣賞嘅係即使你選唔同配料都唔會用大量嘅碟上，因為其實都好浪費資源去洗碟，但當然擺盤就唔會好睇囉小妹比較鍾意食佢嘅鮮蝦滑同埋墨魚滑，但口之餘亦都鮮味十足，係難得一件火鍋配料仲維持咁新鮮環境都坐得幾舒服，如果一班朋友嚟相信氣氛都會幾好

不是第一次來的了，那時還未開始寫食評，所以一直沒有推介紅火。不單是因為紅火不用得太久便有位，別以為一家食店不用等位就代表它不吸引，非也非也，我就是喜歡紅火的專注，什麼意思？不就是老闆為了讓食客嘗到最新鮮的食材而寧缺勿濫。室內座位感覺很舒適，通道寬闊，有基本的醬油及配料選擇，另外還有預先煮好的食物例如：鳳爪，冷食的醃青瓜...等等任君選擇。老闆聰明地使用"甜品"盤來乘載食物，即是向高空發展，一個架子有三層放置食材，巧妙的讓桌面騰出空間擺放更多食物或用具，還細心地有紙巾提供。以上種種還沒落單都已經很順心了。而這次選的湯底是胡椒豬肚雞煲，一來他們的雞出了名的滑，加上入冬了，渴一口胡椒湯暖暖胃也好。大慨等了六分鐘湯便來了，待它滾起來之前就取出點餐紙，習慣先選自己喜歡吃的東西，然後再交給友人選他自己的。(每一種食材都被灌上特別的名字，詳見餐牌...)在這裡就不用多介紹，因為款款都新觧美味。另外還可以加$30任食剌身，我這次就加了$20任食手切肥牛。

朋友仔今日帶咗我去兆萬食任食火鍋，朋友仔話好抵食，喺旺角地方，$178任飲任食又真係幾抵既🤪有成10款湯底揀架，花多眼亂仲有英超球賽睇，啱哂班男人啤酒汽水任揀我地揀咗雞煲（少辣）但都幾辣喎，雞件份量十足，雞肉好滑自助吧呢個拍青瓜好得，好爽脆，我食咗三轉🤭呢粒墨魚丸不得了，彈牙到爆百花釀油條，一樣得👍🏻香脆炸魚皮，卜卜脆架仲有雪糕食添仲有好多食物任食架，重慶粉配雞煲都好掂喎👍🏻黑豚肉夠肉味唔痴牙😜

最近天氣漸漸轉涼🍂，最開心莫過於又可以打邊爐啦~~♨️♨️♨️經朋友介紹下今天來到兆萬中心的〈紅火鮮料火鍋專門店〉打邊爐♨️，朋友極力推介說性價比極高百年古方鮮雞煲@雖然唔係好食得辣，但係食雞煲帶點辣味香啲，所以叫咗小辣。兩個人有半隻雞嘅份量，隻雞唔係好肥，無過多嘅肥脂，啖啖肉～雞肉好嫩滑，吸哂醬汁嘅香辣味(介紹話幾十款醬汁同香料製成)，濃郁得嚟唔會鹹，之後加啲清湯又可以繼續打邊爐，非常惹味蝦丸(滑)、墨魚丸(滑)@丸類同滑類都大力推薦，真係真材實料，明顯可以見到蝦肉同墨魚肉在內，唔係一團粉嗰種，食落爽口彈牙，有鮮味！美國雪花肥牛、安格斯牛柳粒、羊肉片@肥牛唔會太多肥膏，但係肉質軟嫩，牛味好香，都幾好；牛柳粒都幾大粒有嚼勁，牛味比較重，肉質都唔會硬，主要睇時間嘅控制；羊肉片都食到羊羶味，但係如果可以再重啲就更好喇卜卜脆炸魚皮@魚皮非常爽脆，輕輕淥一下，掛湯又香脆飲料@飲料選擇都好多，除咗汽水、韓式飲料，仲有自家製竹蔗茅根水，連啤酒都可以任飲，相當貼心。湯底食到後期都比較辣，食返杯竹蔗茅根嘅清甜又解辣呢到火鍋配料選擇都好多，質素都唔錯，性價比較高。份量有得揀 “多”同“少”，店員會按人數分配，唔

放工又約朋友去旺角食飯, 朋友訂了紅火打邊爐, 每人加入$30有埋刺身食環境乾淨是很重要, 紅光我很滿意飲品任飲, 醬料自己出去配, 有竹庶矛根! 要飲飲清熱下!刺身很新鮮! 雖然款式不多, 以每人30蚊計, 其實食半碟都回本!! 特別是我點了好幾次三文魚刺身要了鴛鴦鍋, 滿足各人的需要, 其實沙嗲湯是人人都適合, 但有時想食到食物的鮮味, 就可以"轉戰" 清湯絕對要讚賞設計點餐紙的人食品名稱勁攪笑!! 買魚頭搭魚咀、我會過河田雞、人家讚賞鮮蝦丸、自己滿意墨魚丸......樣樣都想點, 睇下係咪真係咁好食~肥牛, 羊肉片, 黑豚肉通通點晒, 肉質唔錯, 肥牛不會太肥其他要推荐下手打蝦滑, 彈牙! 炸魚皮大大條!! 又炸又好食!!菜很新鮮, 另外想推介淮山麵, 平時出面比較少見到, 麵質彈牙, 麵身幼細, 滖一滖就食得最後當然記得出去拎雪糕食, 有3、4款雀巢口味, 還有童年回憶吱吱冰!!!!!!!如果以在旺角, 乾淨又坐得舒服, 同朋友食下刺身打下邊爐都是二百幾, 我很滿意~

難得老公放假 今日同佢打咗兩個寶貝女出嚟旺角上堂擺低咗佢哋之後就同老公兩個人去撐枱腳 好耐冇撐枱腳啦 我哋兩個都最鍾意打邊爐 行開兆萬發現呢度上面有間打邊爐平靚正就沖上去試下啦 七點前半前離座 每位先至168蚊 真係抵過去大家樂打邊爐呀時間尚早 冇咩人幾好 地方好大老公唔食得辣點咗個白肺湯畀佢補補 入面好多個又軟又淋嘅肺配料都有七八十款任食唔嬲 安格斯牛柳粒 美國雪花肥牛 都好正 有海鮮有蝦有蜆出面有得攞辣汁豬紅 又熱又辣 正呀超大兜醬料區正呀 可以狂加辣椒 豉油芫茜蔥豬大腸一流非常乾淨 又夠林好多野飲 食飽仲有得食雪糕

今日同朋友係旺角行行下比兆萬廣場樓下派傳單d姐姐派傳單比我。我同朋友係唸唔到食乜的時候就比個姐姐説服左上左去試下佢個打邊爐。紅火在兆萬的17樓。本來可以先揀個雞煲先食。但係我地無揀到因為我地得2個人費時食左雞煲飽左一半。我地直接叫左個芫莤皮蛋湯底。個湯底都ok多芫茜同皮蛋. 我地第一round,叫左生猛海蝦，是日推介海鮮（蜆），新鮮魷魚，自己滿意墨魚丸，大蝦鮮雲吞，手打蟹籽墨魚滑，手打蟹籽鮮蝦滑。很老實說，每樣食品的質素比我想像中好！海蝦食得出是新鮮海蝦，肉質彈牙唔梅的！蜆都唔錯係幾新鮮！墨魚丸又真係有墨魚係入面而且都幾彈牙。墨魚滑和鮮蝦滑又真係真材實料用墨魚和蝦膠打出來很有彈性。雲吞比較普通但都ok好食！第二round我地叫了美國雪花肥牛 & 西班牙黑豚肉。兩樣都好食。肥牛油脂分布均勻，最緊要係有牛味！西班牙黑豚肉比我地想像中出色，肉質爽口彈牙！之後我地叫多次海蝦，肥牛，黑豚肉等。食了3round已經很飽了！呢度係飲品任飲雪糕任食。飲品有唔同種類得韓國飲品，各款汽水，我最like嘅無糖烏龍茶和無糖龍井茶，一jar jar 嘅竹庶水，啤酒，黑啤。雪糕係雀巢雪糕都ok唔錯有朱古力，我最l

又去了這間高質任飲任食火鍋店同朋友開餐，$178另加一都係唔使$200，但食物質素有保證，而且新鮮，款式又多。自助醬料柜大部份都有齊。飲品有啤酒、汽水、無糖茶及韓式飲料。甜品是雪糕及小學生年代的吱吱冰。鍋底就要了雞煲，4個人比足一隻雞，還叫即叫即煮，麻味比較輕，但辣味突出，雞肉吸收了醬汁味道，肉嫩且滑，啖啖雞肉絕無欺場。之後加湯去打邊爐，因為原用雞鍋湯底，所以越滾越辣，建議大家點個小辣就好，免得最後辣到食唔到。海鮮十分新鮮，蝦肉結實爽彈。蝦丸及墨丸全部都是鮮打，裏面有粒粒蝦肉及墨魚肉，爽口彈牙。鵝腸肥膏極多，十分爽脆。雲吞爽彈，外皮比較厚。牛柳粒肉質較韌，但肉質味濃郁。肥牛肉很腍，油脂均勻。整體食物味道高質，丸類尤其突出，還有很平時少見的材料，價錢超值。

天氣開始轉冷，又係打邊爐時間，今晚去了這間我覺得又抵又好味的紅火鮮料火鍋店。十個煲底可以任揀，上次試過牛腩煲，今晚就要了個小辣的雞煲，雞煲份量十足，小辣味道剛好，香味十足，雞肉嫩滑帶點麻。食完雞煲就加湯打邊爐，食物款式很多，有過百款，全部可以揀少或多，比較環保不怕浪費食物。肥牛肥瘦均勻，肉質嫩腍，略欠牛肉香，反而牛柳粒肉味較濃，牛脂香濃較有咬口。墨丸、蝦丸、墨滑及蝦滑全部新鮮爽彈，蝦丸及蝦滑裏面粒粒蝦肉，超級彈牙，未試過任食有此高質的丸。雲吞有原隻蝦肉，差不多有乒乓波咁大粒。海蝦新鮮大隻，還有點蝦膏，絕對是回本之一。飲品有茶、汽水及啤酒。最後食埋杯雪糕，十分滿足的一餐。