紅火鮮料火鍋專門店

营业中

休息中

約左2舍朋友係旺角食飯 行街時經過兆萬就決定去打邊爐 - 紅火鮮料火鍋專門店煱底有多個選擇!樣樣都好吸引!最後決定要花雕醉鮮雞煲 非常足料 不論雞件或者藥材雞件唔係預先煮熟 係新鮮生雞件慢慢煮熟 雞肉厚正!任點任食火煱配料有一些特別其他任食火煱未必有既食物而且配料既名都非常特別 哈哈 要好好睇下而且種類非常多叫得鮮料 果然夠哂新鮮上菜時... 仲跳緊難怪會叫做 "我會過河田雞"拍左片...唔識POST上黎 有興趣可以去我IG 睇下 (YANEZ_YW)而且仲可以揀數量多/少 咁就唔會浪費做大嘥鬼啦!朋友大讚新鮮手打丸類 夠哂新鮮彈牙我就非常欣賞呢個芝心丸同平時食既唔同中間既芝心非常多 食落冇咁粉大蝦鮮雲吞 都夠特別 當中加入了黑芝麻令口感更豐富 食落更香*(PS 我地研究左一陣到底黑色粒粒係乜)任飲大多數既飲品都齊打邊爐總係要飲返杯自家制竹蔗茅根甜品 有雪糕同唧唧冰 (Surprise) 紅火鮮料火鍋專門店絕對係 賣新鮮 賣靚料

今日同幾個友人去旺角敍舊，友人帶左我去兆萬中心打邊爐，佢話有我鍾意食既野，我心諗：咪又係平時火鍋料～上到店內，見到地方都很大，播放住足球台，我見都有好多男仕睇波坐底望望餐牌及點菜紙，簡直眼前一亮原來有我最鍾意食既鮮雞什、鮮雞腸、豬肺任我order唔怪得友人話我實鍾意，因為出面好少任食火鍋有依d材料有自助吧，內有涼伴青瓜，帶有麻辣味，好食我地order左雞煲少辣，都幾野味雞什、雞腸～～難得任食西班牙黑豚肉，肉質鮮嫩，都幾好食百花釀油條，味道好夾，墨魚滑好味豬肺，平時好難有得食，今晚食番夠本依粒叫「自己滿意墨魚丸」，個名好搞笑，但真係名副其實，我都幾滿意，因為好彈牙最後食埋杯雪糕，真係飽到上心口配合價錢$168，都可以再encore

點解會話呢個喺旺角兆萬中心嘅火鍋店係隱世呢，明明好多人都知道兆萬中心係玩具同食肆林立嘅地方，但原來係會有例外嘅，今次唔係朋友帶我黎呢度我都未必會識得黎而食物質素之高都未能星期日晚滿座實在令我出奇，所以話呢度係隱世火鍋店也不為過餐前小食：有豬紅同埋手拍青瓜呢度可以調製各種醬料飲品款式都幾多甜品就遜色左少少，得雪糕不過唔緊要，呢度嘅火鍋料先至係主角呀嘛魚皮香脆各式各樣嘅火鍋料都非常出色，係我咁耐以黎食過最好食嘅任食火鍋清湯唔特別，但沙嗲湯底有驚喜沙嗲嘅花生味好濃岩晒用黎淥新鮮彈牙嘅海鮮招牌"自己滿意墨魚丸" 同埋 "人家讚賞鮮蝦丸" 果然名不虛傳而且呢度嘅蝦滑同埋墨魚滑都非常出色下次我一定會再推介朋友過黎一齊食呢間隱世火鍋店

涼風有信，秋月無邊。又係食雞煲打邊爐嘅好時候 ，上次嘅雞煲耳猶未盡 ，今日再下一城 ，嚟個任食足足兩小時嘅雞煲 。今次就去咗位於旺角兆萬中心17樓嘅紅火雞煲 。主打嘅雞煲揀咗醉雞藥膳雞煲 。同樣地大大煲 ，個蓋冚住都傳出陣陣嘅中藥味同花雕酒味 。香味已經先聲奪人 ，好心急呀，快啲滾起就可以食。 雞件勁多，食極都有，入口帶住絲絲中藥啲種苦味，但回甘。配料方面亦都有好多選擇， 要推介嘅就係墨魚滑， 真心食落口幾彈牙。同埋個年糕都好，食煙煙韌韌咁。 仲有個冰豆腐，索曬啲湯汁勁好食。 另外個芝心丸都係要讚嘅，一咬落去芝士爆曬出嚟，食嘅時候小心熱啦。牛肉方面有薄切，烚兩烚就食得，亦都可以揀牛柳粒，但係就要煮耐啲 ，食落口煙韌一啲，嚼勁多啲。 另外個豬頸肉切成條狀，都幾爽口，不錯不錯。瓜菜類方面嘅選擇都好多 ，同場加映加30蚊可以任食刺身，加20蚊仲可以食埋手切肥牛添。飲品吧嗰方面有可樂有茶等等。要推介嘅就係自家製嘅竹蔗茅根， 飲落口清清地唔算太甜 ，攞嚟下火就最啱。配料吧嗰度有豬紅，青瓜同炸三文魚，作為餐前小食。仲有雀巢雪糕畀你食，有紅豆，朱古力，雲呢拿，香芋味齊曬。枱上面有一個層架可以放上三碟

行經兆萬中心, 收到個姐姐窒畀我嘅傳單在17樓有間火煱店,價錢又唔係好費 $178任飲任食上到去竟然仲要唔洗等位(下午7:00)地方寬敞舒適, 感覺唔錯飲品櫃有多款飲品最特別係在下層竟然有一渣渣竹蔗茅根成瓶攞入自己個位就ok啦食物款式都多基本任食火鍋的食材都有難得今次食任食火鍋並沒有漏單情況發生食物都好快送上甜品櫃方面有雀巢雪糕, 味道有朱古力味,雲呢拿味,芒果味,香芋味除了雪糕, 今次仲有冰條 店舖仲有刺身任食提供只需額外加$30

今晚黎到超多野食嘅兆萬中心，選左紅火去打邊爐。周三晚上7點幾未算好多食客。一行兩人都可以俾到卡位我地坐，座位都算闊落嘅。有成11個湯底選擇，因為凍凍地嘅關係一路決擇花雕醉雞定胡椒豬肚雞煲好。任食火鍋配料有一張紙都幾多款選，仲有刺身食tim!出去拎調味料果度有豬紅、辣魚、涼拌青瓜同涼拌韮菜銀芽可以俾大家拎。涼拌青瓜好夠味，魚都整得唔錯！飲品方面有兩個大櫃，主要供應韓式飲品、啤酒、黑啤、無糖茶都有提供。仲有自家製嘅竹庶矛根水飲。刺身都算多選擇，屬正常合格質素。始終佢主力做火鍋嘅。最後我地選左花雕醉雞鍋，一上菜酒味都幾香濃。 撈上黎 藥材都用得好多、雞件都唔少，湯底望落唔係水汪汪果種。Menu 上嘅配料可選少份定正常，我全部order 少份。 有好多都比較少見嘅配料。新鮮即劏田雞上碟仲郁緊，中意食田雞嘅會覺得好吸引。另外有黑柏葉、雞腸、雞什。豬肺都比較少見，最後唔少得叫佢地自製嘅餃類同手打丸類。侍應姐姐極力推介佢地嘅人家讚賞蝦丸同自己滿意墨魚丸。於是我地叫左蝦滑同墨魚滑。用呢個三層盤上火鍋料美觀又實用。因為真係省卻左好多桌面空間。墨魚滑釀油條配搭幾好，墨魚滑部份彈牙，油條吸晒精華同湯汁。黑柏

我吐血了。。朋友約我 兆萬中心 17/F等搭Lift 發現原來又係食 雞煲火鍋。。連食 2 晚 我希望我唔會燥上到去畫野食$178 任食 2 個鐘班友仔 好似好耐無食野咁交左紙一陣 瞬間成檯野我見到一樣我好耐無食過而我都覺得 好好好好好食涼拌鮮魚皮而且價錢真心Happy 價$38!! 叫左一碟 好食再叫過依家要食左雞煲火鍋叫左好多野食好High class display野食都新鮮美味魚皮到了好久違的味道魚皮好爽脆 加上超強配料薑 蔥 芫茜 芝麻 花生粒撈埋個酸酸辣辣汁簡直越吃越香

呢排聚會多，一多人聚會就想打下邊爐食下雞煲，今次黎到兆萬17樓食呢間紅火鮮料火鍋專門店！我地揀左「百年古方鮮雞煲」下次黎想試埋佢個「花雕醉鮮雞煲」！「胡椒豬肚雞煲」大家都好想試任飲任食火鍋配料超多款式，花多眼亂！更可揀要多定要少！雞煲終於上黎啦！超大煲份量超多，雞件大大舊啖啖肉，雞肉鮮嫩夠滑，十分足料，我地叫左中辣，味道剛剛好，雞肉亦都好入味好新鮮既美國雪花肥牛，肥瘦均勻有咬口！海蝦大大隻爽口！有我至愛既貢丸，十分彈牙，少份都好多豬皮爽口，魷魚彈牙，牛百葉無漂白過仲係黑色架仲好爽口！大蝦鮮雲吞超好食，夠味之餘仲大大隻蝦！豬紅、魚皮餃、蝦滑，鯪魚滑都係手打，超滑爽口，好好食甜品櫃仲有吱吱冰，懷舊既味道雪糕都有四款口味朱古力、芒果、紅豆、芋頭味！呢到仲有天地一號蘋果味呀（需另外付費）

今日黎到旺角行街，好友話要打邊爐，所以我地就揀左紅火鮮料火鍋專門店～～一去到我地先睇MENU 就揀左個花雕雞煲，太耐冇食～黎到個鍋煮多陣就食得，好香花雕酒味，雞肉又嫩滑，啖啖肉冇咩骨～而其他配料，我地叫左肥牛、山水豆腐、芋絲、蜆、海蝦、蝦滑、墨魚滑、菜～蝦滑，墨魚滑好彈牙十分出色，而蜆又鮮甜大隻，肥牛又唔算太肥，食到鮮嫩！D蔬菜好新鮮，翠綠又健康！呢度任飲任食之餘，雪糕、飲品、汽水都係去出面隨便拎～OVERALL 真係好抵食，質素又ＯＫ，下次會再黎！

雞煲季節又到了一轉季就最like 食雞煲第一次去lee 間食環境安靜唔錯唔錯鐘意揀任食醬料區乾淨整齊甜品區多選擇加左錢食刺身很不錯主角到laaaa...又香又大鍋！㨂左bb 辣因為我廢😊其實個份量都幾大我地食完都有d 飽食完雞煲姐姐會自動幫我加湯超級好人lee 間都幾好....海鮮都係任食既我地鐘意食萵荀不過唔係間間有D肉既質素都好不錯個炸魚皮用正黎形容呀！野飲真係要mention 一下lol正常有野飲品唔特別提及姐係綠茶 汽水 個d 反而要講竹庶水可以一大樽比你飲真心正正

旺角一個人流旺盛嘅地方，正當跟家人選擇晚飯食肆之時，我們看到兆萬中心門外出現人龍，便上前看個究竟，原來這裡是飲食集中地，排隊的人群在等待升降機前往各個食肆。我們被周邊派傳單的大叔招攬，跟著來到這家火鍋店。火鍋店以任食的方式經營，客人可以在十款火鍋湯底中挑選其一，然後在點菜單上任點食物，至於飲品、甜品及調味料是無限供應，及以自助形式自取。我們選擇「粟米鮮豬煲」做火鍋底，豬骨非常大件而且好入味，粟米亦非常新鮮，粒粒金黃色，仲有鮮紅色嘅蕃茄及支竹做陪襯，整個鍋底足料好味。大部食物都可以任點任食，只有一小部分食品需要收費，例如崩沙腩，即炸響鈴，M9和牛等等。這是羊肉片，在熱湯內滾一滾使羊肉片煮熟，羊肉片入口柔軟，味覺均勻。蜂巢冰豆腐，是火鍋必備食品之一，豆腐會將湯汁吸收，使整件冰豆腐味道更濃。大鮮蝦雲吞，入面真係包住咗成隻蝦，好味爽口，必定要點的菜。流心蟹粉丸、灸燒芝心丸，呢幾款丸雖然經常食到，但是每逢遇上火鍋，就會自然想起要吃一個。脆卜卜炸魚，真係好香好脆，只要輕輕沾一沾熱湯便可以入口，香脆指數一流。呢度嘅海鮮都好新鮮，我地點左生猛海蝦，新鮮九肚魚，同埋蜆。海蝦都算大隻，而且好爽口，啲肉非常

好耐未試過係呢條街道行啦，自從取消咗行人專用區後，都係第一次行，因為約咗嗰朋友去兆萬中心17樓嘅（紅火鮮料火鍋專門店）。這裹最出名是雞煲，好彩一早訂咗位，如果唔係有排等，坐底同嗰侍應講要一個微辣嘅雞煲，一個雜錦刺身拼盤。刺身先來，有三文魚，希靈魚，蟹柳，墨魚片，角榮螺，好新鮮肥美，非常鲜甜可口。微辣雞煲令到我好開胃，啲雞肉又嫩又滑，微辣已好足夠，D配料都好多，尤其是D薑，好人味，超正。我哋好快便吃完個雞煲後，跟住加湯底開始食火鍋。火鍋有好多選擇，花多眼亂，因已吃左雞煲，便叫小小肉類、丸、海鮮來試下。海蝦肉質新鮮彈牙，雪花肥牛入口即溶，黑牛百葉非常爽口，西班牙黑豚肉好冧，脆脘魚片還可以，還有貢丸、魚蛋、芝士腸，這些打邊爐一定要有的配菜。實在太多食物可選擇，樣樣叫小小已好多。飲品方面，當然有汽水、啤酒la, 最後緊係要吃雪糕作完結。每位$178，價錢都算抵吃。最緊要係可以訂位。在旺區搵食，有時最怕是等位。

每次覺得去兆萬食嘢都係睇彩數，對呢棟野既餐廳印象一般🙈今晚無訂檯，同朋友是但搵左呢間黎試，點知咁驚喜😮一上到去覺得好光猛同埋幾乾淨嘅感覺😀店員都招呼得好好，有禮貌， 有求必應 👍我哋叫咗鴛鴦湯底係清湯同麻辣～淨係任食嗰張嘅餐單都好多選擇，叫咁多樣嘢都全部嚟齊曬👍唔會話無貨或者賣晒或者其他原因俾唔到我地👏👏點咗西班牙豚肉，新鮮雞件，黑栢葉， 墨魚滑， 鮮蝦滑 ，水土魷，年糕餅， 蟹粉丸，鮮腐皮，油麥菜，鮮淮山，萵筍， 金菇 ，四川重慶粉， 芋絲，淮山麵😁豚肉幾薄身，肥瘦適中，質素幾好😋水土魷，淮山，萵筍呢啲都好新鮮👍黑柏葉同年糕餅唔係周圍打邊爐都見到，年糕餅裡面好煙韌，幾好食😁個重慶粉同淮山麵點落去麻辣湯底度好索汁好好食，雖然好辣😂🙈誤打誤到係兆萬搵到呢間幾好嘅打邊爐，二百蚊有咁多新鮮選擇，真係好彩😆下次可以同多幾個朋友黎食！

秋風起最啱就打邊爐㗎啦...同行嘅朋友係大胃王..於是就揀咗呢間任飲任食嘅雞煲試吓啦...位置都好方便喺旺角嘅兆萬中心..全場都坐到好滿好多人..其實個湯底都有成10一款咁多..但今次我哋就揀咗百年古方鮮雞煲..一上枱雞煲嘅香味已經撲入鼻裏面，而且份量都好多...食完雞之後就可以任點任食以上配料..雖則朋友係大胃王，但因為唔想浪費所以每樣都係叫少少試吓..以上嘅飲品都係任飲嘅..最後當然唔少得食返個甜品啦...呢餐性價比高價錢唔貴...

最近天氣開始涼, 最岩去打邊爐喇~今次去左兆萬覓食, 見到有任食火鍋, 就入左去喇!我地7 點去到, 好彩未有好多人, 唔駛等位就有得入座喇入到去都唔覺得有好大陣邊爐味, 睇黎D 抽風設備做得幾好湯底都有好多選擇:我地揀左胡椒豬肚雞煲, 一黎到就好香喇~野飲都有唔少選擇:我試左個蜜桃汁, 初初以為會好甜, 但又唔會wo, 反而清清地! 岩哂我口味因為太肚餓, 我地好快就嗌野食喇~我幾欣賞可以揀"多"同"少"既份量, 好體貼~因為怕眼闊肚窄一時寫得太多野食, 所以我都先揀左"少", 唔好浪費!手打蟹籽墨魚滑每次去打邊爐我都好鍾意食手打既魚滑, 呢個魚滑爽口彈牙, 唔錯!!脆卜卜炸魚皮打邊爐一定要食既炸魚皮~ 又脆又夠鹹我鍾意!蜂巢冰豆腐呢個冰豆腐幾得意, 個樣真係幾似蜂巢, 一開始仲以為係冰糖放落個火煱之後就變返豆腐樣灸燒芝心丸呢個係我既至愛, 不過我寫左2次要"多"既份量, 佢地都係俾左2粒我第3次寫埋"要5粒", 佢地真係俾左5粒我, 因為真係好好味呀食到咁上下就去拎甜品, 選擇唔算好多~竟然有吱吱冰食!好有童年回憶, 即刻拎一枝同朋友share食~再食多個紅豆雪糕, 食左咁多野真係