米走雞Live

营业中

休息中

一出lip 以為去錯餐廳落番去問人話真係呢到所以大家唔好以為去錯地方好大好乾淨 六點半黎到唔洗等位專登過黎食雞煲火焰麻辣雞煲 小辣 $218我諗大概係譚仔十小辣倒 我下次會再叫辣少少好多雞 好多肉 好滑 好入味 唔怪得大家都推介呢間正呢間唔需要另外叫湯 食到咁上下會幫你加辣湯或唔辣湯打邊爐必叫 鮮炸響鈴 $48呢個堅抵食 未食過咁大條會飽肚既響鈴真係 而且真係鮮炸 好正呢個 手打五寶拼盤 $88都好值得叫用料好足 好鮮好彈牙 其他餐廳比較少食到呢幾隻味 豬潤 $38超肥美 不過個人比較中意薄切 不過好鮮 食完好想再食又夠補 哈哈紅薯粉$14平時叫開烏冬公仔面今次一次新野就停唔到口勁彈牙 又索哂湯底既味 好正服務好好 而且有live band 係流行音樂 一路食一路跟住哼下好好feel 又好適合傾下計 會再黎的!

芝士雞煲就食得多, 但邊食邊有LIVE BAND既你又聽過未?最近米走雞走到去觀塘工廠區開分店, 同場更有LIVE BAND坐陣, 咁有GIMMICK既構思, 在附近上班的我當然要去棒棒場月尾出糧日就叫埋同事一齊去RELAX一下~~~觀塘米走雞位於興業街4號The Wave, 大廈外表出眾易搵.食雞煲既精髓之處, 就係食完可以加湯打邊爐~~而米走雞的火鍋配料也有成頁紙咁多! 認真花多眼亂火鍋專用混醬系列個人認為這裡的湯底十分夠味, 即使打邊爐也無需加醬~~DRAFT 1664 $78坐下先乾一杯1664吧,  CHEERS~黃金芝士雞煲 (小) $168來米走雞當然是吃名物芝士雞煲 兩個人叫一個小SIZE就剛剛好, 仲有空間可以點其他火鍋配料滾到芝士熔到8-9成就可以開動了!!金黃色既芝士岩漿吸睛又邪惡, 實在按捺不住, 唯有食埋呢餐先減啦。咬下雞件嫩滑, 芝士味超濃郁, 食完一件會追住食第二件黑蟹子墨魚滑 $88撈一撈再恰, 墨魚滑彈牙加埋蟹子脆卜卜幾滋味~豆腐 $18 (半份)秀珍菇 $32為方便咩都想食既朋友, 某些配料可以半份叫, 豆腐是其一。這個價錢來說, 火鍋料都算大份響鈴

現在內地的音樂比賽節目包羅萬有，歌手比拼，新人爭冠，歌手歌迷合唱，最近還看到有新人挑戰歌手。內地有很多餐廳有現場演唱，是一個陪歌者的好地方，又地方表演又有生計。這種餐廳在香港不多，而且大多是酒吧及外國歌者，本地的相對較少。 跟朋友談起這個話題，就被朋友帶到來了。  來到的時間差不多八點，剛好看到兩位表演者正在準備。 坐下點好餐後．就隨著她們的歌聲，吃著邊爐聽著歌。 紫薑流心皮蛋 $28蛋黃軟綿油潤，蛋白軟熟軟彈，一啖一口，好快被清碟！黃金芝士雞煲(小) $158雖然是“小”煲，但雞的份量相當不少，件大份肉，絕不吝嗇。芝士份量可選擇，可加可減。我就是喜歡它的芝味，當然要了大量芝士。芝士厚厚的粘住雞件，每一件雞也能粘上芝士。雞肉嫩滑，充滿濃香芝士味。黑松露魚面 $138魚麵非常軟彈，加上不斷爆脆的蟹子，帶有濃郁黑松露味，再粘上香濃芝士湯底，多層口感豐富味道，一試難忘！鮮炸響鈴 $48輕輕過下芝士湯，濃郁湯汁從內裡就緩緩滲出，外層鬆脆，內裡軟腍，芝味十足。黑蟹子墨魚滑 $88軟綿的墨魚滑上面舖滿黑蟹子，軟彈中有粒粒爽脆黑蟹子，口感豐富鮮味加倍！

好野梗係要翻尋味，之前偶然朋友介紹之下幫襯過米走雞既另一間分店，原來觀塘亦都有分號，當然要試佢一試。若然唔係資料收集過，一時之間真係將唔到兩間分店連繫埋一齊，皆因兩者風格大不同。米走雞live 鋪內燈光偏暗 帶有酒吧既氣氛，而且好戲在後頭，8點左右會有live band表演，完全係意外之喜。一如上次經驗，我地叫左火焰麻辣雞煲，侍應用火機一點 炎炎火焰繼而熊起，由於另一半第一次見既關係 都不其然嘩左一聲。 雞件多是雞脾肉，啖啖厚肉 肉質都嫩滑，我地叫左小辣，所以味道微辣 食落更上癮。另外，我地驟眼見到竟然有駝鳥肉，皆因太耐冇食過既系 就興起點左一份嘗一嘗。駝鳥肉份量十足，而且厚身，因為預先已經掩製左既關係 味道會比較重。食雞煲點可以無響鈴，呢到既響令係巨人size，一件頂兩件，十分誇張。另外就叫左半份小蟹柳，但佢就冇扮晒蟹，質素同平時街市買到果d粉團簡直係兩種層次。手打五寶拼盤，上次係另一間分店食過唔錯，所以今次都點左一份，仍然真材實料，首推蝦丸，內有蝦肉，令蝦味更濃郁。最後當然唔少得點左一份雜菇拼盤 清一清油膩感。一份約有四款菇類，份量唔算多 但就岩岩好埋個靚尾。雞煲就食得多，但係食雞

踏入十一月, 終於轉涼, 當然會諗起打邊爐啦, 近近地就諗起呢間早到仲可以有卡位坐, 侍應送上點餐紙, 一如以往場內多人選擇招牌芝士黃金鷄及火焰辣麻辣鷄煲, 但仍有其他湯底可選擇火鍋配料選擇多, 留意到有D新加款式, 例如新鮮魚雲, 夠薑鷄滑及手打醉愛鷄丸今晚純粹想打邊爐, 叫左呢個清清地既皮蛋芫茜湯 ($68), 見到大量芫茜已經心心眼, 其他配料包括皮蛋, 仲有清熱馬蹄, 紅蘿蔔, 香甜粟米及滑豆腐, 咁多配料, 啖湯點會唔夠味呢?!每次黎呢度, 好大程度上都係為左呢碟手切新鮮牛頸脊 ($208/小)而黎, 皆因呢度D牛頸脊肉質靚, 每片既厚薄度好岩心水, 太厚烚完會食幾片會好快膩; 太薄呢? 烚完食落就無口感!  呢度只需烚十零秒就食得, 肉味濃又唔韌, 夾埋D芫茜䓤粒一齊食又係另一種食法!  正!!一客8粒既手打鮮墨丸 ($68)又係呢度既必食之一, 粒粒雪白飽滿, 咬落有墨魚粒, 爽口彈牙, 手打製法就係多呢種口感!呢客鮮炸響鈴 ($48), 差唔多每枱必叫, 6大條超巨型, 放落湯底幾秒就食得, 索晒湯底之餘但個皮仍保持脆口, 難怪咁多人都叫啦!呢度既蔬菜可以有半份咁叫,

甚少在觀塘工廈覓食，今日有朋友介紹the wave上面 一家聽住 live music show 來打邊爐嘅樓上店，今晚就由佢黎帶我打邊爐。想到來發現原來米走雞隔離，係近來人氣的多國菜餐廳 mini friday。火焰麻辣雞煲（小）bb 辣 $158開始時會有專人為我們點火雞然後炒雞。雞肉用的都是啖啖肉的雞髀，下了大量配菜例如芫茜洋蔥等等， 味道麻辣當中帶點香甜。雞件分量相當多足夠三至四人食用。手切新鮮牛頸脊（小)$208牛頸脊色澤紅潤，雪花紋十分漂亮，牛味香濃。手打5寶拼盤$88有得揀，丸類當然要揀新鮮手打丸。這個拼盤的五寶全都是新鮮手打，有豬肉丸，牛丸，墨魚丸，鯪魚丸和虾丸。翡翠苗半份$22翡翠苗相當新鮮，全部丸類和蔬菜類都可以選擇半份或份凍檸樂$16想不到竟是汽水機出品，若然是罐裝或支裝可樂風味更佳。冰凍青島$29如果在happy hour時段,可以order drink list買一送一。

我家在銅鑼灣, 上次和家人去了渣甸坊的米走雞, 感餐覺食物質素不錯.  今次有個潮爆朋友在觀塘工作, 他又約我去 米走雞 食火鍋, 我高興應約, 此餐廳在觀塘  WAVE 工厦樓上, 我是第一次到訪.這工厦設計, 好有新感覺, 电梯活像個貨櫃.  餐廳在三樓,  面積大, 環境寬敞舒適,  座位數目很多, 餐廳格調輕鬆年輕, 好有情調, 和一般傳統火鍋店不同.燈光別緻浪漫,  像天空上的朵朵雲彩.每晚有年青歌手和樂隊表演, 客人吃, 喝之餘, 更有視聽享受, Wonderful !!如果和家人或朋友聚餐,  設有獨立 VIP 房間, 可預先 book 吧.侍應安排了卡座給我們, 闊落舒適.  又快速送來餐單, 我們須細讀, 人氣之選糸列, 連彩圖更容易揀. 選擇時, 侍應已送來醬油木盒子, 提供 6 種選擇 : 蔥粒、芫茜、炸蒜、辣椒粒、辣椒醬、沙嗲醬,  自由添加, 每位$12 .   湯底有多款選擇, 收費由 $68 - 238-.   我們上次在銅鑼灣店曾吃芝士雞煲, 今次湯底選擇了蕃茄粟米湯 $68-, 因為感覺蕃茄, 粟米, 好健康, 而只得兩個人, 不叫太貴的了.  侍應替

今日嚟咗觀塘搵好嘢食，觀塘就出名多好嘢食架啦，而且呢度有多工廈，而呢間雞煲點就正正係近地鐵站，入邊呢都有好野食，搵下搵下就搵到一間叫做咪走雞嘅餐廳，餐廳雖然之前都有食過，但係喺觀塘呢度食就係第一次。果然同我想像中嘅都好唔一樣呢度嘅環境比我想像中大好多，環境別樹一格，暗暗的燈光加上新潮嘅裝修，令到成個雞煲店都升左格調，氣氛相當不同。而最令人驚喜嘅就係，呢度仲有live show 今晚仲有人即場表演，一路聽住歌，一路食雞煲，個感覺真係從來未試過，live show入邊仲可以即場點歌，而我都點左一首我自己鍾意嘅歌，成個氣氛真係好適合情侶，或者一大班朋友一齊的呢。雞煲我哋就選擇咗一個麻辣雞煲，小辣，雞嘅份量好足夠，味道都係好濃，好入味。食咁多間雞煲，呢間嘅質素真係數一數二，喺食雞煲之前，都有一排嘅醬料，蒜蓉俾我哋選擇，份量任意調校。除咗live show之外，呢度仲有擲標場，真係好似人哋攻下入邊啲partyroom咁，感覺好得意。食完雞煲之後，我哋就揀咗生蠔，芝士丸，芋絲，同埋豆腐作為配料。兩個人食個份量已經好足夠，呢度嘅豆腐係必叫之選，因為系出邊食唔到，每次嚟到一定係會叫嘅。呢餐嘅雞煲食得非

聽同事講開，有間高質雞煲係開源道個頭，食物得之外，環境仲好正，因為有人會唱live，應該無邊間有，今晚終於有機會試到!今個星期日要返工，老婆同個仔等我放工，天氣又涼涼地，就決定去試下有無位，7點去到，好彩都有位，半場滿。THE WAVE 3樓全層分左西餐同雞煲，環境裝修好型格，坐位較闊，仲有個地方比人唱歌，聽住live食雞煲，感覺幾特別！火焰麻辣雞煲 (小) $158個雞煲係有專人係你面前點火炒下佢，炒完再滾一滾就食得。雞好滑，配料足，食左幾個字，食極都仲有雞!應該唔只半隻?洋蔥好甜，再加少少辣，絕配！洋蔥多到可以唔使叫菜😂手切新鮮牛頸脊(小) $208呢個牛肉極力推薦，牛控一定要試，脂肪均勻，厚度適中，睇樣都知係正，放入去灼幾下就食得，平時只食日本牛既衰仔一個人都食咗半大半碟，因為真係幾重牛味肉質又嫩滑。美國桶蠔 $148一份桶蠔有六隻，好大隻，灼完嘅size都係差唔多，唔會點縮水。最後加返份烏冬同娃娃菜，用黎吸收下BB辣雞煲既精華，最初驚阿仔食唔到，點知佢食得多過我。下次要比佢試小辣😎下火清熱王老吉，每罐$14唱live個後生女歌手都唱得幾好聽，近到林俊杰，遠到劉若英，連霆鋒既遊樂

原來觀塘都有間米走雞，之前係銅鑼灣食過一次，已經覺得好好味發現係公司附近開左間，當然要同事同我去食啦，呢間米走雞同其他分店有d分別，就係呢間有live band的第一次打邊爐會有luve band聽，感覺都唔錯喎火焰雞煲今次要左少辣，味道一如既往都係好入味，香味撲鼻雞件好大件，洋蔥越煲越好味蔬菜洗得好乾淨，質量亦都好好，完全無爛手打五寶併盤花枝丸、蝦丸、鯪魚丸、豬肉丸、黑椒牛丸，粒粒都好彈牙脆鯇魚片份量都幾多，切得好薄同好大塊係有啲碎骨，只要小心啲食就ok

之前試過米走雞其他分店，每次都很滿足，吃得捧著肚子。入秋後天氣涼爽，當然要以雞煲火鍋迎接！碰巧要到觀塘Training，一於試試有love show 的米走雞live。米走雞的裝潢偏西化，乾淨企理而且闊落；跟中式雞煲好像有點不一致。live show 令現場氣紛更好，但有時會太嘈，聊天要加點氣力大聲一點。火焰麻辣雞煲 (小）BB辣 $158雞煲上桌後，侍應會提醒不要打開煲蓋，以免酒精揮發。一會兒後，侍應過來打開煲蓋，一點火，火焰噴出；再炒兩炒。BB辣的辣度輕微，但麻度仍然很強，煲內還有幾粒大大的乾椒；味道夠濃，而且野味。小份雞煲的份量不少，雞件大部分都啖啖肉，大大件而且肉質嫩滑，十分入味。特級雪花肥牛（小）$138雪花肥牛脂肪比例頗高，肥膏頗多。將肥牛放在鍋中稍稍涮十多二十秒至剛熟，放入口中肉質軟綿。但雞煲湯底味道較為濃烈，以致牛味被覆蓋，只有緊餘淡淡的味道。竹笙墨魚滑 $88將墨魚滑釀進竹笙裡面，外形有點像魷魚筒。墨魚滑打至起膠，將竹笙塞得脹卜卜，爽口彈牙；竹笙吸盡了湯底的味道，墨魚滑跟竹笙簡直是完美的配搭。稻庭烏冬 $19對筆者而言，烏冬是火鍋中不能欠缺的配料，吸盡湯底味道。配合適

Halloween 想搵間好feel 嘅餐廳食飯，即刻openrice search下有live music 嘅餐廳，本身預左都係食西餐，竟然搵到live show hot pot, 喂呢個cross over 夠特別，緊係要黎試下！一坐低就feel到好好氣氛，所以點解我咁鍾意live show meal. 一邊聽歌一邊揀下野食，老公極力推薦打邊爐，又好姐，個個黎呢度都食雞煲，我地就係要試下新野。揀左蕃茄紅蘿蔔薯仔湯，個湯底好正，超濃郁，放下肥牛滾兩下都食到蕃茄湯的味，好有驚喜！肥牛係靚貨，肥質靚，有牛味，厚度剛剛好。午餐肉係另一樣回味item, 肉內有少少未打碎的肉㚒雜住，好好味，食得出都係靚貨！丸類，餃類都係水準之上。見呢到食物質素唔錯，就後加埋響令！ OMG!上枱先見超級巨型！放落湯度滾兩下，保留少少脆，又完全吸收曬湯底精華，好好味！食兩條即好滿足！總結，超有氣氛嘅環境，食物質素好得，價錢合理，今個秋冬季肯定會再黎！

原來觀塘係有超多野食係工廠區個邊，而且質素亦都唔差，聽朋友講觀塘間米走雞係有現場brand表演，真係好吸引！加上我地咁耐煲見，一於上去撐枱腳。上到黎，地方果然夠大，燈光比較暗，但令人舒服同有私隱咁可以俾我地暢所欲言咁傾計！依到出面芝士雞煲，所以我地點左個大的，一上來，賣相相當之靚，到差唔多食得既時候，芝士既香味慢慢蔓延開，超香、濃郁既芝士味，開筷了！啊～雞肉肉質鮮嫩，食落口好滑身，係靚雞🐥🐥，啖啖都新鮮雞肉，加上濃郁既芝士，d芝士係可以有拉絲，估唔到依個配搭係咁match，同朋友一人一舊，好快就將佢清哂，食完已經有7分飽，但我地仲味夠喉，一於直落打邊爐！：）之後點左雪花牛肉同埋羊肉、即炸響玲、蘿蔔、出前一丁同菜類。個人比較中意食雪花牛肉，因為雪花牛肉勁大塊之餘，白雪花紋仲好吸引，食落口即溶化，唔係平時食牛肉米線硬硬地d牛肉，而係脂肪均勻易入口既牛肉。配埋個芝士出前丁丁面，當一餐食都得，哈哈！面羊肉就係冬天必食，因為暖胃，佢依款肉無羶味，色澤醬紅，十分吸引，配埋芝士同醬汁，外酥內嫩，口感一流！即炸響玲好大塊，又脆，浸落d芝士湯底耐d就味道更加顯出，鮮甜。總結而言，今次選既地方無錯，地方大

今曰友人提議去官塘食雞煲打邊爐，食市在間型格改建工厦內，感覺已經覺得好好。步入食店有别於一般中式打邊爐食市和裝修,型格。侍應很有善地安排卡座，地方好大和舒服，餐牌選擇好多。首先兩位男士選了細份芝士雞煲， 芝士濃郁， 雞肉香滑 ， 雖然係叫細份，但 食極都食唔完，好抵啊！ 芝士同雞的味好夾芝士雞煲食完雞煲加湯打邊爐真係好惹味 我哋仲另外叫咗個芫茜皮蛋 湯底，真係各適其式。湯底好多配料，荳腐，粟米，好香芫茜味，製作認真。還有很多醬料選擇。叫了一份手切特級和牛，好新鮮， 好嫩滑的牛肉,友人們吃到好不停。，虎婽大大隻……新鮮，讚。手打五宝拼盤……包括墨丸，鲮魚丸，豬肉丸，牛丸，雞丸，全部都好味，新鮮，彈牙少見的製作認真。菜可以叫一份和半份……好細心響鈴……睇到賣相就口水流， 香脆。飲品價格適中，好多選擇一邊食還有live band☺一定會再來試其他食物

食物水準高，難得雞煲用肶，加上有現場歌手駐唱，個人非常享受。極力推薦蝦膠，有新鮮彈牙靚蝦，食到鮮味，必叫！唯一是人手不足，有催單情況。VIP房地方寬敞，可分三個爐，不用申長手，同時可多試唔同味道嘅鍋，值得一讚