米走雞Live

营业中

休息中

夜左收工諗住喺附近搵間打邊爐，見到攞咗獎既火鍋店，一於上去試一試叫左個火焰雞煲，因為太肚餓關係相都冇影雞煲好味既，但對於我泥講就辣左啲，配料都可以，但貴左小小，埋單每人都要三百元，（配料叫左八碟一個雞煲，冇叫牛總括泥講，冇咩特別，貴左啲，環境有人唱live，感覺好嘈，又唱得Ma ma ，但見到佢地好多fans支持，但我本人又唔係太中意這個環境去用餐，因為同班朋友講野都好辛苦先聽到大家講咩，見意想聚會，就唔太適合啦

吃雞煲在香港不是什麽新鮮事，更和浪漫扯不上任何關係。雖然<米走鷄>可說是雞煲中的高質代表，但為何我會說今天是史上最浪漫呢？？今天是5月20日，不是什麼節日，但520用國語說就是<我愛你>。所以今天還是要和生命中重要的人好好吃一餐吧！！一家人圍在一起吃晚餐最重要就是氣氛。觀塘分店的<米走雞>和一般的雞煲店不一樣，是有live music的店內燈光也較有情調，而且坐得寬敞舒適，長輩們的腰骨都無投訴身為芝士控的我和老公當然選擇激量芝士的芝士鷄煲另外其實還有<火焰麻辣鷄煲>，下次再試吧芝士鷄煲不消一會兒就到來。未煮滾前可以清晰的看見有激量的芝士碎煮滾後急不及待的打開一看，芝士吖！！！！！！！！（尖叫中）😱😱😱😱😱😱😱😱😱😱😱鷄件好好肉又夠厚，啖啖肉的吃得超痛快！而且件數也不小，不會每人食幾舊就無晒有芝士當然要有撈烏冬，這是我最愛的食法！！吃完鷄後先不要加湯，把烏冬就直接的放進濃芝士汁一起煮，中途要不停攪動以防<痴底>彈牙的烏冬掛著濃濃的芝士，根本就是終極邪惡的美味吃過撈烏冬後就可以加湯了。加的湯真是芝士湯底而不是那

炸雞通常諗起韓國菜，今日去觀塘The Wave 食米走雞，呢度有中式雞煲火鍋但以炸雞作主食，炸雞加上濃濃芝士碎的雞煲底，夠晒有賣點。黃金芝士雞煲$238 ，呢度好出名架, 餐紙仲有介紹食既步驟，唔好攪勻，食完雞就加湯打邊爐, 仲可以加出前一丁做個芝士麵。加入湯底，成煲變左芝士濃湯雞煲，先叫特級雪花肥牛$158(小), 牛肉夠嫩, 再叫了日本鮮帶子$118，味道鮮甜，厚肉大隻，有五至六塊，還有金菇，粉絲墊底。鮮製四併餃$88，四款味道，有微辣的肉做餡，也有菜肉餃，夠晒大隻。再點了翡翠苗$24，還叫了檸七同檸樂$16@現場還不時有live band ，一路聽歌一路打邊爐別有一番風味。

天氣熱成咁, 仲要去打邊爐?!  想挑戰人體極限?  咪傻啦, 有冷氣架嘛!  今晚一於去會一會呢隻"鷄"我知道..............雖則有招牌黃金芝士鷄煲及火焰麻辣鷄煲, 但今晚就係只想打邊爐又要威又要帶頭盔就係呢種, 想打邊爐又驚熱氣, 柯打一個皮蛋芫茜湯 ($78)亦不失為一個"辦法", 湯底有芫茜, 皮蛋, 茶瓜, 馬蹄,粟米, 蘿蔔同豆腐, 咁嘅陣容, 應該可以減少熱氣嘅!  (哈...哈....)劃好食材就等食啦喂...............講到食牛頸脊, 呢間可謂我頭號之選, 睇下呢碟手切新鮮牛頸脊 ($228/小), 小嘅份量其實都唔小呀, 肉色鮮亮唔在講, 脂肪分佈平均, 厚薄大少岩岩好!烚十秒到就食得, 入口肉汁爆開, 肉味夠濃, 脂肪嘅滑同肉質混為一體, 簡直食唔停口!雪白軟腍嘅就係呢客手打鮮墨丸 ($78), 每粒都咁夠份量烚完都保持咁大粒, 咬落食到墨魚粒, 墨魚味幾出唔想食咁粉麵類, 叫左呢客鳯城水餃 ($88)代替, 隻隻都肥嘟嘟, 一客8隻都幾抵食內裏有豬肉, 蝦及木耳絲, 調味得相當入味, 無需點醬油都得; 唯皮選用薄身D就會仲好D, "皮薄餡

同家人到觀塘食雞煲打邊爐，見到餐牌有多款雞煲，難得見到新穎的芝士雞煲，見到幅相勁多芝士所以被吸引了，裡面係炸雞，好似食緊Fusion菜咁咁，先係韓式炸雞，食完加入清湯又變返中式火鍋遠處傳來live band 的動聽歌聲，好有feel ，先調味，六款任君選擇。芝士雞煲（大）$238先上場，好多芝士鋪面，還有乾蔥及大量洋蔥，炸雞已熟，㷫熱讓芝士溶左就食得，店員提醒由面食，不要攪底部，避免黏底。芝士溶左一半，有拉絲效果，入口好creamy 。食完炸雞，加入清湯，隨即可變成火鍋，點了特級雪花肥牛（小）$158，油脂分佈均勻，肉質嫩滑又香，加了鮮腐竹（半）$17，好香豆味，要快食，否則腐竹容易溶晒在湯內，呈現奶白色的湯底。再點了貢丸（半）$22，好大粒，唔會太重味精味，肉質彈牙，還點了牛柏葉$43，好爽口，比出面好食喎，食到唔停口，完全唔韌。最後點了稻庭烏冬$21，索晒啲濃湯味，烏冬夠彈牙，好味。

對上一次黎係食西餐，原來佢同Mini Friday同一個舖位但分開左一半，呢度主打食雞煲後邊勞，不過唔鍾意食雞煲嘅朋友都可以就咁揀湯底打邊勞，我揀左佢地推介自創芝士雞煲，好多芝士好夠味，雞件都滑漏，不過食得耐都會覺得膩，後來加湯都可以揀清湯同芝士湯，如果揀芝士湯就真係太濃了，所以選擇了清湯，味道都還可以。後來，點了五拼丸，五拼餃，金菇，牛腩，午餐肉。手打丸類都無咩特別，不是特別爽口，餃同雲吞太咸了，不過都中等大粒，金菇就出奇地同個芝士湯夾，好味，牛腩用黎打邊勞諗住膽粗粗試下，點知原來係熟牛落去烚，味道好唔夾，好奇怪，食唔哂唯有打包回家煮面。最後，個午餐肉都唔係特別爽口有味，都係啲普通野，不過另一半鍾意食就比佢過下口引⋯ 第一次打邊勞無食肥牛，因為價錢太貴了，覺得唔值，自己回家買靚牛都無咁貴啊。本身想叫響鈴，以前係盒裝唔想食，點知見隔離枱個啲係自家製，如果有食客想去呢間都可以一試。另外環境方面，有個人係台上拎住支結他自彈自唱，我自己唱歌唔叻，但係台上個位人兄真係唔多掂，佢唱到走哂音，又鬼食泥咁⋯ 最有問題係個揀歌，佢居然係度唱比卡超主題曲，好無奈

都唔係第一次食，但講緊上一次食呢間已經係幾年前，仲要係食長沙灣，適逄係媽媽節，就同屋企人食呢間，原來觀塘呢間設計好新穎，完成唔似食雞煲，仲有live唱歌聽！是日係媽媽節前一日，最早都係得返20:45呢個時段，都全場full。LIVE唱歌，但唔係好大聲，坐後小小都聽唔到餐紙主食黎之前，會附上調味盒比你，每位$14，其實我地成枱都冇點用過啲調味，但就梗食要比每位醬料費，都有啲唔抵黎到當然係點好耐無食過既芝士雞煲！黃金芝士(大)(4人)$238另外有(小)(2-3人)$178，可以自己揀芝士份量，我就當然揀左「激量」芝士，等左大約15分鐘左右，真係成煲都係芝士！一打開滿滿金黃色，啲雞完全比芝士覆蓋住，雞肉不老，芝士味好濃烈，仲有啲蛋黃味咁，洋蔥都燜得好焾，但芝士味其實冇滲入雞肉，係靠外層既醬雞煲食完就一定係打邊爐，但就冇咩點試，只係點左2樣野「手打五寶拼盤」$88同埋「稻庭烏冬」$21，店員都會問你要加芝士湯定普通上湯，由於已經好多芝士好濃烈，揀左加普通上湯手打五寶拼盤分別有鮮墨丸、蝦丸、鯪魚丸、豬肉丸、鮮牛丸。鍾意蝦丸，好彈牙新鮮，牛丸就用左黑椒醃製好惹味！好期待食烏冬，因為一定會索哂啲汁

在openrice訂了位，昨天晚上7:30準時到達，被安排到最入的六人卡位，點了芝士雞煲兩次😋另加胡椒豬肚湯底吃火煱，牛脊肉也叫了兩盤，肉味濃，五寶丸新鮮了單口，餃子雲吞，豚肉，再加烏冬粟米蔬菜，成就一頓美味豐富的晚餐。員工也很落力，但要特別讚一讚其中一個短髪婆婆員工，她很努力把做好她的工作，笑容又可躹，要給十個Like👍🏻唯一美中不足是離 live band 太遠聽不清動聽歌聲，下次要坐近些☝🏻

位於觀塘工廠區附近兼座落於Wave 商場內的米走鷄，內佈置很有浪漫格調，又有駐場的男歌手大唱情歌，浪漫指數直逼95度，又長知識了，誰說live 唱歌一定是西餐專利？米走鷄面氣氛偏暗，座位多二人座，也有大臺，合適大夥兒去慶生，目測大部份人也叫芝士鷄煲或麻辣鷄煲，我同女朋友叫了一個芝士鷄煲，雲吞，蘿蔔及魚片頭。 先講芝士煲，芝味濃又多，鷄份量也多，吃極也有，吃完再加芝士湯，再落雲吞，雲吞也有4cm長，涵料十足，有啖啖肉感，魚片頭也彈牙，沾上芝士味，有雙重口感，最後，吃埋蘿蔔，有爽甜感，咬開也見到蘿蔔絲，蠻滿足！下次再來，必試牛肉！

這天是放假的日子，我約了家人去觀塘吃晚餐，經朋友介紹，我們便決定來到這間吃雞煲火鍋的餐廳試一試，看到店內環境非常寬敞和清潔衛生，埸內可以玩飛標機，還有現場歌手表演更可以讓客人點唱他們想聽的歌，令我可以放鬆一下心情黃金芝士雞煲大($238)雞肉非常新鮮和香稔軟嫩，配上十分濃郁十分多的芝士碎，我對這樣的配撘十分滿意，吃完雞再加上真材實料的芝士湯底來打邊爐小手切特級霜降和牛($308)用大量細碎大小均勻的生菜絲鋪低，和牛油脂分佈十分平均，非常新鮮，質素非常高，份量非常多，這個價錢相對合理生菜半份($24)生菜爽口微彈，份量足夠多，這個價錢可以接受鮮炸響鈴($52)相比坊間的響鈴，自家製響鈴十分大份，從未見過響鈴可以這樣大份，非常脆口，新鮮，價錢相對可以接受紅薯粉($16)晶瑩剔透的紅薯粉，非常軟彈煙韌，份量非常多，價錢非常合理整體來說，食物的選擇非常多，飲品的選擇非常多，有酒精和非酒精的飲品，而且種類延多，食物的用料非常新鮮，食物的質素非常高，食物的份量非常多，價錢相對十分合理，店員有良好的服務態度，有禮貌和勤力地換碟，所以我認為這間餐廳值得再去惠顧

又來呢一間雞煲店打邊爐，再來嘅原因係佢哋嘅嘢食真係新鮮同好味，另外就係佢哋有現場個隊喺度唱歌，一路食一路聽歌好有尖沙咀嘅酒吧feel。叫咗個園西皮蛋湯底＄78，裏面好多平等，仲有這磚豆腐喺度都好足了下。再叫左個最鍾意嘅衫炸響鈴＄52好大件好鬆脆仲有叫咗個首設牛頸脊(小)$228,不過都好大碟好抵食，仲好多油花好嫩滑添。仲有叫左個雜菌拼盤，同生菜，同埋五保手丸＄88一路聽住歌一路打邊爐真係好想心樂時，氣氛又好輕鬆真係好正囉

雞煲食過無數次，但聽住live band食雞煲真係第一次，成件事即刻變得浪漫曬🤣有live band係bonus，最重要都係食物質素，好彩都無令人失望～食物比歌聲更吸引🙊地方好大、環境好舒適、横裝幾有格調有芝士雞煲、有麻辣，亦有多款湯底；現場所見，芝士同麻辣都各有支持者，比例約3:7揀左火焰雞煲小辣（細）$168千其唔好睇少呢個細雞煲，份量真係好多，食極都有洋蔥份量亦都好多，非常入味！雞肉除左多，亦非常夠大件，入口啖啖結實既滑肉，非常惹味雜菇拼盤$44油麥菜拼盤半份$24菜好新鮮爽口，亦都洗得好乾淨即炸響鈴$52呢個絕對係必食，基本上每枱都有點，份量好重秤，食一件等如出面食既2、3件咁飽；佢唔係食風既口感，係比較實在，捲左好多層，但食落都好脆好香口！滾兩下食係最正，真係兩下就夠手切肥牛（細）$158一盤既份量都好多，望到唔洗講都知新鮮😎，入口牛味濃郁又唔鞋大大塊🤤有質素、有音樂、有情調、有服務另外值得一讚，雖然飲食業都難請人，人手短缺，但呢道幾照顧到客人，唔洗出聲會主動加湯換碟，有需要基本唔洗幾秒就有人會過到黎

食媽今次專情去到觀塘去試新潮雞煲火鍋，平時食西餐有Live Show就聽得多，一啲都唔岀奇，但食雞煲火鍋有Live show,卓頭非凡，簡直係新潮配搭。餐廳位置在觀塘工廈The Wave3樓，座位寬敞，坐得非常舒服。每晚8點都會有Love Show表演，邊打邊爐邊聽Live，感覺唔錯！餐枱上放置調味醬料架，任意添選。餐枱上還有有指示食客如何先享用雞煲，然後火鍋的食法，加上竟然設有免費借用移動充電器，按金$100，細心到不得了，抵讚。而配料選擇眾多，真的令食媽我花光眼亂。獨家火焰麻辣雞煲 大(4人$228 / 小 2-3人 $168)食媽今次與朋友2人點了小份量的獨家火焰麻辣雞煲，辣度小辣。名稱叫得上火焰雞煲真當然有火焰，侍應會來到點火，在高溫火焰烹調下，雞煲更香更惹味。雞煲份量十足，雞件大大件，香料豐富，味道香濃。雞肉非常入味，啖啖嫩肉。只吃雞煲我們2人已有飽意。享用完雞煲，接下來當然係火鍋。可選擇麻辣湯或清湯，怕太辣可選二種湯底。五香駝鳥肉 $78很少火鍋店有駝鳥肉選擇。肉質較厚，肉質口感豐富。配搭麻辣湯，初初感覺有串燒的味道。特級雪花肥牛 $158 小雪花肥牛脂肪分佈平均，入口溶化

餐廳分中餐及西餐兩部份，今天選了屬中式的雞煲火煱。雞煲有兩款：芝士雞煲及麻辣雞煲。點了前者，中菜吃芝士煱較不常見，便試一下。小的雞煱份量也不少，每仵雞件上均有滿滿的芝士，雞煲底有不少配菜，如洋蔥，芹菜，乾蔥，配合上芝士也很惹味。吃畢雞煱已半飽。加芝士湯轉火煱。火焗料先點了雪花肥牛及翡翠苗。細份肥牛的份量也很大，可惜的是在配塔芝士煱時，肉味給芝士味掩蓋。相反，蔬菜類跟芝士煱卻十分匹配。可能店員見我們那份肉吃得不多，主動向我們說可加清湯變回普通湯底，牛味即時回來。餐廳整體整潔，晚上有淡淡的live music，有氣氛之餘也不覺吵。

朋友帶我來食好野, 佢話呢到食芝士雞好出名, 點可以唔黎食呀, 入到去超大呀呢到, 仲有live band tim ar, 一坐低就先黎混個醬&叫個黃金芝士雞煲, 好得意ga, 枱面會有教你點樣食, 食完雞就加湯打邊爐, 由於係芝士雞, 所以打邊爐既時候會變左芝士湯底, yummy yummy.有呢個竹笙墨魚滑$88, 好得意, 2種爽口既野放埋一齊, 竹笙就可以索左d芝士湯, 墨魚滑就爽口彈牙.呢個係我每次打邊爐都有既午餐肉$24(半份) & 手打鮮蝦丸$78, 呢個鮮蝦丸真係超彈牙, 而且入面仲有大大隻既蝦tim ar.特級雪花肥牛$158(小), 牛味重又唔會鞋, 肉質嫩滑. 仲有呢個爽脆生菜$24(半份), 味道鮮甜.白鱔片$98, 鮮甜爽口彈牙. 仲有新鮮淮山, 健康食品.最鍾意呢到既酸梅湯, 好濃味, 唔會溝好多水, 唔同出面.