米走雞Live

营业中

休息中

火鍋控既表哥又相約食飯，醒起之前食過米走雞(太子分店)既質素不錯，而且上openrice看過，觀塘分店仲多了現場演奏，唔怪之得個名叫米走雞live, 又火鍋又live show，咁特別，一於同表哥試吓。米走雞live位於觀塘工廈the wave 3樓，佔地倘大，與另外一間西餐廳一同併用此層，正因隔離就係西餐廳關係，米走雞這邊既燈光也是相當有情調，大部份坐位都係梳化，坐得舒舒服服，抵讚。表哥好喜愛蕃茄，於是叫咗個蕃茄粟米湯底($78)，這個湯底超滿蔬菜甜味，除了多蕃茄及粟米外，仲有好多薯仔、紅蘿蔔、芹菜，蕃茄同粟米即使係湯底放咗好耐，食落仍然爽甜。食火鍋，總要有海鮮，我哋要一個日本鮮帶子($118)，淨係望外觀，已經流口水，味道鮮甜，大大隻，仲有金菇同粉絲伴隨，吸收湯底，yummy。還有五香鴕鳥肉($78)，肉質鮮嫩滑潤，汁多味鮮，口感好。當然唔少得我最愛嘅鮮製韭菜餃($78)，韭菜味香濃，豬肉餡料多，我食咗6隻咁多。另外食咗個黑蟹子墨魚滑($88)，墨魚滑軟滑，黑蟹籽爽爽的，食落好特別，份量又多。再加多個蘿白(半份$20)，夠清甜，唔老。大概晚上7:30，live show就開始，表演

朋友鍾意食芝士，記得之食過一間餐廳有芝士雞煲，所以決定同朋友去試下。之後發覺觀塘興業街都有一間，由觀塘地鐵站行過去大概5分鐘。餐廳環境寬敞，裝修特別，有獨立房間，晚上8時30分仲有live Band。除咗黃金芝士同火焰麻辣，仲有其他湯底可以選擇，火鍋配料有好多選擇，飲品選擇都有好多。一坐低店員就即刻放低不同嘅醬汁配料。黃金芝士雞煲好快就送到，雞件大件而且肉質嫩滑，加上大量金黃色嘅芝士以及嘅配料，另雞食落非常嘢味，雞件食得差不多之後，店員即時幫我地加湯，可以選加清湯或芝士。炸魚皮炸得非常香脆，炸魚皮包上金黃色嘅芝士另有一番風味。白鱔片爽口之餘而且非常新鮮。特級雪花肥牛，脂肪分布平均，而且肉嫩多汁。鮮製四拼餃餡料非常足料，一次過可以試齊四款味道，而且每種餡料味道亦非常特別。雜菇拼盤，與芝士嘅味道非常配合，翡翠苗新鮮而且非常翠綠。冰豆腐同紅薯粉，吸收左芝士雞煲嘅精華之後，非常美味。最後那一杯竹䉀茅根，甜度恰到好處，而且非常滋潤，食完火鍋絕對不能缺少。

跟一班為食的好姊妹聚舊，最重要是找一間好味的餐廳。朋友提議一間最近好火的火煱店，說每個食客吃完都讚不絕口。老實說本人對火煱是沒有特別的情意結的，但是一聽到招牌菜我便立即舉腳附和，就係米走雞既芝士雞煲！同朋友幾個人叫咗一個黃金芝士雞煲同一碟手切特級降霜和牛，超級濃厚的芝士蓋在每一塊雞件上！超愛芝士的我們當然吃過不停！我地四個人食大煲剛剛好，在這階段還不要把自己撐得太飽，因為我們的芝士火煱還未玩完……仲有降霜和牛，將和牛放落去連埋啲芝士一齊滾真係好甲，我地柯打既策略都係集中在一些吸汁力特強的食材，例如就是出前一丁、菜等等。反正你自己愛吃的食物就無所謂了。如果唔想等位可以考慮六點多到，早小小食晚飯。另外，侍應的服務不錯，值得一讚！

觀塘是個覓食好地方，而The Wave更吸引了不少人前來食好西，The wave 離kt mtr 5min，以為夏天食雞煲及打邊爐的人會相對較少，點知人流並沒有減少，全場幾乎滿座。餐廳特色之一是有Live band，今晚8點30分左右便有年輕band高歌氣氛十分好，今次我們點了蕃茄湯底、十分濃，由於前幾天食了太多肉，因此點了脆肉鯇片，豆卜魚肉，餃子同少少菜，一上枱見到鯇片十分新鮮，魚肉閃令令，餃子也食得出自己包十分足料、這晚十分滿足

呢個芝士雞真係冇得輸，話說上次來呢度食西餐，有個男仔喺現場唱歌唱得好好聽，係真係好聽嗰隻，唔係觀塘APM嘅質素，原來西餐廳隔離係做雞煲邊爐，見到人哋啲肥牛好開心，同我個朋友講開原來佢嚟過呢個餐廳嘅其他分店好幾次，佢話個雞真係好好食。我哋兩個今次食呢個芝士雞煲。今次係我第一次食芝士雞煲，初頭都擔心有啲樓，佢個芝士汁做得唔杰撻撻，芝士汁裏面有好多生洋蔥，食到後尾啲洋蔥林晒變咗好甜好好味，芝士汁嘅味道甜到適中，佢有香甜嘅芝士味，又唔係入口好肥膩嗰種，又唔會稀琳琳，佢啲雞真係無得輸，雞肉比我想像中切得大舊，有時我會怕咁慷慨嘅餐廳，但係佢雞肉大嚿得來好嫩滑，大嚿都唔緊要，重點係佢有好多好多好多舊，講真，真係叫一個芝士雞煲，叫多一個公仔麵，乜都夠皮！為食嘅我就梗係要是我上次見到人哋食嘅手切肥牛，肥牛香甜，有牛味肉，有𡁻頭，出奇地同芝士汁都幾夾。最正就係個花膠筒，我望左個餐牌好耐，當我猶豫緊，叫花膠筒定係叫魚肚，就見到隔離枱果六個人叫咗花膠筒，舊舊花膠筒都好大塊！唔使諗啦即叫！眼闊肚窄！嗰個花膠筒比啲芝士汁慢慢煨好入味，真係勁勁勁勁勁滿足！要讚一讚佢呢間嘅咋響鈴做得唔錯！冇日本餐廳嘅油益味，炸得金黃

琴晚去接朋友仔收工，佢知的最愛芝士，於是帶我去食米走雞食佢好出名既芝士雞煲🤗🤗我地book左7點，黎到可以即時安排入座，十分好，唔使等👍🏻👍🏻佢地有兩重味既雞煲可以選擇，一個黃金芝士雞煲，一個係火焰麻辣雞煲，聽職員講解，兩個煲都可以揀士芝既量數或麻辣既辣度，全因個人喜好選擇😏😏坐低，職員就會俾定火鍋配料你，等你揀完食咩雞煲可以再慢慢配搭你要既配料😉雖然我見到人地點火焰麻辣雞煲好吸引，陣陣麻香味傳入鼻中，但我都係抵擋唔住勁量芝士既吸引，最終都係揀左我既至愛🤣🤣🤣最初我地諗住食芝士雞煲，第一時間梗係要撈勻先食啦～no no no 咁就錯啦，店舖係檯面放左張教你點先食到濃郁芝士味雞件既方法，此舉十分貼心👍🏻👍🏻竹蔗茅根水，基本上每次食火鍋我都會叫，哩度既有加埋栗米煲，所以飲落更加清甜解喝金菇被拆成一小一小撮，方便食用燈...燈..燈..燈..五寶丸有鯪魚丸、豬肉丸、牛肉丸、蝦丸、墨魚丸丸質彈牙，每款丸都想試下可以叫哩個👍🏻牛頸脊雪花紋理分佈均勻，店員話大概「6」三、四下就可以食得，因為佢有少少厚度，所以食落好有咬口，肉質鮮味唔會韌，一流👍🏻

好耐冇食芝士雞煲，特然好掛住果份濃濃芝士味，呢晚決定同男友食返餐第一次黎觀塘呢間米走雞，現場有樂隊唱歌，氣氛都唔錯一坐低梗係第一時間揀好雞煲先啦，我地就叫左細既黃金芝士雞煲其他既邊爐配料都好多選擇，呢d就可以慢慢先落order調味醬料擺放乾淨整齊雞煲黎喇，芝士份量就點左普通，見到已經好想食煮左一陣，芝士溶左就食得啦，每件雞都有好香芝士味，鍾意芝士既人又點可以錯過，食左芝士雞後就可以加水打邊爐喇手打五寶拼盤，有墨丸，牛丸，蝦丸，鯪魚丸，豬肉丸，全部都新鮮彈牙，特別一贊豬肉丸，有驚喜半份冰豆腐，索晒芝士汁之後好好味每次必點既黑松露蟹子魚麵，濃濃黑松露味加上彈牙蟹子魚麵，一試就愛上半份翡翠苗，新鮮爽口打邊爐加檸樂真係絕配

第一次吃的時候超級驚豔，第二次是帶爸爸去吃，沒想到爸爸說烏東最好吃！而且這次的辣雞煲也確實很鹹！所幸，現在的環境，裝修，氛圍都非常不錯！上次去太子的實在擠，總的來說就是一般吧。不會再吃下次了。

雞煲係近幾年Hit到癲既食品，開到周圍，口味各有特別，最常見既係芝士，麻辣而芝士雞窩方面，我個人最最最喜愛既就係《米走雞live》，雞煲味道非常好，火鍋配料質素很高，而且食個好多次，水準都Keep到。餐廳中西合璧，一入門口係食西餐的，再入少少就係食火鍋既地方。每晚都有唔同既人表演，享受食物之餘仲可以聽下live，幾寫意的主角雞煲出場，芝士份量有得選擇，由於全枱都係芝士控，所以激量走唔甩的冚蓋煲溶芝士後，熱辣辣香噴噴既美食就出現了。好邪惡。濃郁芝味舖滿大大既雞件，雞肉好滑，掂紅蔥爽口清甜食晒雞黎，可選擇加清湯或芝士湯開始打邊爐了牛當然必食，脂肪分布平均，唔會過多，牛味好濃，肉質稔滑無筋叫個皮蛋打邊爐，同枱個個當我怪人不過我喜歡，皮蛋好靚，有溏心的，同芝士湯底好夾架凍豆腐又係出色，吸晒湯汁味道，而且口感同平時食既有D分別，較滑一點的厚切午餐肉價錢係比一般任食場貴一點，不過質素真的較高，環境服務亦不錯。

三個人去咗食 食咗六百幾 叫了激量芝士煲 牛肉 娃娃菜 烏冬 餃子 牛大约六十蚊一碟芝士很多 很入味 環境服務很好 過了夜晚七點 會有歌聽 不過淨係開18:00後 晏晝想食都冇 下次想試下食麻辣煲

收工突發間好想食雞煲 咁就係OpenRice 搵左一間公司附近嘅雞煲 米走雞佢主打好似係芝士雞煲 不過都係想食麻辣嘅雞煲 叫左個小嘅 呢個雞煲 我只會比50 分 全個煲都係雞脾肉 好冇雞味 其實雞嘅其他部分都好好味🙄 點解要全部都用雞脾 仲要唔係炒香左嘅 係好似用水滾熟咁樣 而味道方面 真心難食 佢個麻辣味好似啲咖哩咁 好重椰漿味 甜甜地咁 一啲都唔係嘢味嘅雞煲 👎🏻 另外只係加左一款餸 就係豬膶 個豬膶都ok 嘅 新鮮 厚切 不得不提嘅係餐廳嘅員工服務好差 其實佢地態度冇問題 係覺得佢地能力差.... 總括黎講 冇下次

喜歡米走雞打邊爐，因為環境好正，尤其是有 live band ，真心吸客。皮蛋芫茜湯78之前試過芝士同雞煲，今次食翻基本既湯底。五香鮮牛肉98元今次唔食肥牛，改食五香鮮牛肉。剛上碟見佢肉色唔多均衡，但係食起上黎好鮮嫩，有牛肉又柔軟，值得推介。滑雞片58元啖啖大雞肉，非常抵食。蒙古羊肉片148元鍾意食肉嘅我哋，今日叫咗幾種唔同嘅肉，呢個羊肉值得推介。羊肉打完邊爐，肉質非常柔嫩，沒有強烈的羊腥味，吃起來有羊肉味之餘，非常舒服。芝士腸22元芝士腸打邊爐真係一流，熱辣辣咬落去，芝士慢慢滲出嚟的感覺，好perfect!貢丸（半）22元打邊爐，食丸類係指定動作，今日食太多肉非常飽肚，所以只叫咗最鍾意食嘅貢丸。呢度嘅貢丸好彈牙，一粒接一粒。翡翠苗（半）24元最後都係要食返個青菜balance 下， 翡翠苗唔會到到都食到，湯底本身已經有各種肉類嘅精華，拾一拾，味道一流。可能今晚嘅現場音樂實在太好聽，食咩都好開胃！

黎米走雞打邊爐，主要原因係支持今晚唱歌嘅朋友。所以特別要求店員俾我哋坐近舞台嘅位置。咪走雞地方非常闊落，鍾意聽歌嘅朋友就坐近啲，想傾計嘅朋友，就可以選擇後排嘅位置，非常靈活。番茄粟米湯78元清清地要個番茄粟米湯底，但係呢個湯底其實係充滿番茄味的。特級雪花肥牛(大)218元先來雪花肥牛，大大片、大大碟，食得好過癮。西班牙黑豚肉198元最近除咗牛肉之外，都會叫黑豚肉。一來好鍾意食肉，二來黑豚肉的脂肪較少，即使食多幾件都唔會有罪惡感。豬潤43元平時喺屋企好少食到內臟，來打邊爐，食豬潤就係特別暢快。一碟有好多片，呢度嘅豬潤都算鮮嫩，即使放耐左，都唔會好硬，正！手打五寶拼盤88元呢個手打五寶拼盤，都係誠意之作，全部都係手打，我最鍾意係蝦丸同墨魚丸。 食得出鮮蝦嘅滋味。魚皮餃(半)22元半分有四粒，唔錯。油麥菜(半)24元呢度嘅蔬菜都有好多選擇，油麥菜夠大塊，半碟都夠食。今晚一邊支持朋友唱歌，一邊打邊爐，今晚讚！

本身唔知食咩好，睇到食評就黎左呢間餐廳，比較特別既係呢度可以食到芝士雞煲，雖然好邪今惡，但味道一流。每件雞都係大大件，基本上兩人可半隻雞已經足夠。之後點左大大舊鮮炸響鈴，呢度既響鈴同外面打邊爐既好唔同，呢度係即叫即炸，好新鮮，放落煲幾秒拎返上黎食，好好味。黎到呢間餐廳，你會見到幾乎每一台都有叫呢一款食。我同朋友再點左一碟雪花肥牛，成隻碟都鋪滿肥牛，都好鮮味。最後，仲點左一碟手打五寶拼盤，每一粒都係經人手打出黎，兩款有兩粒，味道亦唔錯。

放工近近地揀觀塘食飯~上網搵過見到芝士雞煲即管訂位試下。今次揀左雞煲配少量芝士...本身唔抗拒芝士..但好怕太多芝士太有飽肚感...個煲黎到賣相都唔錯﹗根據番餐紙上既步驟...滾左先食雞..D雞好滑..食到咁上下..仲追加左個公仔麵..當堂好似韓國既部隊鍋咁﹗..一邊食一邊有LIVE聽..好舒服..你仲可以點歌~~正丫﹗打邊爐真係第一次咁有FEEL~環境舒服唔嘈，岩邊食邊傾計。