米走雞Live

营业中

休息中

今日決定再黎挑戰, 之前食過真係無得頂, 所以唔使講啦, 今次都係叫返芝士雞煲啦, 呢到最出名GA MA, D雞大大件又嫩滑, 食完超香濃既芝士雞之後, 店員會問想加芝士湯還是清湯呢, 我地次次都係芝士湯, 今次不如試下清湯啦, 其實都唔差架, 都仲有芝士味道架.我地叫左個翡翠苗, 非常青綠. 跟住仲叫左個芝心丸, 嘩唔知點解呢到D芝士特別濃味架, 入面D芝士唔會水旺旺咁. 仲有牛柏葉, 爽口彈牙. 仲有點少得特級雪花肥牛呀, 雖然湯底芝士味濃, 但仍然食到牛既香味. 仲有仲有點少得即炸響鈴呀, 嘩….超大條呀, 一條=兩條LOW, 索埋D芝士汁正都無比呀.我地仲叫左壺酸梅湯TIM呀, 係自家制的, 好足料, 正!!

呢間餐廳有一邊係食西餐，另一半邊係火鍋。我同朋友一齊揀左火鍋，因為聽聞過呢間火鍋唔錯。餐牌嘅選擇算多，一般火鍋嘅配料都有。我地點左個好有特色嘅芝士雞煲火鍋，食完芝士雞之後，叫店員加湯。唔係加清湯，而係加真正嘅芝士湯！黃色嘅賣相非常吸引，好特別，一食難忘。1)特級雪花肥牛 (⭐⭐⭐⭐⭐):真心推介，大大碟，牛肉好林，放落火鍋入邊，好快撈起就可以食。濃郁嘅牛肉味放喺芝士湯入邊，配搭新鮮，值得一試。2) 手打五寶丸拼盤 (⭐⭐⭐⭐⭐):由五款丸組成，每款兩件。有墨魚丸、蝦丸、魚丸、豬肉丸等等。手打既做法令到啲丸好彈牙爽口。比起平時食開嗰啲，真係有幾大分別。3) 生菜、豆腐、烏冬、貢丸 (⭐⭐⭐⭐💢):通常火鍋都會帶碟菜，健康丫馬。菜嘅味道可以，另外點左蜂蜜豆腐同埋烏冬。豆腐都幾滑身，至於烏冬呢，其實諗住作為飽肚之選，留喺最後食就岩晒。仲有貢丸，大概有六件，都幾大粒。個人認為手打丸拼盤比較有特色4) 響鈴 (⭐⭐⭐⭐💢):響鈴好大份，不過記得唔好浸咁耐，大概幾秒已經足夠㗎啦。響鈴吸晒啲芝士湯底好邪惡！餐廳另一個值得推介嘅地方，就係有現場音樂聽，樂手演出流行歌曲，觀眾食嘅時候一邊聽音樂，樂手亦會

雞煲好食，但BB辣都覺得辣，要加幾次清湯才比較好啲，味道咸了一些，手打丸正，响鈴超大條，其它食物選擇比較少，一邊火煱一邊聽住歌，都算係第一次。總括嚟講都係OK嘅。

見好多好評，就去試一試，叫咗2個煲，全部都系雞髀肉，叫咗個兩小麻辣，超辣。和一個芝士雞煲，環境唔錯，食物都唔錯，只系雞煲全部用雞髀肉（冇邊口感）和芝士雞煲＂窿抵＂成煲變咗燒窿嘅味道。大致上都可以。

聽住live 打邊爐湯底同打邊爐料好新鮮由於兩個人驚食唔哂芝士雞，值得一讚既湯底，很用心去創作。一分錢一分貨，比得錢就想有靚野食，呢間做到我既要求，整體成晚都好好。

完全估佢唔到嘅格局，同幾個同事OT完，想食好野放鬆心情，歡樂組組長推介食呢間雞煲，我同為食同事梗係舉腳贊成不過一出lift以為自己行錯路，好似食西餐咁，不過原來佢係一邊食西餐，而另一邊食雞煲，食雞煲嗰邊更加有live Band show初初入去就好似嘈咗少少，但係個歌手又真係唱得唔錯總之係呢個咁嘅環境，啲燈又暗暗地，我哋覺得好舒暢，係咁嗌咗好多嘢食，食落先知眼闊肚窄我哋先食雞煲，雞煲嗰陣味簡直不得了味濃雞嫩，而且又唔係太油，麻辣恰到好處，仲有好多洋蔥同芫荽，好正我哋三個都好鍾意食響鈴，叫咗一個響鈴，初初見到個響鈴太厚以為唔係太脆，結果又晤係牛肉好新鮮，不過我更加欣賞牛舌，又夠薄爽爽地值得推介

上星期和朋友在這裡吃晚餐，環境十分舒適，燈光不太刺眼，適合密友詳談。員工招呼周到和殷勤，食物新鮮和巧手，還有歌手現場獻唱。只可惜當晚信用咭機壞了，要收現金付款。·

雞煲癮發作最近天氣飄忽得很，時凍時熱，日夜溫差又大，夜晚當然食番個麻辣雞煲暖一暖，今次的米走雞，光顧了幾次後再來，水準依舊出色。火焰麻辣雞煲連我這種怕辣的人也非常喜歡，麻辣味可以選擇BB辣，有麻的感覺又帶淡淡的辣味，非常惹味，最重要是雞件的量爆多，性價比超高，而且都是雞肶肉，肉質嫩滑，醬汁滲進每件雞裡，高質！特級雪花肥牛色澤鮮紅，油脂分佈平均，雪花夠，不會太厚切令口感難咬；也不會過薄令肉味不夠，肥牛大大塊，肉味濃，配上麻辣雞煲的湯汁，惹味！鮮炸響鈴新鮮即炸脆響鈴，熱辣辣又香脆鬆化，圈數又夠，浸一浸湯底，索滿了湯汁，雞煲必點。芝心丸、貢丸其他雞煲配料也很非新鮮彈牙，沒有半點雪藏的感覺。竹蔗茅根一下子食完整個雞煲，飲一杯竹蔗茅根，生津解渴、解膩又健康。

今日收咗工之後同幾個朋友黎呢度食野由於我地大家都係芝士控所以叫咗一個黃金芝士雞煲(大)個鍋一上到黎就見到全部都係芝士粒蓋上蓋煮一陣就見到佢地融化曬仲滲曬入D雞件里面食落每舊雞都有濃綢嘅芝士杰tattat加上嫩滑嘅雞肉兩者異常地配搭出色當D雞件差唔多食曬嘅時候店員就會加湯變成打邊爐而我地之前叫嘅配料亦都上齊黎啦當中款式太多就唔一一細講主要想講下比較貴同比較好嘅手切特級霜降和牛(小)每一片嘅油脂分佈得非常靚而且比例亦都好好食落有濃郁嘅牛油香但又唔會覺得太膩仲要有返小小牛肉嘅咬口下次去都絕對會叫返一份黎品嚐。

新年同爸媽買左張芝華士3人自動SOFA $6700 乍,抵玩,然後行完APM,想搵食,但又唔想食APM 入面D 野, 所以走左出去觀塘開源道搵食.點知周圍都無乜野食搵到, 就食M記啦!!!好在阿媽睇睇話對面樓上好似有….然後我88掛掛就行去睇,唔係食雞就西餐扒….餓到都唔想諗啦,上在去再算.芝士雞又未食過,又過得很膩,不過食扒又貴,就試試雞嚕.細煲16X,大煲2XX, 整煲大雞啦. 飽D呀!因為D火鍋料都唔平.D WAITER真係天然呆的,叫佢倒熱水就講! 哦! 呢家D 90後都係咁, 仲要黎左水喉水….阿姐就唔同啦! 有心有力,熱心服務.雞黎啦! 水都無一滴,我就問,唔洗加水架咩? 哥哥仔就話,唔洗,等一等食得,對住我爸說食完後生仔想加湯水或芝士湯都得…..食之前真係諗住會好膩的…..但食完之後完全唔膩, 芝士味淡淡的香,唔會SALTY, 成煲ONION, 令整個雞煲增加不少香氣,食慾大增芝士煲係用雞件肉的,主要係雞腿, 如果用成隻雞汁味應該好食好多,可加多廿分^^ …但價錢就應該加多1份….HAHA……. 雞肉用上雞腿,所以嫩滑爽口彈牙是必須的,如果做唔到的話,轉身走人啦!! 雞腿

天氣持續寒冷，真係唔食點暖野落肚都唔得，收工後約埋細佬去食晚飯，異口同聲話食火煱，我問佢觀塘邊度有好野食又唔使點等，佢就帶左我去廠區興業街米走雞餐廳雖然係廠厦改建，但裝修絕不馬虎，設有liveband即場演奏，感覺幾relax拿拿聲點湯底同火煱生料先選擇都幾多轉眼間，極濃沙嗲湯底就送到，上邊鋪有大量芫荽，正原來湯底仲有好多豬皮，索晒沙嗲汁味，超惹味當然唔少得自己調配醬汁細佬話呢度最出名係手切牛頸脊，果然名不些傳，油脂分佈很平均即刻煮一片黎食下先，轉眼間肥牛已變成高級版沙爹牛肉，厚切得黎好腍身，完全唔靭，非常滋味手打四寶丸，四款都好好食，墨丸夠晒彈牙，入邊有墨魚肉，蝦丸鮮味到不得了，應該用左大量蝦肉打成，豬肉丸都係彈牙脆口，鯪魚球無骨兼有陣陣陳皮香味魚片頭高級野，甘香有魚味鮮炸響鈴，一籃有六大條，都係$48,而且係即炸，不用放湯也可即食，非常香脆，入邊層次亦好夠，索埋沙嗲湯味道亦很夾大大棵新鮮唐生菜呢餐真係食到豚飽飽，成身暖晒，埋單連兩罐汽水都係五百幾蚊，食物質素咁高級，都算幾抵食

這一間除了芝士雞煲很受歡迎之外，火焰麻辣雞煲也很好吃～因爲有朋友怕芝士太膩，所以我們最後選擇了吃火焰麻辣雞煲。一開始先調一下醬料～店員會用火槍燒一下雞煲，令到雞煲有火焰效果。選用的雞肉是雞腿肉，麻辣度選了兩只辣椒，辣度剛剛好，特製醬汁，醬汁香濃惹味，雞肉入味，肉質也是嫩嫩的。吃完雞之後就可以加湯底，吃火鍋了～我們點了一些火鍋配料，每一款配料都好新鮮。脆炸響鈴是現炸的，超脆口的！大份的新鮮牛肉，肉質也不錯～配合現場有Live show，氣氛不錯喔☺️

原本預約8:30分9位，同行7人8點15分已經到左，同左帶位講今日只有7位食位食，門口小姐話冇問題。到左8:30都仲未入得，我地問問係咪差唔多，佢地話汁緊檯，咁我地再等。到8:35分有9位的到左，即刻入得，但keep 住同我地講話汁緊檯，知後10位的，照即刻入座，都係話汁緊檯，我同門口位小姐講，如果係因為我地得7位食而要重新輪候點解唔話聲我地知？之後有位男同事就話小姐你過一過黎依邊講（但佢已經皺哂眉），我複述左一次，佢話我地要就番人數而比檯，就快有檯嫁啦，我就同朋友講走啦，唔知等到幾時，嗰一位男員工即刻話有位嫁啦，你地食就可以入黎，唔食我將張檯比第二個嫁啦...今晚之後米走雞令我覺得原來依家去食野係要咁冇尊嚴嘅，你唔依大把人食。 一間服務態度咁好嘅食府，可能你地食物水準好好，但服務水準真係令我不敢恭維。請保持你地嘅服務態度啦，啲客做唔哂嫁！

又係時候扮下乖去接男人收工啦，接佢收工其實係借口，最主要我想食上次同佢去食果間芝士雞煲先真，接完佢即刻衝上去食我掛左成日既芝士雞煲一上到去，見到已經爆爆地場，好彩我地兩個人，侍應都好快安排到位比我地今日仲有live band Tim,兩個女仔黎嫁，都幾好聽即刻叫左激量芝士雞煲先，其他火鍋配料都好齊全，可以儘情點（眼闊肚窄mode啟動）一點完雞煲，侍應即刻送上混醬配料芝士雞煲一見到口水都流埋，呢隻雞煲唔使好似平時咁等咁耐，只要等芝士溶左就可以食啦唔使五分鐘就溶哂，芝士味香濃，雞肉嫩滑，好好食呀食完侍應就過黎加湯比我地打邊爐啦，仲可以選清湯或者芝士湯Tim,我地梗係要芝士湯啦！火鍋配料新鮮，特別係五寶丸，蝦丸彈牙鮮甜，牛丸黑椒味香濃，鯪魚丸陳皮味重，真材實料竹庶矛根唔會過甜，打邊爐勁match!

今日係觀塘廣場附近做野，同兩個同事做到夜晚七點幾， 凍冰冰好想食火煱，於是上openrice睇下附近有冇人氣火煱，見到有一間live band雞煲米走雞 ，咁有特色就去試下啦～我地三個人叫咗一個火焰麻辣雞煲（兩隻辣椒） 一個細本地手切牛脊髓，牛柏葉，雜菇，響玲，一份四拼餃～等10分鐘全部料到齊，上菜快～掋讚～個雞煲首先要煲一陣之後就有職員過來點火係我地面前炒下佢，等雞煲內既酒精揮發曬之後就食得，食落去雞好滑，仲有少少酒味，好惹味～ 手切牛肉大份，見個紋都知係高質牛，食落好重牛味，厚度適中～響鈴係即叫即炸，好少地方有～四拼餃亦好出色，好多時好多地方都係雪藏餃又或者好細隻，呢度係新鮮包既，皮薄料多又大隻 ～今日平日八點都成大半場滿，在工廈入面可以咁，證明有水準和有質數的～今日有個男仔喺度唱live，把聲好似張智霖加鄭中基，又唱得幾好聽喎！