米走雞Live

营业中

休息中

完全係信錯食評呀今次！！！好早來到，個場完全冇人，環境還可。侍應對餐單菜式唔熟，問一樣野要幾個人先答到，叫佢換碟佢淨係換一個人嘅碟叫左芝士雞煲，芝士汁完全唔覺得好香，雞肉係嫩滑但冇雞味，唔好味之後加湯打邊爐就更差。四色餃子雲吞有怪味，韮菜餃ok ，水餃不過不失，牛肉餃冇試，但朋友話麻麻。飲品叫左passon banana smoothie 係糖水一杯，唔係新鮮水果打，好失望，因為好貴。諗住山藥呢啲好難扣分，都可以切到大小不一，我都冇言了。腐皮份量幾多，係最正常嘅一碟。醬料冇用過都收14蚊一位，我只可以話成功嘅餐廳唔需要呢啲位度執雞。