米走雞Live

营业中

休息中

天氣凍就特別想食辣野除咗打邊爐之外 咁就梗係仲一定要去食雞煲啦同朋友都好鍾意食雞煲今次一齊去左試依間米走雞我地揀左辣味雞煲火焰麻辣雞煲真係有火焰架 店員當面點火再炒揀左一粒辣椒既辣度朋友唔太食得辣 依個味道啱啱好 雞肉大大件 厚實嫩滑虎蝦有6大隻 新鮮彈牙啖啖肉五寶手打丸有魚肉丸 牛丸 蝦丸 墨丸 豬肉丸每樣兩粒 彈牙又好味粉絲辣雞煲必點呀 熬耐d吸晒湯汁生菜新鮮生菜 健康之選准山又一款養生必點 清爽又得 煮耐d綿綿又得響鈴依到既響鈴好有份量 每一條都好大條！鮮炸酥脆可口 浸一浸湯吸d湯汁 一路食仲一路有live聽咁既氣氛食雞煲真係第一次

服務1流，話說當日約左朋友1930, 搭lift條龍勁長，間野係3樓我決定行上去，點知度門鎖左，個staff見到我立即開門，好細心。我入到去話平時係鎖起唔開度門架，不過費時你行幾趟。到我食飯落單到俾錢d員工都好有禮貌，真係要讚。間野都幾有特色，邊爐，live music仲有cocktail，真係未試過。不過打住邊爐聽住音樂都幾過引。我叫左芝士雞煲，間餐廳叫芝士雞煲專門店，無理由唔試！你仲可以揀要激量芝士碎，岩晒芝士怪。我就點左普通量，因為怕太”流”食唔晒其他野。D雞好滑，食極都未食完，我個frd話咁多雞，幾時先打得邊爐，笑死人….個frd話要食豬潤同日本蠔，我開頭都驚驚地怕唔新鮮，因為我好易肚痾。但係又唔會喎，蠔係冰鮮而豬潤係新鮮的。呢間野最好就係order菜同丸類有半份同1份揀，想食少少或者人少少可以點半份，好窩心。

朋友話想食芝士野食，又見天氣凍凍地，就諗起芝士雞煲，咁諗起芝士雞煲就會諗起米走雞啦係觀塘呢一間分店仲有live band，有野食有歌聽，絕對值回票價呀！今次嘅芝士雞煲我地叫左特濃芝士，真係好濃，啲芝士癡滿哂係啲雞件上面，芝味濃郁都幾誇張啲雞舊舊都大大件，而雞以外嘅洋蔥都係我嘅至愛，點滿哂芝士咁放入口，非常滿足呀～即炸響鈴卷係而家打邊爐必叫嘅菜料，而即炸嘅都會比街市買一盒盒嘅好食好多、脆好多，而呢度亦都不例外肥牛我地叫左手切牛頸脊，每一舊厚厚的，咬落都好有口味。另外叫左墨魚滑竹笙，兩樣野味道混埋都算幾特別。而手打丸嘅與素都十分高，好好味道～其他嘅配料應有盡有，亦都保持應有質素。但係總言之，芝士煲才是重點～～

出發之前冇留意丶去到先知係Mini Friday 同層隔離丶即同一老闆，心諗上次係隔離中伏⋯食物品質正常。黃金芝士雞煲是不錯。雞肉嫩滑。芝士係卡夫d friend。咁既價錢冇可能俾真正既芝士你喇雪花肥牛：普通價錢正常質素，都可以食下既、好有牛味炸魚皮點芝士煲好正、真係好evil 😈😈😈但食到一半發現有東西在炸魚皮的籃上左穿右插丶走黎走去⋯🤢之後成籃冇人敢再掂⋯轉食響鈴算⋯整體食物正常但衛生就❓❓所以應該冇下次⋯

這家位於觀塘的米走雞Live，是經過朋友的推薦，所以這次和家人一起來嘗試一下。我們都喜歡吃芫茜，所以我們選了皮蛋芫茜湯底$78。特級雪花肥牛(小)$158， 肥牛 脂肪 紋路 均勻，肉質嫩滑。白鱔片$ 98 新鮮 美味，放湯可即食。 還有 手打五 寶拼盤$88， 粒粒 肉質彈牙。 是大家最搶食， 很快便掃光。另外因為吃火鍋都比較容易上火，我們還點了一壺 清熱 銀菊露下火$68。還有其他火鍋的食物質素很好，而且價格也合適。在晚餐的時間餐廳還提供了live band。店裡的位置和空間都很充足，大家坐在那邊吃火鍋也感到很舒服。一邊吃著火鍋和家人聊天，一邊聽著live band在唱歌，那種感覺十分不錯。 我和家人都享受了一個愉快的晚餐。

今日又食好鐘意食既雞煲！今次呢間分店多左個LIVE字，開頭都唔知點解，上到去之後就知了，就係呢到會有live band show表演，食住雞煲聽band show真係第一次。呢間鋪頭面積大，佔左半層，空間十足。一如既往，叫左火焰雞煲，最小辣。呢間既雞煲比較多湯，調味偏甜，同出面偏咸既唔同。而辣既係麻辣，叫左最小辣都十分麻，唔鐘意麻辣既朋友可以叫佢炒雞時落小啲麻辣油。雞煲上菜時店員會為雞煲點火，而成個雞煲都會著火，所以叫火焰雞煲。雞煲用上大部分雞肶肉，食落嫩滑，唯雞件有啲大件，食落有點辛苦配菜叫左手切本地牛頸脊，牛肉比較有咬口，肉汁多，無一般美國肥牛咁肥咁膩，十分好食。牛柏菜爽脆，配上雞煲既湯去烚勁惹味最後唔夠飽叫多左個薯粉，薯粉索哂雞既精華，又辣又咸，好刺激！整體黎講呢間分店比其他分店更大，環境較好，同其他分店價錢一樣既時候緊係選擇間好坐啲服務又好啲既！

下班後和朋友去到觀塘食飯，由於友人知道我愛吃芝士，所以就帶了我來到這間餐廳食黄金芝士雞煲。雞煲嚟到之後，先等六七分鐘就食得。打開煲蓋後，香濃的芝士味撲面而來，而且芝士份量亦落得非常重手，雞煲表面完全被芝士覆蓋。雞肉口感非常鮮嫩，每一塊雞肉都被香濃的芝士醬汁包覆，非常滿足！食過雞煲後，再以芝士湯底打邊爐。這邊的火鍋配料也應有盡有，而我們就點了鮮炸響鈴，蜂巢冰豆腐，雪花肥牛和烏冬。值得一提的是這個湯底和平日的火鍋感覺完全唔同，將肥牛放落湯𥚃煮熟後，配合芝士的湯汁，味道實在與別不同。而蜂巢豆腐亦在火鍋烹煮的過程，吸收了大量的芝士醬汁，的確美味！這間餐廳的另一個重點就是Live Music，當晚註場歌手唱的都幾兩三年流行的廣東歌和國語歌，有氣氛之餘又非常啱聽，讓你有除了嗅覺和味覺以外，另一個觀感的享受。

雞煲平日就食得多，米走雞的雞煲出名品質較好，今晚決定與朋友一試。餐廳地方闊落，座位非常舒適，很適合成班朋友黎聯誼聚舊。我和朋友先點佢既原創獨家雞煲- 黃金芝士雞煲: 大廚用咗5種唔同芝士，包括車打、Parmesan、大孔芝士同2款秘密靈魂之選，食落本身鹹鹹哋嘅芝士同雞煲真係好夾。而且雖然我地係叫左小份量既雞煲，但雞件的份量很多，同非常嫩滑, 全部雞件被芝士覆蓋個下勁正丫，值得推介!吃完雞煲後，待應會把雞煲加湯變成火鍋, 變身做芝士火鍋，一煲兩食，真係一滴芝士都無嘥!點餐紙有不少火鍋配料可供選擇，但食完個雞煲都已經幾飽, 所以只叫左少少就夠了特級雪花肥牛: 肉色紅潤，雪花含量又岩岩好，濃郁的肉香，不錯鮮炸響鈴: 響鈴好大舊, 仲吸哂芝士D味, 香脆惹味!最後食左個公仔麵，撈咪個芝士湯底，真係超滿足好欣賞佢食物好味又有創意, 最後埋單都係每人二百幾, 中意食雞煲既人一定要黎試下 超值!

呢排天氣凍冰冰，最啱約埋朋友去食雞煲。觀塘呢間米走雞有live show表演。當晚有一男一女拎住結他邊彈邊錯，感覺氣氛不錯😊今次第一次試火焰麻辣雞煲入座後職員會先把各種醬料放在桌上混醬後，職員會把盤子收好，然後慢慢下單。雞煲會先上，職員把麻辣醬混入雞煲內再點火，撈一撈便食得。呢款麻辣醬有點似韓式辣醬，十分惹味👍🏻雞肉鮮甜嫩滑，多肉少骨，食到停唔到口，仲叫埋啤酒，一邊飲一邊食辣雞，正😋食完雞煲，就輪到打邊爐。打邊爐係逐碟叫逐碟計，不過某啲食物可以揀全份或者半份打完邊爐感覺十分滿足，期待下一次去試邪惡嘅黃金芝士雞煲😄

一早就知道觀糖有好多工廠大廈都改裝翻新成唔同既餐廳， 我本身都有經常留意觀塘區既美食，今次就打算去食一直都想試既芝士雞煲。餐廳位於the wave 3樓，上到去發現，同一層原來有兩間食店，一間係食西餐，一間就係雞煲。咁我地當然就去雞煲到搵個位坐低先啦。四人份量既芝士雞煲，雞既數量都幾多，而且芝士份量好足，圖上仲睇到佢有起碼兩種芝士，越食越濃味，越食越香，食完雞其實都開始有飽肚感了。 食完雞，服務員問想要加咩湯底，有清湯同芝士湯，隨行既人有人想要清湯，但心諗一係就唔食，一食就唔好諗肥唔肥啦，最後當然試埋個芝士湯底啦。用左芝士湯底，本身都唔洗再用醬油，已經好夠味，佢既邊爐料仲要碟碟都好大份，上台既時候其實一路諗緊點食得晒。最後已經好飽，但點都要試埋佢大力介紹既芝士配公仔麵，果然係一級棒！

醬料醬料一共有六款俾客人自由配搭個人認為最好係個醬料盒可以喺自己位度慢慢揀而且成位盒好典雅黃金芝士雞煲哩度最出名就係哩個黃金芝士雞煲嚟到當然要試下一上枱要等十分鐘左右先可以開蓋裏面有濃濃嘅芝士包住嫩滑嘅雞塊雞塊啖啖肉份量啱啱好食完好滿足進食步驟正當我諗緊點將其他食材放埋落去時見到枱面有介紹進食嘅步驟原來要加湯先加湯可以揀加芝士湯底定清湯底可以俾客人有兩個選擇好貼心個人認為食咗咁多芝士雞塊已經好滿足啦所以加返啲清湯平衡返小小特級雪花肥牛喺芝士雞煲未加湯之前淥一淥嚟食半熟嘅肥牛加上濃郁嘅芝士口感嫩滑 如果想清小小可以加咗湯先淥脆鯇片一放落鍋好快熟魚肉爽口又唔會粗糙切片嘅粗幼度亦適中手打五寶拼盤一盤五種口味 各有特色本人最鍾意墨魚丸爽口彈牙娃娃菜芝士濃湯加娃娃菜嘅組合都係第一次嘗試估唔到味道都好夾忍唔住食完又食其實我哋仲想試埋個哈哈蝦中寶但因為肚子容量有限容納唔到惟有下次再嚟食返

突然天氣又轉涼，你知啦，天氣凍就最好打邊爐！所以拉左個friend黎呢間出名雞煲ge餐廳食餐好！我地想早d食所以六點幾就黎，唔使等位。一張湯底紙，另一張揀料。我地得兩個女仔所以冇叫雞煲，而揀左個蕃茄粟米湯。冇揀錯！黎到飲左一啖，好有蕃茄味，仲好足料。西班牙黑豚肉，油花勻稱。手打丸彈牙新鮮，最愛蝦丸墨魚丸。豬肉丸加左冬菇有咬口。雜菇有幾款，仲有一款岩你心水。冰豆腐好吸湯，我地次次打邊爐都會叫的～油麥菜好新鮮，滾兩滾就食得。第一次食咁樣ge墨魚滑，幾特別。呢度好在有d食物可以叫半份，兩個人黎都可以叫多幾款～

之前去過長沙灣店食過覺得幾好味，今次情人節同男朋友一齊去觀塘店食，諗住實冇死錯人啦！點知......坐低左先知情人節加價了，但明白，理解的，但食物質素真係....1) 芝士鶏煲：全是雞脾肉，大大舊，味道都ok2) 雪花牛肉：全晚最好食， 好淋，唔鞋唔un 3) 手打五寶丸： 墨魚丸好咸，鯪魚丸應該係結過冰再解凍，質地已改變，其他丸正常4）響鈴：太大了，好似棉胎，如果正常size會好D5）粟米：好老，有渣，唔甜6）竹笙墨魚滑：有咸魚味，腥腥臭臭的，究竟放左幾多日咖？🙄7）娃娃菜，冰豆腐，烏冬，銀菊露： 正常（其實都好難唔正常）埋單$919，雖然係男朋友請，但我真係覺得有D唔好意思，畢竟係我提議黎呢度食。e家真係對米走雞這品牌失去信心☹️**點解冇影相？D普通野，影黎仲乜😑

朋友突然想食宵夜，又唔知去邊度食所以上Openrice 睇吓，就搵左間米走雞Live.估唔到呢間幾好，我最喜歡火焰辣雞煲好好食同埋好特別，啲雞好滑，一定要試呀，仲可以揀要幾多🌶️，響鈴好新鮮真係有手掌咁長，又底食，牛頸脊好靚，唔會太肥，芫荽皮蛋湯底好足料有一舊大嘅豆腐、馬蹄同埋粟米，另外羊肉片同黑蟹子墨魚滑、菇、生菜、烏冬一般，整體我都好滿意嘅。四位用餐共$1236

之前有人介紹過呢度嘅芝士雞煲好正，今日專程來試吓。一想到去，見到餐廳嘅環境好靚，雖然係食火鍋，但係佢裝修嘅氣氛好有情調。而且環境尚算乾淨，地下唔會覺得跣。當然我哋一嚟就帶咗個芝士雞煲，芝士夠晒邪惡，我哋揀咗激量，成個火鍋湯底都好似係芝士咁樣，佢落咗勁多芝士碎，話要等去煲溶咗先可以開始食，等8分鐘之後，芝士已經溶，配埋啲雞一拎上手見到拉絲，識落啲雞熱辣辣亦都有好濃嘅芝士味，真係超贊。我哋重點左其他火鍋配料，例如蜂巢冰豆腐，不過佢樣貌有啲似海綿，食落我都係覺得普通豆腐好食啲，可能係我唔識欣賞。佢哋呢度嘅乎響鈴超大份，叫一份有成六大卷，兩個人食唔晒。我哋仲帶咗一份雜菇同埋食Wasabi墨魚丸，雜菇配芝士好正，但Wasabi墨魚丸就冇乜Wasabi味，墨魚味都唔太覺，如果濃啲會更加。兩個人加埋食咗五百幾蚊，雖然有啲貴，但都好飽，嘢食都算好食。