米走雞Live

营业中

休息中

之前有人介绍过呢度嘅芝士鸡煲好正，今日专程来试吓。一想到去，见到餐厅嘅环境好靓，虽然系食火锅，但系佢装修嘅气氛好有情调。而且环境尚算干净，地下唔会觉得跣。当然我哋一嚟就带咗个芝士鸡煲，芝士够晒邪恶，我哋拣咗激量，成个火锅汤底都好似系芝士咁样，佢落咗劲多芝士碎，话要等去煲溶咗先可以开始食，等8分钟之后，芝士已经溶，配埋啲鸡一拎上手见到拉丝，识落啲鸡热辣辣亦都有好浓嘅芝士味，真系超赞。我哋重点左其他火锅配料，例如蜂巢冰豆腐，不过佢样貌有啲似海绵，食落我都系觉得普通豆腐好食啲，可能系我唔识欣赏。佢哋呢度嘅乎响铃超大份，叫一份有成六大卷，两个人食唔晒。我哋仲带咗一份杂菇同埋食Wasabi墨鱼丸，杂菇配芝士好正，但Wasabi墨鱼丸就冇乜Wasabi味，墨鱼味都唔太觉，如果浓啲会更加。两个人加埋食咗五百几蚊，虽然有啲贵，但都好饱，嘢食都算好食。