米走雞Live

营业中

休息中

今晚約左友人一同去到觀塘試新嘢，叫做米走雞 Live ，地點算係方便，由港鐵站行去約需5分鐘。黎到當然係食雞煲啦，兩個人叫了一份大雞煲上枱後整體賣相不差，亦可自由選擇辣度。煮熟後香味十足，但開始食後我同友人發現左一樣嘢，成個雞煲都係得雞脾肉，點解無雞胸、雞背？雞脾肉一食落口，無雞味，一食就知係雪藏雞肉，真係失望，價錢仲要二百幾，真係偏貴另外叫一口碟雪花牛粒 $148，不能煮得過火，否則會好鞋。當晚隔壁枱見到人地叫左碟牛坑腩，原本都想叫黎試下，但發覺基本上只食過幾口，傾談下先知牛坑腩勁鞋，似煲完湯嘅瘦肉，對方仲主動請我地試下，真係好~~~鞋~~~服務方面係唯一所讚，職員有禮，加湯時亦用蓋遮一遮，以免加湯時湯花四濺。另外晚上6:30入座，原本只限2小時，但可能食客唔多，我地可以坐多45分傾下計，可以一讚。

次次去觀塘都心郁郁想食米走雞既芝士雞煲，要食芝士火鍋(唔係瑞士果隻)，米走雞係不二之選。黃金芝士雞煲$178一個細既雞煲2個人食已經有d食唔落，最重要可以揀激量既芝士，仲抵d，重點係唔可以撈晒d芝士落個湯度，咁會好難拉到絲，而且味道都會比較淡。睇住2款芝士溶埋一齊嘅感覺真係好治癒，加上啲雞肉好滑，同芝士好夾，如果去埋雞皮就更好啦。涼拌木耳絲拌海蜇$48非常辣，辣得好過癮，味道就係麻辣火鍋一模一樣，木耳絲同埋海蜇都好爽脆，而且好入味，非常開胃。鮮製四拼餃$88有雲吞，水餃，牛肉餃同埋韭菜餃，一次過試晒四種味，而且每一隻餃子都好大，好夠飽，錄完每一粒都係脹卜卜嘅，我比較特別鍾意食牛肉餃同埋韭菜餃，份量好粥，裏面仲有好多湯汁，非常新鮮。呢度最抵嘅係有得就咁叫半份，如果兩個人嚟食嘅話，半分嘅size就啱啱好，今次食咗娃娃菜，蜂巢豆腐，同腐竹都係嗌咗半份，完全唔會浪費食物，又慳返啲，又識得多款啲。

今年中秋節一家人再來米走雞慶祝下，上年嚟過芝士雞煲，今年就轉轉食下牛腩鍋喇，以想不到個鍋好多材料啊！當然有主角牛腩啦，配料仲有粟米呀蘿蔔呀雞腳呀等等，仲有特別嘅竹蔗添或者可能有竹蔗嘅甜帶起咗成個牛腩好入味，牛腩唔係一舊舊嘅！係一片片好似牛扒咁，但係又唔係好肥嘅！食完成個牛腩煲個湯仲響度，所以我哋就叫啲配料繼續火鍋啦。當然唔少得繼續食牛啦🍖特級雪花肥牛必食，入口即溶化，仲有澳洲牛舌👅 味道好特別條脷都可以咁諗嘅，食兩塊已經好足夠。鮮製四拼餃和脆肉鯇腩，鯇腩好大嚿又爽口。娃娃菜，鮮腐竹，雜菇拼盤，稻庭烏冬和牛柏葉。女女就必叫嘅，靚女都係喜歡鍾意食菜。蟹柳和手打五寶拼盤亞仔就必食嘅！邊爐完，還叫咗一個好特別嘅飲品清清味蕾，檸檬梳打(XL Jar) 送來時有檸檬圖案對住我哋笑就好似今晚追月咁🌕哈哈😂😂為咗要襯埋個月光，幻想喺沙灘上望住月光，再叫多杯焦糖咖啡沙冰，咖啡味濃不太甜清清地，哈哈，配合追月喺沙灘上吖馬😂😂😂總結~ 追月人月兩團圓，開心餐😍

朋友心情不好，要傾心事，當然打邊爐就可以慢慢食慢慢傾，即時搵下觀塘區，原因當然係方便啦，叫了蕃茄薯仔湯底，簡簡單單，再點了肥牛，大大碟，雪花平均，碌了十秒左右，嘩，肉汁多，淋，好脆肉魚片，碌時間唔駛太耐，新鮮，卜卜脆，果然店員無介紹錯羅白，要一開始就放。時間要耐先可以吸收晒所有精華，淋淋的，甜甜的。好味手打烏冬，再配上肥牛一起吃，簡直一流烏冬彈牙，原不錯響鈴新鮮即炸，但只雖幾秒，咬口翠翠👍🏻👍🏻🤦‍♀️👍🏻醬料款式差不多👍🏻👍🏻👍🏻👍🏻👍🏻👍🏻👍🏻👍🏻👍🏻

很久沒有打邊爐，今晚約了朋友去了工廈打邊爐。餐廳其中一個賣點是食雞煲，但比起雞煲，我們更愛打邊爐，於是點了個蕃茄粟米湯底。湯底非常足料，除了蕃茄、粟米，還有薯仔。餐廳另一個賣點是有live 樂隊表演，大概8點左右開始，令氣氛更高漲。小的雪花牛肉一點也不少，厚切，更有口感。竹笙墨魚滑感覺爽滑，而四拼餃子有四隻口味，皮薄滑，料夠足，最喜歡蝦肉餃子，很爽口。鮮冬菇夠厚夠滑，生根夠漲卜卜，入口即溶。最後來個滑溜烏冬，十分飽足。

今晚跟家人團圓慶中秋，媽媽沒去過米走雞Live，所以選了觀塘這間可以一邊打邊爐，一邊聽音樂。今晚不選火焰雞煲，也不選邪惡的芝士雞煲，試試新口味，選擇了番茄玉米湯底打邊爐，一看湯底的顏色就知道料足，湯底的薯仔吸收的精華之後，又入味又粉，非常好吃。雪花牛肉：紅中帶白，形成一片片美美的紅雪花，煮完之後一樣大大塊，可見牛肉的新鮮程度，不過要注意煮的時間，否則會太硬，大火快煮之後口感會很嫩。竹笙墨魚：上次試過覺得口感很棒，吃到有墨魚塊，所以真材實料，這次必點給家人試試，大家都給Like。另外，還是嘗試了鮮腐竹，煮完之後不會散開，爽口和有豆的味道。今晚大家在輕鬆的環境下享受了慶中秋晚飯。

第二次來到米走雞，這間分店請了歌手在現場即席表演，今天是位男士，他拿着結他自彈自唱，聲音都幾悅耳，而且很多歌都是我熟悉的廣東歌，環境氣氛十分好！火焰麻辣雞煲今次不是吃芝士雞煲，嘗試了火焰麻辣雞煲，有得睇又有得食！個視角效果很好，店員一點火，整個雞煲被藍色火焰覆蓋，一直燃燒！味道都不錯，醬汁夠香，小辣剛好。蜂巢冰豆腐最能夠吸盡精華，而且口感一流，一咬就爆汁。手打五寶拼盤牛丸和墨魚丸好味道，其他丸有點咸，全部都很彈牙，是手打丸的特色。

朋友心情唔好約我食晚飯， 但公司多嘢做無得準時放工，在附近米走雞訂了枱，大家都方便。工廈全層租用，地方寬敞， 宇宙星空和朵朵雲燈式主題設計，好有太空感覺😁😁近門口處有個小型舞台，晚上有歌唱表演助慶， 在寸金尺土的香港 實在是少有😀😀火焰麻辣雞煲 2-3人份量麻辣醬分開， 份量可以自己調教 ，有專人服務烹調雞煲，大開眼界🤗🤗 因為怕太辣，麻辣醬只放了三分之一， 雞煲用了花椒、八角 洋蔥、芫茜…等香料，香氣四溢，全部雞髀肉， 骨小肉厚, 索盡醬汁， 味道在口內久久不散，口唇仲有麻麻的感覺， 好刺激😋😋調味盤基本的蔥、 芫茜、 麻醬、蒜蓉…… 任君選用銀菊露一渣入口冰涼， 可以消暑解熱 食完雞煲，加了上湯， 就開始下半部的火鍋了☺😚手打五寶拼盤墨魚丸、牛丸、蝦丸、 鯪魚球丸和豬肉丸各2粒，大粒彈牙，最喜歡食鯪魚球丸， 加了蝦米碎，更覺香口五香鮮牛肉 98元冇諗過會咁多，而且件件 size 唔細，肉質鮮嫩，質素和貴價牛不遑多讓， 但價錢就差得遠了，抵食豬皮洗得好乾淨， 不用滾太耐已經好軟熟新鮮豬潤大件厚切， 滾的時間難掌握，時間多了肉質變硬， 美中不足， 建議可以薄切較易控制雜菇拼盤和朋友邊打

其實大大話話我都食過4,5次米走雞,但係每次都係食芝士雞煲,今次終於試下火焰麻辣雞煲。店員係雞煲差唔多ready嘅時候,用火槍點出火焰效果再炒香。雖然叫嘅雞煲係細size,不過其實對於兩個人來講份量都幾多。難肉用左雞脾肉所以食落啖啖肉又嫩滑。每款手打丸都想試所以就叫咗個手打五寶拼盤,有齊墨丸,蝦丸,豬肉丸,牛丸同鯪魚丸。每款都有2粒,我個人最鍾意就係墨丸,彈牙得嚟仲可以食到墨魚粒。當然唔少得打邊爐或者雞煲必備嘅炸魚皮,份量都幾多,而且大大塊好完整。一見到Menu上有牛舌諗都唔使諗即刻order左,一份都有十幾塊,而且有D厚度,唔會好似食咗陣風咁。

朋友剛去完外國旅行回來, 想吃些香港特色美食, 但又不想吃中餐. 思前想後便選了麻辣雞煲. 這裡的主力火鍋湯底是火熖麻辣雞煲及黃金芝士雞煲, 今晚只有2人, 點火熖麻辣雞煲較適合. 難得朋友又吃得辣. 之前去過米走雞的其他分店, 這裡觀塘分店的特色是有LIVE BAND表演. 上雞煲前送上的醬料, 基本應有的都齊全, 但這裡的麻辣雞煲味道十足, 雖然調了醬料但最後只用了一點.  上桌時的雞煲, 已加了料酒, 先行點火加強香味, 然後加上麻辣醬去炒. 大辣的香辣風味十分過癮. 我這個朋友嗜辣, 問我辣度時, 我便選了大辣, 誰不知原來選了大辣之上的魔鬼辣. 幸好店員有覆單, 不然後果嚴重... 這裡的麻辣雞煲, 小, 中, 大都試過, 但必須說是大辣的口味最為恰當. 加熱後的雞煲, 滿佈麻辣蔥芫茜等香味, 而主角的雞件則每件啖啖肉, 入口滑嫩非常. 論雞肉的滑嫩程度及麻辣醬的複雜風味, 米走雞暫時是吃過最出色的. 吃了2件雞件, 咀裡的麻辣感覺令人需要一杯凍飲, 這時喝上一杯1664白啤實在是最高享受. 這晚只有2人, 不想消費太高. 捨棄了肥牛而選了牛坑腩. 這裡的牛坑腩看顏色不是全生

難得好友黎觀塘食飯，搵左依間好多好評既餐廳，Book定位就米走雞～餐廳環境比想像中大，好多位，枱同枱之間空間充裕，坐落幾舒服～因為朋友係個芝士控😅😅黎依度主要係食過佢地既芝士雞煲，覺得正，所以叫我都要試下～芝士仲可以選擇多/小，我地選左：激量🤤🤤🤤聽到都興奮！賣相好掂！面頭佈滿芝士碎，半溶咁蓋過d雞仲有d洋蔥陪襯。首先食左雞先，連埋d芝士一齊食食落芝士味好濃～D雞好滑呀！仲幾彈牙啖啖肉配埋芝士底&熟晒既洋蔥，我地食到停唔到😆😆😆唔洗10分鐘，食晒d雞喇～每件size適中，食起上黎都方便鮮炸響鈴 必食！估唔到係咁大舊，同埋咁脆！我會建議係加湯前，同加湯後都要食兩種唔同既享受～只要浸3-5秒，夾返上黎正！ 中間都仲係脆！因為大舊，有好多摺，所以特別脆又可以掛多d芝士汁🔥🔥🔥唔會油林林，神奇👍🏼👍🏼另外，我地仲叫左牛柏葉、魚肚、午餐肉、粟米、辛辣麵等等。牛柏葉👍🏼👍🏼唔韌，幾爽口午餐肉同辛辣麵，配芝士湯底，又係無得輸！味道好夾～一路食仲有live band唱歌，同平時食雞煲真係好唔同成餐飯係relaxing d，食得開懷d😊😊😊

再次經過觀塘搵食，今次就同朋友試左間雞煲不過仲有LIVE MUSIC聽既餐廳 - 米走雞LIVE.7點多入到去，已經有駐場歌手係度唱哥，氣氛幾好! 入返正題 - 雞煲，兩個人叫左一個細Size既麻辣雞煲少麻辣。5分鐘之後就到，加熱3分鐘左右，waiter會幫你點火再炒炒佢，咁就食得!! 雞件好大件，主要係雞腿為主，麻辣都幾香，不過下次黎可以叫中/大麻辣。食下食下，原來份量都唔少，其實食完都飽飽地。不過我地都叫左其他火鍋配料，有本地肥牛﹑手打五色丸﹑讚岐烏冬同埋菜。最主力推介手打肉丸，佢有包括蝦丸﹑牛丸﹑鯪魚丸﹑墨丸同豬肉丸，每一粒都好大粒又彈牙，大家黎到一定要試!! 其他火鍋料都幾好，配埋麻辣湯都好好味，特別係烏冬

今天與女友前來慶祝一週年紀念，點了個芝士雞煲，芝士的份量挺滿意，就是等候時間有一點點久，慶好有駐場歌手表演可以充實一下時間 要吐嘈一下就是今天的歌手唱的太大聲了，別說樓面的員工，根本連坐在對面的女友說的話也聽不到，今晚這頓飯是一句說話都沒跟女友聊過 其他的也挺滿意，食物跟飲品的品質，在這個地區也算是中上等級，價錢一般可以接受 員工大多數態度就一般，還沒去到黑臉，但最少就沒禮貌而已，特別是那位疑似經理的，這就是本人今晚的用餐感受

平時比較少吃雞煲但今次在大熱天時吃了一餐重口味的芝士餐廳地點不算方便地鐵站大約步行10分鐘幸好入口易找, 而且也有易拉架迎賓雞煲與西餐share一半場環境偏暗, 每張枱有Downlight頗有情調Order 紙十分清楚, 店員也NICE 的介紹叫餐和用餐方法上菜時間等了挺久但環境舒適, 又沒用餐時間限制等等就好了既然有意吃芝士, 我們嘗試了"黃金芝士雞煲"的激量芝士碎一開煲蓋, OM"芝"視覺和嗅覺也有很大衝擊芝士的芬香籠罩了整個氛圍芝士湯覆蓋了每一件雞件雞件大小很方便進食芝士調味也很配合但當然不喜歡重口味的可能就偏咸雞煲過後叫了火鍋了但始終, 芝士才是主角PS 用餐同時間有歌手表演, 自彈自唱係有氣氛

話呢道係最有情調既雞煲應該都唔會有錯氣氛像吃西餐，橫裝有格調，天花既雲好靚還有live聽，食雞煲都可以變得很浪漫位於觀塘The wave三樓，地鐵站行8分鐘左右，十分便利！除左最出名既辣雞煲同芝士雞煲外，重有不少其他煲底選擇下次想試一下冬蔭公海鮮煲，應該都好正🤤🤤配料都有好多選擇，部份重可以叫半份火焰雞煲（小辣）$168小辣都好夠辣，而且越煲越辣，超級！啖啖肉，份量足，非常足料抵食必點鮮炸響鈴$52大大件，非常外脆鬆化基本台台都一定有趁未加湯先浸一件，嘩，真係不得了，外脆內鬆，惹味程度一百分哈哈蝦中寶$118非常非常足料！！粒粒都非常大粒，等如手打丸兩粒有多，每粒都包住好多隻蝦好大粒口感結實爽口又彈牙，一定要試！整體雞煲出色惹味，配料高質又新鮮