米走雞Live

营业中

休息中

Daddy生日，和家人一同來這裡慶祝。之前一早就聽過米走雞，但一直都未食過。今日食覺得價格唔貴，質素好，遲啲都會再幫襯。有很多選擇我地叫左火焰麻辣雞煲，最小辣度，雞很惹味雞全是雞脾，啖啖肉，很美味店員會點火及加上麻辣醬，香氣撲鼻食完就加湯打邊爐響鈴很新鮮，很美味，令人想食完再食牛肉我們叫了最便宜的一種，但都很好味竹笙墨魚滑口感特別，值得再食爸爸喜歡吃蠔，所以叫了廣島蠔五寶丸同四併餃可以一次過試幾款

上年同屋企人食咗係呢一間咪走雞live食過一次生日飯一直念念不忘，上次淨係打邊爐所以今次一定要再試下佢出名嘅雞煲，跟埋我哋淨係叫咗個芝士雞煲同埋啲小食，淨係個雞煲嘅份量已經非常足夠，芝士味勁燶而且拉絲，芝士迷絕對唔可以放過，除咗芝士之外啲雞本身都非常滑，果然冇令我失望，另外配菜方面都非常新鮮，雖然價錢唔係話好平但係質素都有返咁上下，值回票價，而且餐廳間唔中夜晚仲會有人唱live 㗎，撞正生日嗰日仲可以要求唱生日歌，一班朋友嚟慶祝生日就最啱啦！

第一次與友人到米走雞共享晚餐，剛到達時才知道有表演，氣氛十分好點了一個大辣雞煲和沙嗲湯，雞煲十分足料，沙嗲湯略嫌唔夠味。其他配料亦十分新鮮，與友人食得津津有味，只是最尾大家都吃剩很多菜

放工去拎網購,就搵埋阿媽去食飯,經過幾次the wave都無去食,今次見有米走雞就入左去,之前食過另一間唔錯,今次果然都無失望!觀塘分店最大分別,就係有人唱live,好有氣氛有雞煲有普通湯底,我同阿媽都鍾意雞煲就叫左個火焰麻辣(小) $168, 半隻辣椒都好野味同夠辣(平時譚仔食4小),部分款式可以選半份,即使得2個人都可以試多幾款另外叫左特級雪花肥牛(小)$158, 手打五寶拼盤$88,芝心丸半份$24雞煲黎時未熟,先煮一陣會有侍應幫忙,落辣醬 酒再炒,好香,小都有好多雞件,大件多肉好嫩肥牛,一開始以為黎錯,越食越覺得有問題,百幾蚊都咁大碟,咁好既質素自己買可能都唔止呢個價錢!手打丸全部都好爽,蝦丸內有原隻蝦而墨魚丸有墨魚碎係入面,有咬口大家可能覺得芝士丸街市都有,但我認為質素唔一樣,流心芝士唔會硬食一舊飲品選擇都多,阿媽飲啤酒我汽水好滿意既一餐

天氣凍凍！今晚放工同朋友去咗食雞煲邊爐暖暖胃，正！我地叫咗半個辣椒嘅雞煲，比想像中麻辣同朋友食到出曬汗（笑啲雞肉好嫩滑同入味，超正！d洋蔥煮到淋軟吸晒辣汁嘅味，好食！另外叫咗d打邊爐嘅配料手打五寶丸打手嘅果然係唔同啲，好彈牙而且足料魚皮餃好大粒，咸咸香香咁夠惹味！白蘿蔔好甜又冇喳叫咗半份牛柏葉，份量比想像中多爽爽脆脆咁我同朋友都好鍾意食特級雪花肥牛雖然只係叫咗細份，但份量都幾多肉質非常之鮮嫩肥美油脂豐富加埋肉味都好香濃，好好食！鮮炸響鈴自家制嘅大大條又夠香脆！yummy 一邊食一邊仲有live band聴，都咪話唔爽！

這店有請人唱live 一首一首琅琅上口的廣東歌環境氣氛加乘之前都有食過其他分店的米走雞 食好出色嘅芝士雞印象很深刻 因為他們家的雞雞煲吃都最後都仍然嫩滑無比但上次由於芝士太膩的關係跟本未去到火煱部分先經飽了所以今次唔叫芝士=火焰麻辣雞煲（小）=雞煲滾後 店員會幫雞煲點火 香氣四溢加上很有視覺效果 中辣 比我想像中要辣 雞的口感一如既往的嫩滑洋蔥中芹芫茜 辣加上醬料惹味分量兩個人來說十分足夠=五香鮮牛肉=分量比想像中多 比較喜歡鮮牛肉因為肉質更有口感=脆鯇片=魚片眼看透明度很高 感覺很新鮮魚味濃厚 爽口又少骨 高質=手打五寶拼盤=拼盤包含墨丸蝦丸豬肉丸牛肉丸鯪魚丸以手打丸來說 口感實在而且彈牙印象深刻的豬肉丸的味道很特別 像極了梅菜扣肉的味道=蜂巢冰豆腐=冰豆腐毫無疑問吸盡湯底所有精華一啖下去滿口湯汁

微涼天氣，彷彿聽到火鍋對我嘅呼喚，今晚一於放工就黎呢度，一邊聽歌 (每晚唔同歌手駐場，歡迎點歌)，一邊火鍋 (又幾押韻喎........哈哈)先選好湯底，再認真研究下火鍋配料清清地唔怕肥又可以下火，咁多優點，點可以唔點呢個芫茜皮蛋湯底 ($78)，除左主角芫茜皮蛋外，仲有紅蘿蔔，粟米同豆腐，材料認真豐富同抵食，啖湯都幾清甜，滾起就可以起動對於好牛嘅我地黎講，打邊爐嘅美好時光當然要有碟靚牛肉，呢度嘅手切新鮮牛頸脊 ($228/細)就絶對滿足到我地肉色吸引，每塊切成蝴蝶狀，細份量都夠2-3人享用放入湯中一轉色就食得，肉味香，略帶脂肪更添油香，原塊再夾D蔥粒一齊食，口感同味覺超滿足!有見個湯底咁清甜，特意叫客棉花肚 ($78)黎索下湯無需烚好耐就食得，口感爽口，中間"咇"湯汁出黎，好味呀!多款蔬菜中，比較歡喜生菜 ($24/半份)，想口感爽脆軟腍隨我歡喜而呢碟滑雞片($58)比我想像份量來得多，雞片連皮，若然少D鷄皮會健康D同避免油膩湯底烚完鷄肉仍然滑溜，與湯底一起增加肉嘅甜味食完呢餐，要快D召喚其他火鍋獸再食過!

較早前已致電訂枱， 但該店沒有記錄下來，與朋友到店後反被該店經理 聲稱沒有收到訂枱電話（ 該店經理的語氣及態度是將沒有找到訂枱紀錄的責任全放在顧客身上，完全沒有打算檢討或查出問題所在，態度語氣惡劣，說話表面平常，但從語氣態度感到極不友善）在有多張空桌下亦不願意換桌給我們，最後給我們一張桌好像是可憐我們似的，自問與朋友對該經理的交談語氣正常有禮， 這種服務質素及態度 簡直差劣致極😠😠😠， 其他員工服務態度正常，食物味道一般，手打丸較新鮮但響鈴不好吃，以後決不會再光顧此店，建議該店對有關人士提供服務培訓，能達致正常水平，祝 貴店業務蒸蒸日上，反之亦然。

之前成日聽人講好好食嘅芝士加雞，今次終於有機會黎試吓啦~😁😁一嚟到坐低左係卡位，佢哋就拎左調味料黎俾我哋混醬，我呢啲三心兩意嘅人就梗係咩都加啲啦😂😂我哋就叫咗芝士雞煲勁多芝士，侍應就提醒我哋一滾起左就要教細火保溫，如果唔係就會癡底㗎啦好食但都有啲膩🙈加咗湯之後就叫咗好多嘢食打邊爐，好滿足！鵝腸好爽脆，四寶丸好彈牙，竹笙墨魚滑好有趣幾好食。大食女仔表示，下次可以試吓其他鍋，有機會下次見✌🏻

秋冬起最岩就係食雞煲喇❤️今日去左觀塘the wave既米走雞｛佢係一間西餐廳隔離有雞煲食，幾得意｝！一入到去就知係高級，因為首先比你挑選醬料，之後主要有麻辣雞煲同芝士雞煲兩個簡😁甘我地就叫左二至三人份糧麻辣雞煲（$168）因為怕芝士太漏🙈哇，雖然有一至五辣度選擇（而我地只係叫左二辣）但我都覺得係中辣了！食食下發現全部都係雞脾肉，間中多骨，所以都可以叫做真材實料🥰啊！好特別既一樣野係入面有酒，所以店員向雞煲點火，就成個煲著左火甘！之後再較保溫再慢慢食🍴依到一罐可樂都要$14 架，我地仲叫做紅薯粉同響鈴，因為食完雞煲都係邊邊佢正d!!😀😀d伙記都幾多，又會問我地會唔會唔食蔥或者「嚴茜」所以都幾細心！

環境好好！昏昏暗暗咁，好似去酒吧咁，而且 有歌手live 唱歌！！  食個 邊爐都好似去酒吧咁relax！醬料一早放係檯面，唔洗行出去，好方便！唔記得影入面d嘢，不過入面都係普遍會有的東西蔥花、蒜頭等等佢有幾款湯底揀，有芝士湯底，不過我同fd就揀左麻辣，辣度就係"一個辣椒"，我食開傷心酸辣粉小辣，lee個辣度ok，再辣小小都可以最驚喜係D雞肉！係滑嘅，而且有雞味！味道好香，而且d雞肉大大件，啖啖肉~！本身以為都係食骨ga啦，點知道唔係，真係好多肉~佢地上菜的速度都好快~~ 我諗10-15分鐘啦~ 都算可以接受嘅範圍！而且加湯可以選擇清湯或者辣湯。所以食到最後，D金菇吸收曬D辣湯，中意食辣嘅，真係冇得頂~不過佢地就唔係任食嘅，所以人均消費，就睇下你地叫幾多啦~

鍾意雞煲的朋友不要錯過，有芝士和麻辣兩款口味任君選擇。第一次來嘗試了麻辣雞煲，可以自己調校麻辣的份量，非常貼心。一上雞煲後即刻表演火的把戲，非常吸睛。雞的份量很足，全部都是雞腿肉，一起吃也不用爭了，而且洋蔥非常入味。還可以自己調配火鍋醬料，加上蒜蓉辣椒等調味。手打五寶拼盤也值得一試，滿足你不同口味。有墨丸，蝦丸等，均吃到粒粒真材實料。這家餐廳還有另外一個吸引之處，就是可以一邊品嚐美味晚餐，一邊聽live music，還可以點歌呢！

講到食火鍋，非常好去處，又有環境，又有live band ，不停彈奏，淨係個環境都可以，飲下又聽下歌，一路飲酒一路打邊爐，又可以同啲friend，一齊享受圍爐共話嘅樂趣，米走雞都算一個幾好嘅選擇， 咁我哋坐低，揀咗個清湯牛腩鍋，非常正呢個鍋， 牛腩一件件，食極都食唔完，味道又唔錯， 一個牛柏葉，莞魚腩 ， 呢個魚腩好正，唔問靭，有口感 ，火鍋完之後又唔會散，值得一試 ，特級雪花肥牛，一勺即食，唔好咁熟就會好食啦，澳洲牛舌，手打五寶拼盤，鮮製四拼餃，娃娃菜，鮮腐竹，雜菇拼盤，蟹柳稻庭烏冬，檸檬梳打同埋焦糖咖啡沙冰。呢次火鍋行動圓滿結束 非常有意義醫飽個肚肚。清湯牛腩鍋牛柏葉莞魚腩 特級雪花肥牛 澳洲牛舌手打五寶拼盤鮮腐竹鮮製四拼餃娃娃菜 雜菇拼盤蟹柳稻庭烏冬檸檬梳打焦糖咖啡沙冰

今晚約左友人一同去到觀塘試新嘢，叫做米走雞 Live ，地點算係方便，由港鐵站行去約需5分鐘。黎到當然係食雞煲啦，兩個人叫了一份大雞煲上枱後整體賣相不差，亦可自由選擇辣度。煮熟後香味十足，但開始食後我同友人發現左一樣嘢，成個雞煲都係得雞脾肉，點解無雞胸、雞背？雞脾肉一食落口，無雞味，一食就知係雪藏雞肉，真係失望，價錢仲要二百幾，真係偏貴另外叫一口碟雪花牛粒 $148，不能煮得過火，否則會好鞋。當晚隔壁枱見到人地叫左碟牛坑腩，原本都想叫黎試下，但發覺基本上只食過幾口，傾談下先知牛坑腩勁鞋，似煲完湯嘅瘦肉，對方仲主動請我地試下，真係好~~~鞋~~~服務方面係唯一所讚，職員有禮，加湯時亦用蓋遮一遮，以免加湯時湯花四濺。另外晚上6:30入座，原本只限2小時，但可能食客唔多，我地可以坐多45分傾下計，可以一讚。

次次去觀塘都心郁郁想食米走雞既芝士雞煲，要食芝士火鍋(唔係瑞士果隻)，米走雞係不二之選。黃金芝士雞煲$178一個細既雞煲2個人食已經有d食唔落，最重要可以揀激量既芝士，仲抵d，重點係唔可以撈晒d芝士落個湯度，咁會好難拉到絲，而且味道都會比較淡。睇住2款芝士溶埋一齊嘅感覺真係好治癒，加上啲雞肉好滑，同芝士好夾，如果去埋雞皮就更好啦。涼拌木耳絲拌海蜇$48非常辣，辣得好過癮，味道就係麻辣火鍋一模一樣，木耳絲同埋海蜇都好爽脆，而且好入味，非常開胃。鮮製四拼餃$88有雲吞，水餃，牛肉餃同埋韭菜餃，一次過試晒四種味，而且每一隻餃子都好大，好夠飽，錄完每一粒都係脹卜卜嘅，我比較特別鍾意食牛肉餃同埋韭菜餃，份量好粥，裏面仲有好多湯汁，非常新鮮。呢度最抵嘅係有得就咁叫半份，如果兩個人嚟食嘅話，半分嘅size就啱啱好，今次食咗娃娃菜，蜂巢豆腐，同腐竹都係嗌咗半份，完全唔會浪費食物，又慳返啲，又識得多款啲。