米走雞Live

营业中

休息中

觀塘分店Live OpenRice網上訂座準時入座久違出街的晚飯雞煲到到都有，有辣有唔辣冇乜特別，呢間多咗少少唔同選擇入咗後第一時間當然叫咗個布線啦黃金芝士雞煲芝士雞煲有大有細食完仲可以一樣打邊爐等了又等⋯⋯再等問個職員可唔可以跟一跟張單，呢位機會厲害睇都唔使睇即時回答整緊又再等等⋯⋯結果搵第二個職員先解答到你好啦終於等到芝士雞煲終於到啦，放到上爐等一陣職員會為你開蓋話俾你知食得，打開蓋嘅時候滿滿芝士裏便有甜甜的洋蔥🧅雞配芝士煲為特別一種，雞唔會乾，雞件嘅大細剛剛好，如果講有冇雞味就一般，但調味搭夠，雖然芝士特別多，但係唔會覺得飽飽濟濟嘅感覺，恰到剛剛好食完雞煲當然會有打邊爐環節啦～新鮮手切牛頸脊記得唔好放太耐，考咗就浪費收，因為肉質新鮮軟熟手打墨魚滑呢個真係要試大大粒，夠彈牙，仲食到有墨魚粒響鈴普普通通冇乜特別，但係夠脆，比個ok 唔知乜嘢蜂巢豆腐上枱嘅時候係冰嘅，口感一般，唔覺得特別好食，亦都唔係好吸收湯，可以唔使叫鵝腸大大碟，乾淨，冇不良嘅味道，都係普通嘢😂仲有嗌左啲菜就唔多講如果反正食麻辣雞煲悶悶地就可以試吓呢個，記得食完芝士雞煲打邊爐的話，加湯可以加返芝士湯

冬天不嬲係食雞煲嘅好日子，以前不嬲食開辣嘅雞煲，一直都覺得芝士同雞煲唔係好夾，估唔到今次嚟食咪走雞嘅體驗完全顛覆咗我以前嘅想像，原來芝士同雞煲係咁夾架。我哋兩個人叫咗個細嘅黃金芝士雞煲，啲芝士碎揀咗普通份量。等咗唔係好耐就有得食，估唔到個芝士雞煲嘅賣相咁吸引，店員好細心提醒我哋話芝士比較容易燶，等佢哋溶咗之後記得用細火。芝士雞煲非常邪惡，同韓式芝士炸雞有幾分相似，不過感覺冇炸雞咁油膩，又食到嫩滑雞肉既口感，配上香濃嘅芝士醬，忍唔住食完一件又一件。同埋啲雞嘅份量好多，其實我同男朋友食完個雞煲都已經好飽，不過又想試吓芝士火鍋嘅感覺所以就叫咗餐牌上面推介嘅配菜。我哋叫咗佢嘅鮮炸響鈴，上台之後每隻響鈴差唔多有我手掌咁大件，真係大得好誇張，響鈴嘅愛好者一定要試吓。仲有唔少得嘅就係冰豆腐啦，食親火鍋都一定要嗌冰豆腐，因為佢可以吸到最多嘅芝士醬汁。通常打邊爐都會叫一壺竹蔗茅根清一清腸胃，通常都飲唔夠喉，但呢一度嘅竹蔗茅根份量真係好驚人，我同男朋友第一次試過飲唔晒食完呢餐真係飽到上心口，食量唔大嘅建議兩個人叫一個細嘅芝士雞煲已經好飽，不過如果想試吓芝士火鍋嘅感覺都可以好似我哋咁樣叫啲配菜試吓，絕對唔會

唉，又停晚市先掛住個芝士雞煲，人類總是犯賤的。有既時候唔珍惜，無既時候先黎後悔。約左朋友觀塘食芝士雞，見到隔離枱二人淨係叫左個麻辣雞煲食完就走人，真係無口福了。芝士雞煲大大份雞及無限芝士，拉絲效果十足。跟著緊係要打邊爐牛肉唔少得，$288牛頸脊份量十足加牛味香濃雖然帶子唔係咁夾但都想食，仲要有驚喜包埋粉絲同金菇。推介係竹笙墨魚滑$48，好好食響鈴同菜就要正當常要叫，份量都好足總睇呢間好抵食，因為味道唔差得黎唔會比好少，幾百蚊幾個雞碎咁多，不如唔好做。

天氣凍，最好食雞煲，想食特別啲嘅，必食芝士雞煲🐓🍖🍗平時成班朋友黎都係食麻辣多，今次2條友必試黃金芝士雞煲，睇到都流曬口水🤤多重芝士享受，仲有拉絲，雞肉嫩滑入味又香濃，啖啖芝士🧀🧀🧀食完雞煲，當然要打埋邊爐，加左清湯混合芝士，味道好特別，帶點芝士香微甜微鹹，不錯，希望特別既朋友就最適合不過👍🏻👍🏻打邊爐必食薯粉，響鈴，喜歡吃菜既朋友，當然要點菜同淮山😆竹蓆茅根好清甜所以菜都好新鮮，加上環境裝潢都好摩登，好舒服！

天氣涼！食雞煲啦！怕整到成屋都係雞煲味？搵間地方夠大通風夠嘅餐廳就岩哂😁食雞煲我都係中意出街食😂(講到尾都係懶).去得最多就係 @runningchicken_hk質素平均，而且個［火焰麻辣雞煲］真係出色😋唔食辣就可以揀［邪惡芝士雞煲］我咁鍾意食辣梗係揀前者啦😝💥.火焰雞煲最出位嘅地方就係放火一刻🤭睇完即刻食指大動！咪走雞雞煲嘅雞全部都係用雞腿肉啱曬我呢啲鍾意啖啖肉又夠嫩滑🤤.#限聚令 #二人一枱兩個人食😌嗌多碟菜＋肥牛就可以嘆住啤酒慢慢食幾粒鐘，坐得又舒服希望疫情快啲過💪🏻仲可以聽埋live band！....#ca師奶餐廳_觀塘#觀塘美食 #雞煲 #米走雞

黃金芝士雞煲$178，賣相已經無得頂，夾起仲有拉絲效果，雞件真係好多，食完已經有一半飽肚感，雞肉方面肉質好嫩滑，加埋有層厚厚既濃郁芝士包住一齊食，真係勁好味勁邪惡，食完加湯用作打邊爐，店員會問想加清湯定芝士湯，加左芝士湯就唔會溝淡左黃金芝士雞煲個味道，真係好細心調味盒共6款，選擇唔算多，但我覺得食材煮熟後已經吸左煲裏面既芝士湯底味道，已經好夠味五香鮮牛肉$98，這價錢這份量絕對超值，牛肉顏色呈鮮紅，冇暗啞冇出血水，肉味重，咬落軟淋唔會有筋鮮炸響鈴$28，有光澤確實係新鮮炸出來，而且好大卷，輕輕淥一淥，表面吸少少湯汁，內層仍然食到脆脆既口感雜菇拼盤$44，雖然冇點算有幾多款，但目測至少有5款，打邊爐唔可以淨係食肉，菇和蔬菜都好重要Wasabi鮮墨丸$48，墨丸都幾大粒，內裏有粒粒墨魚肉，食落好彈口有口感，而且輕輕帶出wasabi既味道，唔會太濃烈有嗆鼻既感覺哈哈蝦中寶$63，這菜式係店家自創，坊間比較少食到，每粒都用左好多蝦仁和芹菜粒，再打至起膠做成球狀，絕對足料，加少少蟹籽增加咬口，蝦肉新鮮每食一口都好彈牙

2020 最後的晚餐@叫左大既芝士雞煲2人食同2020farewell🥰 仲可以打包食多餐😆🧀生酮火鍋 - 芝士雞煲（選激量芝士）總點：直接食帶有芝士既雞！切勿攪動！芝士多到好韓式feel😋 ，之後可加 芝士湯 或 川辣湯。以食物品質同份量，不錯性價比！$238 大 （4人）$178 小 （2-3人）$28 響玲（半份）$48 炸魚皮（超大，鬆化）$24 蜂巢冰豆腐（半份）$78 手打墨魚丸 （好彈牙！）

想當年「米走雞」仲未開分店嘅時候，我已經係長沙灣店嘅座上客，但反而有分店之後就只係幫襯過一次。天氣開始涼就想打邊爐，呢晚放工就同朋友去咗觀塘The Wave店食晚飯🥢。樓層面積好大，即使場地劃分兩間餐廳，座位數量都仍然好多。環境正正常常，衛生方面亦幾好，起碼地下唔濕同埋碟邊無痴笠笠👍🏻。餐廳以芝士雞煲起家🧀，不過朋友驚漏，所以呢日食咗麻辣雞煲。其實兩款招牌以外，仲有好多其他鍋底，例如皮蛋芫荽湯同沙嗲湯等。食物定價中等，但就係巨無霸份量，所以計番都抵😛。餐廳上菜速度快，所以所有嘢可以同一時間食。火焰麻辣雞煲($168/小)，店員送上雞煲時，叫我哋唔好打開蓋，等佢焗一陣🍲，估計係因為落咗酒，免得揮發晒。因為咁樣先至可以等店員嚟撈汁點火時，做到火焰嘅效果🔥。🐔細雞煲超足料，雞件有好多件，件件都好滑，而且極少骨❌🦴(更加冇碎骨)，啱晒我呢個懶人食。另外仲有好多配料，包括辣椒乾、洋蔥、中芹同芫荽，有呢啲食材令到雞煲更加香口。辣度有得揀，我只係揀咗一隻辣椒🌶️，點知愈食愈辣🥵，我頂唔順喇！！！幸好店員姐姐勁好人為我送上冰水，咁我先食得到落去咋，不過其實啲雞真係幾好食😋，入味兼肉嫩。⚠️留意番，唔食得辣

📍米走雞Live (觀塘) @runningchicken_hk 天氣開始凍啦 呢陣時打邊爐🍲一流 可以暖暖身 約左好耐無見既朋友食麻辣雞煲 The Wave 開左好多食肆 於是去左間米走雞食雞 雞肉分量多 正！裝修暗雅 有卡位坐同埋係梳發 都幾舒服架🔻火焰麻辣雞煲今次我揀左一隻辣椒🌶️份量辣味嘅雞煲，雞肉份量都幾多，雞肉肉質嫩滑，而且啖啖肉，重點係上檯時首先用玫瑰酒燒起火焰🔥，火焰從眼中閃爍過，而且散發出陣陣麻辣味，充滿視覺 嗅覺 聽覺既享受！🔻手打五寶丸有各一粒既手打鮮蝦、墨魚、鯪魚、豬肉、鮮牛丸，當中鮮蝦丸爽口彈牙，有一粒粒蝦肉，好有口感 而墨魚丸新鮮爽滑，其他丸都吾錯，非常新鮮！🔻竹笙墨魚滑（推介）將墨魚釀入竹笙內，食落外面既竹笙爽脆感覺，而內裡墨魚滑新鮮彈牙，推介必點！🔻五香滑牛肉牛肉片用五香粉調製過，灼熟耐左都吾會韌，食落肉質腍滑。🔻其他配料：大大嚿炸響鈴，輕輕用灼過便可食，是必點之一！仲點了生菜同稻庭烏冬，烏冬吸哂啲湯汁，最後用烏冬收尾，正！味道👅：7.8/10服務💁🏻‍♀️：7.5/10環境🌾：7/10晚餐消費：$265觀塘興業街4號The Wave 3樓

作為一個雞煲愛好者，除左一般傳統食法，有時都想改下口味。今次呢個芝士雞煲火鍋就真係相當特別。餐廳坐位寛闊舒服，係而家要保持社交距離下，大家都可以食得更放心。主食芝士雞煲，超級搶口，啖啖雞配合芝士濃香，口味獨特好味。而且雖然芝士好多，但食落都唔會好滯，越食越想食。食完雞就打邊爐，叫左個手切牛肩脊，牛味濃，厚薄平均，讚。其他食物方面，呢度都維持一個特色，就係size 大同好新鮮，d蝦丸，墨丸，響鈴都好巨型。大家如果唔太大食，每種食物叫一份，試多幾種。呢度食物質素好，員工服務都好熱心幫我地加湯等，貼心。我推薦大家試。

/良心連鎖打邊爐小店💛/天氣開始凍啦，點可以唔打邊爐🍲觀塘依間成坐餐廳是但一間都甘正🙈係依頭做野既人番工放工都有餐好野食🤣.依間打邊爐🍲出名既有黃金芝士🧀雞煲同埋火焰麻辣🔥雞煲，我簡左肥肥既黃金芝士🤣.🧀黃金芝士 $178 (小）細既都好夠食🙈雞量都好多，中意食芝士既人可以叫大量芝士😋，芝士味都好想👍🏽但唔係件件雞都做到拉絲🙈.🐮特級雪花肥牛 $158睇相都見到肥瘦適中😌片到好薄係真既😂但都有肉味，睇相都覺得雪花❄️好靚😂.🍜出前一丁 $16甘多芝士就會好想食芝士撈麵🤣啲湯收一收等佢濃啲，再放公仔面落去就正😋煮佢耐少少🤏先會淋

Happy Friday,老公接我放工後，帶我去左觀塘分店米走雞食晚餐，最近天氣凍，最岩食雞煲。哩度環境好闊落，地方勁大，座位坐得舒服，最重要係不限時，可以慢慢食。哩度出名雞煲味道係自創黃金芝士及獨家火焰麻辣，我地揀左小的黃金芝士雞煲，係2-3人份量，仲可以揀芝士碎份量。第一次食黃金芝士雞煲，非常邪惡，但又十分好味。雞煲勁多芝士，每件雞夠大件，多肉嫩滑。食完雞煲，就接住打邊爐，打邊爐湯底都係有埋超濃芝士味😁正啊食物方面揀左大份手切牛頸脊，牛肉紋理分明，肉味濃香。丸類揀左自家手打鮮墨魚丸、手打鮮蝦丸，丸類勁大粒，比平時出面火鍋店大一倍，口感爽口，抵食之選👍🏻👍🏻👍🏻另外有驚喜係鮮炸響鈴，響鈴size仲粗過我手腕，勁大件😃放入湯4-5秒再拎上來食，有一陣好香口鮮竹卷既味道，食材有質素❤️❤️鮮蝦雲吞-皮薄餡靚，蝦夠鮮甜又大粒。飲品方面叫一樽竹蔗茅根，解辣同時又解渴。總括來講，米走雞既雞真係大件抵食，啖啖肉，而且火鍋配料食材，新鮮大件，高質享受，下次要帶埋屋企人來食先得😆

撐枱腳，想食雞煲，搵左間出名芝士雞煲！！！！真心，好多人食Lor～～要訂位先好去食哈哈～佢仲有Live Band 嘅位架，不過 果日就冇表演～～叫左芝士雞煲 $178日本鮮帶子 $118手切新鮮牛頸脊$228竹笙墨魚滑$48鮮炸響鈴$28仲叫左菜～～～芝士雞煲多多多芝士，不得了！！！！！好好食啊佢個芝士，吾會太漏，又好鬼香！！！！真心黎到要食呢個！！啲牛又好靚好新鮮，有質素！！！！正正正！！下次都要再黎食呢個，不過真係好邪惡！！！！hahahaha 真係好好食！希望大家都食到好西

真係米走雞呀，今日去左觀塘工業區呢間雞煲火鍋食芝士雞煲，鐘意食芝士既我，食到 舐舐脷。呢到不定期有live brand表演，唔怪得餐廳名都有個live 啦。我同朋友二話不說，先點左個芝士雞煲，火鍋料再慢慢揀。芝士雞煲上枱，焗3分鐘後就食往，聞住甘濃嘅芝士味，3分鐘就好似一世紀甘長。入面都幾多雞件，又嫩又滑。我地都驚食得多都好滯，打唔到邊爐，所以我哋芝士份量揀普通。食到七七八八，加清湯打邊爐啦。火鍋配料我地揀左和牛，鯇魚腩及招牌嘅豬肉餃!和牛好正，賣相又靚，牛味濃，入囗即溶。菜肉豬肉餃，估唔到有8粒咁多，皮薄餡足， 大大粒。脆魚腩都估唔到有甘大份，新鮮夾脆呀。呢餐食都好飽，滿足，又抵食。

天氣開始涼又有d秋意，最啱就係食雞煲。雖然而家出咗好多醬料包可以喺屋企都食到，但備料始終比較麻煩，所以再一次黎到米走雞食雞煲。今次我地叫左火焰麻辣雞煲要左中辣，雞煲上枱之後店員會點火加埋d醬汁再將雞件炒勻至入味，名副其實火焰麻辣雞煲，醬汁好濃郁，香辣惹味，但我偏好可以再麻多少少，煲內用料十足有辣椒乾，芫茜，洋蔥，芹菜同大量雞脾肉，餐廳用上大量雞髀肉值得一讚，啖啖肉而且夠曬嫩滑。個雞煲食到咁上下，就加湯再食打邊爐啦。叫左份手切特級霜降和牛（大）呢碟霜降和牛一上碟就知佢脂肪分佈平均，色澤亦都好新鮮，肉質細膩柔軟鮮嫩多汁，而且牛肉分量充足，抵食除左和牛，仲點左幾款吸汁之選，好似鮮炸響鈴，羅白，竹笙同鴨血，每一樣吸收左湯汁既精華，好嘢味。粟米，油麥菜係平衡番食太多肉，食返多啲膳食食纖維其實雞煲真係好像點食都食唔厭，我諗我好快就要食多次架啦