米走雞Live

营业中

休息中

係觀塘做野咁耐，經常一 search openrice 就出現米走雞，既然今晚涼涼地又約左朋友食晚餐就決定左食呢度既雞煲啦。位於 The wave 3樓，真係好近好方便，坐位好闊落，兩個人都坐4人卡位，又有車仔擺點左既野食，嗌幾多都冇有怕。侍應疑似係老闆十分慇勤，我哋兩個女仔唔小心叫左全份佢都提我哋改半份，會 R 下水吹，又會提醒員工咩位做得好啲。小菜上左先麻辣海蜇酸酸辣辣。麻辣雞煲叫左個細，2至3人份量好足料，全部雞脾肉，放係電磁爐上熱一陣會有員工黎加麻辣汁撈下佢，原來會起火架，好 igable. 無幾耐就食得啦，重口味人士之選，醬汁味道入晒啲雞肉度，我哋入左鴨血，蘿蔔，粟米先，因為呢啲要煲耐啲先淋同入味。重點黎啦，就係個大既日本和牛厚切片，厚度係度，雪花係度，616就食得，有牛味而且嫩滑，瘋狂食左10塊都有，係平時既 double。另外響零好大條，浸完汁有腐皮口感，幾中意。有冇人打邊爐中意午餐肉，次次都會落，其實好岩撈麵。仲有記得叫壺茅根水甜甜地下火。

之前黎過呢度食西餐，聞到呢間"米走雞"既火鍋好香，今日終於黎試啦。呢度空間大，全部位都好闊落，見近門口位置有個舞台，有咪stand、有結他，餐廳有定期Live band show 架，因為疫情今日就唔見有表演啦。黎到呢度，我地先叫個芝士雞煲，芝士雞煲賣相相當吸引。好香濃既芝士包住每一件雞件，雞件又滑。我食之前有啲擔心芝士會燶會黐底，又唔會，呢度用既煲幾靚，間唔時攪下就無問題。食完雞煲之後，店員就幫我地加清湯開始打邊爐，我地叫左和牛、白鱔、生蠔同翡翠苗。份和牛好靚呀，色水鮮艷，脂肪紋理均勻。見白鱔呢啲貴價野，價錢都唔過百，份量仲幾多，相比其他火鍋店真係抵食。味道當然新鮮好味。生蠔雖然係冰，但都新鮮啖啖肉，size 都幾大隻，好juicy。食返啲少見既蔬菜翡翠苗，扮下徤康先。

天氣逐漸轉涼，係時候食雞煲。有別平時食開既麻辣雞煲，今次同女友去米走雞食大名鼎鼎嘅芝士雞煲，二人份量只係$178，令人非常期待😍落完單之後既第一件事當然係調較醬料！我地等左十分鐘左右就上菜，職員話只要等芝士開始溶化就可以開餐，然後較細火以免芝士煮燶，同埋唔好搞拌，味道更出色🧐半份芝士雞煲既雞件非常多，啖啖肉之餘仲好嫩添😝鹹香芝士同雞件味道的確好夾，質感似一層厚厚既芝士醬，另外每夾一件雞都有拉絲效果。至於火鍋材料可謂應有盡有，餐紙上列出五款適合芝士配搭既配菜，真係非常貼心。米走雞既鮮炸響鈴應該係我見過最大件既響鈴，而且吸收晒香濃既芝士湯，口感酥脆又惹味。黑松露魚面係其中一款推介材料，魚面唔係太掛到芝士湯，賣相有啲不敢恭維🤣，不過魚漿加左黑松露令味道有保證，另外口感煙韌。另外仲叫左蜂巢冰立腐，一咬落去香濃芝士湯就爆出黎，好正😜總結而言，芝士雞煲有驚喜，令我每個月都想食。另外職員會提醒我地幾時可以開始食，甚至推介有咩同芝士味道夾既配料。

其實我個人都幾鍾意食鷄煲，非常適合秋天暖胃暖肚。之前多數係食麻辣鷄煲，最近去左【米走鷄】食，竟然有芝士鷄煲！作為芝士控既我一定要試下啦！我地就叫左小黃金芝士鷄煲！火鍋配料就叫左推薦既竹笙墨魚滑、鮮製五拼餃、芝士腸、娃娃菜、生根、鮮炸響鈴、上海年糕（全部半分）同一壺清熱銀菊露。黃金芝士鷄煲：小size適合2-3人，芝士分量可以自行選擇多或少。我地就叫左多芝士。鷄煲裏面D鷄接近有一隻，肉非常嫩滑，而且唔會過鹹，芝士味香濃。可以先食完D鷄，再叫店員加湯開始打邊爐！竹笙墨魚滑：係竹笙入面加入墨魚滑，非常特別新穎。竹笙可以吸湯、而墨魚滑爽口彈牙！鮮製五拼餃：應該係鋪頭自己包，包括鮮牛肉餃、鮮蝦雲吞、鮮製韭菜餃x2同鳳城水餃。超級大粒、皮薄而且餡好多。全部都好食而且好特別，尤其鮮牛肉餃，有D似牛丸。娃娃菜、生根、鮮炸響鈴：全部都係吸湯恩物，如果選擇食吸湯既食材可以考慮呢3款。個人非常推薦響鈴，比外面大好多，而且完全無油益味！上海年糕：比較遜色，太粉，而且唔似平時食開既上海年糕。唔係太推薦清熱銀菊露：一壺其實非常夠飲，而且搭配火鍋類食物就非常match，降火之餘又可以清清味蕾！

今日趁住天氣開始涼就最岩食雞煲! 呢度既雞煲好多人讚，今日食完就知因為真係真材實料!火焰麻辣雞煲火焰唔係得個名而真係會係食之前點火，直接燒一燒成個雞煲再食，好惹味同埋麻味重，辣味亦都好開胃好有深度。最重要既雞係用咗雞脾肉所以食落真係啖啖都係肉，入哂味而且都可以保持到鮮嫩既口感，超驚喜同埋好高質既雞煲!手打五寶拼盤之後加湯就變火鍋，手打五寶丸幾有驚喜因為食咗幾款都好彈牙同埋相對平時食開既大粒，兩個人食其實嗌半份就可以。最出色係蝦丸，因為真係好似食緊隻蝦咁，無論口感同埋味道都係一流!手打五拼餃有雲吞、水餃、韭菜餃等，皮薄餡靚食落仲有肉汁，而且味道好突出! 每粒餃都好足餡同埋夠哂新鮮!鮮炸響鈴超有驚喜，因為新鮮炸起所以size比起出面食既大一倍，食落好爽而且豆味好濃而又唔會好油，加上湯底同埋雞煲本身既調味料，食落層次十足!稻庭烏冬烏冬都真係用咗稻庭烏冬而唔係普通散裝，食落彈牙同埋掛湯，基本上唔使再落調味料已經好入味!

又到打邊爐嘅季節，同男友試試呢間雞煲火鍋店。我哋揀咗藥膳美人鍋 $98，苦中帶甘，唔油膩之餘亦同各款食材都好夾😋。.🐏蒙古羊肉片 $148肥瘦有致，淥完都唔會韌。味道帶少少羶味。.🍡手打五寶拼盤 $48鮮墨丸 鮮蝦丸 鯪魚丸 豬肉丸 鮮牛丸口感彈牙而且鮮味十足，食得出用料好新鮮。墨魚丸口感爽滑同時仲有粒粒墨魚。鯪魚丸魚味濃又有蔥花點綴。無碎骨又無腥味。.🍞蜂巢冰豆腐 半份 $24金黃色嘅豆腐吸收晒湯底精華，一咬落去爆晒湯汁。.🥬油麥菜 半份 $24油麥菜新鮮翠綠。估唔到半份都幾多。.🧉竹蓆茅根 $68清新下火，而且甜度低，食濃味火鍋必備。.🐔米走雞Live (觀塘)觀塘興業街4號The Wave 3樓

呢晚同女友想打邊爐，於是訂檯嚟到米走雞，再次嗌牛頸脊食😋。.藥膳美人鍋 $98材料有：紅棗、龍眼肉、當歸、黨參同杞子，用料豐富，藥膳湯底濃郁，好好飲，我飲咗兩碗湯。.蟹子墨魚滑 $88墨魚肉彈牙有咬口，味道好鮮甜，份量多，適合二至四人食。.手切新鮮牛頸脊 $228一如以往，油花均勻，賣相吸引，肉薄，淥一淥就食得，牛味香濃，連女友都讚好食而唔肥膩。👍🏻.粟米 半份 $20乾淨，爽甜多汁，兩個人食半份啱啱好。.哈哈蝦中寶 半份 $63以蝦膠包住數隻原隻鮮蝦，爽口彈牙，而且鮮味十足。份量多，成個拳頭咁大，淥熟咗之後更脹，好飽肚。.米走雞Live (觀塘)觀塘興業街4號The Wave 3樓

終於可以多人聚餐了，適逢好姊妹生日，一於去慶祝一下，好姊妹揀選了這一家位於官塘的雞煲。 店內設有表演位置，據說週六、日會有表演。店內範圍不小，沒有太多客人在，感覺清靜。 六人卡座有三個電爐位，枱面放了調料和醬油供客人自行調配。調料有蔥粒、芫茜、生蒜蓉、炸蒜粒、辣椒和麻醬。我們先點了一個雞煲和一個火鍋湯底及一些火鍋食材。雞煲上來時覆蓋了大量芫茜，味道都幾香，頗有期待。待煮了一會，店員幫忙翻炒幾下便可食用了。夾著夾著，大家發現這個雞煲內只有由冷凍雞腿切成的雞件，雖然差不多是啖啖肉，可是沒了整隻雞切出來不同部位，不同吃味的樂趣。至於味道，我們點的是半隻辣椒的辣度，但是也超出我們的預期，大家覺得太辣太麻了，未吃完已想放棄，改投火鍋的懷抱去了。最後在雞煲內加了湯，把辣油全猝數撇走再煮一下，才能把雞吃完。火鍋方面，我們選了蕃茄粟米湯底，清甜鮮香，這個不錯哦。至於食材，比較推薦是手打五寶丸、西班牙黑豚肉、油麥菜、芫茜、手打墨魚丸和魚片頭。竹蔗茅根水比較出色，有住家煲的味道。其他方面，食具要留意一下是否需要更換，白開水也要向店員索取才會奉上。

米走雞Live (觀塘).二人食怕芝士雞煲會食得太濟，所以叫回麻辣雞煲，雞煲叫小的仍然係超大煲，雞件極多，嫩滑，但比較大舊. 手切新鮮牛頸脊加澳洲牛舌.二百幾大大碟牛頸脊，性價比高，油脂分佈平均而入口幾香牛肉味！牛舌有咬口，而且夠香！.蟹子鮮蝦滑.非常有味又彈牙，呢到嘅份量係真係無得輸！.鮮炸響鈴.巨型響鈴非常大個，炸得極脆，碌三秒即食，索曬湯汁又仲有少少脆！.📌 米走雞Live (觀塘) @runningchicken_hk觀塘興業街4號The Wave 3樓.—————————————————————-

我哋嗌咗一個芝士雞煲（小）（$178）、一碟特級雪花肥牛（小）（$158）、半份竹笙墨魚滑（$48）、半份鮮蝦雲吞（$48）、半份響鈴卷（$28）同埋一份讚岐鳥冬（$21）首先講咗已經久違嘅芝士雞煲先啦❣️❣️第一嘢值得讚嘅一定係佢地真係好勁一直都可以keep到呢個質素👍👍因為真係唔容易㗎而佢哋嘅雞肉都係一樣咁滑嫩😘😘再配埋多到爆炸嘅芝士真心無得輸食完雞煲之後就一定要加芝士湯繼續打邊爐繼續延續呢個芝士盛宴🧀🧀第一時間一定要落響鈴食過都知米走雞嘅響鈴勁大舊第一啖咬落去真係會超滿足因為完全吸收曬芝士湯嘅精華💕💕之後就可以落肥牛啦我覺得呢款雪花肥牛都真係幾入口即溶冇咩肥膏之餘亦都有好濃郁嘅牛味☺️☺️所以就唔會太Heavy之後就講吓竹笙墨魚滑同埋鮮蝦雲吞其實好少會食到竹笙😮😮所以對佢都幾陌生但係食落去比我感覺有啲似魚肚嗰種感覺😉😉配埋墨魚滑一齊食都幾唔錯之後嗰個雲吞我就覺得味道都真係幾唔錯同埋真係好足料⭐️⭐️因為真係有蝦係入面嘅同埋食落去都覺得幾新鮮

之前食過唔同既雞煲，都覺得無話特別出眾，疫情中，少左出街食。就係諗住呢間餐廳，比較寛落，防疫都做得唔錯👍🏻枱與枱之間，都有隔住~有呢架車仔可以放火鍋配料，呢個設計都幾好方便客人~餐牌就係用餐紙咁點~點左黃金芝士雞煲🐔$178 (小) (2-3人份量)配料當然有雞件，配料主要是洋蔥，中芹，莞茜。以大火煮沸，焗佢五至六分鐘。睇到芝士都杰杰地，之後再搞一下~芝士亦可以拉絲🧀芝士味重，略帶酸味，加上雞件都幾夾，下次會想試埋火焰麻辣🔥雞件真係好滑嫩，食得出新鮮😋食到咁上下就可以加入清湯，變做打邊爐🔥特級雪花肥牛🐮(小) $158雖然係小，但其實好多塊，肥瘦均勻，都薄身既，6一6就食得，牛味十足✨我就覺得點醬料比起芝士更加襯🤓另外當然仲有嗌唔同嘅火鍋🍲配料啦，比較推介嘅就係芝士丸😛整體來講，呢度坐得舒服，侍應都好留意客人需要👍🏻食物質素中上，值得encore✨

雞煲就食得多 辣同唔辣都食過 不過芝士雞煲今次就第一次食😆 果然越邪惡既野食就越正👍🏻 今次去既係係觀塘分店既米走雞 餐廳都好大有好多座位 夜晚都有唔少人食😊佢地主要分黃金芝士雞煲同火焰麻辣雞煲 我地就揀左2人份量既黃金芝士雞煲😋 芝士份量仲有得自己揀 我地當然揀左激量啦😆 雞煲好快送到 店員會幫你調較火候煮雞煲 除左雞上面有激量芝士碎 湯底都係芝士湯 的確芝士味夠哂濃好好味👍🏻 雞件食到咁上下 店員會幫你加湯打邊爐🍲 可以揀要番芝士湯或雞湯 我地就揀番芝士湯👅👅火鍋配料方面 部分食材可以揀半份 我地揀左竹笙墨魚滑 手打五寶拼盤 鮮製五拼餃 午餐肉同埋響鈴🤤 竹笙墨魚滑真係第一次食 係竹笙入邊包住墨魚滑 口感好爽口彈牙👍🏻 手打五寶拼盤分別有墨魚丸 蝦丸 豬肉丸 牛肉丸同埋鯪魚丸 每粒都大大粒 最好食係蝦丸 因為手打關係全部都好彈牙😍 而鮮製五拼餃都好好食 分別有韭菜餃 菠菜豬肉餃 水餃 雲吞同鮮牛肉餃 皮薄多饀 雲吞入邊隻蝦都好大隻好爽口👅 午餐肉就有6片正正常常 響鈴半份有三條 超級大條 都幾脆🌟

食物一般，三百幾蚊一個人咁嘅價錢唔洗食佢服務態度超級差，個個員工都好似發夢咁埋單時用信用卡付款，個店員攞咗張單和信用卡轉頭就放低咗係枱，無講嘢又無比返張低單我又唔洗簽名，咁就問第二個店員係唔已經刷咗咭，個員工又係唔出聲攞返張信用卡，隔咗好耐再問先有員工攞返張咭比我，又係唔講嘢放低唔比單我哋，要問先比唔洗簽都話聲我哋知啩諗諗吓都係覺得佢哋會刷多咗我咭數，所以問咗銀行佢哋真係刷咗兩次咭囉然後voide咗一次咁嘅情況下正常都要話比客知極度唔老實請都唔會再去

好朋友轉工成功，今日係第一個月出糧，請我去觀塘米走雞食火鍋慶祝敘吓舊。黃金芝士雞煲，芝士雞鍋可揀選芝士的份量，喜愛芝士的我當然揀激量。雞件未上檯之前已經處理過，所以不用再花時間等雞煮熟。將雞煲蓋上然後等芝士全都溶了，一開蓋那股芝士香氣四溢，黃金色的芝士汁杰撻撻熱辣辣，在煲內處於沸騰狀態，雞肉在味道屬鹹的芝士包圍下，口感嫩滑，令人垂涎三尺。食曬雞後就可以加湯變火鍋了，湯低即時變咗芝士湯！鮮蝦雲吞係即叫即包，餡料飽滿，粒粒都有鮮蝦，非常爽口。哈哈蝦中寶真材料實料，而且份量相當驚人！用蝦滑、鮮蝦、蟹籽等做成大大粒的蝦中寶，鮮味之餘又彈牙！竹笙墨魚滑，用墨魚滑配上竹笙鮮味又爽脆，手打墨魚滑啖啖肉，竹笙吸咗芝士湯底，嘅爽口又有芝士的味道！鯪魚釀豆卜：鯪魚肉鮮甜，豆卜索左濃郁的芝士湯，非常惹味！青島，食火鍋不可缺少啤酒！

好耐之前食過其他芝士火鍋🍲覺得好膩今次呢個不但唔會膩，仲好好味😋黃金芝士雞煲 $178芝士炸雞就食得多，芝士雞煲都系第一次食，個雞煲系2-3人份量，好多雞髀肉，揀左激量芝士🧀🧀味道濃郁得黎又唔會太膩，而且雞肉嫩滑💁🏻‍♀️記得食晒啲雞先開始加湯打邊爐呀脆鯇片 $58呢個價錢有一大碟厚切魚片，真系好抵食👍🏻鯇片好爽脆，有點兒幼骨，好在就算煮耐左都唔會好易散手打五寶拼盤（半份）$48有鯪魚球丸，墨魚丸，牛肉丸，豬肉丸➕鮮蝦丸，粒粒都好彈牙，好好味😋我就最鍾意食鮮蝦丸，好足料，仲有粒粒鮮蝦仁🦐🦐鴨血 $43冇乜腥味，食落好有質感，我鍾意❤️鮮炸響鈴（半份）$28有3大條，放落湯到5秒鐘，對我黎講剛剛好，因為我比較喜歡吃淋身少少的生菜（半份）$24都幾大棵，冇苦澀味，咬落好爽