米走雞Live

营业中

休息中

趁住前日放學，阿媽又放假，就同媽咪一齊食dinner~嚟到觀塘呢邊行街，經過見到呢間食芝士雞煲嘅餐廳，感覺幾正👍🏻就上嚟試吓～呢間餐廳仲係一間黃店💛好值得同路人嚟支持下💪🏻芝士雞煲係有芝士拉絲嘅雞煲😍第一次食，好邪惡嘅感覺😈但係好好味😋一個雞煲入邊有好多雞肉，全部都係大大嚿😆肉質幾嫩滑，咬落啖啖肉，幾香～Wasabi墨魚丸第一次食Wasabi味嘅墨魚丸，Wasabi味幾突出☺️但係又唔會覺得辣😂墨魚丸大大粒😙一碟有四粒，食落覺得幾彈牙🤩白鱔片$98好新鮮嘅白膳🥰而且又唔會多骨😂切成薄片，食落唔會覺得腥，反而覺得幾有鮮味😋幾正👍🏻竹蔗茅根$68食得雞煲當然要下火🤣就叫咗竹蔗茅根清熱☺️幾香甜幾好飲😋

以前自己曾經食過旺角店，今次朋友問我有無好食既雞煲推介，第一時間就諗起米走雞！🔸火焰麻辣雞煲(小)上菜後先焗一陣，然後店員就會幫手點火，火焰令到雞煲既香味更突出，未食已經超級香。雞肉非常多，件件都係雞脾肉加上全部切到好大塊，食落真係啖啖肉。麻辣唔係單單得辣味，麻味比辣味更明顯，鍾意麻味既朋友表示好喜歡。雞煲既重點除左雞，其實配料先係主角，吸收晒渴汁後真係好好食，而且呢個雞煲既湯汁非常濃夠惹味，可想而知有幾好食！芫茜、洋蔥絕不手軟，份量一定夠唔洗再加點，另外店員都好體心，係落單時會先詢問你需唔需要走某類配菜。🔸特級雪花肥牛(小)雖然係細份，但份量都唔少。呢隻係餐牌上最平既牛肉，本來唔抱太大期望，但肉味都唔錯，叫得雪花肥牛都預左係多脂肪，脂肪比例適中。🔸脆腕片大大塊，價錢合理，唔好煮太耐，試左有一塊煮太耐淋左。🔸手打鮮蝦丸 $43肉眼已經見到蝦肉，真材實料，彈牙爽口，覺得好食。🔸鮮蝦雲吞火鍋必點雲吞，雖然唔算大粒，但調味做得出色，到最後雖然好飽但都忍唔住食多粒(朋友太飽投降了)。其他配料都唔錯，叫左生菜、響鈴、蟹柳。整體覺得雞煲味道好適合自己，夠晒重口，而且份量好大，真係叫一份細雞煲兩個人

叫咗個黃金芝士雞煲，芝士份量有得揀，由於我哋係cheese lover，叫咗「激量」雞煲嚟到見到有大量碎芝士係上面，配上洋蔥、中芹、芫荽，開咗爐一陣已有陣陣芝士香味飄出，香噴噴。當用筷子夾雞件時，已有絲絲拉絲效果，未食已流口水。雞件嫩滑，加上濃郁嘅芝士溶咗係表面，簡真係味蕾大享受，大讚。雞煲份量都多，抵食食完雞煲加清湯就可以打邊爐，食物推介：特級雪花肥牛- 肥牛脂肪分布平均，唔油膩，陣陣香濃牛味脆鯇腩- 差唔多8-10片嘅份量，幾抵食！脆鯇腩爽口、彈牙，我嘅至愛竹笙墨魚滑- 非常有創意，係竹笙裏面填咗墨魚滑，墨魚滑彈牙好味一邊打邊爐一邊飲竹蔗茅根，竹蔗茅根都幾清甜，清清熱氣揚揚整體評分：8/10揚揚環境評分：8/10揚揚味道評分：8/10揚揚服務評分：8/10揚揚抵食程度：8/10揚揚返食機會：8/10

朋友圖文並茂話近排呢個芝士雞煲好Hit，咁我就拉咗老公同個Friend齊齊試。佢有好多分店，觀塘呢間好大，坐得舒服；不過服務就好耐人尋味，首先有個好似軍官咁嘅阿姐向你落唔清晰嘅命令，其他侍應亦都唔係好熟餐牌，不過都幫手嘅；好彩食物質素都幾好，所以可考慮回頭。黃金芝士雞煲（細） HK$178 作為芝士控嘅我當然揀咗激量芝士，啲芝士好足份量，單係芝士都值回票價。咁芝士溝雞係咩味？真係好難形容，我會話好似好好味同高級版嘅忌廉薯蓉雞湯再加咗拉絲芝士，由於太好味，連平時唔食芝士嘅老公都係咁飲個湯，結果我哋竟然連個湯都清晒，肥死人！至於個雞，都幾有雞味同好滑，配料中芹、芫茜、洋蔥啲味好夾，尤其洋蔥喺雞同芝士嘅洗禮下，香甜到不得了，個個爭住食。由於我哋清咗個芝士湯，所以最後我哋只能用清雞湯打邊爐，試唔到中式芝士火鍋，嗚嗚～～～火鍋部份哈哈蝦中寶 HK$68（半份） 作為蝦迷嘅我，呢個蝦中寶夠晒勁，足料夠份量之餘，仲好鮮甜好彈牙，不過我建議一人食一隻就夠，因為真係太大隻。手打五寶丸 HK$48（半份）五粒丸食落都好新鮮，我哋三位忍唔住邊食邊讚！我食咗蝦丸同鯪魚球丸，都係平均水準之上！另外

米走雞的雞煲之前都食過，的確係唔錯，隔左一排再黎反兜。在麻辣雞煲和芝士雞煲之間，我仍然都係忠於麻辣，除咗因為本身鍾意食辣，另外我都好鍾意睇職員為麻辣雞煲點火嘅時刻，唔知點解每次都好興奮，哈哈今次同朋友二人來食，點了一個火焰麻辣細雞煲（小辣），除咗麻辣味香，入面一些芹菜和芫茜都令到雞煲香氣撲鼻而來。小辣嘅辣味容易入口，而雞件又吸收晒麻辣同湯嘅香味，真係好好食，啖啖肉。細雞煲兩個人食啱啱好，食完仲有些少空間打邊爐。我哋叫咗一份細嘅特級雪花肥牛、竹笙墨魚滑、油麥菜和紅薯粉。特級雪花肥牛雖然係細份，但其實都有好多塊肥牛，肥牛嘅肥瘦適中，牛味唔錯。我最欣賞嘅係竹笙墨魚滑，第一次食，覺得真係好好食，估唔到呢兩樣野加埋一齊係咁夾嘅，食落口竹笙吸收左湯底嘅鮮味，從而令到墨魚滑嘅鮮味都大大提高。油麥菜新鮮，紅薯粉亦都非常彈牙好食，啱晒麻辣火鍋。食咗咁多嘢，再加埋飲品，都係$500左右買單，都算抵食丫，好滿足！

米走雞有兩款雞煲話明係芝士雞煲專門店😚小編當然食返店家自創既黃金芝士雞煲啦.《黃金芝士雞煲》一上場面頭撒滿海量芝士碎🧀其實芝士碎份量係自選的我地只係揀左普通已經好多 食落剛剛好唔會太滯芝士控當然可以再加碼揀「激量」啦煲內配埋洋蔥西芹同少量芫荽一上枱唔好心急要先滾5-10分鐘店員亦溫馨提示我哋唔好撈d芝士由得佢熔係雞件上面 texture creamy d就會有拉絲既效果 味道亦都相對較濃Keep 住細火慢慢煮雞件好嫩滑 份量都好多淨係食雞都已經好滿足.食晒煲入面嘅雞 請店員加左少少湯登登登凳.. 可以撈匀d芝士啦!!記得不時攪下個底 始終芝士容易濃湯底變左奶白色 似牛奶🥛鍋先煮左個出前一丁 有茶記芝士撈丁嘅味道🍜.呢個湯底配海鮮都好出色可惜美國桶蠔售罄 轉食日本廣島蠔滾完都依然大大隻 既鮮甜又creamy 🦪.餐廳好多配料都有半份選擇可以臨尾淺嘗埋個韭菜餃 🥟新鮮自家製 多多韭菜勁少肉配料類嘅健康之選.餐廳地方好闊落 仲有live band嘅位置不過疫情期間暫停表演希望下次嚟可以欣賞到啦🎸🎹

其實我都算係咪走雞嘅粉絲，去過銅鑼灣旺角分店，但就從未去過觀塘。 今次去觀塘係因為我朋友喺觀塘返工仲有時要OT，所以選擇觀塘方便佢😉觀塘呢間米走雞勁大間，坐位空間明顯都夠大夠舒適🥰湯底我地當然選擇了火焰麻辣鍋 （小）自配醬料最鍾意就係佢有啲食物可以叫全份或半份，啱晒得兩個人食嘅時候方便叫野。名副其實嘅火焰麻辣，職員會點火，呢個時候可以同朋友即刻影相呃like😂 之後職員會幫你攪拌，然後會話俾你幾多分鐘之後可以食。佢細份既雞好夠兩個人食，而且啲雞肉好軟稔，又夠香麻，好惹味😍牛肉我哋叫咗雪花肥牛（大份）大份的確好大份，兩個人好夠食🥰而且佢啲肥又唔會話博切切我想講個雞煲食緊雞又未加湯之前，直接將炸魚皮點落個湯底度，超級濃郁勁野未，不過食2，3片就夠，其餘留返落湯之後食叫左半份鳳城水餃，四粒大大粒入面粒蝦都好大，呢個值得叫黎試下😊仲有份皮份，$43比我想像中大份好多片，最後我哋係食唔晒。個豬皮配呢個湯底，係超級入味！超好味就好似你平時去食車仔麵既豬皮咁正🥰

1️⃣黃金芝士雞鍋（細份$178）🐔 我又掛住食冇相機食先，🤣🤣芝士滿滿，我地兩個女仔未食其他野都已經飽飽地。細雞煲係俾2-4人叫，所以啲雞其實多到食唔晒！順帶一提，如果你鍾意食辣，覺得辣雞煲惹味啲同冇咁漏～2️⃣鮮製五拼餃（半份$ 58）蝦餃同韭菜餃都不錯，但是牛肉餃既牛有啲太實......可能係我煮太耐......🤔3️⃣粟米（半份$ 20）平時多菜少肉既我，呢樣先係我既最愛！😆4️⃣特級雪花肥牛（半份$158）外觀味道都唔錯～5️⃣鮮炸響鈴（半份$28） -圖1 &6️⃣芝士丸（半份$24）- 圖3正正常常～

因為兩星期前誤打誤撞食過好有驚喜，所以這晚帶多兩位家人來再食。失去了驚喜，加上是5日連假的最後一天，每碟食材都比上次少，而且新鮮度不及上次，希望下次再去會回复水準！第一次食的時候，霜降和牛、豬頸肉、鱔全部超級新鮮同大碟！嚮玲新鮮炸的，唔會有油味。五色丸有別於出面機制的口感。

米走雞在長沙灣起家，第一次吃驚為天人，心想實在太好吃了，完全顛覆傳統雞煲的味道！質感濃厚，咸香，奶味濃郁，正！環境：比較闊落，坐位的間隔很舒適，坐著不會被風直吹著服務：正常水平，算是有禮食物：芝士雞煲（小）激濃$178點了特濃，那五重芝士醬果然特別濃厚，巴馬臣，大孔，車打，莫薩里拉，卡夫五種，入口超濃厚，卷著大型雞件吃實在令人一件又一件難以停下！小份的雞煲份量也不少，而且全部都是嫩滑的部位，雞腿上部帶軟骨位就最少有四件！除此以外的還有大量洋蒽，煮到後面是超～甜！餃子拼盤 小$58蝦餃 蝦大隻而爽彈，餃皮夠薄不會掩蓋主材身的風味。鳳城水餃 帶有木耳的爽脆水餃，是另一個連鎖店的驚喜！丸子拼盤 小$48足有五大顆，手打丸不會帶過多的粉，口感彈牙又彈牙油麥菜 大$44很上油的菜，跟濃味的芝士雞煲湯底很配呢！澳洲牛舌 $88爽口彈牙！快快手灼熟就可以吃，煮久了就會韌！簡單而好吃！

兄弟拍拖了，再要約兄弟就要等，我等到林志玲都嫁出去了，還未等到兄弟來赴這一年之約。拍拖這事一旦開了頭，就等於跳下了懸崖，向下大嗌一聲都不見任何回音。兄弟於米走雞Live重逢，話別當年，分享殘酷的感情世界，女人，有又煩，無又煩，尤其兄弟極重感情，像我這樣跳出三界外，不在五行中的，基本上可作超渡，因為我極忽略愛情，有如沙漠之乾涸，六年不見雨水來，正如兄弟Whatsapp我："中學果時，我都成日上樓上女同學屋企" 屋企兩個字唔知點解，就會自動在我腦海裡忽略左一樣，誤會左佢添。上到The Wave 3樓，原來一地兩舖，經理問我們排哪一間隊，聽其語氣，兩間當屬同一集團，一間做西餐，另一間做雞煲，來之前，心中一早所屬風情萬種的雞煲，可以這樣說：如果雞是地心吸力，我絕不抗拒。不同款醬料率先放在面前，讓你先選擇醬料後，上一個重醬炮製的火焰麻辣雞煲，經過一番點火表演，小雞雞翻滾吧，再"經過一些秋與冬"，小雞雞發出咕嚕咕嚕的聲音，那種聲音，"橫街內讓我面紅"，然後被我狠狠一口咬下去的小雞雞，雞味相當濃郁惹味，軟滑略帶咬勁。雞煲過後，配上高湯，混搭新鮮食材，一份接一份，精彩紛呈，都說不是我戒不了雞，而是戒不

今天約好友來官塘米走雞吃返個芝士雞窩，聽同事講話好正，擺上台時，見到滿滿芝士，金黃金黃的.份量十足，濃濃芝士散發誘惑， 芝士嘅質素很高有拉絲的效果，每件雞件都浸浴在芝士中， 芝士的滲透雞件的嫩滑非常合襯，令我這個芝士迷吃食到停不了口，真系好大滿足👍😍服務周到嘅侍應推介今日有嘉士伯特純加大$33，啤酒送芝士雞喎一流呀啦！而我 點多杯鹹檸七下下火😋😋手打五宝是每天新鮮在店裡人手打的粒粒鮮味彈牙，冰豆腐亦是特別之選！😂不得不提我們點的特選花膠筒，只只厚身兼大隻，用料上乘，有8隻咁多，滿滿的膠質，配上芝士鍋一齊食，口感豐富，爽口彈牙，價錢絕對超值美味，必吃也！👍

睇完餐牌下揀咗一隻份量雞煲一嚟到我就已經知賴嘢首先見到啲雞完全冇拉過油好似雞還雞汁還汁咁好似白烚咁倒啲汁落去點火搞幾下就算數食下食下就發覺啲雞形狀全部一樣食來食去都食唔到雞胸同雞背所以我好肯定佢肯定係用雞髀斬件仲要好大浸雪藏味反而要讚嘅就係火鍋配料出奇地出色尤其是手打丸比較出色如果呢餐撇除雞煲淨係打邊爐嘅話我諗會好好多希望個廚房睇到會改善一下唔好以為個個都唔識食雞髀當一隻雞咁買真係好過份唔會有下次

講到雞煲，米走雞既芝士雞煲都幾出名，非常足料點餐時可以揀芝士份量，當然揀爆量，真係爆多芝士啊，絕對可以拉絲，味道好濃郁，加上半隻雞都已經幾多雞肉下，我地三個人食好快就濟濟地 (￣▽￣).由於食完個雞煲都已經八成飽，我地唔係叫好多配料，但係叫一份原來都幾大份，金針菇同芋絲都好多! 當中最推薦既有蜂巢豆腐同哈哈蝦中寶～蜂巢豆腐簡直係索曬湯既精華.哈哈蝦中寶一粒都幾有份量，上面有蟹籽，咬落去真係食到啖啖原隻蝦肉，幾爽口既.至於wasabi鮮墨丸就還好，有wasabi 果陣草味，但食落有小小甘，個人覺得同墨丸未係好夾，都係最鐘意蝦丸.再讚多樣係呢度既服務態度幾好，客人多，但唔會成個街市咁嘈。下次再試埋麻辣雞煲先

香港人一年四季鍾意烚烚下。為食妹👧🏻當然係其中一份子。火鍋同西餐同一層。米去錯丫🤣。米走雞出名*芝士🐔同火焰🐔*。真係聞名不如見面🤩。店員幫忙煮幾下。唔洗三分鐘食得😛。為食妹👧🏻唔係幾食得辣。揀咗BB辣。🌶辣度自己揀。🐔肉好入味。份量都唔少。真係大件夾好食😛。為食妺👧🏻打邊爐必點🦐。虎蝦爽口彈牙。一個人食六隻無難度🤪。白鱔片～🔪工一流。厚薄適中。新鮮有光澤😍。飲烏龍茶解膩是常識吧🥰。