米走雞Live

营业中

休息中

米走雞Live (觀塘).好耐無食雞煲啦又，米走雞真係觀塘附近我會立即諗到數一數二嘅雞煲店，今日再食個醬濃郁左，小辣唔太辣對我倆而言剛好，一如既往店員會幫炒焗一陣就食得，雞件仍然係超大舊份量勁多. 紫薑皮蛋- 來一個餐前小食，紫薑酸甜開胃，唯一美中不足係落點砂糖會更好味.鵝腸- 性價比之王，價錢相宜份量多，重點係洗得好乾淨，淥一陣就好好食😋.鮮製韭菜餃- 半份四粒兩個人其實好夠食，每粒都好足料脹卜卜.粟米娃娃菜半份-粟米超甜，金黃色大大舊，娃娃菜係每次邊爐必叫，好索味，我喜歡淥耐點吸曬啲湯！.米走雞Live (觀塘) @runningchicken_hk觀塘興業街4號The Wave 3樓

雞煲就真係成日食,但芝士雞煲真係比較少食,突然諗起米走雞既芝士雞煲,男朋友又未食過,我都無去過觀塘店食,只係幾年前之前去過太子食過一次,所以今次就揀左收工同男朋友試下!食物方面:⚪️黃金芝士雞煲(小)(芝士碎揀左激量)黎到見到超多芝士碎好正,大約等5分鐘芝士溶左就可以食,超濃芝士味,雞肉好滑好食!!👅⚪️辛辣麵(超邪惡食法!!)食完雞煲,加一碗芝士湯,再加個辛辣麵落去,成功變成超濃郁既芝士麵😻每一啖都係脂肪但真係好好食!⚪️白鱔片打邊爐必點,好滑好乾淨無骨!⚪️竹笙墨魚滑 (半份)好特別既墨魚滑,2種唔同口感,但都係好爽口!⚪️手打M5和牛丸 (半份)半份都有4大粒,好重牛味,好食😬⚪️和牛餃 (半份)多左一層雲吞皮包住牛丸咁,都好食,不過好大粒,食一粒就夠!⚪️油麥菜 (半份).響鈴 (半份).午餐肉 (半份)都係打邊爐必點!!正正常常!!整體方面:餐廳係同另一間餐廳連埋,入去要講明食邊間,轉去左手邊就係啦,地方都幾大幾舒服,上菜都好快,但張枱比較細,所以有架車仔係旁邊擺野食🤭食到好飽好飽,同芝士迷過黎一齊食就岩哂!

麻辣雞煲真係幾時都好想食，返返下工突然掛住雞煲既味道，放工立刻去左米走雞食滿足一下我對雞既慾望估唔到平日都好多人食雞煲，餐廳坐滿食客呀一坐低就已經有一盤醬汁俾我哋自助混合我地叫左個火焰麻辣雞煲，bb辣芫茜控一上枱見到咁大堆芫茜就好興奮😍等左一陣職員就幫我地喺雞煲上面點火同埋炒雞，中途已經聞到好香既雞煲味🤤煲多一陣就食得，每一舊雞都好大舊，件件都係雞肶肉，啖啖肉好正，bb辣岩岩好，食到小小麻辣味又唔會蓋過晒雞煲汁既味道，好滋味😋一煲入面都好多雞，我食左8-10舊都已經飽左一半肚😆再點左打邊爐的食材手切新鮮牛頸脊，係屬於質素高的牛，食得出唔係普通下價貨，有牛味，肉質有口感，唔會好多肥膏鴨血，牛柏葉，鮮蝦雲吞，蟹子鮮蝦滑，蘿白，豆腐，芋絲仲有食雞煲必叫的竹笙，因為可以吸晒啲雞煲汁既味道好滿足😍食麻辣咁熱氣，當然要飲返啲清熱飲品，叫左一瓶竹蔗茅根，2個人每人都有2-3杯輕鬆ko，因為一路打邊食濃味食物係好口渴😍

真唔明為何有咁多好評，今次係差到忍唔住要寫食評，還是第一次寫，首先今天點的係麻辣雞煲，叫了第二辣椒的辣，試了第一口的雞酒味很重，重到澀口，同埋成煲嘢都好甜，沒有麻，食到一半頂唔順，要佢加清湯。而雞沒有雞味，只有酒味及甜味，全部雞都係雪藏雞肶再醃到好重的酒味，其實質素真差過任食雞煲。其次，開始前侍應講2個鐘要交枱，但食到一個鐘已幫你埋單，想再叫其他嘢食都唔俾落單，還要吹我們走，講好多人在出面等，但最終走時，冇人在出面等。佢的飲品都偏貴，一罐可樂都18元，叫一渣竹庶茅根都要78元。最後講下佢的配料，哈哈蝦中寶OK, 竹笙墨魚滑份量較少，只有4條，其餘的一般啦，但主角雞煲唔掂真係一大敗筆，真係難食，完全中伏。

我睇到很多好評都在差不多時間上也是應該可以嘗試的想搵好食嘅雞煲好難今次同一位朋友試一個2-3人份量的少辣火燄雞煲，滿有期望的一送來。聞唔到麻辣及芫茜香以為炒下會有，但仍然是聞不到心下已一沉，又係食不到正野食下是芫茜苦，D汁唔香且咸但D雞依然喺滑嘅，所以都仍叫食到的。到打邊爐時加清湯，也是十分咸越食越咸。又無麻辣味。於是索性叫佢加清水作湯底待應話點解，我話好咸，無麻辣香味，待應沒有回應我便走開了環境是乾淨衞生的。但係主角湯底好咸，待應服務也尚可，叫做隨傳隨利。最好的是可以叫半份，啱少人嘅傾計食飯，又唔食太多的人，唔浪費，所以價錢尚可接受。

朋友知我勁愛食雞煲,就選擇我公司附近了米走雞食晚飯。店裝潢設計好西化,地方寬敞舒適。.有多款調味醬混下,按下自己喜愛而調配。..............................我地選左【火焰麻辣  雞煲】 (小)  $168有五種辣選擇 有BB辣､微辣､小辣､中辣､大辣最後選了BB辣,因朋友不太食得太辣麻辣  由店員攪一陣 就可以食。經煮熱一陣後,嗅到一陣陣麻辣  香味已四溢,簡真令人流口水。見大多數雞件是雞腿位多,食起上來啖啖肉,而雞肉質嫩滑非常,而配合辣椒乾、洋蔥、中芹、芫茜,帶出甜辣味道來。這BB辣帶甜甜地,沒太麻麻感覺,辣甜得來好惹味。..............................食完大部份加雞,就加入湯底開始打邊爐烚配料。..............................點了四款打邊爐烚配料..............................【哈哈蝦中寶】 (半份) $63大大粒哈哈蝦中寶,就是蝦膠,內有多隻蝦及大量蟹籽混合,烚後有彈牙口感,仲有蝦, 加上有粒粒蟹子粒,食上起來有脆卜卜質感,口感非常豐富好味。..............

第一次來米走雞 🐥 當初是被餐廳的芝士雞煲吸引而來‼️🧀🧀 當天到達餐廳後被隔壁食客的麻辣雞煲深深吸引到😻 最後和朋友選了餐廳另一款招牌菜「火焰雞煲」‼️👅▫️ ❥$𝟭𝟲𝟴 火焰雞煲🔥 雞煲已預先煮熟，所以只需等店員在客人面前點火炒香雞肉、加入麻辣濃湯後，待再次沸騰便可享用‼️🥢 雞煲中有辣椒乾、洋蔥、中芹、莞茜，香氣撲鼻🧄🌶️🧅 (如有朋友不喜歡某種香料食材可以告知店員，煲內可以不加)‼️😗 雞肉沾滿了麻辣醬汁，香香辣辣的很滋味👅 吃著吃著會感覺到湯底的麻辣後勁‼️🌶️🌶️🔥🔥▫️❥$𝟰𝟴 ᴡᴀꜱᴀʙɪ鮮墨丸(半份)🦑 新鮮手打墨魚丸很彈牙，咬開後中間是Wasabi濃湯，好特別的菜式‼️▫️❥$𝟲𝟯 哈哈蝦中寶(半份)🦐 超級吸睛😍 拳頭般大的蝦滑包著新鮮大蝦‼️賣相一流‼️▫️❥$𝟮𝟰 蜂巢冰豆腐(半份)🥢 內部呈蜂巢狀極易吸收湯汁的蜂巢豆腐吸收了湯底的精華，好邪惡‼️😈 ▫️❥$𝟯𝟴 上海年糕🍡 切得略小略簿，試不到年糕Q彈的口感‼️😜▫️另外還試了 ❥$𝟯𝟰 金菇 ❥$𝟮𝟰 蟹柳(半份) 和 ❥$𝟰𝟯 鴨血，好飽好滿足‼️

夏天打邊爐都一樣冇問題👍🏻呢度真係環境唔錯，如果冇疫情仲會有live band我就唔食得辣，所以揀咗芝士雞煲($178)，仲可以自己選擇芝士嘅份量👍🏻今次揀咗少量芝士都仲可以拉絲，之後就可以食芝士火鍋🥳推薦鮮炸響鈴($28)，食火鍋點可以唔食響鈴？呢度嘅響鈴特別大，而且好多層，真係唔小心浸左都唔怕淋晒，脆卜卜好好食👍🏻另外哈哈蝦中寶($63)都好正，真材實料全部都係蝦肉，超級大嚿，加埋蟹子有口感特級雪花肥牛($158)牛味都好濃，整體來講都好唔錯👍🏻

今日再次嚟呢度食雞煲加火鍋，冇食咁耐但係質素都依然十分高!雞煲上台職員會叫你唔好開蓋，會有人幫你炒。等左一陣已經有職員過嚟點火之後炒雞煲，真係睇表演咁，過程中雞煲香味幾乎滿佈全間餐廳! 雞肉好多肉而且仲係有肉汁同埋嫩滑，味道亦唔會好辣，首先有少少麻之後就有雞既香味同埋辣椒既惹味，好有層次!手打五寶丸、芥末墨魚丸、貢丸丸類都非常推介，五寶丸真係手打所以彈牙又爽口，每款丸都好鮮味!特別一講係芥末墨魚丸有芥末醬包住，一咬就爆開而且好好食，彈牙又惹味!即炸響鈴呢個都係特色之一，即炸響鈴大到咁而且新鮮既腐竹味真係同其他高下立見! 層次分明加上雞煲既湯底夠哂入味，整體好高質!鳳城水餃水餃都係必食之選，皮薄又多餡，5分鐘左右就食得!

觀塘雞煲，呢間一定咪走雞心血來潮突然想食雞煲，朋友介紹左間係觀塘嘅米走雞。雞煲嚟講芝士湯底真係第一次見，一場嚟到緊係要試試佢！招牌黃金芝士鷄煲 (小/$178)點單嘅時候，芝士份量有得俾你揀，貪心嘅我緊係揀多芝士啦，服務員收單果陣同我話你要有心理準備，因為真係會好多！煲未嚟到，遠處已經聞到濃烈嘅芝士味。果然芝士真係超級多，多到搵唔到啲雞！撥開厚厚嘅芝士見到入面嘅配料有紫洋蔥，芫茜，配料增加香味之餘，洋蔥入口香甜多汁，中和左芝士嘅肥膩。由於個煲仲熱辣辣，夾起件雞就已經有拉絲效果。雞肉亦都好新鮮，就算雞胸食起上嚟都唔會鞋！鴨血（$43）份量都幾多，食起上嚟唔會太林，幾有口感，配埋芝士確有另一番風味！竹蔗矛根（$68）打邊爐必點，清熱又解毒，飲落真係透心涼。仲見到大大枝竹蔗係入面，好足料。兩個人食都食唔哂，下次叫多個朋友，再一齊去試多次！

之前已經食過呢間既火鍋，感覺都幾唔錯。今次就約左朋友，諗住試下新湯底，就揀左沙嗲湯。然後重揀左好多配料，包括響鈴同牛肉。一上左湯底，用個湯勺左搞左一搞，心諗咁足料，杰到咁既。然後就用呢個湯焯既牛肉，完全食唔到任何鮮味。個響鈴先係世界級，一黎就係唔係即炸，兩黎吸埋個濃湯，真係成塊枱布咁，吸滿哂所有湯汁。平心而論，餐廳既火鍋材料係新鮮既，但係個湯實在太足料，我地似飲緊沙爹羹，所有食材都只係得番沙爹味。 張相已經係將2/3既濃湯拎走，加熱水，都重係好濃味，又咸喎。最後連野食都食唔哂，全晚同第二日都想反胃，沙爹濃湯實在太恐怖😱。經過今次有陰影，唔敢再食任何沙爹野。

米走雞,好食好食超好食已經係食第3次,生日飯再食過今次約朋友食訂左位,唔限時,單點先食雞煲再食火鍋但其實佢個火鍋唔係好特別反而係雞煲真係十分滿意頂級滋味如果一個人黎食都可以拍半隻雞加飯食又香又麻又辣,雞肉又多肉又嫩滑未上雞煲之前,先整色整水整醬油例牌辣椒蒜豉油,要收費的!請留意約十分鐘後由店員親自炒雞會有噴火點火炒香再落特製醬汁呢個就係佢好食過其他人既原因雞靚,醬香麻辣骨細肉多,啖啖肉,香辣麻不咸,唔會越食越辣雞煲之皇,不作他選,比起任食好食多了仲有好多洋蔥同配料,煮熟食一樣咁滋味好了,食完雞件也七分飽了,加雞湯煮火鍋點了一客肥牛肉片,油花平均,肉味濃郁輕燙個15秒就剛好,油花少,不能太熟好易柴麻辣湯底,用菇類蔬菜更好吃!地址－興業街4號The Wave 3樓環境／設施－港式雞煲專門店,坐位舒適特色－火焰麻辣雞煲,專人炒,香濃鮮辣人均價格－250評分－8.5/10

上個月去米走雞食左3次火焰雞煲， 阿女投訴點解佢無份去 好啦好啦， 今日帶佢黎試下芝士雞煲。近近地係官塘食， 車都唔使坐今次試呢個黃金芝士雞煲2-3人份量 $178入面除左有雞，芝士，仲有洋蔥，芫茜同中芹（待應好細心咁問我有咩想走， 我就乜都要哂啦）見到呢個陣容， 真係嘩左一聲除左滿滿的雞件外，仲有鋪天蓋地既芝士粒同如溶岩般既芝士醬。 邪惡到癲呀雞煲要滾番起同溶左d芝士先食得架待應提醒唔好搞亂個煲， 真接夾起d雞件就食得。 芝士可以做到拉絲效果架， 係咪勁雞件貫徹始終的大件同超多。加上被芝士醬團團包實。 我食左3舊就KO左 要休戰再食。（後尾發現沾少少豉油食，無咁溜，可以食多幾件）先加個湯底，食幾條菜回一回氣先將雞件撈起再加湯就變成金黃色的芝士湯底湯可以揀清湯同芝士湯。我揀左清湯都好夠味呢度既食材可以揀半份，好啱人少又想試多款野女女揀既手打蝦滑，半份。蝦滑入面真係見到一舊舊鮮蝦肉架放湯前記得將蟹籽同蝦滑撈勻呀，唔係d蟹籽落湯就會散哂架啦。蝦滑非常彈牙好食，同芝士湯底都好夾，而且仲食到鮮蝦的質感。推介蜂巢凍豆腐 半份上枱時係冰凍的一舊半份都有5舊， 仲係大大舊， 好抵食滾熟後豆腐變番軟身

今日難得早收工約咗朋友去觀塘嘅米走雞食雞煲 ，一入去門口感覺幾高級，完全唔同平時一般雞煲餐廳，氣氛好好，冷氣又夠。我哋嗌咗麻辣雞煲嘅BB辣，個職員會幫我哋加入麻辣汁炒下佢，之後就可以開始食啦。個麻辣雞煲嗌咗BB辣都好夠味，同埋好香麻辣味。我哋嗌左鴨血，蘿蔔，手打五寶拼盤，牛柏葉，紅薯粉，蜂巢凍，豆腐，薯仔。每個份量都好多，而且好新鮮。而我就特別推薦牛柏葉、紅薯粉同手打五寶拼盤，牛柏葉放落個湯底好入味，而個紅薯粉好彈牙，五寶拼盤有蝦丸、墨魚丸、香菇貢丸、鯪魚丸、牛丸，每粒都非常大眼，而香菇貢丸最好食，平時嗰啲真係比下去。

沒有白飯🍚的雞煲❗️ 一心想食雞煲又想有粒米落肚既👩🏻朋友，話好失望，因為雞煲店竟然無白飯賣，利申，小編食雞煲係配烏冬🤣。🐔 火焰麻辣雞煲 - 大 （價錢： $228）評分： 4.5/5相比芝士雞煲，小編覺得米走雞既麻辣雞煲更出色🤩。 點著火🔥係雞煲既賣點之一，其次係味道同份量。 每舊雞件都大大舊同啖啖肉，大煲既份量一定夠4個人食，唔使爭食，而且一隻辣椒既份量剛好，味道係先甜後辣🌶，無蓋過雞件嫩滑既鮮味。🦐 哈哈蝦中寶 （價錢： $118）依個蝦中寶即係放大🔍左幾倍既蝦滑，食完一舊會覺得有輕微飽肚感，每舊都包左一隻超級爽口彈牙既蝦，鍾意食蝦滑既朋友仔要試下🤩！小編仲叫左其他食物，每樣份量都好多，適合一大班朋友聚餐。🌟 鯪魚釀豆卜🌟 炸魚皮🌟 蜂巢冰豆腐🌟 雜菇拼盤🌟 薯仔 等等。。。————————————————————————🐷 整體食物： 4/5🐷 環境：4/5🐷 可達度： 4/5