米走雞Live

营业中

休息中

今日悶悶地，突然之間想食下辣野刺激下，就諗起呢間麻辣專門店《咪走雞》😄餐廳裝修很有風格，暗暗地，食嘢傾偈氣氛一流🍻☺️火焰麻辣雞煲，我們叫了兩至三人份量，大大煲，店員打開煲蓋然後點火燃燒一會後，散發着洒香味，食落去辣辣地，條脷麻麻哋，非常過癮，雞肉又夠滑，真係好好食🥰手打五寶丸拼盤：墨魚丸，蝦丸，鯪魚丸，豬肉丸，牛丸，材料新鮮，粒粒爽滑彈牙😄鮮榨響鈴，大大條，夠晒份量，放在鍋中， 沾滿麻辣汁一齊食，嘩… 好食到呢😇

好耐無食過雞煲啦😝，今日受到朋友介紹就黎米走雞試下呢度嘅雞煲啦😍，而且食完雞煲仲可以加湯轉火鍋🍲.火焰麻辣雞煲(小) $168呢個雞煲好夠特別🤩，以火焰爲主題，店員會點火再炒🔥。我只係揀左一隻辣椒嘅辣度😛，不過都已經好夠味😗，香氣十足，而且雞肉又多件又滑😎.特級雪花肥牛(小) $158肥牛同樣高質⭐️，一d都唔會覺得太肥，而且牛肉味都好香❤️.澳洲牛舌 $88牛舌都有好多片😜，而且我最鍾意佢好夠爽口😜.油麥菜🥬(半份) $24

讀書果陣成日同班frd一齊食雞煲，今日突然心癢癢，決定要回味下中學嘅回憶。不過依間比起其他雞煲有少少唔同，因為依到竟然有芝士雞煲！！即刻要試試佢先😋😋！我地點左個2人份芝士雞煲，芝士味撲鼻而來，應該係用幾種唔同芝士整成的，啲雞份量多又大大舊，食落同啲芝士味好夾😋😋比起麻辣雞真係有過之而無不及啊，可以一試！食完雞煲其實都有5成飽喇，不過休息一輪就係時候打邊爐嘍～姐姐幫我地加左高湯之後，好快就可以恰下恰下喇😆我地點左啲鯇魚片、肥牛片同埋薯粉，鯇魚片好大份，碌大約5-8分鐘就食得～肥牛片又係大大份，堆到成座山咁，雪花分怖得好平均，食落都好有牛味，依個必試👍🏻👍🏻薯粉落左芝士湯底到變左中式卡邦尼咁，出奇地夾，記得打完邊爐啲精華唔好浪費，加粉麵先係最正嘅食法～😉👍🏻

米走雞Live (觀塘).想食雞煲，係觀塘就會諗起米走雞，上次試過芝士後覺得有啲腠，今次食一啲平時無食開嘅餸！雞件仍然係大大舊無碎骨，小辣小麻. 🔹鵝腸🔹.呢個係見到有人post相見到好乾淨而叫，果然乾淨又爽口！.🔹鴨血🔹.食得辣雞煲，叫鴨血比較襯！.🔹白鱔片🔹.呢個要推薦♪(´ε｀ )雖然$98係大概6大片左右，但入口好香，鱔連皮又有少少膠質咁🥰好吃！.—————————————————-環境：⭐️⭐️⭐️⭐味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

觀塘The Wave 3樓. 🔸裝修呈live 酒吧設計， 多座位，梳化位， 坐得舒適， 傾計聚會一流。先黎個調味盤， 再下單。🌟火焰麻辣雞煲(2-3人) 小辣。🔥🔥🔥 以大火煮滾，切勿開蓋。等服務員點火，炒香然後加入麻辣濃湯待再次沸騰後先吃雞件，再加湯吃火鍋料。火焰麻辣雞煲，利用了三十多種香料、辣椒乾、洋蔥、中芹和芫茜作配料，加入玫瑰露點火炒斬件雞腿肉，陣陣香辣味四射，湯底麻中帶點辣， 辣中帶麻， 好鬼正。☀️特級雪花肥牛，超大片， 足足成塊面咁大塊， 20零秒就食得， 食落啖啖牛味，肉脂分佈平均。☀️食得多肉， 叫返菇菇，菜菜，豆卜食下。大概$24/份，半份都好鬼多。☀️最後叫返枝冰凍青島啤啤佢， 完滿結束。下次一定要試埋個芝士雞煲。。。

上次食完雞煲之後，雞煲嘅心就停唔到，所以又搵左另一間好出名嘅雞煲店食。依間已經食過幾次，每次食完都好滿足。黃金芝士雞煲係依間餐廳最出名嘅，成個煲都係唔同種類嘅芝士，仲可以加芝士碎，令到成煲更加濃芝士味，今次點左普通份量芝士碎。食嘅時候就感受到成口都芝士味，非常正同開心，雞裡面嘅肉仲有芝士味，令人覺到非常幸福。雞嘅份量都好多，食落都好嫩滑，兩個人分享都會食到飽。爽滑豬頸肉嘅份量都算幾多，豬頸肉係半肥半瘦，食落唔會煮到太淋，食落都幾爽口，食落唔會覺得太膩。手打鮮墨丸平時係其他餐廳點嘅時候，佢嘅大細同乒乓波差唔多，但依間餐廳佢嘅丸大細係大2-3倍，但都係半份份量，真心好抵食。食落都好彈牙，裡面有墨魚粒，口感好正。蜂巢冰豆腐係餐廳推介同芝士煲一齊食，所以就點左依個食。佢裡面係蜂巢形狀，原來可以吸好多湯汁，同芝士汁一齊食落非常好味。

今日黎到觀塘食好西，黎左呢間出名食雞褒既米走雞，呢到既芝士雞褒不嬲都出名，但係估唔到佢另一個雞褒火焰麻辣雞褒都非常出色。我地叫左個小 火熖麻辣雞褒 168蚊 最小辣2個人食岩岩好，而且佢既調味麻得黎好甜，好岩我口味，而且雞肉份量多又滑身，唔會好柴。我會推薦朋友黎再食。最小辣都唔會太辣。另外仲叫左d配料for之後打邊爐，我特別想推薦既係158蚊既小 特級雪花肥牛，大大片，而家有大理石雪花紋，油脂分佈平均好好味。

哩間米走雞觀塘分店地方非常寬躺 坐得好舒服 有時仲會有live band演唱 不過我黎過幾次只有1次撞中有人演出😆超有氣氛 入座後店員會首先遞上調味配料 大家揀好之後佢就會收走 今次我地3個人叫左大雞煲 琴晚由於大家都唔太餓既關係 食完個雞煲都飽飽地🤣只係叫多幾樣野就收左皮‪ꔛ‬一煲有好多雞🐔吸哂啲湯既精華 多肉少骨 又嫩滑 真係講起又想再去啊🤤

放工與同事Happy hour，就來到觀塘The Wave的米走雞食雞煲。雞煲有兩種選擇分別是黃金芝士及火焰麻辣，因為我們都是辣味愛好者，所以就選了火焰麻辣，並叫了個2至3人份量的。雞煲到來時先加熱，加熱後店員就會淋上辣汁，而這些辣汁是帶有火焰，視覺及味覺都有很大衝擊。雞肉份量非常之多，經攪混後，每件雞肉都很入味，個人建議雞肉在煲內時間越久會更入味，想再入味的朋友可以一試。這間店的食物都可以用性價比高來形容，特別要提的就是哈哈蝦中寶，因為它是一大個蝦膠包住一隻蝦，好像蝦漢堡一樣，飽滿豐富，而且很有蝦味，再加上雞煲湯底提升滋味，所以基本上不用點醬油都夠味。整體上來說這間店的性價比高，在味道，食材質素上都有很高評價。

好耐無同Daddy 一齊食飯，等我帶佢一齊去打邊爐先！黎到米走雞觀塘分店，係the wave 3樓！環境舒適！我地擇左人氣大熱既芝士雞煲火鍋🍲！細份超足料，半溶芝士，芝士醬濃香，雞件嫩滑 份量十足 好美味！仲可以點激多芝士 可以做到拉絲芝士控絕對唔可以錯過！食完雞煲仲可以加湯打邊爐食物可以有半份同一份叫 讚！特級雪花肥牛色澤鮮豔 雪花紋平均 肉質鮮味口感一流 鮮炸響鈴卷新鮮即炸大大份香脆可口 手打五寶拼盤有🦐丸 豬肉丸 墨魚丸 牛丸一次過試齊五種不同口味彈牙 新鮮竹笙墨魚🦑滑新鮮配撘！竹笙爽口 墨魚滑入口軟綿綿 炸魚皮超大的比平時的更大碟 份量十足 香脆酸梅湯開胃唔會太甜環境 幾舒適 適合一班朋友 dinner 傾計既好地方下次想試麻辣雞煲

上次試過Mini Friday，就約左同朋友再黎同一個地方打邊爐其實Mini Friday同米走雞係同一間舖入面嫁呢度環境幾好，特別通風做得唔錯，唔會成間舖都好大煙咁我以前就食過佢哋既芝士雞煲，超惹味今次就試麻辣雞煲啦，我哋就叫左最少辣，但對我黎講都有少少咁多辣，麻既味道就好勁店員會幫手炒雞，一路炒嗰陣會有火係煲到升上黎，好打卡able雞煲我地三個人叫左個小姐，但食雞都食到飽飽地另外都有叫唔同既餸打邊爐我特別鍾意既有佢哋既炸魚皮，一兜幾廿蚊食到飽，炸到脆而不硬，當小零食食都好正！肥牛都係必叫，每一片都好大塊，肉質係偏向軟身但都有咬口，唔會爛溶溶咁

《極邪惡激量芝士雞煲》✨講咗幾年話想食呢間餐廳嘅芝士雞煲，今日終於實現左。呢度除咗食物質素高之外，服務員亦都好盡責咁成日幫你睇住個火，真係值得一讚🤍黃金芝士雞煲（小）（$178）呢款雞煲有得揀大份定係細份，我哋揀咗呢個細份係for 2-3人食既，不過對於我哋來講份量都係比較多，所以建議如果有諗住叫多啲其他嘢食黎試嘅朋友，就約多啲人一齊嚟share喇～雞煲上面亦都有啲芝士碎，可以自己選擇想要嘅份量，又冇去到激量都有得揀，作為芝士控嘅我哋當然唔會放過呢個激量嘅芝士碎啦～餐牌上面寫住芝士碎會有微酸，不過我哋食落就唔多覺～另外喺雞煲入面嘅雞件大件得來之餘亦都好入味，而且亦都會有啲芝士溶咗喺上面，令到咬落每啖都有香濃嘅芝士味雖然呢度係出名芝士雞煲，不過如果唔好芝士或者係驚太漏嘅都可以叫其他款式嘅雞煲㗎～～🤍特級雪花肥牛（小）（$158）一開始我哋喺未加湯嘅時候就試吓將啲肥牛浸落去芝士溶入面淥熟佢，雖然時間比較長，不過肥牛入面就充斥着芝士嘅香味。加咗湯之後再食仍然會有微微嘅芝士香，但係就可以唔使咁漏～肥牛本身亦都好薄，肥瘦適中，入口即溶～🤍稻庭烏冬（$21）🤍金菇（$34）💰人均消費：約$250

入座之後店員會馬上遞上調味配料，共有6款任君選擇，我鐘意食蒜油所以加左勁多。黃金芝士雞煲(小)($178)，未煮熱之前見到好多芝士粒，好澎湃，加熱之後d芝士溶晒真係睇見都流口水，每件雞都比芝士完全包住，芝士味濃郁，雞件肉身都好嫩滑，份量亦都好多，食完之後都已經有八成飽。既然個胃仲有2成空位，亦都唔好浪費個煲，加d芝士湯底用黎再打邊爐。日本鮮帶子($118)，共有6隻，每隻都一開二，併返埋超大粒，色澤新鮮水潤，煮熟後size亦都冇乜點縮水。虎蝦($118)，共6隻，size差不多有個煲直徑咁長，煮熟後蝦身呈鮮橙色，肉質結實厚肉，啖啖肉好滿足。

【#1‧雞煲】一個蹈火海的雞煲‧觀塘-米走雞Live // 麻甩講女搵食團  = = = = = = = = = = = = = = =之前食雞煲都是任食火窩 + 雞煲，今次朋友開飯局，去了觀塘The Wave - 米走雞Live食雞煲。這裡一層有兩間餐廳，應該是同一個老細，上到餐廳樓層，Staff好主動問食雞煲或是西餐，由於朋友有訂位，不用等位，（我們當日是平日，餐廳都多客，建議訂位）。我們一行2人被安排坐到卡位，位置間都寬敞，就算坐四人都不會迫，一坐底不同款醬料架已經置於枱面。米走雞Live的雞煲有2款，1款是傳統的「火焰麻辣雞煲」，另一款是新穎的「芝士雞煲」，朋友不食芝士，唯有先試「火焰麻辣雞煲」，下次再試「芝士雞煲」。- - - - - - - - - - - - - - - - -我們點了小份「火焰麻辣雞煲」(2-3人)($168)，都未點好雞煲配菜，用鐵煲上菜的雞煲就已經上枱。上菜後，Staff有叮囑不要打開蓋，讓雞煲先焗，Staff稍後會再處理。等了一會，Staff幫我們炒雞。入面已經有芹菜和芫茜，原來臨食之前會加上香油點火再炒，食前先看一場火焰表演外，雞煲香氣更加迫出。

一直都是一個好熱愛打邊爐既人🎉，但雞煲🐔反而唔多食! 而呢一日剛好經過觀糖 The Wave,見到呢間「米走雞」🐔正正係雞煲的專門店，見到都決定一試呀!🐤-好耐無食雞煲，「米走雞」在the Wave 入面，環境好舒適💯一改以往對食雞煲環境的感受!💖由於我們2人食，所以叫了2-3人份的麻辣bb辣雞煲🌶有唔同辣度選擇，而BB辣都幾惹味😍想溫和一點的朋友我推薦食BB辣呀!而且雞份量好多，雞肉好滑又多肉，好大舊🥩真係好滿足，啖啖肉，絕不欺場!而且仲會有好多配菜，洋蔥等都好好食呀!🧅鍾意食少少辣的朋友要試，好過癮!✅-除左食雞煲外，當然都要加湯打邊爐啦‼️而且食材有部份仲可以選全份或半份💯岩晒食量唔大，但又咩都想試下既我!要加一加分!-我們點了不同的食物，有幾款我覺得必試，包括係蜂巢冰豆腐、竹笙同鵝腸😋😋配上麻辣湯底，吸入滿滿的精華🫕真係好惹味同正呀!🥢一定一定要試呀!-另外我們都點了粉絲同蟹柳🥣嘗試一下唔同食材，都係新鮮好食!而且份量好好呀! 即使半份的份量都好多呢🥘岩晒同朋友、另一半去試呀!-整個晚上好滿足，唔多食雞煲既我都大感驚喜😙食物高質，環境又好，而且價錢都相宜，岩晒聚會呢!😋😋大家一定