米走雞 (昭德大廈) (已結業)

過來長沙灣找個朋友食飯，大家都重口味，行行下來到一間知名的雞煲店，正中下懷，一齊入內重口味一下啦！裝修真係幾雅致，在牆上面你會見到一啲中國山水畫，而且係仿古嘅門窗，冇誇張，簡直可以借個景拍古裝片。過咗一陣個雞煲終於出現了，雖然我哋都係有少少肚餓，而且以一種幾期待嘅心情等待，但係常常出街食嘢又唔係第一次食雞煲嘅我哋都算得上係持平常心，平常心之下，真係冇諗到面前嘅火焰麻辣雞煲真係有火嘅！本身叫個店員放下雞煲之煮一陣後拿出工具，叫我地退後少少，心諗以為佢係幫手攪下啲雞肉，啲驚啲汁熱得滯彈到我哋，點知佢突然使出一長咀點火器向雞煲燃起火焰，我哋差點尖叫出來！本身個身位輕輕向後挨後兩三吋嘅我哋，突然之間一個熱情嘅火焰令到我哋退避三舍，背脊馬上緊貼椅背，店員看見我地大驚小怪的表現不禁笑了一下，我哋亦在驚惶失措的五秒後定神過來，我倆不約而同四目交投，又對眼前熱情的火焰嘖嘖稱奇！比火燒一燒，令個雞煲更香！再煮一陣就食得。雞肉肥美又嫩，最緊要就係雞煲嘅汁煮晒入去，夠惹味！好開心，好多朋友都唔食得辣，即使約埋一齊食雞煲都未能盡興，今晚我呢個重口味的朋友係少有食得辣的，於是我哋可以任性地食辣啲！辣辣燙燙的雞肉

之前都聽聞過有，這間做芝士雞煲做得好出色，但一直都冇時間去試！今天放假就相約，在長沙灣工作朋友共進晚餐！ 我們到達大約七點鐘，雖然今天非常熱，但已經座無虛席！ 入坐後店員解釋兩款招牌雞煲嘅特色！朋友知道我鍾意食辣，所以今晚就挑戰火焰麻辣雞煲🤣！ 睇落價錢都經濟實惠，人少仲可以叫半份名副其實火焰雞煲件件都大大隻雞俾肉，入口嫩滑新鮮手切牛頸脊，油脂分布平均👍🏻😋😋白膳片，非常肥美😋豬粉腸/黑松露蚧子魚麵 香濃麻辣湯再配上魚麵超正😍😍入口非常彈牙店員非常細心，知我鍾意食辣另加超辣麻辣汁比我👍🏻冰凍咸檸7

今晚同老公諗食咩，諗好左去荃灣食雞煲但佢臨時要先去深水埗拎野，咁咪睇下深水埗、長沙灣附近有無雞煲食點知就中晒伏無訂位、姐姐睇一睇之後都好快安排位畀我，佢見我唔係好方便，仲專登安排一張卡位畀我同老公，坐得舒服👍🏻講返雞煲中辣點解我話非常伏，首先未食、見啲色怪怪地，好似溝咖哩咁嘅色雞係好大舊，啖啖肉，淨係雞脾肉。但我同老公都唔鍾意，即係雪藏雞啦到味道，差到一個點⋯唔夠辣，帶甜味，似泰式野咁⋯好怪同平時食開嘅好唔同，好唔啱我地口味叫左竹笙釀墨魚滑，細手切牛頸脊，響鈴，薯粉我最喜歡響鈴同薯粉，前者唔會好油，薯粉就係重慶酸辣粉果種粉

米走雞就在父母家附近，每次經過都好想試試她們的芝士雞煲，然而幾次都撞正紅日爆場，又不想等位就沒吃到,今次星期三黎到，人不多，終於一試~先點了些前菜開胃一下~拍青瓜秘製醃料酸酸甜甜，青瓜爽脆，作為前菜好適合~我們一行四人，點了芝士及麻辣各一鍋，選了"小"的size，可以兩款都試齊！芝士雞煲勁吸晴，真係想即刻放入口，不過要煮一陣先食得~一打開蓋，香濃既芝士味就飄出~非常香！雞肉肉質嫩滑，每件都掛上"芝士醬",芝味十足！芝士控必試~~麻辣雞煲又係勁香，店員叮囑不可隨便開蓋，原來因為雞煲內加了酒，要蓋上蓋焗煮一陣，然後店員會用火機燒一燒令雞煲出火~如果中途開了蓋令酒精揮發掉就沒有火光效果la~~食完雞就開始加湯打邊爐~竹生墨魚卷墨魚滑釀入竹生裡面，幾特別，值得一試~竹生吸了湯液，墨魚滑解味彈牙，原來兩者味度同口感都好夾!花膠又厚又大塊，口感一流，黏度十足，骨膠原啊！！脆鯇魚腩肥美爽脆肉厚脆鯇魚片每片厚薄一致，薄薄一片所以口感更脆身，而且份量很多虎蝦不是生猛跳跳札的，但口感也是爽甜鮮味~手切本地牛(小) 必食啊！！紋路非常靚~~脂肪分佈好平均，輕輕卓幾下就食得，入口半溶，牛味濃，油脂味也香~~桶

香港人中意打邊爐，任何季節，任何時候，人多與人少，都可以打邊爐。而雞煲更可以話係邪惡化身，佢比打邊爐嘅湯底更惹味香口，更加容易食上癮。但今日，我同朋友兩個人，決定去打大佬，就係食芝士雞煲。我地我兩個人都係芝士迷，又係吃貨，任何有芝士嘅美食當然不能錯過。芝士雞煲比芝士火鍋吸引，因為一開始雞煲嘅香料本身已經好惹味，再加上食完芝士雞煲，用呢個湯底打邊爐，揀自己中意食嘅食物，比起一般不外乎沾麵包、香腸更為啱合味。當中邪惡之最，一定要選響鈴。一下浸入個芝士雞煲之中，沾滿黃金色芝士醬，真係好味加罪惡感爆登。不過呢啲咁邪惡嘅野，奉勸大家少食多滋味。真係有腎病病人食完雞煲第二日就bye bye喇，各位量力而為啊。

好耐之前食過好好味 女朋友想試好耐今晚見冇乜人就去咗食啦 竟然walkin都有位 搬咗鋪同裝修都靚咗坐得舒服好多 我哋叫咗一個細嘅芝士雞煲 加竹笙墨丸滑 油麥菜同埋脆鯇腩 雞煲賣相唔錯 不過食第一舊就感覺同以前唔同左 食多幾舊就知道咩事啦成個雞煲都係雪藏雞脾肉同平時食開嘅傳統雞煲既雞完全唔同 啲雞似係蒸過嘅雞 即係好似酒樓雞扎個啲雞 好失望 芝士味都唔係好夠濃 算啦當普通打邊爐咁食一餐 樓面幫我地加左啲芝士湯之後我哋就落埋其他野啦 竹笙墨魚滑粗幼不一但係味道唔差 竹笙吸晒啲芝士湯加埋入面墨魚滑感覺幾得意係好食嘅 脆鯇腩都算脆嘅不過有啲腥 油麥菜都算係咁冇乜爛 淥一陣就食得埋單421 好似唔係好值我哋大家一致認為唔使再尼多次另外我哋坐正廚房門口個地下好"線"

近日公司人員流失，人手不足，工作量增多，下班已經不能準時。幸得朋友間的體諒，相約飯局遷就我工作地點。忙碌工作後與友相聚，吃好一點是常識吧！火陷麻辣雞煲(大) $188來到米走雞，顧名思義是吃雞煲。由於在坐都是麻辣之友，就選了火陷麻辣雞煲。先把雞煲煮至半熟狀態， 再在煲肉點火，麻辣香即時湧出，還帶有微微酒香，非常吸引。待一陣子火陷熄滅後，將雞件在煲內炒幾番，就急不及待要夾起來吃了。雞件件件都大件厚肉，雞肉滑彈入味，吃完雞件後，就可以打辣湯打邊爐。新鮮牛頸脊(大) $198 牛肉對我來說是打邊爐的必需品，沒有牛就不是打邊爐。火陷麻辣雞煲(大點了牛頸脊，牛肉十分新鮮，肉質嫩腍帶有香羶味，不韌不鞋口 虎蝦 $98虎蝦蝦肉結實軟彈，肉嫩口感彈牙。 黑蟹子墨魚滑 $88墨魚滑是我的打邊攎必食之選。一般都釀有蟹子，但用上黑蟹子就很少有。墨魚滑軟彈爽口，配合黑蟹子增強鮮味及豐富了口感！ 油麥菜(全份) $40翠綠鮮嫩爽甜，建議不要淥太久，否則會太辣及失去菜味 即炸響鈴卷 $48這裡的嚮鈴比一般的長， 在鍋裡淥兩三下已經足夠，外層鬆脆內裡軟腍，濃郁湯汁緩緩滲出 美國桶蠔 $148十分大隻肥美鮮嫩，蠔汁豐

一牽涉到港男港女的話題，一眾港男港女總樂此不疲，由最近最收得最多noise的電影和電視劇可見一班。綠茶紫薯拉絲成為諷刺一眾只懂隨波逐流、飲食品味差劣人士的代名詞，當中泛指港女。對港男港女議題已一早厭倦，當中那種把女性歸類單一化的落後思想更不堪入目。若你真心喜歡綠茶紫薯拉絲，那就請繼續喜歡，不需要因人家不善意地說幾句就改變初衷。從少喜歡芝士，你看tasty的影片，能找到一味餸沒加拉絲芝士也不易。但拉絲也有分言之有物與言之無物的拉絲，這裡是前者還是後者呢？大雞煲好像$200左右，上面是似曾相識在烘焙鋪也能買到的急凍水牛芝士碎。店家會很尊業地細心觀察，讓芝士雞煲烹煮一會，再遂枱遂枱替客人把握最佳時機打開煲蓋，完美開動。不至於瘋狂拉絲，配上切得大大片的紫洋蔥，屬於西餐的味道，食味上與傳統麻辣雞煲一點關聯也沒有（這裡也有麻辣雞煲供應）。雞件很多，厚肉少骨，份量非常足。少了麻辣的掩護，雞肉冰鮮感強烈。雖然加湯也是加橙黃色稀稀的芝士湯，但不太建議加，因不知為何這裡的店員一加湯就好像一定要加滿才方休，令芝味大減，淡而無味。最令人回味是最尾加個即食麵，掛汁芝士撈丁，只能說活著而不怕死多好。這個三四十蚊的

這天朋友相約去吃雞煲, 但地點選在長沙灣或荔枝角, 正好想起常去的這家米走雞於長沙灣亦有分店. 米走雞是我最愛的一家雞煲專門店, 既然就近有分店自然是我的必然之選. 這家分店於長沙灣地鐵站走大約5分鐘左右便到, 店面是2個舖位相連. 長沙灣的這家分店應該是比較前期開店, 裝修較簡單及中式化, 但地方尚算整潔. 餐牌的食材價格, 種類與其他2家分店相同. 幾款喜愛的特色食材均可選擇. 來米走雞已有3,4次, 但最近3次都是吃麻辣雞鍋的, 有人愛點芝士雞, 這次也不例外地點麻辣雞. 較為失算的是帶了一位不蔥不蒜不芫茜的三不朋友, 只好著店員另上這些材料. 幸好的是這裡的麻辣鍋做得頗出色 雖沒有蔥蒜芫茜的輔助, 雞煲的味道還是很不錯. 而且這裡也是有店員代為控制火候, 雞件控制得剛剛好而鮮嫩. 以味道以言, 這家是我吃過最好的麻辣雞煲. (最好的方法當然是不帶這類型的三不朋友.)第一款先吃的是黑蟹子墨魚滑, 先把黑蟹子均勻撈進墨魚滑裡, 稍稍灼2,3分鐘便輕易灼熟. 肉質彈牙有鮮味, 不錯. 白蟮片切成薄片"起雙飛", 這樣的切法讓白蟮灼的時間較短而且較爽脆彈牙, 可惜點了一碟後已沽清, 只

一直都係米走雞既FANS, 已經係旺角同銅鑼灣分店食過, 今次黎到長沙灣分店, 聽聞觀塘分店都開業tim, 下次去試埋先, 食雞煲識食緊係食米走雞啦~~真係食過最好食既雞煲店!! 火鍋配料算齊, 仲有d係其他火鍋店無既配料tim~~ 火焰麻辣雞煲 (中辣)   HK$148每次基本上我地都還是選傳統既火焰麻辣雞煲, 因為食完一次芝士味, 還是覺得火焰麻辣雞煲最正, 每次店員黎燃點火焰時都會覺得好震撼! 而且我真係好喜歡此店採用全雞腿肉, 食落啖啖肉又夠鮮嫩, 中辣既辣度又啱啱好, 非常入味~~美國桶蠔     HK$148夠大隻又肥美鮮甜白鱔片       HK$88爽口又夠彈牙黑松露蟹子魚面        HK$138黑松露蟹子魚面一定係呢度既招牌配料, 好香黑松露味, 食落卜卜脆又彈牙, 配埋個黑松露蟹子醬, 味邊更突出, 絕對係必食之選~~豬頸肉              HK$68夠嫩又爽口日本廣島蠔 (6隻)      HK$78雖然無桶蠔甘大隻, 但蠔味比較濃, 但同樣鮮甜日本鮮帶子      HK$108帶子都好大粒下, 又夠厚身, 又夠新鮮虎蝦 (6隻)       H

My families and I went to a chinese restaurant called "Running Chicken"(長沙灣米走雞) located in G/F., 383 Castle Peak Road, Cheung Sha Wan(長沙灣青山道383號地舖).I had been the Causeway Bay and Prince Edward branches of this resturant before.But the decor of this branch is totally different from other branches.Chinese water ink landscape paintings/ Shan shui paintings(山水畫) and Chinese carved wooden wall decors are hanging on the walls.Lamps with Chinese calligraphies are hanging down from the ceiling.I love

朋友話不久前試過芝士雞煲覺得好正，聽佢講得咁吸引搞到好想試，決定去試下芝士雞煲專門店，聽個名都知夠霸氣我地叫左半隻雞，雞既份量都唔少，不過略嫌d雞斬得太大件，不過都算係啖啖肉，芝士雞煲真係超多芝士，而且好多洋蔥，肉味又甜又香打邊爐點可以冇炸魚皮，份量好多，而且魚皮夠新鮮夠脆，仲加左少少7味粉，野味d超大舊響鈴，相信係鋪頭自家製既，一樣好新鮮好脆，芝士雞湯浸完好入味，而且好大塊，食一塊都好滿足黑松露蟹子魚麵，呢個好正，鍾意黑松露既朋友可以一試，好有黑松露味，而且魚麵彈牙

芝士我中意，雞煲我都中意，芝士+雞煲=點會唔中意米走雞已經開左三間店，而今晚我就選擇喺長沙灣分店用餐，間唔時經過都見到都好多人，但最近搬左新鋪1間變2間，新淨座位都好舒服，特別一提廣東話唔正位姐姐，服務好好，笑容十足。餐廳以芝士雞煲同麻辣火焰雞煲作招牌，各有特色相比下，我覺得芝士嘅味道同一個芝士即食撈麵好似，食完雞後加湯仲會加芝士湯黎做火鍋，絶對唔會食食吓無咗芝士味嘅情況。而麻辣味當雞煲上枱前姐姐已經千叮萬囑唔好打開煲蓋，等到雞煲煲滾後她會幫我們炒香先食得。就在煲滾時姐姐打開煲蓋，呢刻有一古好濃郁嘅酒香向我個鼻湧過黎，令我忍唔住打左倆個噴嚏，姐姐就喺呢刻將雞煲點起火焰，原來酒香就是為了這團火雞煲味道做得不錯，唯獨為了配合朋友麻辣感未能去到刺激情度所以我投火焰一票。火鍋料都好多選擇，上方係花膠，塊塊都好厚，下方係墨魚滑，外層用竹笙包住，味鮮至餘口感更出奇地夾，竹笙吸晒湯，而內裹仲有墨魚肉嘅咬口，我好中意。白鱔片同脆鯇腩原本想要美國桶蠔，但售罄所以就要日本蠔，都好鮮，又唔會浸一陣就縮水。本地手切牛頸脊，雖然係細但$188份量好多，記住浸耐少少，等牛油脂溶解後牛味更香濃。虎蝦 size都算大

芝士雞煲，淨係聽個名都知邪惡度爆燈，朋友之前試過米走雞覺得食過返尋味，所以今次決定要組返個四人雞煲團黎食多次。放工近近地就揀左長沙灣呢間開餐，一早book好位唔使等位即刻有得入，準備開餐喇首先叫左個前菜涼拌木耳，味道唔太辣，都幾開胃雞煲出場，面層舖滿芝士，見到都流晒口水芝士溶晒之後，店員都會建議先食晒d雞，濃濃芝士味，雞肉好滑，由於同朋友都係想叫多d配料，所以叫左半隻雞都夠食炸魚皮，好脆口，浸落芝士湯到好正。份量好多，四個人食都夠蜂巢冰豆腐，索左湯汁之後好味虎蝦，隻隻都大大隻，好新鮮黑松露蟹子魚麵，必點之最，魚麵食得多，黑松露加埋蟹子令魚麵更加鮮味同彈牙廣島蠔，大大隻啖啖肉響鈴，又係必點，見到嚇一跳，好大條幾條已經罷晒成個煲，索埋湯汁冇得彈隆重推薦：霜降和牛！！幾乎入口即溶，一食就知係靚野，正仲要唔係得果幾塊，又係滿滿一大碟最後埋單每人二百幾蚊，唔算貴，建議可以約多幾個朋友食，因為每碟份量都比較多，多人食可以叫多d野食

個地點本身都唔係旺區，都幾難搵。 又無泊車。但一樣要推介。 因為佢啲嘢真係唔錯。 一入去就已經聞到好香麻辣雞煲味。 坐下， 二話不說，點一個麻辣雞煲同芝士雞煲。 麻辣的要了中辣。 恰到好處， 有辣味道又唔會蓋過雞味。 仲有好足料， 啲雞骨肉均稱 。 跟住食埋個芝士雞， 夾住芝士食好正。 可惜個爐太猛，食唔切，有啲燶底。 當食完雞後，添加了湯便可以打邊爐。 但係最失敗是選了不辣的湯。 加入湯後，整個煲失了味道，大為失色。但其實打邊爐的配料也很出色。 其中推介的有響玲和蝦滑。 兩樣都不是新奇玩意。但這家的響玲不但鬆脆而且有豆味。 而蝦滑就加了原隻蝦肉， 增加了咬口。