米走雞 (昭德大廈) (已結業)

大半年前來食過，一直都對佢個超濃芝士雞煲念念不忘！今次出來，發現原來搬左鋪！裝修過有卡位坐，比以前舒服好坐左好多！我地叫左個芝士雞煲(小) $158，再點左雪花肥牛、虎蝦、餃子拼盤、wasabi墨丸、菜…其實個雞煲兩個人食一d都唔細！食完已經飽左6-7成~好鍾意佢既芝士係咁濃!!食完晒d雞，就可以叫芝士湯，加其他食材落去打邊爐喇～我地眼闊肚窄, 叫得太多野..........特級雪花肥牛(小) $98一上台，比佢既份量嚇親！好大盆!!脂肪比例幾好，抵食！鮮製四拼餃$88，皮薄餡靚! 每款有2粒～最愛鯁韭菜餃！虎蝦勁大隻啊~ 新鮮彈牙的 最重要係叫出前一丁！！超creamy超芝士!!令人再三回味!!一定會再來hahahah！

喺屋企樓下有一間越做越大嘅雞煲火鍋店， 新開張嗰陣時門口長期有一條龍出現， 宜家熱潮過後人龍看起來少咗， 其實因為店擴充了多一間， 舒緩到緊張的座位！ 說的是這間名為咪走雞的雞煲店， 馳名的芝士雞鍋令一衆吃雞煲的人士為之瘋狂，包括我！ 不過說實在價錢也成正比地相對會消費較高， 不過正所謂一分錢一分貨， 好吃的貴少少也值！芝士雞煲吃多了 ，偶爾也會試試火焰麻辣雞煲，這雞煲配料洋蔥、西芹、芫荽、乾辣椒以增加味道~ 一開始會以大火煮沸，煮沸時切勿開蓋~ 等待服務員點火炒香，然後加入麻辣濃湯(≧∇≦) 記得服務員再點火時不要太靠近火頭喔！ 更不要為了拍照影相忘形而燒著頭髮呢！ 等待再次沸騰後，就可以先吃雞件！ 這時候那種麻辣的香味火速直奔鼻子內！香到呢！！ 這裏的雞件特別之處就是每一塊都是雞髀肉， 所以不會吃到平常骨慘慘要勁吐骨， 反而每一啖都是結實彈性的大髀！ 而且就算是二人份量的小煲， 也起碼有十五件肉以上， 所以淨係食個煲已經飽左一半！ 而且那個麻辣很香又夠麻，超好味！吃完雞腿就可以加湯吃火鍋料！ 一邊吃麻辣一邊嘆番杯汽水也是人生樂事呢！ 這裏的牛肉也很出名呢！ 所以我們叫了兩款來吃！

同幾個朋友小聚慶祝，其中有人介紹就來到這間位於長沙灣的米走雞～野食價錢同一般既火鍋店都相若，對比屋企食就一定貴，但以出街食比較就差唔多～原來我地唔打算叫麵，因為個雞好正！但有人唔夠飽😆唯有臨尾加個出前一丁～本來好唔想加，因為以麵來講，比較貴，大概$10個麵，但加左落去果刻～好正！好想再加多個！因為d麵吸哂d芝士湯底，好正！愛吃芝士又愛吃麵的話～特別推介加個出前一丁～貴但值！真心Like！題外話～果到仲有棋可以玩～唔介意人多迫少少都真係唔錯既選擇！

今晚約左舊同學食飯聚舊，大學畢業後難得地約出黎吹下水。呢頭佢最熟，米走雞亦都係佢極力推介，我就抱著即管一試既心態睇下佢係龍定鳳！原來都有唔少明星幫襯過，質素應該都有返咁上下水準。明星效應，對我呢d咁膚淺既人黎講，未食已經先加一分。米走雞兩大王牌，分別係芝士雞煲同麻辣雞煲。可惜我地都冇辣不歡，一致地選擇左麻辣雞煲，至於芝士雞煲，唯有有緣再聚～雞煲一上果陣平平無奇，點知原來內有乾坤，侍應之後幫我地點火，一信間變成火焰雞煲，名符其實係真。火雞煲。啖啖雞脾肉，嫩滑多汁，莞茜、洋蔥令整體既麻辣香味更突出。食得雞煲點少得配料？兩個愛牛之人當然叫左碟牛頸脊，肉色紅潤，師父既刀工亦唔錯，肉身夠薄。靚牛肉打邊爐淥兩淥就食得，濃濃既牛味由內而外地散發係口中，十分推薦一試！另外，我地都叫左一份手打五寶丸。五種肉丸各有兩粒，當然二人平分，大家都可以食均5款。肉丸真材實料，更有咬感彈牙，手打果然唔同d。最後，我地都叫左一盆雜菇拼盤清清腸胃，埋個靚尾。份量唔算多 ，但勝在新鮮。無論係味道、材料、價錢，呢間餐廳都係值得推介。可惜位置有d偏僻，若果唔係有朋友推介，可能我已經走雞～

平時打邊爐去開銅鑼灣尖沙咀，今次近近地係屋企付近米走雞好評如潮，所以都無擔心過食完後仲要俾我想像中好份量多，食材新鮮$158招牌芝士雞，爆多芝士，大大件雞，仲要差吾多有成10件，啖啖肉芝士溶左之後，沾滿全部雞件食完雞之後再加湯，全煲香濃芝士湯底$188牛脊超大碟，又新鮮，脂肪分怖均勻$88白鱔厚度平均，肉質嫩滑$78 廣島蠔，無咩雪藏味，肥美爽口$68 手打墨魚滑，大大粒，又彈牙$12 皮旦，如果有薑配就一流，美中不足$20菜苗,勁低，大大份，又新鮮，生食都無問題呢度真係勁抵食，全部都好大份，價錢比出面平勁多

琴晚同朋友一齊食雞煲。雖然我怕辣，但朋友十分堅持，所以我們還是去食雞煲。雞煲可以揀小辣，辣度是我可以接受的。同大部份餐廳一樣，都係用電磁爐。但係煲左一陣，店員用火槍燒一燒個煲，效果好震撼。雞煲味道濃郁，如果我食辣嘅話，會更加好味。另外，我地食的牛肉都好好，唔會肥，但係有牛的香味。我地仲叫左一份脆肉鯇，雖然我唔鐘意鯇魚的味道，但依個脆肉鯇，口感真係好爽。不過最值得讚嘅係，蔬菜都好乾淨，明顯係有心機洗過，可以放心食。

  晚市放題我地揀左最便宜嗰個火鍋—豚肉&美國牛肉。有多種味道嘅湯底，但點心就有D怪,估唔到D點心會係凍上,要自己再放落鍋度煮,煮完其實會變晒味,就好似呢個水晶奶皇包咁,本身係甜既,放入鹹既湯度煮,完全唔夾!牛肉一塊塊咁掛係度好吸引,呢隻安格斯牛雖然話係肥牛,但又唔係太肥喎!而且牛味夠濃!LIKE!另一個鍋哩，則是龍蝦鴛鴦湯鍋，大家可先淺嚐一下，番茄味會較重，另一邊則是較淡的龍蝦清湯~同樣嗜辣的我們難得見面，當然要吃我們都十分喜愛的麻辣火鍋了。我們book了七點半，但book位時己說明只只可坐到九時，感覺時間有些趕。餐廳位於地下一層，上面剛巧是另一間有很多人排等位的餐廳，人多時，會擋住樓梯口，因而不小心便會找不到火鍋店的門口…

之前同朋友嚟咪走雞食火焰麻辣雞煲，未有機會食到黃金芝士雞煲，發誓點都要嚟食返。今日終於同朋友去食咗啦 ! 我覺得黃金芝士雞煲同火焰麻辣雞煲兩個都不相伯仲，各有各支持者。但除咗雞煲湯底要出色之外，材料新鮮好食就係重點， 咪走雞啲材料就絕對係高質素啦。芝士雞煲真係全煲芝士, 睇住佢慢慢溶，真係好興奮。 佢係可以拉到芝士出嚟㗎 佢雖然好多芝士，食落口一啲都唔覺得溜， 而且芝士味同雞煲本身嘅味道恰到好處，唔會蓋過隻雞本身嘅味道。隻雞都好大件同啲肉都幾 滑。 真係建議大家叫個出前一丁公仔麵整番個芝士撈麵配料有冰豆腐，鮮炸響鈴，同手打五寶丸。冰豆腐完完全全咁吸曬芝士煲嘅精華， 呢度嘅鮮炸響鈴同手打五寶丸係絕對出色。鮮炸響鈴除咗好大條之外，佢嘅豆腐味仲好重，最重要係即使浸到佢林曬，佢都依然好有咬口，唔會一放入口就爛曬。呢度嘅手打五寶丸係我嘅賣飛佛之一，粒粒都堅足料同堅彈牙， 佢足料到係食到全隻蝦、 豬肉名副其實係有肉, 唔會得一粒粉團, 鯪魚肉係真係用真魚肉去整㗎,因為都食到有魚骨。日本廣島蠔一份有六大件， 佢煮完之後個patpat仲脹卜卜，咬落去仲有蠔水流出嚟好鮮味㗎！牛頸脊係高質超好食, 你咪

朋友第一日返新工，竟然呻個部門原來就快俾其他部門吞併，變相要做多好多工作同埋要UNDER多幾個人。為左平服佢唔知點嘅心情，所以帶左佢黎呢度，以悲憤化為食力順便聽佢訴下苦。本身想點呢度嘅招牌芝士雞的(隔離枱個個都點)，點知友人話同女友食過，所以想試另一款。估唔到有驚喜！－－－火焰雞！上枱嗰時無咩特別，同普通雞煲賣相差不多，但當店員蓋上煲蓋，等左一陣。。。着火了，燒左差不多半分鐘有多，期間散發出濃濃嘅香料，酒精同燃燒雞肉嘅油脂香味，真係令人食指大動。雞肉全部都係雞脾位，所以食落啖啖肉而且十分嫰滑。雖然我地點嘅係小麻辣，但已經好夠味，西芹花椒八角同辣椒嘅味道都好出，洋蔥仲要兩溝，白，紅洋蔥都有，令雞煲增添唔少香味，食落有啲似沙爹湯底咁。唔錯。同埋份量真係幾多下，兩個人食完個雞都飽咁濟。食完雞當然要加湯打埋邊爐啦，點左招牌五寶丸，雜菇拼盤，同埋翡翠苗。菇類洗得夠晒乾淨，抵讚。翡翠苗都好爽脆，輕灼幾秒，吸啲湯汁十分可口甘甜。招牌五寶丸：有牛肉，豬肉，鯪魚，蝦同埋墨魚，每款都結實彈牙。食得出手打的確係唔同啲。其中最鐘意蝦丸同埋鯪魚丸，打到起膠之餘仲加入蝦碎同魚肉碎，增添口感同食味。最後點多個手切牛

今年係雞年，一直都好想食雞煲，食個芝士雞煲。終於都約齊到屋企人一齊去食雞煲啦，今次仲唔使去到銅鑼灣咁遠，長沙灣都有分店。大家可以齊齊食雞煲打邊爐！！終於急不及待咁叫咗個芝士雞煲，等到佢滾左終於食得。成個雞煲面頭有好多超級邪惡嘅芝士，仲有好多洋蔥，香氣四溢！雞肉夠晒滑溜又非常之入味，雞肉咬落去夠晒juicy，而且唔會有好多骨，啖啖肉，皮又夠滑！食完雞煲仲可以打邊爐添！仲有好多材料可以叫，包括肥牛海鮮蔬菜等等...粟米同響鈴夠晒入味，粟米又夠爽口，可以吸收晒芝士湯嘅香味！虎蝦一碟有六隻。每隻都幾乎有一隻筷子咁長，好新鮮味道爽口彈牙，連蝦膏都食埋，超級鮮美手打鮮蝦丸，味道好爽口彈牙，唔似得一般既丸，入面仲有蝦肉嘅質地，好鮮味又有咬口呢個係新鮮牛頸脊，味道比一般肥牛重牛肉味，脂肪份量方面都少啲， 比較有肉味呢度坐得幾舒服，冷氣又夠晒足夠，唔會坐到熱辣辣。就算係平日都坐滿晒人，好熱鬧！食物材料又新鮮，價錢又合理，嘢食黎得又快，所以對呢度都好滿意！

見到D人評分唔錯就約埋班朋友去試下呢間米走雞(長沙灣），自問人生食雞煲都食唔少，第一次食到一間咁甩皮甩骨嘅，粗製濫造！個雞煲全部都係雞脾肉不特止，D味道古靈精怪，個所謂辣雞煲D湯甜嘅，已經係叫咗個中辣嘅雞煲，但竟然可以比甜味蓋過D辣味，之後再要求加辣，但就比咗半碗辣椒油我，加咗同無加係亳無分別嘅，只係多咗好多油係面；個芝士雞煲加咗個所謂芝士湯攞嚟打邊爐，唔知點解會變咗葡汁邊爐又係甜嘅囉！最終頂唔順叫樓面攞椒絲同豉油諗住平衡返D古靈精怪嘅甜味，一點，火都嚟，連D鼓油都係甜嘅！我忍唔住問樓面，點解D豉油會係甜嘅。佢竟然反問翻我，你要咸㗎？（仲好似好稀奇咁）咁我入去(廚房)攞D咸嘅比你啦。（真係謝主隆恩！）食物方面，非常一般，當中最中伏嘅係碟價值$298嘅唔知咩名堂嘅牛肉定牛肩脊，雖然有脂肪花紋，但一食落口，無牛肉味，D肉鞋嘅，牛柏葉超白，唔敢食，桶蠔正常，唯一覺幾好食既係手打蝦滑同可口可樂，其它就算吧啦！埋單，細嘅芝士雞(脾)及辣雞(脾)煲，每煲約2-3隻雞脾，分別$158及$148，古怪牛肉定牛肩脊$298，桶蠔$148，加埋其它垃圾，6個人一共食咗$1,568，講真我寧願去食碗雲吞麵無

打完波，去附近食個晚飯先，不過長沙灣係堅難泊車，咁好彩呢間門口有位wor ! 我班朋友先入去叫菜。一入去，見到成煲芝士，真係嚇一嚇 😲，心想「肥到爆炸ar !」我們先食雞，好重既洋蔥味，唔膩，仲好野味。當然，因為我係好鐘意食芝士。之後，就好似一般雞煲，加湯打邊邊。佢既湯好得意ka , 都係芝士，有少少南瓜味。由於是晚卡路里應該超標，所以盡叫蔬菜。原來先淮山，翠瓜苗，襯埋芝士都好特別~兩個字「清新」。不得不提，係個手打墨丸 流心wasabi，超正，有時供供下鼻 ，可以又再食多d 。

聽聞天氣會在這幾天急劇下降，所以必須要在天氣冷之前，吃一些保暖的東西。最好就是打邊爐！！但是姐姐提議吃雞煲，為了滿足我們二人的要求，就去了米走雞---雞煲和打邊爐一齊食。這裏還有芝士雞煲及麻辣雞煲兩款選擇。甫進入餐廳，充滿古色古香的格調，還有配上西餐廳的座位，不像一般的雞煲店，座位坐得舒服極了，而且餐廳內的冷氣也十足！黃金芝士雞煲 $198芝士雞煲香氣四溢。這煲雞煲大約有10至20件雞，每件也有滿滿的芝士，雞肉細嫩，吃上去充滿芝士味，而且我最喜歡是沒有太多骨，吃下去十分方便。另外，煲內還有洋蔥、蔥等增加香味的調味料。吃完雞煲，還可以加入芝士湯來打邊爐呢！真是一舉兩得呢！五香鮮牛肉 $88一向打邊爐都喜歡吃肥牛，今天就來試試吃鮮牛肉。肉質比較厚身，所以需要比肥牛滾耐一點。這個牛肉味很鮮，有點像滑牛粥內的牛肉。生菜 $22生菜十分新鮮，滾一滾就能吃出生菜的鮮味，生菜顏色綠油油的，十分爽口。特級雪花肥牛 $148這個肥牛脂肪及肉嘅分布很平均，滾一滾就能吃，而且肉味十足及入口即溶，真不愧是打邊爐必備的食物！公仔麵加芝士 $24最後吃一個公仔麵來為這餐飯畫上完美的句號。公仔麵加芝士十分惹味。本

住向長沙灣，今晚見到唔駛排隊，所以入去試下。感覺是中伏，唔明點解咁多人排隊黎食，或者係芝士雞煲好味，依到有兩種雞煲，一種芝士味，一種麻辣味。我係食麻辣個種，雞煲用雞批做，都係第一次見。如有10分，我會比4分，唔會再黎。

我地叫左個雞煲，諗住叫個桶蠔食好dd，結果桶蠔洗唔乾淨隻隻都有沙（趕收工），話明10點cut 單可以坐到12點半，d員工為左趕住收工，兩個人坐6人枱野都未食完係咁趕住汁呢樣汁個樣趕人走咁（當時都係11點正）， 為左趕收工汁野打瀉左d穢水落我袋，叫佢比塊乾淨布我抹，佢竟然唔理我自己攞布抹翻我袋邊嘅坐位先，間野仲加一服務費，佢比咩服務我最離譜係廚房竟有隻大老鼠喺度跑嚟跑去，嚇到我前面枱客都走，我都頂你地唔頂走人返到屋企仲要肚屙試問自己要求亦不算高，但呢個價錢呢個服務態度，呢d惡劣食物同衛生服務質數，就算今次係免費我都一樣會打上嚟，話比其他人聽你地係點經營生意（無良），希望睇到嘅人，唔好中伏呢間野簡直離晒大譜，係我平世之見最垃圾的地方