米走雞 (昭德大廈) (已結業)

芝士, 有人感覺是肥膩, 會很易飽肚, 吃完易胖, 但我就十分喜愛芝士, 它的鹹味, 它的味道, 都會使我齒頰留香, 滿腔芝味; 這天, 朋友生日, 我們3人便來了這家店慶祝; 我們點了這裏聞名的芝士雞煲半隻; 金黃色的芝士, 鋪滿每一件雞, 使雞更幼滑; 一邊滾, 芝士味撲鼻而來, 十分濃郁; 半隻雞已夠3~4人的份量了;吃完雞件, 加上芝士濃湯, 芝味仍不減淡;我們點了不同的配菜, 有特大雪花肥牛, 豆卜, 虎蝦; 每樣均各具特色, 味美可口; 你看!一大盤鮮紅色的牛肉, 肥瘦均勻, 紋路清晰, 每一片的牛肉十分鮮嫩幼滑, 肉汁豐富, 烚至六七成熟後, 軟滑適中, 肉味久久不散;為甚麼我會選豆卜吃?因為豆卜的吸收能力強, 能吸收濃烈的芝士味, 使淡淡的豆卜充滿了芝士口感, 豆卜更幼滑, 咬下去芝士汁滿口四濺;而虎蝦, 一碟6隻虎蝦, 虎蝦筷子般的長, 手指公的粗, 感覺十分新鮮生猛; 而配合芝士煲, 蝦的表層帶有香濃的芝士香, 而且更幼滑, 蝦肉更爽口;雖然我們3人吃了很少, 但是可能芝士的原故, 已感覺十分飽肚了; 這一餐的芝士煲, 比意粉屋的有過之而無不及。

一直好想試佢既芝士雞煲...今日終於黎試啦！門面好sharp好易搵由於係平日6點幾到達...人流唔算多，但一到7點幾就坐滿曬人食物都多選擇，仲有提示建議你點食，好貼心❤️❤️芝士雞煲一黎，全部都係芝士❤️❤️工作人員仲好貼心咁表示要等上面既芝士都溶溶地先開煲食一打開勁香芝士味，同埋d雞肉係好滑，好好食，一開頭仲驚d芝士會食到好漏，但佢又岩岩好，有芝士香得黎又唔太漏❤️❤️之後正式打邊爐，加既都係芝士湯👏🏻👏🏻👏🏻好香好香仲叫左響鈴同蜂巢豆腐，響鈴係比平時食開既厚身，有水準！另外蜂巢豆腐一淋左，就索曬d湯汁，推介推介虎蝦好鮮仲有菜款竟然有翡翠苗，好正！竹笙魚滑，一落湯沒幾耐拎返上黎食d魚滑勁彈，竹笙又索曬d汁，好夾！再叫左個鹹檸七，今次既邊爐好滿足。另外，佢地仲有個麻辣雞煲都好香，下次有時間再黎試下！叫左咁多野，仲食唔曬...每人200幾蚊都幾抵！

我又黎喇今次為了方便朋友放工過來，所以選擇長沙灣分店。數數手指，米走雞的太子，觀塘，長沙灣分店都去過了，現在只差銅鑼灣分店還未去過，下一次等我去埋先，哈哈!! 不知不覺間做左粉絲添～一進入店舖，感覺整潔乾淨，餐具已一早整齊擺放好～我跟朋友都不吃辣，所以今次都是點黃金芝士雞煲(小)～焗了一會，員工告知可以吃了，一打開蓋子，雞件上全是滿滿的芝士，紫洋蔥，份量十足，雖然吃過幾次，但看到這個畫面依然非常興奮還有這個拉絲畫面，超級邪惡但我不客氣啊!!雞件選用雞脾肉，肉質嫰滑，一定不會鞋口，加上雞件沾滿濃郁香滑的芝士，份外美味，即使吃完也不會覺得好漏，芝士控必定喜歡💕吃完芝士雞煲後當然唔夠喉，加了芝士湯轉做火鍋，雖然雞件份量蠻多，但無阻我們再點火鍋配料～自從在米走雞吃過牛頸脊後一直念念不忘，每一次都必點新鮮牛頸脊(小)，今晚也不例外另外，點了鮮製四拼餃，鮮炸響鈴，出前一丁加兩杯飲品～嘩⋯⋯最期待的牛頸脊出場!!牛頸脊脂肪分布均勻，入口即溶，牛味十足，真心推介 食肉獸一定會愛上～ 而鮮製四拼餃有不同的包餡，滿足各人需要～鮮炸響鈴比平時吃到的大很多，響鈴吸收芝士湯後，好吃到不得了!此時已開始飽肚，但輪

雞煲是我喜愛的食物之一，平日多數都是食麻辣雞煲，這次去米走雞就選擇黃金芝士雞煲，整個雞煲都充滿芝士，食完後再加湯打邊爐，真的非常邪惡! 去的時候是閒日，店內不算多人，兩個人也可以大卡位。 每次去米走雞，都選了麻辣雞煲，這次終止試到黃金芝士雞煲，有幾種不同的芝士，只食芝士都可食飽! 相比起麻辣雞煲，芝士雞煲較淡口，雞肉很嫩口。 兩個人叫了小的芝士雞煲，蠻多雞的，三至四人食都足夠。 食完雞煲，就可加湯打邊爐。 我點了鮮炸響鈴，是即炸的，上枱時還是熱的，喜歡它炸得夠乾身同脆口。 芝士雞煲是沒有辣味的，個人很喜歡吃辣，所以問店員拿了辣椒醬油。 食完雞煲，已飽了七成，但又想打邊爐，好在有的配料可以點半份。 半份蜂巢豆腐，有4 件大的，點辣椒醬油好好味! 這個手打鮮墨丸比我想像中大粒。 墨丸蠻鮮味，像在吃新鮮墨魚滑。 鮮製韮菜餃一碟有八件，份量算多。 韮菜餃是鮮製的，味道不錯，不會有太多味精。 我還點了辛辣麵，用芝士湯底煮辛辣麵，再配點辣椒醬油，別有一番風味! 原本想點多點蔬菜，但怕兩個人吃不完，所以只點了雜菇拼盤。 平時食雞煲多數飲汽水，這裡有凍檸檬茶實在太好了，別得太飽可

好多朋友鍾意食雞煲 我對雞煲就麻麻哋但係比我知道左原來有芝士雞煲！我就想試啦！今日同朋友兩個人黎到，當然就係為咗試吓呢度嘅黃金芝士雞煲啦因為今次我哋得兩個人，所以叫咗個細size黃金芝士雞煲有分大同細架，如果少少人嘅話都係叫小啦雞煲嚟到，熱辣辣已經聞到好濃嘅芝士味好香呀。急不及待食哂入邊嘅芝士雞， 其實食完都幾飽😂但食雞煲一定要加配料啦， 於是我哋就揀咗個鮮榨響鈴響鈴，浸幾浸，就食得好脆嘅響鈴，唔會好油加埋芝士好夾，好邪惡好好味！食完啲嘢叫埋嘢飲啱啱好我哋叫咗檸樂同凍檸茶正呀輕輕鬆鬆又一餐普通雞煲我就唔啱啦，但芝士雞煲就係我杯茶🤓下次再嚟食過，但建議多啲人一齊來， 咁樣就可以食多啲配料啦！否則食完個雞已經好飽😂

米走雞其實已經係我第二次黎食喇。上次食完咀lam lam，食過番尋味。而今次約埋老死一齊黎，同佢慶生食飯。 我依個老死有啲特別，就係好多嘢都唔食。咩芝士呀，菇類呀，蛋呀，總之有奶嘢呢佢都唔鍾意。 同佢出去食飯都有啲頭痛㗎，而今次呢個麻辣雞煲呢就啱曬佢啦。 店舖裡嘅裝潢有中國風味，古色古香。坐位都好舒服，有六至八人卡位，亦有啲二人枱供啲情侶選用嘅。由於我個friend呢係極度唔鍾意食芝士，食親佢都會嘔，咁我唯有食番麻辣雞喇。朋友對依個雞煲讚不絕口。原因係除咗佢鍾意入面嗰三樣配料-芫茜,蔥芹,同埋洋蔥之外,佢仲話麻辣嘅辣味好適合佢。雖然我哋只叫咗bb辣唔算好辣，但係都滿足到我哋鍾意食刺激野嘅味蕾，而且依個辣味唔係出面其他雞煲可以食到。依度個辣味有啲甜甜地，亦好惹味，令人越食越想食。而啲雞肉就好嫩滑，啖啖肉。我食第二次都覺得依然係咁正嘅。 我哋兩個好快咁樣就食完啲雞。之後當然就係打邊爐啦! 其實我哋食完半隻雞之後，已經有一半飽咗, 只要啲菜個肚已經滿足。我哋叫咗一碟大嘅雪花肥牛。牛肉嘅花紋好靚，色澤鮮明，一睇就知係新鮮肥牛。絕對唔似任食嗰啲雞煲咁，畀啲完全唔新鮮色澤又啞暗嗰啲牛肉畀你。 食落

成日都食火鍋，試吓啲特別啲嘅先嚟到長沙灣依家咪走雞，之前已經好出名排晒長龍今次就嚟試吓佢啦 聽啲朋友講佢都係一間好唔錯嘅火鍋店鋪頭嘅位置都容易搵，佢有兩個鋪位，可以坐更多嘅客人。黃金芝士雞煲$158芝士雞煲材料包括芝士碎、洋蔥、芫茜、雞肉。食落芝士味好重，超香，芝士份量有10分多，10分驚人，煲滾左之後仲可以拉絲。不過未滾之前，千祈唔好郁果煲，會竉咗架。午餐肉半份$22幾好食嘅，口感唔錯。蜂巢冰豆腐半份$22呢個好特別，好少地方有得食，索左湯汁之後好味，未試過可以試吓。手打五寶拼盆$88各五寶丸呢真係好正啊，可以嘗試唔同嘅嘢，五種肉丸各有兩粒，肉丸真材實料更加有咬口，手打果然係唔同啲。紅薯粉＄14食落去個口感都好正配埋個芝士湯底就正啊整體感覺呢非常之正呀，下次同朋友聚會都可以再多試吓其他嘢。

難得可以準時收工，朋友說想試試這間餐廳，原本想吃芝士雞煲的，但由於我今日在公司吃了下午茶，還有點飽，朋友又想試麻辣火鍋，於是棄雞。麻辣火鍋叫了少辣，因為我們喜歡辣但吃不下很辣，內有數塊豬皮，挺大塊的，很久無吃過了，豬皮吸收了麻辣火鍋的汁，爽口又無羶味，頗辣的，不錯呢！見好多人食牛頸脊，鍾意食牛肉的我又豈能錯過，叫了一盤小的，都很大盤喔！肉熨20秒左右就剛熟，最嫩最有肉味最好吃，我吃火鍋大多數都不會落調味(點醬汁)，感覺才能吃到食物的原味！美國桶蠔是朋友最愛之一，共6隻，全部大大隻，十分肥美又新鮮！虎蝦是我們倆都愛吃的，一樣是6隻，很大隻、很新鮮、蝦肉結實彈牙，蝦膏甘香美味！還點了一份翡翠苗，太散了，雖然喜歡食，且很新鮮，但不方便打邊爐吃其實聞到隔離食芝士雞煲，真的好想試，唯有下次肚空空時再食，就不怕太膩! 員工有禮，坐又舒服，食物款式多又新鮮，所以價格可能相對貴了點，但多人一起吃，都差不多，因為食物質素很值得(≧∇≦) 鋪名果然無改錯😂

星期一去咗長沙灣道買啲嘢,跟住經過有間火鍋店見到有好多報道貼左係間鋪頭嘅門口,所以停咗喺度望咗陣。見到好吸引，所以走左入去食火鍋。呢間火鍋店出名係黃金芝士雞煲。但係因為我朋友話芝士會太膩，兩個人食唔晒，所以我哋叫咗去另一種特色火鍋-火焰麻辣雞煲。估唔到佢哋呢個麻辣雞煲都好有特色，因為首先佢哋要煮滾咗個雞煲，跟住點火落啲雞度，好似用明火咁樣燒下燒下跟住再落啲辣汁落去煮煲等多一陣。嗰啲麻辣雞香味就已經係一震震咁樣一漂入我個鼻嗰度啦。其實我已經急不及待想食架啦。但係個服務員叫我地等多陣，因為啲雞未熟晒。等咗一陣服務員一打開嗰個蓋，我就即刻夾咗嚟食啦。其實個雞都幾滑，唔錯。同埋佢嗰個麻辣醬汁我覺得真係幾香濃架，好味。之後我哋叫咗好多嘅食物，重點要講講佢嗰個韭菜餃同埋牛肉片，真係一絕啊！記得一定要叫！總括嚟講呢間鋪頭個環境唔錯又乾淨又光猛，仲坐得幾舒服添。啲服務員態度又非常之和藹可親，同埋就算幾忙都係笑笑口咁架。咁都真係幾好嘅，因為食火鍋最驚就係見到啲職員黑口黑面架嘛。以下就係我地叫嘅嘢食：鮮炸響鈴$48-呢個自家製嘅鮮炸響鈴，非常之脆，好有口感，因為比一般嘅係響鈴厚少少，仲有香香地嘅豆香味。鮮

今日係荔枝角跑完步好肚餓, 所以去左打邊爐, 哈哈, 記得係長沙灣有間芝士煲好出名, 於是同埋個朋友一齊去, 嘩….咁夜都仲有咁多人, 好彩仲有張枱, 一坐底就緊係叫個返個芝士雞煲先啦, 滿滿的芝上包住大大件的雞, 啖啖肉, 肉質仲好嫩滑, 芝士味濃, 但不會過份漏, 正!!食完雞煲, 店員會加芝士湯比我地打邊爐, 我地點左幾款火鍋配料, 有打邊爐必食既響鈴, WAO….索哂D芝士湯正到無朋友呀, 真係唔可以唔叫, 哈哈.跟住仲有呢款肥牛, 雖然我地係叫普通個隻, 但一D都唔差, 雪花分佈得均勻, 而且仲大大塊, 一D都唔硬, 厚薄適中.粟米都好甜, 可能再加埋D芝士湯一齊烚, 吸哂D精華.仲有點了菜苗, 又係吸埋D芝士湯好正, 好似食緊芝士焗咁, 哈哈, 所以話湯底真係好重要.還點了午餐肉, 芝心丸, 哈哈雙重芝士呀.仲有呢個極邪惡既公仔麵, 堅係吸哂D芝士湯, 好似食緊芝士撈丁一樣, 哈哈…今次跑完步又食返係到, 下次要跑多幾個圈先得啦.

朋友話想食雞煲，我記得長沙灣有一間米走雞，成日都有人排隊，所以我哋就一於去呢間食。可能當日落雨嘅關係，好好彩我哋冇book位都,可以直接walk in入去食。我哋兩個人，所以帶咗一個芝士雞煲（細） ＄158 ,冇幾耐就送上雞煲，枱上面有指示，提示我哋可以等個雞煲滾之後就可以直接食，芝士味係個到邊度湧出來，勁香。份量不少，我哋兩個人食，食完個雞煲都飽左七成，雞件選用雞脾肉，骨唔算多，可以啖啖肉，雞肉嫩滑，而且斬到夠大件，起碼唔會有碎骨先。上面鋪滿芝士，但係食而不膩，係我哋食完雞煲之後，侍應就幫我地倒上芝士湯底，在滾起嘅時候咁就可以開始打邊爐架啦。因為食完個雞煲都有啲飽飽地，所以我哋就係點出兩款食物。牛頸脊（小）＄188 ,雖然話係小，帶分量對我哋嚟講都真係唔少野，平時打邊爐都係最鍾意食牛頸脊，起碼冇肥牛咁肥但係肉質超級滑，蝴蝶嘅形狀，雪花分布均勻，放落去個煲入邊滾幾下就已經可以食，第一次配上芝士汁，味道不錯，兩者都幾夾。手打鮮墨丸＄68，有八粒，我哋有得佢係個煲入邊滾，等去可以索晒啲芝士汁，但係略嫌鹹左少許。

擺左好耐都唔記得寫米走雞既食評，仲要淨係影得一張相。位置其實都唔太近地鐵站，路痴既我真係搵左陣先搵到。一行四人叫左一隻芝士雞，見到個煲真係絕不欺場，d芝士超多。據聞係幾種芝士溝埋一齊而成，d雞真係啖啖芝士味，而且雞肉好軟，肉質唔會鞋口。其實果日我地都叫左幾樣野打邊爐，食完之外就特別叫左出前一丁同芝士食呢個芝士撈丁。呢個真係要留意下，我地預左湯底會咸，所以出前一丁粉落左半包，但個撈丁我地都覺得好咸。而且價錢唔平，所以唔太推薦1516既人試。如果真係想試就加多少少湯先煮面會好少少。

一直都想食呢間既芝士雞煲好耐，今日終於有時間同朋友黎。餐廳分左2邊，每邊得幾枱所以都唔會好迫，入面都唔會油淋淋一大陣味，坐得好舒服。由於我地得2個女仔，所以叫左個細煲，點知份量我覺得可以比4個人食！老闆話佢地只會用雞脾肉，件件又大又嫩滑，真係同一般其他雞煲既細細粒，又冇乜肉既雞粒差好遠！除左大大嚿雞，仲有d洋蔥塊，乾蔥粒同蔥段起鑊，當然唔少得另一個主角芝士啦！芝士既份量都好足，做到拉絲效果其實咁多芝士話唔會濟都呃你啦，但食完雞煲之後加左d湯稀釋左就得翻淡淡芝士味，唔會愈來愈漏，可以繼續下半部分打邊爐！我地2個叫左好多料，包括一碟細既手切新鮮牛頸脊，牛肉肥肉分佈均勻，手切既厚度岩岩好，比平時食既肥牛更濃牛肉味，更有口感，十分推薦！另外仲叫咗唔同嘅蔬菜，包括翡翠苗，豆腐同雜菇拼盤，每樣都份量適中，好新鮮。而除左手切牛之外，另一推介係響鈴。睇圖都見到佢比平時個d大條好多，炸到非常脆，浸一浸落d湯到索哂d芝士味好正！仲要一碟有6條，非常抵食！整體來說，絕對會再encore既抵食店！

朋友新居入夥，所以一大班老友嚟到長沙灣 搞下 home party，見時間尚早又肚空空，同女朋友嚟試吓聞名已久嘅米走雞芝士雞煲。本身都食得好飽，所以就咁叫咗個雞煲試吓。黃金芝士雞煲 $158芝士雞煲食材包括有芝士碎、洋蔥、中芹、芫茜、乾蔥同雞肉。店員解釋雞肉呢用上雞髀肉，所以非常彈牙有口感，雞味都算紅肉。但芝士份量非常十足，實在驚人，煲滾後芝士仲可以拉絲，非常吸睛。因為芝士味過份濃郁，所以叫咗支津路烏龍茶 沖淡下口裏嘅油膩感。百零蚊兩個人，大大個雞煲，非常抵食。

其實我以前成日去長沙灣戈邊，所以已經食過幾次，今次咁岩就去到戈邊有野搞，諗吾到食咩之際決定再戰芝士雞煲🤤芝士雞煲size分為兩種（小系for 2-3人，大系for 4人) ，只可以用邪惡兩個字黎形容！等佢滾等左10分鐘左右，然後芝士同每一件雞已經融為一體啲肉超啖啖肉好有口感。食完雞煲，第2個主角就出場喇，加湯落去就變左火鍋，叫左響鈴、墨魚滑、出前一丁等等，最特別既莫過於響鈴，長度足足比平時火鍋店同雞煲店長一半 芝士加出前一丁真系好好既配搭，芝士撈丁既芝士味去勻曬我個口每一個角落～食過既人會知道以前間舖既櫈系冇得'I'今次食系比以前進步左，不論系味道定環境。