米走雞 (昭德大廈) (已結業)

上一次食完太子間米走雞之火焰麻辣雞煲後， 之後成日心思思想再食一次。 今晚決定 和太太去長沙灣分店再食一次，以解相思之苦。這間店舖雖不夠太子那間大，但勝在有兩間相連鋪，而多張卡座足夠六個人坐，我們兩個人坐夠晒宽敞。店舖裝潢富有中國特色，牆身和燈都古色古香，加上座位擺設分明，井井有序，令四週環境更見明亮。其實個人好想試這店的芝士雞煲， 因全城最出名的。但又怕腻，而太太不喜愛芝士，惟有再食火焰麻辣雞煲，好在我都好愛食， 所以我哋叫咗bb辣食下。這麻辣雞煲除了用大量麻辣烹調外， 還用了其最佳配料-分別是芫茜、蔥芹和洋蔥，令味道更佳更惹味。而烹調方法更赏心樂事，由侍應即場炮製，首先雞煲打開， 一點火便團團火焰升起，侍應便連隨落麻辣醬不停炒炒炒，大概二至三分鐘之後， 陣陣麻辣香氣狂湧而來，只是嗅已十分開胃。而我們點的小雞煲份量都唔少，有4隻雞髀肉之多。而雞髀肉質嫩滑，雞味足，啖啖大口極滿足，加上麻辣濃郁香味，令味道辣而香，而bb辣不可睇少，雞完全入哂麻辣味，好食到大汗叠细汗。食哂啲雞當然跟住打邊爐，雖然已飽到大半，但d汁實在太香濃， 當然不要錯過。 加小小湯底又可以再擦一餐，超級大滿足大興奮。最

之前路過幾次，都比門口黃金芝士雞煲幅圖吸引住，但時間唔岩一直未試到；直到今晚終於夾岩時辰，可以就到同個同樣都愛好芝士既朋友一齊試下😎除左芝士雞煲、重有麻辣雞煲或普通邊爐湯底可揀，麻辣好多地方都有，但芝士就真係唔係常見😏店員拎到黎，煲一陣，好快就可以食得😍好足料既芝士，夠「結」身唔會稀，最重要係芝士味濃而不漏黃金芝士雞煲（小）$158D雞好鮮嫩肉滑同埋份量好多，食極都食唔完🙊啖啖肉🤤🤤同芝士味好夾！店舖好體貼，配料好多都可以半份咁叫，人少都一樣可以叫多d款雜菇拼盤$42油麥菜半份$22鮮蝦雲呑$78（上）手打五寶拼盤$88（下）手打拼盤既牛肉、鯪魚、豬肉都好新鮮彈牙，係墨丸食落感覺比較膠一點不用多說，睇圖就知，用料足、皮薄、蝦爽口新鮮個煲加湯都係加返芝士湯，就算食到尾芝士味都仍然好足唔會淡五香鮮牛肉$88牛肉雖然有醃過，但烚完都唔會遮蓋牛肉本身既鮮味，反而味道更豐富紅薯粉$14其實應該公仔麵會更夾，但朋友想食薯粉，薯粉一樣吸曬芝士湯底既味😏😏呢餐真係好邪惡，但打破左我對芝士雞煲會食到好漏既睇法，好怕會從此食上癮🙈🙈

為了中秋台灣的自駕作準備，今天特意到長沙灣政府合署辦理國際車牌。完事後發現附近美食如雲，順便晚餐就約家人到此處用膳吧。米走雞主推火煱和雞煲為主。稍作研究了窗戶上張照貼的poster，決定一試。只見裝潢很新，餐台分開左右兩排，看上去乾淨俐落。椅子是梳化型的卡位，可以舒服坐享食物之餘仍然可以保留私隱。非常舒適。主推雞煲和火鍋，今晚我們選擇了火鍋。湯底大致上有四種，選擇番茄粟米湯的原因是除了湯底之外，蕃茄和粟米的份量已經足夠可以算上兩種火鍋配料了。非常抵食。煲滾了湯，先試一下番茄湯，酸酸甜甜甚是開胃。是打開味蕾的好開始。鳳城是佛山市順德區下轄的一個街道。大良街道，清末民初已經有「食在廣州，廚出鳳城」之說，順德人廚藝的精湛是全國公認的。水餃出名好食因此有鳯城水餃之稱。味道固然有咁上下水準。五拼指的是：豬肉丸、牛肉丸、鯪魚肉丸、墨魚丸和蝦丸。一個價錢可以享有五種口味。正所謂物有所值。本人印象最深刻的是墨魚丸，非常彈牙爽口，味道鮮甜，令人留下美好的印象。打邊爐怎能沒有肥牛。特級雪花肥牛，大(＄148），細(＄98）。外表如其名，尤如雪花一般，肥瘦適中，稍作灼熟就可以進食。看上去平凡無比的薯仔，想不

呢間餐廳嘅火鍋唔係任食，但唔代表食你唔飽喎，因為除左價錢抵食之外，佢地嘅食物都非常新鮮嫁！餐廳環境都幾有中式feel嘅，座位都好闊，最緊要係冷氣夠涼嘛！雙重芝士雞煲出場啦！見到雞件已經係包住左芝士，而表層亦放左好多芝士粒，所以真係好重芝士咪！雞件每夠都好大份，非常期待！店員話滾左千祈唔好攪拌，因為有洋蔥係底，攪拌先會痴底，而見到芝士一堆就知岩晒芝士控啦！雞件點煲都唔會老，而且仲好滑身tim 重點推介：手切雪花肥牛，入口即溶，每件都一樣大細，而且肉同肥膏嘅比例都好岩，所以都唔會好肥嘅！另一推介就係手打五寶丸，每粒都大大粒，而且餡料十足，特別係蝦丸，唔講真係以為食緊蝦餃咁，因為係有一隻蝦係入面嫁！非常抵食喔！

女朋友提過一年前與好友到米走雞食火鍋，比一般的好食，令我都心動了一段時間。今日途經長沙灣見到，又不用排隊當然想一試是否如女友所般好吃。只有一張餐牌紙，但有很多選擇餐紙有圖只有三個人，所以叫了一個2-3人份量的芝士雞鍋。大開鍋蓋，真的是超多芝士，好期待，還拉出一條芝士，好像到了韓國的芝士雞店。雞塊真的有超多，全部都是雞腿肉，非常娕滑，食到最後一件都不會老。吃後都半飽了……應該是有五人份量。熟透的楊蒽既甜又冧，非常可口最愛的響玲當然少不了，比平時的不一樣，比較大件及脆口，平常的響玲要3 秒時，這個可多2秒。配芝士湯底真的很好吃。叫了這裏出名的鮮制四拼餃，每一粒都比平常的大一倍，用料十足，我最愛鮮蝦雲吞，每一口都超多蝦，皮夠薄，口感十足。竹笙墨魚滑是一個不錯的配撘，通常都是分開食，沒有想過可以一同吃，竹笙的爽口加墨魚滑彈牙。紅薯粉是家人的至愛，這一款比吉X家的好吃很多，熟後精瑩通透，QQ的感覺，吃後一點都不覺得頂肚，全部都吃了。日本廣島蠔相對有點失色，雖然大粒，但沒有什麼驚喜蜂巢冰豆腐是第一次食的，比一般豆腐多孔，能吸更多湯汁，更濃味，值得一試每人約170元，都算好抵食，火鍋用料比很多餐廳新

平時很少去長沙灣、深水埗一帶，今晚較早放工，而且聽聞這間有數間分店的餐廳評語不錯，便相約友人品嚐一番。地方所限，這間餐廳設計相當骨子，但一條走廊卻貫穿2至8人枱，且環境整潔舒適，沒有一般雞煲火煱店殘留的氣味，是三五知己相聚的不俗之選。望回餐牌，有自創特式雞煲，且有一些上佳的火煱食材選擇，考慮後，我們選擇了四川麻辣湯底、牛頸脊、一桶蠔、虎蝦、翠苗和鹹檸七。由於我們怕辣，所以特別要求店員減輕湯底辣度，他們也有求必應，服務質素不俗。雖然湯度辣度降低，但對我們來說頗刺激，相信頗適合一些愛濃味的食客。湯底中夾雜數片厚切豬皮，不要小看這幾片「配菜」，豬皮本身已很有口感，而靠這些有心思的點綴，才能讓食客清楚地品嚐到湯底的真滋味。至於其他食材，我們都十分欣賞，牛頸脊的牛味、鮮嫩和肉汁；蠔應有的口感和肥美；虎蝦的巨型、彈牙與蝦膏的甘香；翠苗的清新等，全部皆乎合，甚至超越客人的期望，如此上佳的品質，絕對感受到店主對品質管理上的認真。如果想於勞碌中獎勵一下自己，或想品嚐到令您印象深刻，回味無窮的一餐，那麼大家真的要「咪走雞」了！

雞煲D雞全部都係雪藏雞脾肉, 好大雪藏味，全部係一膠膠的雪藏雞肉，一D誠意都冇，以後不會再食，火焰雞煲一D火都冇，用呢D花款來吸引客人，好心你就攞D好食少少D雞肉來做雞煲啦

這夜，忽然行雷閃電及暴雨，下班後和同事吃晚飯，路經公司呢間米走雞，早前在觀塘曾光顧，今次又試下呢間分店。餐廳共有兩間相連鋪，我地二人被安排四人卡座，夠晒地方擺野食。上次食左超惹味芝士雞煲，今次當然是試其他，店員推介沙爹湯底，果然無介紹錯，沙爹超級濃郁自己都算是火鍋專家，這裡湯底真係又濃又夠味，入邊仲有好多豬皮，全部煲得好腍好入味。火鍋生料點左一碟特級雪花肥牛，牛肉油脂很夠，真係雪花，而且牛味極濃，加埋放在沙爹湯浸熟，充滿沙爹香味，簡直係高級版沙爹牛。手打五寶丸是此店招牌，手打丸全部大大粒又夠彈牙墨魚丸食到墨魚肉，墨魚味夠晒爆，蝦丸同樣爽口彈牙，鯪魚球有很濃果皮香味 ，牛丸黑椒味夠香，豬肉丸同樣彈牙。鮮製四拼餃，鳳城水餃及雲吞都有大大隻鮮蝦，韮菜餃入邊有大量韮菜，非常好味，鮮牛肉餃味道很特別，有點像山竹牛肉。鮮炸響鈴，是自家製，條條都很大條，而且很香脆而且內裡結構緊密，淥左十幾秒，外邊沾有沙爹湯，入邊仍保留少部份脆口，真的很惹味，推介。蔬菜點了粟米和唐生菜，粟米是超甜粟米，很甜兩個人吃到很飽，埋單連兩杯凍檸樂共$510,食物質素咁好，算幾抵食，下次路經再幫襯。

之前一直都去太子分店，知道新開咗間長沙灣分店，返屋企比較近，一於同老公去新店試一試先。位置離長沙灣地鐵站大約5-8分鐘路程左右，都尚算方便。店內空間不算太大，但空間感反而比其他分店好，枱與枱之間比較寬濶。平時一向食黃金芝士雞煲，但老公今晚心血來潮突然話想試麻辣雞煲，我又點會阻止佢呢火焰麻辣雞煲（小）- 小辣，走中芹，芫茜雞煲一上枱就聞到濃濃酒香味，原來店員之後會用火槍點火再炒香雞件，令到雞件多咗一份焦香味，最後加埋秘製麻辣汁再焗多2分鐘就可以。打開煲蓋一陣陣麻辣香味撲鼻而來，非常吸引，而雞件嫩滑又多肉，味道辛辣又夠麻香。本身餐廳有辣湯或者清湯俾我地揀，不過我地已經覺得好辣，所以還是加清湯入雞煲打邊爐吧。稻庭烏冬-每次必食item ,而且避免湯底變淡，一定要第一時間放在湯底，吸收咗麻辣湯嘅烏冬又軟滑又入味，好好味呀！手切新鮮牛頸脊（小）份量都算多，而且牛肉肉質鮮嫩美味，牛味濃，完全令人食唔停口。竹笙墨魚滑大大條竹笙入面鑲滿大量墨魚滑，每件都份量十足，竹笙爽口，墨魚滑爽滑彈牙，味道非常之夾。生菜份量多而且新鮮，放入麻辣湯之中，吸收哂湯汁嘅味道，超正！原來麻辣雞煲都一樣咁好食，下次要再同其他

朋友之前食過這裡的芝士雞煲，覺得很不錯，所以今次聚餐就選擇來這裡食。餐廳有兩個入口。一邊門面是木框玻璃門，感覺古典雅致。另一邊是鋼框玻璃門，簡約時尚。內裡的裝修均主打中國風，牆上掛有畫法毛筆字和山水畫，燈飾則似燈籠。我們點了細份黃金芝士雞煲，目測雞件份量也很多，足夠4人分享。當芝士煮到融化的狀態，便可以開餐了。打開煲蓋，芝士香味撲鼻而來，奶黃色的芝士就像溶岩鋪滿雞塊。香噴噴，熱辣辣的，十分吸引。大家都不客氣地夾了數塊雞件到碗中，都是厚肉少骨的。香濃的芝士配著嫩滑的雞肉，帶點甜，帶點鹹，令人十分滿足。吃完芝士雞煲，店員幫忙添加了芝士湯，讓我們可吃火鍋。朋友喜愛海鮮，叫了一份虎蝦。每隻蝦的長度也超過手掌，挺大的。蝦在奶黃色的芝士湯中，慢慢變成紅色，很顯眼。剝了蝦殼，看見蝦肉厚身，咬一口，感覺肉質彈牙。因為吸收了芝士湯的精華，所以味道更鮮甜。黑蟹子墨魚滑一大碗，很抵食。我用小匙分出自己喜歡的大小，然後放入熱湯中。當見到墨魚滑浮起，就證明已經熟透，可以夾起食用了。墨魚滑很有彈性，味道鮮美。油麥菜十分新鮮，顏色嫩綠。稍為灼一灼，就能吃到爽口清甜。這一餐吃完雞煲，又吃火鍋，嘴巴沒有停過，很佩服大家

上個月朋友生日黎試左個火焰麻辣雞煲，今次幾個朋友聚首一堂，可以試埋個黃金芝士了。叫左麻辣、芝士兩個大既雞煲。黃金芝士芝士碎熔掉加上洋蔥，大件既雞件完全被芝士濃汁所包圍住，雞煲食得多，但芝士雞煲真係第一次食。勁多洋蔥同埋芝士，食落有芝士既咸味，咬落去好似啖啖脂肪送入口甘，超邪惡，慾罷不能，一大班朋友分享，感覺真好。火焰麻辣店員將酒倒下即冒出火焰，炒幾下就食得了。叫左小辣唔係好辣，就算怕食辣嘅朋友都可以一試。個汁除咗辣之外甜味都幾重，每件雞都食到甜同辣味。雞肉多數用咗大腿肉，所以基本都好滑唔會話煲到好乾。後加既湯底簡左清湯，火鍋配料選擇多，我地都叫左唔少野，肉類手切新鮮牛頸脊、特級雪花肥牛、西班牙黑豚肉試左以上三種肉，雪花紋理分佈都好均勻，都肉質细嫩 ，全部都唔錯。海鮮脆鯇片、白膳片、虎蝦、美國桶蠔全部都好新鮮，讚。包肚之選手打五寶拼盤、鮮制四拼餃肉丸每粒都好飽滿，真材實料。餃子鍾意佢夠皮薄其他牛柏葉、蜂巢冰豆腐、鮮炸響鈴、雜菇拼盤、雜菜最鍾意食響鈴，非常香脆，鮮炸無油益味，打邊爐一流。最後飲埋支鳥龍茶消濟甘就very good.

對上一次食米走雞係一年前，今次同班朋友聚會，呢度地方舒適傾計好地方。對上一次食火焰麻辣雞煲，但已經唔記得咩味道，今次九個人，叫左黃金芝士，火焰麻辣(微辣)各一大Size。🧀黃金芝士(大) $198大量紫洋蔥同芝士碎，嘩～實在太多芝士，極度邪惡😱。雞肉算嫩滑。份量都幾大，每人食到幾件，芝士真係有點漏，好快就有飽飽地既感覺。🔥火焰麻辣(大) $188上枱時店員會炒起d雞，帶有藍色火焰，相比芝士我較鐘意火焰麻辣，雞肉一樣嫩滑、厚肉，醬汁夠惹味，微辣都有麻辣嘅感覺。特別係洋蔥索哂d辣汁，夠哂惹味～🐔食哂個雞煲d雞，侍應就會主動加湯，有芝士湯、清湯、麻辣湯，最後兩個煲都加左清湯。🍴🐂手切新鮮牛頸脊(大) $298紋理細緻，顏色比雪花牛深，肉較厚，牛味濃。🍴🐂特級雪花肥牛(大) $148雪花紋理細緻，嫩滑，味道甘香，相比牛頸脊更喜歡雪花牛。🍴🐖西班牙黑豚肉 $188肉質嫩滑，一向唔太好豬既我都覺得好食。🍴虎蝦 $98好大隻，超彈牙。🍴美國桶蠔 $148蠔肥大肉厚，食落新鮮。🍴牛柏葉 $38大大份，好爽好食。🍴蜂巢冰豆腐 $40索哂d芝士湯，邪惡好味。🍴鮮炸響鈴 $48放入湯一陣，外層沾滿湯料，

長沙灣一向係好少踏足嘅地方 今日咁啱有係呢一區要事要做 就同Poohpooh一齊去食好野 話晒都好耐冇好好靜落嚟食餐好嘅 俾我哋見到呢一間個名咁得意嘅餐廳 — 米走雞 當然要試吓啦.原來係雞煲專門店 入面係中式嘅裝修 都坐得幾舒服架 大部分都係卡位 唔會好迫.鍋底有雞煲或者普通火鍋揀 一場嚟到梗係要食招牌菜啦 黃金芝士雞煲就最啱我哋呢啲唔食辣嘅人啦.本身都唔係抱好大期望 但係雞煲一上枱已經好吸引啦 「芝」味四溢 聞到都流晒口水 芝士量多到掩蓋曬所有雞 直情好似湯一樣 好誇張啊雞件啖啖肉 又嫩滑 加上大量芝士包著曬每舊雞 真係食到好滿足兩個人真係食唔晒.食完雞 侍應就會走埋嚟幫你加湯 變成打邊爐 湯底依然係芝士味但係就變得比較希 正因為咁唔會太膩 食完咁多芝士雞 而家呢一個濃度就最啱啦.火鍋料我地揀左六樣 其中最鍾意食嘅就有以下呢幾樣1. 手打五寶丸：我嘅心水推介唔似平時嗰啲丸類咁大陣味精味 大大粒絕唔孤寒 每一樣都好彈牙 好明顯係落咗好多功夫整嘅 粒粒味道各異 例如其中一粒黑椒味極重 食嘅時候好似抽奬咁 幾得意架2. 特級雪花肥牛：呢一隻牛肉嘅雪花唔會太多 但係分佈好平均 本身湯底已經

熱愛打邊爐和雞煲的我， 在夏天也沒有停止過這個活動， 儘管吃完必定生到成塊面都是暗瘡， 最多之後食龜苓膏！ 既然犧牲色相都要食，一定係因為好好食啦！ 而且近水樓台，就喺正我屋企樓下， 好鬼衰㗎！叫人哋點忍啫！ 呢家米走雞最出名係芝士雞煲， 不過我和老公都偏好吃麻辣多一些！ 兩個人撐枱腳多食小雞煲， 不過其實小雞煲份量都已經好誇張！ 而且這裏的雞比較特別， 全部都是我最鍾意食嘅雞髀肉！ 啖啖大啖肉而且極嫩滑， 而且完全冇雪味， 一打開個蓋香到暈低！ 我覺得同佢獨特嘅烹調方法有關係！ 侍應會端上一個雞煲， 煮大概二至三分鐘之後， 會着食客們退後迴避，然後就會在雞煲上點火， 火光紅紅地炒呀炒， 陣陣麻辣香氣會伴隨而至！ 簡直聞都係一種享受！ 待火熄滅後就可以食得！ 出面好多地方食嘅雞煲，啲肉都一係鞋烚烚。一係碎濕濕，真係細細件！ 呢度因為選用全部雞髀肉，不但肉質爽彈而且毫無雪味，吸收咗麻辣嘅醬汁之後 ，多多麻少少辣 ，就算唔係食得好辣嘅都完全可以接受到 ，可以細細地品嚐當中的滋味。 而且因為有超多雞，所以食到最尾嘅時候會慢慢感覺到雙唇開始發麻，勁過癮！ 食完雞之後就可以加上湯打邊爐！ 食完

吃火鍋, 大家都會選清湯, 因為能突顯出配料的原味, 而我這次會反其道而行, 點了一個濃味的沙爹湯;雖然這個是沙爹湯底),但沙爹味不太濃, 輕輕的沙爹味, 隨著火力全開不停翻滾著, 裏面的豬皮厚厚的, 一大片, 混以沙爹醬, 十分惹味;我們點了不同的配料, 西班牙黑豚肉,  大大片的黑豚肉, 軟滑無比, 淡紅色的肉, 雪白的肉筋及油, 配合得宜, 肥瘦適中; 滾了一會兒, 吸收了沙爹的香味, 為淡淡的豚肉, 增添了另一番風味;而這裏的響鈴, 也是一絕; 金黃色的響鈴, 比起外面的, 較厚較脆而且不易軟; 把響鈴輕輕一浸, 吸收了沙爹香, 仍然十分香脆;而午餐肉, 午餐肉厚切, 味道平凡, 沒有甚麼獨特;鮮蝦雲吞, 一份有8粒, 每一粒都十分大粒, 用料飽滿, 雲吞吸收了沙爹味, 蝦味依然濃郁, 爽口彈牙;沙爹鍋, 有些人喜歡吃濃味, 有些人喜歡吃淡味, 而我較喜歡吃淡味的, 因為能使淡淡的配了加上一些點綴, 而且也不會掩蓋食材的味道。