築地‧山貴水產市場 (已結業)

太掛住築地市場美食！所以知道今日第一日開張當然要嚟潮聖😊😊😊之前睇話要預約不過我book 嗰個時段full 咗！排隊無難度你....懂的😆😆😆好啦！正題食品新鮮但選擇唔多，第一時間入立食區食壽司加欣賞維港景色爽YY！之後轉場食海鮮丼，味道不錯但環境一般。浜燒區同龍蝦包就留到下次先試（因為款式太少）生果區生果同果攔價錢多少少都算抵食！食咗咁多嘢兩個人要大約$1,300扺唔抵就自己諗喇！

試左壽司區,只可以俾劣評,選擇少,而且好少日本直送,加拿大海膽,挪威三文魚,波士頓龍吓,法國蠔......基本同百佳taste嘅質素一樣,taste都可買到!成枱做好嘅壽司冇人出,跟餐叫但上枱嘅壽司同menu唔同,錯哂!隔離阿叔D嘢上錯晒一肚火不停問候,對面枱齋企冇人送餐要自己去攞仲要唔只一枱係咁......食完都唔飽

去迪士尼都要做足準備～何況係今日先開嘅山貴水產呢～今日係佢正式開幕嘅日子，而幾日前已經開放網上訂位系統，系統嘅意思其實只係限制每小時入場人數，當然人流比較少嘅時候walk in都得～我訂左13：00係比較少人嘅時段，而訂位的確係有作用，大家都就吓時間，變左真係唔迫，可以慢慢睇，慢慢揀～重點！海鮮丼有seaside,浜燒喺較入位置無靚景睇住食（但鍾意食蟹嘅可以考慮），壽司區得立食但坐擁180°海景！海鮮丼都有少少蟹所以揀左佢，我段時間唔駛等好耐得入座有得食，但可以想像晚市要d時間…海鮮丼三食:就咁食（推薦），包紫菜食（推薦），茶漬浸泡食（=-=）其他熟食選擇數量都未算好多，但第一次去嚟講，一個海鮮丼已經夠飽肚，男仕唔夠可以食多個龍蝦包😂總括來說，好掛住築地，想當自己去左日本嘅，請先訂位，都可以暫時頂一頂嘅～P.S.係有少少遠喺海被嗰邊，九龍出發嘅搭船去都唔錯😊🚢

話說早排艾迪小篇有幸被邀請可以率先去🇯🇵  築地‧山貴水產市場👀導覽跟試食各款😋美食，而最近都見官方開始對外開放俾部份FANS搶先體驗，咁我都快快手寫番當天試過乜美食👉等大家可以參考一下<海鮮拼盤> 🐚$368呢個係一個海鮮冷盤❄️當中包括原隻龍蝦、生蠔、翡翠螺、鮑魚、蟹鉗，扇貝😍真係份量十足，而所有海鲜都係日本新鮮直送香港，真係同喺日本食無分別，夠哂鮮甜肥美😋當中龍蝦爽口彈牙到不得了，好耐都無食過咁重海水味嘅海鮮 👀仲可以望住維港食㗎<勁新鮮生蠔😍>築地 · 山貴水產市場👀另一正正子就係佢個生蠔今時今日要係香港食到靚生蠔都唔平啦🙄仲要食落好一般👉如果用差唔多價錢就食到咁高質嘅👀點睇先，當天嘅生蠔新鮮到不得了，食落海水味重外，仲要係勁鮮甜架😋好耐都未遇過食到咁正喇😈唔係我都唔會食咗...🙊5隻咁多啦【立吞👅壽司區】到介紹我當天最期待嘅壽司了，因為如果只食刺身，只食到貨源同新鮮度😏但要食呢到師傅嘅功架，一定要試佢嘅壽司飯，呢到壽司種類都幾多😚嚟個多款 <<壽司盛合>> 🍣$88可以一次過試到五款不同壽司，刺身都算切得幾長幾厚身

門口的確有點像日本魚市場喔一入門口有地圖 介紹每區食物有水果同零食 但價錢一點都不便宜往裡面走走 有壽司外賣區 但價錢較貴所以就再往裡面走走 哈哈！到了龍蝦包及海膽包區點了半份龍蝦包試試 （半份也要$98 全份$168）跟日本的有點不同 龍蝦熱熱的 也有咬口 雖然有點貴 但還算不錯龍蝦包對面是長長人龍的串燒區 因為人太多 所以決定選擇試丼！點了山貴丼$108跟山貴特盛鮪魚丼$208職員講解一丼三食法 第一個正常食第二個扮手卷 這個很不錯！第三個茶漬飯這個茶有淡淡蛋香 但加了茶 魚生便不生了總體來說 丼是不錯！鮪魚很新鮮 但就是薄切了一點！比起在銅鑼灣的另一家真的遜了一點！這個價錢 相信也只能 偶爾來吃一次

睇到築地 • 山貴水產市場 FB專頁出廣告。早在兩天前在網上訂位。今日正午十二時準時到達。個場屬新開。店內有超市及即食壽司檔。我坐係B14台號。全場只有企位無坐椅。我個位對正維港。駐場有十位壽司師傅。即場造壽司供客人即點即造。我點咗Set A 金槍魚盛。當中有大鮪魚腩、中鮪魚腩、赤身、香蔥鮪魚腩蓉軍艦及炙燒鮪魚腩。全部都係Tuna Fish。只不過不同造法。大鮪魚腩及中鮪魚腩都係好肥美。加入芥未醬油。更加嗞味。赤身屬Tuna Fish最好食，最美味的部份。飯同魚身比例合洽當。入口好有咬勁。香蔥鮪魚腩蓉軍艦是紫菜卷。因太多食材，食出有魚味有紫菜味。個紫菜好軟身。包到個飯團好實。炙燒鮪魚腩好正，Tuna Fish 是熟食飯團。塊Tuna經火燒過，賣相好正。埋單要$148。好貴。但個場對咗維港，值回票價。

剛剛吃完刺身及壽司區，整體來說非常推介。刺身質素高，價低。特別推今天的海膽壽司（北海道－＄65，不是刺身／set 內的加拿大貨，雖然加拿大貨也很不錯，但北海道的creamy 太多了）希望新開業期後也能保持水準～～食過築地壽司大及大和壽司，山貴的食物講真大多不如這兩家(特別是壽司手藝雖然不錯，但真的沒法比，人地老師傅做了幾十年好不好…)，但以在香港吃到的刺身壽司它的質素就真真相當一流～ 個人認為食刺身最緊要睇條魚的質素，而它的大拖羅及油甘魚是：新鮮，超級結實（日本才食到嗰種）我會形容它是：勁後生的魚～價錢及肉質自己看相吧～ 山貴也有賣刺身飯／浜燒／立吞刺身壽司／外賣等，各在不同分區。所以如想吃全部就要分開排隊。我正在等我的浜燒到來（剛到了！)，食完有心機再分享～備註：山貴試業中，乖老婆在fb攞到籌才有得食，聽說十五分鐘巳經派完籌。所以人不多～