築地‧山貴水產市場 (已結業)

今日約了朋友到元荃古道行山，但可惜朝早落雨拖慢了行程，行到深井有啲餓就決定返市區食飯。同行友人想食日本野，諗起灣仔碼頭的築地水產市場已經試業，所以就去試試。由於即興無預約，到碼頭時已經見到人龍，但水產市場人流流轉算快，排了大約20分鐘就可以進入市場。市場以分區運作，因為立食區相對有新鮮感，所以決定到立食區開餐！排左5分鐘就進入到立食區，菜單選擇不多，每人揀左樣野再加左個生蠔再share食。北海道海膽海膽有紫菜提供可以包住食，海膽味道濃郁，由於冇加拿大海膽咁大隻，入口即溶帆立貝刺身有時食帆立貝只有雪味，但係呢度既帆立貝食得出鮮味，但味道不算濃，但勝在厚切，口感十足松葉蟹壽司&三文魚腩壽司松葉蟹壽司係季節限定，但蟹味不夠，可能因為"季節限定"而期望過高，三文魚腩壽司不過不失生蠔 - special lady由於女孩子受唔到濃海水味，所以無揀Gillardeau而揀左Special lady，味道清香而有口感Set E最後係一個set盛，不太特別除左貴立食區係市場最入既地方，可以望到維港景色，加上立食區環境舒適，很適合傾計。可惜可能還是試業期，有漏單情況出現，跟侍應跟進完亦等了一會，加上是立

安排好差,要排隊一個個地區入去食嘢,食得好急,只係等到燒烤既已經無左半小時,到好啦,去吃刺身,仆住未食完就安排一個朋友排隊先,咁先等到,未吃完就已經last order,海鮮飯完全已無機會等刺身係新鮮既,其實配答埋環境都唔叫貴,但完全做唔到真正築地既感覺唯一一樣最令我感到生氣既係龍蝦包。。。。。。。98元一個,單薄到,2啖咬曬,我感到係食個波羅包飽過食他

麻麻地⋯去一次就夠，唔好同日本台灣比較，就連某些平民日本餐廳都不如，但價錢就完全扮高檔，個人應為會完全影響香港旅遊業。本人排隊超過30分鐘去試嘗燒區，點完餐之後又等了20分鐘，眼前燒食物的師傅仔完全欠缺經驗，蜆和貝都未認清種類，燒烤出來的食物乾爭爭，不願致評～

失望的一餐價錢貴食物好一般不值得去。不同類別的食物要係只定位進食，全部都係高椅，我帶著孩子沒有high chair 只可抱著他令到進食得好困難。每個人$250食了一餐辛苦得午餐

好在有做網上預約，星期五黃昏去，有少量嘅人排walk-in。其實係一個好大的日本超市咁，AEON 的高級版吧，如果有劏魚show 睇就會特別d，不過平日去就冇，或者未推出。人流適中，黃昏未係晚飯時間，食野嘅區域都唔洗等。去立食區點咗一個吞拿盛盒，一客刺身拼盤和半打生蠔。先不談價錢，味道上最滿意應該係吞拿魚，係新鮮嘅，入口滑溜係同出面餐廳嗰d 冇得比。生蠔真係太普通，冇乜特別，自己去ocean three 叫人開埋都抵一截。導致好多人俾OK 應該唔係味道問題，而係價錢。真心貴，但質素和體驗未至於令人wow 一聲。來之前有看過食評，見到那麼多OK，亦把期望值降低了。報紙上寫這裡有多好，莫非都是宣傳，這裡寫OK 的多我會偏向相信。不明白為什麼有人寫OK 都被說是打手，根本沒有仔細的看人家寫的內容，明明不是讚好而是帶點批評，真不明白那些人的心態。無論如何，消費者的眼睛是雪亮的，給 OK 比給哭臉已經有留手，如果是打手就一定給哭臉來達到目的吧...

香港最近多左個新觀光點「築地.山貴水產市場」，見個名甘QT都去潮聖下睇下佢咩野皮，係值得一去再去定係去過次做次遊客水魚就夠。其實因為見產網都好多人去甘所以我怕去到摸門釘，我預早就網上預約左日子時間去，誰不知可能我閒日星期一去唔太爆，當日門口職員講直入可以喇～ 入場係唔洗$嘅，只不過想食內部嘅食物就要每樣自己埋單喇。入正題！叫得「築地乜乜乜」當然佢就真係衝著日本個個「築地」而來啦，你會見到內部裝潢會整到好似一個小型「築地」甘，有大型魚池養住好多龍蝦、長腳蟹個d囉！又會見有個位放左好多生蠔甘～ 成件事就你想令你覺得自己去左「築地」甘喇，當然啦～ 細好多啦😂其實一入門口會見到係干貨區，賣嘅係一d用海產做嘅野小食～蝦餅呀、魚干呀、紫菜呀個d甘上下啦～價錢就唔係太貴嘅不過唔係平～ 有d款你可能仲可以係日式大起市會買到～ 不過當中有一款大家可以考慮買：QT有去日本嘅朋友買過當手信送俾我～ 而暫時我都未係香港其他地方見到！就係「燒汁味魷魚包糯米」佢係原隻大魷魚筒包住糯米已用燒汁煮好再真空包裝嘅！幾好味嫁！食法都好簡單》 大家可以開左包裝用錫紙包好蒸返熱又得、放焗爐烤香又得～ BBQ時燒都得！而我嘅朋

早前報導話香港會開築地, 一直都好期待,諗住佢一開應該會有好多人黎朝拜,所以一知道有得上網拎電子輪候証就即登記左,終於等到今日同爸媽下午黎試下我既輪候証既時間係2點,可能平日而且又過左lunch既關係,輪候証都無人睇就已經可以直接入場,同屋企人盲中中咁入左立食區,因為立食, 所以要同人搭枱企,睇一睇價錢, 中上價, 一開始叫左個帶子($68)+赤身刺身($660)同幾件壽司($88)試下先刺身尚算新鮮, 壽司就無乜特別,爸爸想食生蠔, 叫左半打victoria($148)平平地試下細細隻無乜肉食, 一食好多碎殼等左一陣, 個海鮮拼盤($368)黎,龍蝦: 好水好咸, 無鮮味生蠔: 比victoria好少少, 唔知係咪同一款或另一款生蠔黎蟹挾同響螺: 食唔到有咩味鮑魚: 係呢樣好少少, 我食左2片食到呢到其實都好失望下, 但爸爸因為未夠飽,所以叫左個龍蝦泡飯、牡丹蝦壽司同麵豉湯,呢3樣野都無乜特別,最後埋單$1100有找其實呢個價錢可以食到d更好更有水準既lunch,不過唔黎試唔心息,但試一次就夠喇

食品可以，但午餐份量太少。正常人唔會夠食。但服務唔得，人手唔夠。要企住食，仲要等廿幾分鐘先上菜！服務太差，又唔平。要食唔同類的食物就要去排唔同的隊，好煩。收得咁貴，只有快餐店服務！！

今日一行四人到灣仔碼頭築地享受午餐。雖然立食區有海景，但大家都想舒舒服服，最後選擇了在海鮮丼坐著食。但企著排隊等了40分鐘才有位。😅大家不約而同都選了特上山貴丼，可以試多款魚生。魚生軟又唔會太凍，海膽味雖淡但很新鮮，正！兩位友人點了凍宇治抹茶，一人讚好，一人覺得過甜。另外，點了蜆肉赤麵豉湯，咸味比鮮味重，有很大調整空間，下次還是點熱綠茶較穩陣！

經歷完黑雨同八號風球後，又再出去搵食！其實本應會較早期來，但去到原來要再網上預約先可入場！今次就正式公開入場，並抱著都幾大期望嘅！與友人大約六點到，一入到去，見到有好多日本食品，例如炸蝦餅，壽司，曰本生果等等，類似百貨公司模式咁！再行入D，就係分開左幾個outlet 咁，有專賣龍蝦包，日本刺身飯，燒物，寿司等等！龍蝦包未見到有人龍出現，相反其餘outlet 都有人龍，特別係刺身飯，比較多人排隊！因友人不太喜好刺身，所以與友人去試下燒物outlet ,坐住bar 枱，望住廚師精心炮製，本應特別美味？！我與友人order 好幾款，分別係雪魚棒，呢款其實唔會難食，跟沙律醬，算幾穩陣！雞軟骨串，雞泡魚干，大蝦，冇味，唔香口，失望！蚧腳，就比以上四款好，但都燒得比較乾身，冇咩海水味，但都算價＄合理嘅！特別想講個A4和牛，其實難聽D講，係完全失望！先講講本人先，我雖然不是甚麼食家或對食十分講究嘅人，但自己亦都對牛，甚至和牛都有一定嘅睇法，之前亦到過日本食過和牛嘅，但我絕對唔滿意呢塊所謂嘅A4和牛！呢塊西冷，首先燒得唔夠香，而且有過熟之嫌，仲有嘅係絶冇入口熔化感覺，雖則未去到A5頂級，但可能厨師並未

灣仔築地十月開左，即刻預約去潮聖！好彩book左，正門人齊唔駛排隊！一入去就見到個乾貨區同外帶區！之後就有三個主要區域 - 燒物、丼飯同埋刺身壽司支食區。唔能夠同時間食曬三區嘅野，最後揀左立食區。因為準時去，所以都唔駛等。（等最耐係燒物區）壽司區有六個壽司set($88-$148)，仲有啲刺身、壽司、seafood plater等。望住menu覺得都幾貴，所以點左兩個餐兩個刺身黎睇下先。朋友點左個壽司set ($88) 。入面得五款壽司，要讚下佢個三文魚子同海膽！因為真係非常鮮甜（我偷偷夾左朋友少少黎試😆）我就點左個Set A - Toro餐（$148）其實點嘅時候都覺得幾貴！但食完就❤️！因為大拖中拖都好鮮美！蔥吞就👌🏿啦！好明顯一人一個壽司set係無可能會飽....所以同個朋友再share左兩個刺身。三文魚刺身（$48）- 有驚喜！厚切+好新鮮！我地差啲想encore！凡立貝刺身（$58）- ❌❌❌❌❌❌❌唔抵食呀！由於立食關係，成件事半個鐘搞掂。呢個價錢搵返差不多質素又坐得舒服嘅餐廳其實唔難。但見到好多人點生蠔同seafood plater，好似都幾吸引😍最後走時經過埋最後嘅水果區

我地冇book，6:15去到，唔洗十分鐘就入得。首先去立食區，唔洗等，有專人帶位，不過枱面好dirty，好多豉油漬，冇人清潔既，我地自己轉枱。枱下有位比大家放袋，幾貼心。 我地三個人，些牙左set c and set f，和牛冇咩牛味，入口唔溶，有筋。赤身鮮甜，仲好食過中toro。 三文魚籽正路，海膽有少少腥，朋友話scallop好食。北海道海膽$65，好貴，同埋好腥囉！！！！！！唯一優點係份量足。但我寧願少但肥美鮮甜。因為立食既關係，食完即走，去海鮮don區進發。（食完sushi唔敢對don區抱期望）因為七點幾，所以有人龍了，旁邊串燒區同樣有人龍。我地排第十左右，好彩等得唔耐，大約15分鐘左右就入得。依度好少少，有人抹枱，不過成地垃圾。枱底有得掛起個袋。 友人既特級山貴don我既七色北海don。salmon 既色偏橙紅，我留返一片用來做茶漬飯，半生熟反而好食過生食，今次我有scallo，果然唔錯，鮮甜同厚身。海膽應是加拿大貨，有少少腥，但一定好過之前既北海道海膽！！！初時以為是細細隻既甜蝦，估不到咁大隻，幾爽，蝦頭我留黎浸落茶漬飯度。茶漬飯既湯偏淡味，可以一試。深

近期香港突如其來多了很多人気爆燈的食店，究竟是公關效應定抑或真喺甘好食呢？所以由即日起，（講飲講食）會一連四集為大家解答這個疑問。第一站：-在本月10月12日才剛試業，裡面分有三個堂食區域。先入去是（零食手信區），有很多日式零食、酒類、生果等。再向前行可以見到左手邊是（抹茶角），右手邊就是第一個堂食區，（浜焼き）-餐牌上分為海鮮類、串燒、A4官崎牛同埋蔬菜類等。而我選擇了以下：$188/隻（波士頓龍蝦）.$45/隻(石蠔).$78(鰻魚).$55(大蝦)、$25（免治雞肉串）$15（雞軟骨串）、$38（日本番薯仔。）整體味道：其實味道真喺麻麻，菜單選擇又吾多，基本上你係街上求其一間居酒屋款式都多過佢，而且排隊都排了半小時左右。再行前少少是（丼），最後是（立食壽司·刺身）-而在這裡我點了$148/客（壽司盛）：大鮪魚腩、中鮪魚腩、赤身、香葱鮪魚腩蓉軍艦、炙燒鮪魚腩。同埋$168/隻（北海道北寄貝）。味道方面：（壽司）-夠鮮，但飯粒有小許實，味道尚算可以。（北寄貝）-同樣夠鮮，鮮中帶甜，推介。排隊5分鐘左右.最後總結：貪新鮮我會嚟試下，價錢和味道唔成正比。5星嚟講我比3星.地址：香港灣仔（

<<咁既價錢其實唔洗專登排隊食>>星期日仲係試業中1800pm要排隊入場半個鐘度8pm就開始截龍入到去有四個餐廳揀黎再排隊1 龍蝦包海膽包 (我去到話賣曬)2 串燒部 (無試)3 丼飯部 (7:35pm開始排左20分鐘）4 壽司海鮮部（係最入面佔最大面積最多人排排左半個鐘,view靚要企）成間築地最岀名係tuna，大拖羅係好食既，無論丼定係壽司都係大拖羅tuna蓉好食店員話成間築地既tuna都係tuna王(唔知點分)另外叫帆立貝壽司都好食。海膽就ok la要試就試個丼。有得叫生蠔長腳蟹但我地無食海鮮但叫茶要加錢，記住自己帶野飲。有BB chair提供。 <<攻略>>如果第一次去食咩都想試，先食丼，可以4個人2個飯食。之後去食壽司海鮮，encore啲好食拖羅，同想試既壽司海鮮，最後唔夠飽先去食包。

築地‧山貴水產市場 (English name: Yamataka Seafood Market) is located on the second floor of  the brand spanking new Wanchai Ferry terminal. The excitement surrounding this is that the fish will be shipped from the famous Tsukijji fish market in Tokyo and that this will be Hong Kong's version of Tsukiji.Currently, it is undergoing a soft opening. You have to apply online via a link that is found on their Facebook page. There are two links. One is in Chinese and the other is English. There you must select