築地番本日式放題 (已結業)

築地番本日式放題今日食呢間係之前有朋友話可以食埋蒸海鮮點知原來要三位以上先有得食唯有下次多d人先啦去到都要等一陣先可以入坐。入到去店員就話2小時任食，45分鐘之前就會Last order都幾快不過好彩佢上菜快，所以成餐2小時都好夠。我一坐底就去左睇有咩飲先，都有好多選擇 最正係有Asahi任飲而唔洗加錢，酒方面仲有清酒同梅酒不過我酒量淺所以都係飲其他不過我嘅攻略係唔飲汽水，因為會飽肚。寫完食咩交單之後，我諗無10分鐘d野就一樣又一樣上枱，好快我地張二人枱full哂，完全滿晒冇位放，最開心係見到D刺身。樣樣都好新鮮呀，甜蝦係我嘅至愛雖然細細隻，但一啖一隻好甜美啊，我起碼食左10幾隻，真係正！三文魚都無筋而且夠肥美，切得細細塊又係一口一塊，正呀！比較特別嘅有白雪雪嘅白玉拖羅我未食過，都未見過放題有 個味真係好似拖羅。。。好肥好多油如果唔係白色真係以為食緊拖羅赤貝都好爽口唔會腥，榮螺就淡淡地。小食就選擇唔會話好多，但都夠晒我食。串燒有海蝦啦，牛舌啦，燒豬腩肉同翠肉瓜，當中燒豬腩肉比較少見，味道都好香口，好有韓feel😂炸物有天婦羅，芝士年糕香芋丸同炸雞軟骨，小炒有牛油帶子同炒菇，牛柳粒都炒得

早放工，最喜愛搵早吃有優惠的餐廳，之前試過旺中對面的番本，今日再戰番本的新場--築地番本，6:30前入座只需$178入到餐廳內見到限時優惠，9月1日前星期一至四，如果出示捉到嘅比卡超，仲有全單額外88折!先來刺身，三文魚油脂分布平均，又厚切。油甘魚魚味濃，帶子、北寄貝、甜蝦亦新鮮。另一推介是創作手卷，最喜愛三色花之卷，黑色魚子下有三文魚及鯛魚卷出花瓣狀，三文魚肥美嫩滑，鯛魚口感較清爽，兩者一同入囗有強烈對比。壽司則有比較特別的柚子胡椒甘魚壽司，一入囗先有柚子味，後再有濃烈的胡椒辣味，頗重口味。飛魚子帶子軍艦及辣八瓜魚軍艦也超好味，後者雖有wasabi味，但不太嗆喉。熟食推介清酒煮蜆，有淡淡酒味，蜆肉無沙。另外焗蠔有超多芝士及煙肉，香濃惹味。食過太多肉類，再點了蘆薈刺身沙律來平衡一下，沙律有麻醬味，粒粒蘆薈加上刺身粒，色彩繽紛，見到都開心。藉得讚的是飲品有超多款式選擇，有道地各式飲品，亦有韓國及日本飲品。甜品有自家制布甸，亦有牛奶公司的雪條、雪糕杯、雪米糍。仲有馬來西亞嘅榴槤雪條！如果三位或以上可以免費試蒸氣鍋，食到就真係百分百可以番本，可惜兩次來都只是得兩人，未能試蒸氣鍋。

好耐無去旺角行街，星期六捉左阿妹同我去食飯加行街，順便經營副業做個精靈訓練員嘛!出旺角就最鍾意食放題，貪其選擇多同埋較其他地區平。由於本人已經唔係後生，夜晚放題已經唔岩我，食太飽會唔舒服同訓唔倒覺。加上夜晚食放題實在太多人，又迫落單又麻煩，所以我兩三年前開始有得揀都一定食中午嘅放題。今次尼間放題係網上搵，評價唔錯，加上價錢只需$178另加一，二百蚊有找嘅放題未食已覺得好抵，可以由中午12點食到下午3點，且看質素如何。餐廳位處於女人街內的一座大廈樓上，沿廣華醫院入口直入行幾分鐘就到，餐廳環境寬敞，座位也夠闊，我們兩人仍能獲安排四人座位。雖然說是午市放題，但食物種類一樣眾多，刺物、壽司、手卷、燒物等均有齊，我們第一round當然主攻刺身及壽司等貴價食物，實行食夠本!食放題當然第一樣要叫刺身，我們點了三文魚丶原隻甜蝦丶八爪魚丶油甘魚同北海道帶子。每樣刺身都黎得好齊，點幾多件有幾多件，咁當然我哋都量力而為，費事浪費。基本上每樣刺身也很新鮮，我最愛是三文魚，它盡是魚腩位，夠肥美，三文魚特有的魚油味也很足。另外油甘魚亦令我非常驚喜，油甘魚若不新鮮，同一舊雪藏魚無分別，淡而無味。但此家的油甘魚是有此

上次食放題嘅時候淨係同家姐兩個人去食，媽媽覺得唔開心因為冇帶埋佢，今次我哋兩個就帶埋佢同埋婆婆一齊去食啦。今次食呢間地理位置都算方便，搭地鐵去到油麻地，再行過去通菜街就係，但係有個地方要留意，佢個地址話喺威達商業中心，但我哋上到去嘅時候發現，過左7點之後就唔比入去，所以要原撘翻落去地下，再行去隔離Deli2到排隊撘上去，不過問題唔大，兩棟大廈距離唔係好遠。飲品甜品雪糕櫃自取，好多選擇可以揀，淨係甜品已經放滿一個櫃，有木糠布甸、燉蛋、奶凍等等，全部分量都好細，唔洗驚攞左又食唔曬，而且仲可以一次過試到好多唔同嘅味道。燒翠玉瓜一串有兩塊， 燒到好香又完全唔乾身嘅翠玉瓜，淋上咗甜甜地又鹹鹹哋嘅醬汁，即刻想叫多幾串食。芝士豆腐 芝士條 番薯條芝士豆腐入面嘅芝士有好多，熱辣辣食嘅時候啲芝士會流出嚟，食落又唔會覺得太膩，反而覺得芝士條冇乜特別，可能係因為有芝士豆腐做對比， 芝士條就有啲遜色啦，不過都食得出有芝士味嘅，最奇怪係竟然覺得番薯條好好食， 食緊燴番薯味嘅 薯條咁， 炸到外面好脆，但係入面好淋。三文魚紋路都好清晰，肉質肥美鮮甜。甜蝦食落唔會覺得滑潺潺嘅感覺，蝦嘅size都算大。帶子口感嫩軟

With a little expectation over the steam seafood, unfortunately that's for table with 3 people or more. Ended up we ordered some sashimi and hot dishes, among all, only the grilled (or grill-less?) pineapple tastes good. It's as expensive as having al-la carte as we didn't order much. Worst of all is we had diarrhoea when we are homed or lucky that we didn't eat much and turned out too sick. The flip side is the staff are efficient and with very cheerful manner, but still we will never come bac

香港呢排有好多餐廳都有蒸氣火鍋食，個蓋個樣勁似越南嗰啲帽，勁得意，而且好似話可以保留多啲鮮味，喺日本傳入來的，話說上星期四終於同埋屋企人去試蒸氣火鍋，當然啦，如果蒸氣火鍋唔啱食，咁就大件事啦，所以我就揀咗有蒸氣火鍋嘅日式放題食，一次過滿足晒兩個願望。呢間築地番本日式放題星期四夜晚七點半到入去就＄208一位，三個人就有蒸氣火鍋食啦，我覺得價錢上都合理。不嬲都知日式放題多人架啦，估唔到星期四都全院滿座，我哋book咗枱都等左一陣，入到去見到差唔多台台都有蒸氣火鍋，除此以外，呢度仲有好多唔同款式嘅飲品飲同埋有一系列嘅甜品食。一埋位即刻急不及待叫咗刺身壽司先，呢度嘅三文魚同油甘魚都好肥美新鮮，有好濃郁嘅魚油香味，鯛魚就夠彈牙，但係有少少唔夠凍，我最鍾意嘅都係甜蝦，每一隻都脹卜卜，其實啲帶子都唔錯，係大粒啲嘅版本唔係貝柱，但係都係唔係好夠凍同埋入口唔係特別creamy。明明淨係叫咗兩條炸甜薯試下，點知一上枱比左成八九條我哋😑，搞到我哋個肚冇晒位，不過算啦都幾好食，啲炸漿唔算好厚，入口冇乜油，放題炸物來講都算有心機，最鍾意佢個芝士卷，其他地方食唔到，用春卷皮包住大大碌芝士，外脆內軟。放題最怕冇菜食

 一個星期容易又星期五，對我而言，黑色星期五並不可怕，因為每逢星期五我都是放半晝，所以是一個輕鬆的日子。為左獎勵自己一個禮拜的辛勞，我都會選擇一些美食來慰勞自己，這次來到築地番本日式放題吃午餐，用餐經驗果然沒有令我失望。  公司在通菜街附近，所以步行數步就到達威達商業大廈Deli 2；假如由旺角港鐵站E2出口直走也只需要5分鐘的路程，選址十分方便。  築地番本的舖位面積算大，座位與座位之間有適當的空間，不會有狹窄的感覺，令食客有舒適的進食環境。另一方面，築地番本午市除了提供放題之外，還會提供set lunch給顧客選擇，所以彈性較高，而我就選擇了午市放題。  12種不同種類的食物任君選擇，種類一定不會比市場上其他的放題餐廳少。值得一讚的是，它的點餐紙上印有食物的圖片，方便食客看圖識字，這樣就會減少食客點錯食物的情況。  甜品雪糕。冰櫃方面：有芒果雪米糍、抹茶雪米糍、芋頭雪米糍；雀巢紅豆、黑芝麻、朱古力、雲呢拿雪糕。凍櫃方面都有數款選擇：木糠榛子布甸、抹茶紅豆奶凍、焦糖燉蛋、360奶凍。午市來說，甜品和雪糕的種類算是多元化。  自助飲品區。飲料的選擇比其他放題多，有罐裝的，有

旺角一直係放題既集中地，不過質素參差，所以食之前都會search下先，今次呢間就係朋友帶我黎既，好可惜只有2個人試唔到蒸氣火鍋，要3人以上先有啊。一黎就梗係要叫刺身先，但朋友唔食生野所以我自己一個KO晒😂刺身夠冰凍，而且都尚算新鮮，甜蝦鮮甜，略嫌帆立貝細粒d，同三文魚切條。呢到冇我平時最愛既火炙壽司，唯有叫少少卷物，因為我鍾意食飯😂芒果炸蝦卷，細細件一口一件都唔錯。炸物方面都中規中矩，最鍾意個紫芋丸，其他芝士魚蛋、芝士春卷同雞軟骨都合格。焗蠔同焗帆立貝都係比較細粒，不過醬汁味道都唔錯既。呢3款熟食都幾有驚喜，炒帆立貝好香好惹味，仲加埋d菇炒索晒味，燒牛舌唔會燒到過韌同牛油雜菌好夠牛油味。最後黎d甜品，燒菠蘿又香甜又多汁，但其他就麻麻喇，個焦糖燉蛋口感太硬同抹茶紅豆布甸冇抹茶味，好彩仲有其他雪糕同雪米糍補番數😛

超級無敵勁爆後悔 比想像中差 好失望 仲要比多個人頭錢食蒸氣火鍋 因為三個人先有得食 但有冇預先講三個人先送 結果啲海鮮極唔新鮮 啲蝦仲要係爛肉的 真係比錢買難受！真係好差！不會有下次！

D食物望落去好似ok但其實唔好食，連粟米，鯖魚都乾巴巴，壽司又5新鮮，天婦羅5脆，手卷都一般，得帶子，牛肉，焗蠔，焗帶子係好食既，選擇又少，連甜品都一般唯有食雪糕。侍應又倒瀉野，又撞到我地。個個 蒸氣火鍋又話咩取消左一次就冇得叫反，明明係放題黎我地book左位，7點入座，明明9點完，8點10分左右竟然last order，搞到我地8點半左右就走😐我地二十幾個人食六千幾蚊，收二百幾蚊位真係唔值，唔會再黎食-_-食都未食飽未食過咁難食既放題

第一次來，感覺整體只屬一般，食物種類唔算多，魚生亦不是太新鮮，全晚最欣賞的不是食物，而是saka, 以放題來說有saka任飲是很罕有的，而且還是不錯兩個人飲了7壺saka都已回本！

因朋友很想試一試此店的放題+四人以上送的蒸氣海鮮鍋，於是便於稍早時訂了位，今天一行四人到這裡晚飯(我們的用餐時段時$218/人，再加一 ，結賬時大概一人$240)$240元的放題，還包海鮮鍋任食，真是超值呢！<--現在回想，我只能說抱有如此念頭的自己實在太天真天傻首先，該蒸氣海鮮鍋其實只有一層，面積也很細小，是故能放的食物其實只有少量。不過不用擔心! 因為可供選擇的食物種類更少 (其實不多於十種) 說是海鮮鍋，但能選的海鮮只有兩種…… 而其他能選的都是味道普通的雞、牛、豬。除海鮮鍋食物種類少外，其實因為鍋跟爐都很細小，熟的速度較慢，所需的時間長。所以根本不能食很多(當然，也不會有很多給你吃)說完海鮮鍋，便說說放題吧。放題來說，食物的類別多，例如燒物、刺食、壽司、手卷、前菜、拉麵、炸物都有。可是，每一個類別當中的種類卻是少得可憐……壽司類別中只有普通常見的蛋壽司、三文魚壽司、花之戀、反卷等等，但火炙壽司呢？！讓我告訴你，是沒有的。上菜等待時間太長也是問題。正常放題首先上的是飲品然後是刺身，但我們飲品上了以後，連所有熱食熟食都上菜了，仍不見刺身的身影…… 催單後，終於在入單半小時後

呢間最吸引我既就係佢地既蒸氣煱，但去完之後覺得好失望！睇個樣都已經睇到d扇貝好細隻，細都唔緊要！仲要係肉質勁霉勁唔新鮮就算落咗佢哋另外比嘅醬料都遮蓋唔到！啲蝦睇落去都好似唔錯，但係食落就知一啲都唔新鮮！！好耐未食過啲咁霉既蝦！唯一值得一讚嘅係佢哋嘅刺身，甜蝦唔算好大隻，三文魚嘅油脂分布平均，帆立貝都幾有口感

3條友行完旺角，買完野睇完戲，肚餓又係時間食晚餐最終我地都係揀左築地番本因為覺得，差唔多價錢，又可以放題，又可以食蒸氣鍋，應該係最抵我好鍾意築地番本的小食，細細碟，份量唔多，味道又好焗蠔焗帶子，雖然焗出來蠔比較細隻，不過味道非常唔錯，嫌細唔緊要，因為是任食，可以叫多幾round補返數。 食日本野，緊係要叫杯清酒助慶，味道都ok壽司刺身唔少得壽司細細舊，唔怕食得多太飽，都係過穩下，有d飯氣始終覺得比較滿足刺身種類都幾多，非常新鮮，新鮮到師博都唔記得放冰，好彩真係夠新鮮，好快俾我地一掃而空，無肚痛！ 最鍾意三文魚，入口個種魚香好吸引！ 最後我地來築地一定會叫既蒸氣鍋第一round食下雞件同蔬菜我超鐘意蒸完既雞件，好滑，好鮮味而用菜做底，雞既精華味道都入哂菜入面之後，菜菜變得更甜更好味，大愛！ 之後再蒸海鮮，因為沒加任何調味料，味道比較清，但好嫩口好原始既味道覺得淡，我會加一丁點鼓油，好ok，好健康！ 到最後，就係蒸鍋底的粥收集所有食物精華之後，粥帶有蔬菜海鮮味道，但我覺得，本身已經有料，有點重味，不過還是引誘到我吃了一碗。Good Choice ~

一大班朋友聚舊，真係搵個坐耐d既地方好，喺呢度就有不限時可以選擇，當然我地預早book枱啦我地5個人去，已經送埋蒸鍋，個gas爐已經預備好左，我地一落單，店員都好迅速咁搶單同送野食上嚟，速度幾快。刺身同落單既數目大致相同，抵讚。但蒸汽鍋食材就爭d,數量嚟唔足，真係預你可能一人一件咁，落單都落到手軟。蜆非常新鮮，冇乜沙。蝦就冇咁新鮮，肉質偏梅。不得不讚松草雞同肥牛，好滑好重牛肉味，好食。野飲選擇都好多，連果汁先生都有，正，大快朵頤。甜品都係出去自己攞，但好伏，雪糕，雪米糍最正常。