影片
更多
2016-08-04
1894 浏览
香港呢排有好多餐廳都有蒸氣火鍋食，個蓋個樣勁似越南嗰啲帽，勁得意，而且好似話可以保留多啲鮮味，喺日本傳入來的，話說上星期四終於同埋屋企人去試蒸氣火鍋，當然啦，如果蒸氣火鍋唔啱食，咁就大件事啦，所以我就揀咗有蒸氣火鍋嘅日式放題食，一次過滿足晒兩個願望。呢間築地番本日式放題星期四夜晚七點半到入去就＄208一位，三個人就有蒸氣火鍋食啦，我覺得價錢上都合理。不嬲都知日式放題多人架啦，估唔到星期四都全院滿座，我哋book咗枱都等左一陣，入到去見到差唔多台台都有蒸氣火鍋，除此以外，呢度仲有好多唔同款式嘅飲品飲同埋有一系列嘅甜品食。一埋位即刻急不及待叫咗刺身壽司先，呢度嘅三文魚同油甘魚都好肥美新鮮，有好濃郁嘅魚油香味，鯛魚就夠彈牙，但係有少少唔夠凍，我最鍾意嘅都係甜蝦，每一隻都脹卜卜，其實啲帶子都唔錯，係大粒啲嘅版本唔係貝柱，但係都係唔係好夠凍同埋入口唔係特別creamy。明明淨係叫咗兩條炸甜薯試下，點知一上枱比左成八九條我哋😑，搞到我哋個肚冇晒位，不過算啦都幾好食，啲炸漿唔算好厚，入口冇乜油，放題炸物來講都算有心機，最鍾意佢個芝士卷，其他地方食唔到，用春卷皮包住大大碌芝士，外脆內軟。放題最怕冇菜食
呢間築地番本日式放題星期四夜晚七點半到入去就＄208一位，三個人就有蒸氣火鍋食啦，我覺得價錢上都合理。不嬲都知日式放題多人架啦，估唔到星期四都全院滿座，我哋book咗枱都等左一陣，入到去見到差唔多台台都有蒸氣火鍋，除此以外，呢度仲有好多唔同款式嘅飲品飲同埋有一系列嘅甜品食。
一埋位即刻急不及待叫咗刺身壽司先，呢度嘅三文魚同油甘魚都好肥美新鮮，有好濃郁嘅魚油香味，鯛魚就夠彈牙，但係有少少唔夠凍，我最鍾意嘅都係甜蝦，每一隻都脹卜卜，其實啲帶子都唔錯，係大粒啲嘅版本唔係貝柱，但係都係唔係好夠凍同埋入口唔係特別creamy。
明明淨係叫咗兩條炸甜薯試下，點知一上枱比左成八九條我哋😑，搞到我哋個肚冇晒位，不過算啦都幾好食，啲炸漿唔算好厚，入口冇乜油，放題炸物來講都算有心機，最鍾意佢個芝士卷，其他地方食唔到，用春卷皮包住大大碌芝士，外脆內軟。
放題最怕冇菜食，我叫咗大量嘅燒翠玉瓜，最開心嘅係呢度嘅翠玉瓜唔係燒到乾爭爭，只係輕輕用火槍再帶一帶過，食落去索索聲，仲有好多水份，令我叫完又叫。
太子醬帶子同黃金燒蠔
我自己就鍾意食帶子多啲，媽咪就鍾意食燒蠔多啲，帶子幾張上面加入左好多蟹子，增層次，可以咬到一粒粒熟咗嘅蟹子，而且個張酸酸甜甜，都幾好味，以黃金燒蠔我自己就覺得多咗啲沙律醬，食落感覺有啲重，好食就好食啦，但之後要飲好多水。終於黎到重頭戲蒸氣火鍋，特登黎試我哋都叫咗兩三轉嘢食，啲嘢食一路一路蒸，啲汁會一路留落去下面個湯底粥到，而且點樣食將自上面會寫住每一款嘢食大概要整幾耐，要拿捏時間得好就要加番每款嘢食要幾時間啦，我覺得金菇菜真係冇得彈，用咗呢個蒸氣火鍋連其他餸菜例如肉類嘅味道都會轉左過去金菇菜嗰度，除此以外，蒸帶子嘅話，枱面會有蒜蓉俾你加落去，可以額外再帶出帶子嘅鮮味，反而肥牛我就覺得麻麻，可能因為用蒸嘅方法，而且佢啲肥牛都幾肥，入口有少少唔自在，但係呢啲肉類可以增添其他菜嘅鮮味，當然個粥底都係靠佢啦。
煮乜方面我覺得清酒煮蜆同埋牛柳粒係最好食嘅，清酒煮蜆唔算用咗好多清酒，酒味唔算濃郁，但係好在佢啲蜆無砂，食落去唔會成日咬到啲唔應該出現嘅石仔，而且啲肉亦都唔算好細隻，咬落清清甜甜，至於牛柳粒呢，識落啖啖肉，肉質保留左水份，唔會乾爭爭，而且唔算好多筋，加埋有日式嘅甜味，但係略嫌上枱嘅時候已經凍左啲。
啲嘢食得7788 ,當然要留肚食埋最後個粥底啦，其實我哋唔算正左好多野，因為食其他日式放題食飽左個肚，肉類唔算放得多，而且媽咪對蝦敏感，亦都冇落到下，但係個粥底唔知點解可以咁清甜，唔知係咪本身已經加左雞湯定係因為個蒸氣火鍋頂帽嘅關係，我本身唔係好鍾意食粥嘅，但係都覺得呢個味道好濃郁，真係值得試一試。
张贴
