築地番本日式放題 (已結業)

Friday night, 同幾個朋友黎試下這一間放題, 有得食放題, 有得食蒸氣火鍋, 睇落都唔錯喔.一開始叫刺身, 上得有d慢, 不過大部份刺身都幾新鮮, 三文魚、甜蝦、帆立貝都幾好, 好新鮮又夠厚切.熟食選擇ok的, 選擇幾多的, 食左好幾樣都唔錯, 牛柳粒、燒海蝦、焗蠔、天婦羅等等都幾好. 海蝦鮮甜燒得幾香口, 牛柳粒好淋好入味, 焗蠔d汁好惹味, 天婦羅炸得好脆又唔會話好油.蒸汽火鍋都幾推介, 有得食蝦、雞、牛同貝類, d料都好新鮮, 最鍾意係食個蜆, 好fresh好鮮甜, 最後食埋個粥底, 有哂咁多樣野既精華, 好可口好美味!

其實一班人食飯最怕呢個唔食呢樣, 果個又想食果樣,真係好難夾...... 所以放題都算係一個唔使用腦既選擇!因為咩都有得食XDXD尤其而家太多放題, 好多間都各出其謀, 得益既都係我地呢D為食妹!今次朋友就介紹左呢間比我們: "築地番本日式放題"重點係除了日式放題都有既刺身壽司、前菜沙律炸物串燒之外,仲有蒸氣火鍋!!!!!!! 三位以上就可以有蒸氣火鍋了~~蒸氣火鍋雖然只得一張點菜紙, 但已經有蝦、帆立貝、蜆、雞件、牛肉、豚肉同蔬菜!絕對吃得過!日式放題的ORDER紙當然也是一大份!!!!!蒸氣火鍋用的是GAS鑪, 先試round1海鮮!!!!基本上5mins已經可以吃, 蝦好新解, 貝類也不錯, 只有一兩隻有沙, 都可以接受的!!刺身併盤!!!!!! yeah!!!!!!!每次見到咁大盤都好開心~~~6個女生吃, 都好快吃完再order!!其他熟食都好好味, 夠熱! 芝士元貝、焗蠔都係食完又食, 食完又食!!!!其他野食每樣都試少少, 非常滿足!!!吃到最後, 記得一定要食埋蒸氣火鍋底下既精華粥!因為有海鮮同雞件的精華在內, 好綿好好味!!平時去食蒸氣火鍋都成三百幾, 而家二百幾就可

同朋友慶祝生日or gathering ，黎依到就岩哂啦，今次咁岩滿五個人，免費有得食埋蒸氣火鍋Tim。蒸氣火鍋材料冇話好新鮮好特別，但其中嘅活口沙蜆絕對係唔錯嘅選擇，仲有蝦、雞肉、牛肉等等，部分略有調味。最黎仲有粥底食埋，夠哂飽呀！刺身方面，大部份刺身都幾新鮮，三文魚刺身特好吃，叫多左幾輪黎食，油甘魚咬落幾冧，其他不過不失。熟食方面，幾推介佢嘅和風牛肉粒，調味適宜，牛肉質素不錯。

放題我至愛，喜歡放題食品選擇多，有刺生、壽司、熟食、甜品和飲品，任君選擇。放題比自助餐更加吸引，皆因安坐後，祗要揮揮手，在點菜紙左寫右劃，侍應就會送上美味食品，不用爭食，何其寫意。今日就在旺角通菜街威達商業大廈1樓築地番本日式放題來個午市放題，午市放題由 12:00 pm 食到 3:00pm，每位收費$178，價錢合理。此店地方寬敞，座位很多，環境舒適。點心紙分類由A至M多款，有前菜、刺身、壽司、手卷/軍艦卷、創作卷物、日本料理、燒烤物、湯、天婦羅、拉面/烏冬、酒等等。除有點心紙自選食品外、還有各位式凍飲、甜品和雪糕在凍櫃，方便食客自取。先來刺生掲開序幕，叫了三文魚和油甘魚、三文魚入口新鮮嫩滑、油甘則魚味豐富。另外北海道帶子刺身、八爪魚刺身、榮螺片、北寄具和甜蝦味道也不錯。意猶未盡，再點了些壽司、手卷/軍艦卷和創作卷物。叫了芝味牛肉卷、三色花之戀、鵝肝帶子卷、辣八爪魚軍艦、軟殼蟹和海鰻手卷。壽司和卷物整體水準可以。辣八爪魚軍艦的八爪魚味鮮肉爽，軟殼蟹手卷的軟殼蟹炸得鬆脆，口感不錯。再來到必食的炸物和天婦羅。叫了虎蝦天婦羅、日本南瓜天婦羅，茄子和糖心蕃薯天婦羅。炸物叫了炸雞軟骨粒、紫心香

今次同幾個朋友決定要去挑戰下放題，今次揀左去食築地番本日式放題。食得放題當然要叫刺身嚟豪食啦，三文魚又既新鮮，油甘魚又幾甜。帶子都幾好味，啲刺身都幾唔錯啵。必須要講講，中華沙律好大兜，一上枱我地全枱人都嚇到呆左。但熟食方面，我就覺得普通喇。雞軟骨有麥樂雞既味，怪怪地啵。天婦羅都幾好味，炸物整體嚟講都幾ok! 牛油栗米太生喇，不過啲燒物都幾好味。啲牛又幾好味！壽司普通左啲。原來佢有埋蒸氣火鍋嫁，當然唔可以錯過啦！啲貝類又幾好味，牛亦都唔錯。不過我覺得佢個粥底好食啲，夠晒味！

食放題前，梗係先食啲前菜開胃，有我最喜歡既中華沙律，一大盤咁上，超正！唔太夠熱！不過味道唔差！冷麵用左柚子醋，仲帶少少辣味，幾開胃。炸物推薦紫芋丸，熱辣辣又香。刺身上得比較慢，三文魚同油甘魚最正，好新鮮又夠厚。而蒸汽火鍋真係好驚喜，雞件同貝類都好食，食完最尾一定要食個粥，好鮮甜。

上次晚上來吃放題，是為朋友慶祝生日，今日下午心思思又同朋友來安哥！為食的我們最終選擇了午市放題。日本冰梅酒：喜歡這裏的梅酒，淡淡的青梅味，酒精濃度較低，加冰後呷－啖，有種悠然自在的感覺。中華沙律：蔬菜新鲜脆嫩，混少許芝麻醬，正好用來開開胃口。海膽豆腐：豆腐很嫩滑，海膽味唔算重，但佷新鲜。炸物～圓碌碌的紫心香芋丸，軟軟韌韌，咬開中間粉紫色的香芋，芋味重又夠滑，又唔會覺得滯，做得佷好。～炸甜番薯條，薄薄長長的，香脆可口。～炸迷你紫薯，－啖－口，香軟中帶－點煙韌。烤菠蘿：新鲜又香甜味美。盬烤豚肉串：油脂烤至爆香，肉質爽彈，忍唔住吃完—吋又—吋。黃金焗蠔＆太子醬焗帆立貝：兩者都很新鲜，又帶點海水味。豬軟骨拉麵：豬軟骨又稔又入味，拉麵質地軟韌適中，只是湯底略咸。還有雪櫃内任飲的支裝飲品和任食的甜品，已無力招架。整體來説＄200有找的午市放題，美味满足又抵食。

又係一星期一度同媽媽出街食飯既日子（大個女就係甘，呢d錢唔慳得），媽媽話想食放題，就決定帶佢去朋友介紹既築地番本。跟住地址，原來都唔易搵，差少少就去錯。坐低後見到放題紙成本書甘厚，睇見都興奮。好快野食就上枱了，熟食味道不過不失。壽司刺身睇落已經好輪睇頭，壽司細細件握得好靚，魚生表面有光澤好新鮮。壽司當中最吸引係小小既卷物，細細件易入口又唔飽，可以食多幾件。佢地既壽司飯都高質，小小酸，唔鬆散。卷物方面都好有心思，有唔同既配搭，每一款都有驚喜。最鍾意係芝士鰻魚卷，鰻魚味道甜甜無腥味，芝士香濃入口creamy，正。刺身當中，甜蝦有頭大大隻，好夠睇頭，而且入口鮮甜。三文魚係媽媽最愛，佢都幾滿意。我最鍾意就係油甘魚，佢地用左腩位厚切，十分肥美。一口咬落，滿滿既魚油溢出，鮮甜既魚味充滿口腔，食完後仲有魚油既香味充滿住，十分滿足。食到差唔多後就有另一重頭戲-帽子戲法。帽子下面係一係粥底既蒸爐，將自選既海鮮放0係爐面，放上帽子。粥既蒸氣會將上層既海鮮蒸熟，同時上層海鮮既精華會流落下層既粥底。打開帽子，蒸熟既海鮮香氣四溢，入口鮮甜。但重頭戲原來係最後既粥底，軟綿綿既粥底吸收哂海鮮既精華，雖然係入口只有白

幾個朋友相约於旺角、大家都認為最好就係可邊喝邊吃暢谈一番環境又舒適嘅餐廳啦、於是我地去左位於女人街嘅築地番本日式料理…… 我地選擇左午市推出嘅~任食放题/178 嘩！食物種類繁多……每樣都好滋味、年糕軟滑、鷄軟骨有口感得耒不太硬、芝士条甘香、蕃薯条鬆軟甘香…… 特别是刺身、很新鲜、甜蝦鲜甜、肉爽、油甘魚入口甘香甜美、監燒蝦串、蝦肉鲜甜、外皮點點監味、脆脆的 很香口！黄金焗蠔和太子醬焗帆立貝蠔軟滑混和醬汁满口豐盈醬汁令爽甜的帆立貝更香口！梅酒~付上一個盛有冰粒的玻璃杯、加入梅酒……透心凉！與朋友吃着暢聚、真是一個好地方！今次真是番本大滿足呵！！！

啊哥好like食番本今次我地來呢間係另一分店平時我地夜晚來今日lunch來原來lunch都好多野食我地叫左好多野食雖然星期六，但原來lunch時間唔多人可以舒舒服服慢慢坐下芝士焗蠔芝士味道十分香濃壽司款式都唔少最緊要野食新鲜!清酒味道相當清甜可口最愛呢個香芋丸好脆!!!甜甜地好好食!炒帶子同d菇都好爽口明太子焗扇貝個汁好正燒物唔錯刺身食落鮮甜美味炒銀芽平時必叫，今次淡左dd墨魚仔唔辣，好惹味突然好想食拉麵，叫左一碗同啊哥share好彩唔太大份，因我要留番d quota作戰脆肉瓜又爽又甜，相當唔錯!整體味道都好滿意，lunch食得好寫意。

這間店今次是第二次來食了，食物都很不錯，價錢也便宜，所以生日就約了弟弟一家來吃！食物種類很多，還有我最喜歡的梅酒也是任喝！弟弟老婆最喜歡吃甜品一坐下就先吃了一堆甜品，我最喜歡吃蝦子！所以所有蝦子的都吃一輪！下次還會再來！

諗住拍拖兩個人開開心心黎食，點知啲野食寫完平均15分鐘先上一碟，同張圖有分別都算，仲要瘋狂漏單，一張單叫左5樣泥得1樣，叫一件既，泥都廢時泥，同一樣嘢寫三次都唔黎。嘢又難食，刺身果啲三文魚刺身有渣，芝士蠔腥到飛起，清酒煮蜆，吾好以為係有酒有蜆味。清酒只係負責滿足你嗅覺，聞落無錯係有酒味，但食落係無，更加吾好以為有蜆味補翻數，呢個菜係乜野味都無，可以話係世界級，叫到黎果啲嘢冇件係得，壽司都唔掂，好唔新鮮。200幾蚊位完全唔值！一百蚊都要考慮下，食元氣好過，激死食到一肚氣。仲要坐得勁迫。

放題蒸汽火鍋齊齊食($198+1)-同朋友仔一行五個去試尼間放題，一開始梗係叫刺身先，三文魚🐟、油甘魚、甜蝦、帆立貝質素都唔錯，司令都encore左兩三次。不過就上得比較慢，熟食都上完先有刺身食。-熟食選擇多，每樣試少少都好飽喎牛柳粒、天婦羅、焗蠔、牛油雜菇都相當唔錯。

堅~真心講句!呢間野唔得，除左個蒸氣火鍋得，其他都唔得，飲品少，甜品冇味，野食好少種類，服務態度，場地都可以既晚餐時間唔係太多人，上菜都算快，齊，冇流單，不過冇下次囉！

今日相約三五知己出來見面，有人提議食放題，有人提議食蒸氣火鍋，最後有朋友介紹，可以兩樣都食到。由於有訂位，所以不用等。店員安頓好我們後，便開始落單，只因2個小時任食。枝豆夠爽口，海膽豆腐夠滑刺身有三文魚，冰山貝，北海道帶子，原隻甜身，油甘魚，鯛魚，希靈魚等。刺身雖然不是厚切大塊，但勝在夠凍夠新鮮。我們點了兩大盆。太子醬焗帆立貝 - 帆立貝鮮甜，太子醬的味道很特出。鹽燒海老串 - 即係鹽燒海蝦，海蝦鮮甜，蝦殼很脆口，蝦殼沾上鹽，燒起來很香口惹味。這個我們order了很多次。我們還點了梅酒，梅酒香濃清甜易入口，又夠凍，不知不覺又飲多幾瓶。當我們食放題食到有七成飽，便開始蒸氣火鍋。其中海中蝦，帆立貝和沙白蜆，我們食完又食，因為夠新鮮，鮮甜和冇沙，沙白蜆要蒸耐少少，因要等它開口才可食用。南瓜片很甜，爽口。鮮冬菇亦很有菇味。我們食了好幾輪蒸氣海鮮。便開始食甜品，但我見甜品區內的甜品選擇不多，不大感興趣。只取了榴槤雪條食, 好香榴槤味，夠滑溜，又唔太甜，幾好味。原來鍋內還有粥，將蒸氣海鮮上的各類海鮮汁，肉汁，蔬菜汁所有精華滴落在這鍋內，令這鍋粥很香甜很好味，而且亦很綿滑。我們個個捧腹離開。