築地番本日式放題 (已結業)

今次同幾個朋友決定要去挑戰下放題，今次揀左去食築地番本日式放題。食得放題當然要叫刺身嚟豪食啦，三文魚又既新鮮，油甘魚又幾甜。帶子都幾好味，啲刺身都幾唔錯啵。必須要講講，中華沙律好大兜，一上枱我地全枱人都嚇到呆左。但熟食方面，我就覺得普通喇。雞軟骨有麥樂雞既味，怪怪地啵。天婦羅都幾好味，炸物整體嚟講都幾ok! 牛油栗米太生喇，不過啲燒物都幾好味。啲牛又幾好味！壽司普通左啲。原來佢有埋蒸氣火鍋嫁，當然唔可以錯過啦！啲貝類又幾好味，牛亦都唔錯。不過我覺得佢個粥底好食啲，夠晒味！