等等HEA

营业中

休息中

鹽酥大大雞扒配蚵仔滷肉飯 呢個組合簡直冇得輸雞扒外脆內嫩 一咬啲油唔會流出嚟👍🏻蠔仔隻隻都新鮮飽滿好肥美 滷肉好香好入味 喺台灣嘅味道😋爐端燒牛肉拼盤牛肉質素真心不錯 $288就有牛舌 牛肩甲 牛小排 牛胸腹 餐廳係用光波爐 大家唔需要擔心會有油煙味

星期六下午行行下街覺得有點渴，search下有咩飲時見呢間舖評價不錯，又有冷泡茶，於是就一試。入到舖已經覺得唔對路，同search時見到嘅環境有出入，莊環似港式茶餐廳多過文青小店🤢，不評論環境，乾淨程度都有待改善。叫左兩杯野飲，分別係芒果綠茶同菠蘿四季春。芒果綠茶似便利店買嘅道x綠茶加芒果香精，味道人工。菠蘿四季春無茶味兼好弱嘅菠蘿味，有一塊菠蘿，但食落怪怪的。兩杯就咁60蚊仲要加一，唔會推薦野飲俾人。

有個frd好鍾意食大閘蟹🦀～由上年話陪佢食到今年🙈所以見到有得任食大閘蟹即刻些牙俾佢再一早卜定位去食餐勁既😚.Detail📝:大閘蟹🦀呢期真係好hit!!!好似個個都share咁～我就梗係唔執輸😛依間小店主打台式料理連台式燒肉都有埋😎估唔到黎試竟然係為佐食大閘蟹🦀😂小店唔算話好大～周圍都用霓虹燈寫滿招牌金句😂一坐底已經聞到滿滿醋味🤭.▫️🦀 大閘蟹任飲任食放題 $388😋👍🏻：👅👅👅👅/5分一共跟両數有三個價錢可以簡，由$388-$608🙆🏼‍♀️我地就簡佐要3至4両個package😚店員一黎就會先按人頭幫你每人order2隻～枱面已經有手套🧤交剪✂️ 同醋，凖備撕殺😈其實唔係好識met蟹😂係咁偷睇隔離枱🙈仲係咁問問題😂幾經辛苦打開後都幾多膏好鬼邪惡🤤蟹乸就比較creamy入口會比較多汁🦀蟹公就偏乾身但澎湃實在啲🥰我就比較鍾意食後者🙈咬落感覺好似滿足啲～.除佐🦀仲有蟹粉小食同台式飲品可以嗌！連黑糖珍奶同奶蓋系列都有😳但味道頗為一般～小食完全唔係好食得有蟹味😶而花枝丸同鹽酥雞我覺得質素偏好😚可以encore的🙆🏼‍♀️.總結，雖然話限時88分鐘但都比我地盡量食埋先走😚而且服務態度都好同上菜速度都

第一次食呢間大閘蟹放題，同我表妹兩個來食，叫左3-4兩的蟹，但發現沒咩蟹膏，肉都唔多。應該系清蒸，沒落紫蘇葉，沒咩蟹味.。小食類本來都好期待，但完全唔掂，蟹粥食味精粥.鹽蘇雞好細粒而且沒特別，芋圓好細粒。蟹肉水餃完全沒蟹肉味，出面水餃檔重好食。小食上檯完全是凍的，姜茶都沒有薑茶味。不過上蟹的速度算快，都好細心見就來食完蟹會主動幫手落單。蘇發凳睇落好多黑色點點感覺好污糟，壕仔肉燥飯完全沒蠔仔味，蟹肉糯米飯和蟹肉粥都見唔到有蟹肉。

食左餐成餐飯都好忙無停過手嘅大閘蟹放題 😆🦀🦀🦀😋 鋪頭主打台式野食， 加埋大閘蟹放題， 嗌大閘蟹嘅同時又可以任飲任食台式野食同台式飲品， 全部野食都好有水準， 🦀🦀新鮮， 其他野食尤其蒲燒鰻魚同麻辣一口鴨血最出色， 非常入味， 連我本身唔中意食豬紅鴨血都覺得好好味 😋老闆話大閘蟹已經到季尾， 但季尾有咁嘅質素同埋仲有咁多膏都算唔錯 🦀🍽😊最後飲埋黑糖薑茶同 食埋佢地嘅薑茶芋圓做甜品埋尾， 驅寒 perfect ☺☺唯一美中不足嘅係， 當飲完黑糖薑茶之後食薑茶芋圓時突然無哂味， 可能撞左 ？！但除左呢樣之外其他都好好不得不提老闆同女經理服務態度非常好 💛， 由一入座開始已經清楚解釋，同埋完全唔會拖時間，一入座即刻話幫你上第1round🦀🦀，等緊嘅時候可以嗌住小食，第1次上菜前唔計時間非常公道 ；見你食到咁上下就食完啲蟹又會主動問你洗唔洗再幫你整定下碟蟹， 又會問你夠唔夠食 😄我同男朋友都好想再食不過已經好飽 🤣未試過食一餐飯食到咁忙， 全程手口都無停過 🤣但開心嘅 😊《等等hea》九龍城福佬村道41號地下#大閘蟹放題 #台式料理 #hairycrab #taiwanesefood

第一次去九龍城 “等等hea” ，為了食大閘蟹放題。原本叫4両中蟹放題，第一輪來了四隻感覺好細，所以改食5両大蟹職員話大蟹去得好快，每日五點左右返新貨，日日新鮮，當日食都全無死蟹，公乸任叫，全有膏，交足貨一人食了12隻蟹和小食，三杯嘢飲，都是任叫的。小食有10種選擇，份量少所以全部食晒都唔會好飽。小食味道一般，主要食蟹，其他就當bonus。八點食到10點幾，原本話只可以食88分鐘但冇乜人就無趕我地走，坐了兩個幾鐘，飲飽食醉才自己走🤣埋單$669一位，如計食5両蟹12隻，係抵食，但如88分鐘要走便要食快些。諗住食小食回本就無嘜可能，因為只有10款小食，食完不會想再食🤣 所以選平日8點後去應該著數些，但聽講有人食食下大蟹無貨要改食細的 大閘蟹放題做到12月中，鍾意食蟹的可以去食下今年食過3間大閘蟹放題，蟹來說等等hea係最好食嘅，隻隻都多膏，不過$669一位，係咁多間最貴嘅。

之前見到有咁多好評，我們一家人興致勃勃去幫襯大閘蟹放題。原本book咗八點，點知等咗一個鐘都未有位。見到隔離嗰台book 左7:30，要等到9:00先有位，離晒大譜，場面極度混亂。食物質素方面，我覺得好奇怪點解咁嘅質素有咁多好評。除咗個蟹比較正常之外，其他食物都唔係熱嘅。明明係放題，落咗單的食物成日都唔嚟，要三催四請，啲單錯漏百出。環境方面，呢間餐廳極度擠迫，枱與枱之間沒有做好隔離嘅措施。甚至違反限聚令，平時可以七個人一枱。奉勸大家唔好再去呢間餐廳，貼錢買難受。

一次難忙的晚餐，絕對會帶來難忘的記憶點🔮今天第一次食左大閘蟹任飲任食放題呢🦀在這個時令季節，當然要去食大閘蟹🦀但可以這樣任食，還配上不同台灣小食，好難忙呢!😍-這晚是到了九龍城的台式餐廳「等等HEA」✨最近推出了大閘蟹任飲任食放題🦀🦀88分鐘內可以無限追加包括大聞蟹及蟹粉前菜 🥳真係好特別同吸引呀!即使不是大閘蟹的愛好者也可以一試呢!🌈⚡️-88分鐘內是由食第一隻蟹開始⏱如果坐下後先食一些前菜，都唔會計時，非常均真呀! ⌛️價錢是分3種，以大閘蟹的重量去區分呢!而在任食的時間 大閘蟹公、大閘蟹乸也可以品嚐呢!😍數量也可以自己決定，不要浪費就好了!🥳-一坐低店員已經立即介紹，我們也大膽叫了😋而且店來提供了膠手套，剪刀等工具，進食時也十分放心呢!💙我進食大閘蟹的經驗不多，但每一隻都好蟹膏已經份量也不足呢!❣️有一種每一口也是蟹膏及蟹肉的感覺🤣🤣配上店員送上的醋，剛剛好呢!♥️💯-除了大閘蟹外，還可以任食蟹粉前菜及飲品任飲😝🍳🧈🥒🥬包括：蟹粉水餃、生滾大閘蟹粥、蟹粉花枝丸、一口蟹粉鴨血、士林鹽酥雞、蟹粉滷肉時菜等等我個人特別推薦以下2樣😍：生滾大閘蟹粥🍛：棉棉的粥配上鮮甜的蟹味，好鮮甜，一定要試呀!

在網上看到好多關於呢間餐廳大閘蟹放題的好評，所以帶屋企人去試。食完後可以用兩個字總結，不堪！我book咗平日八點，點知去到嘅時候先知道連book 7:30嘅都未入得，問佢哋幾時入得，成日都話好快，安排非常混亂，未食已經一肚氣。等咗半個鐘終於入得，點知佢比張四人卡位我哋...我吔六個加埋過千磅... 坐都坐唔到，仲點拆大閘蟹呀。跟住起身想走嘅時候員工話等一陣會安排六人枱，仲叫我哋叫住嘢食先，點知，又中伏。初頭諗住等15分鐘就會合埋隔離張枱俾我哋，點知原來隔離兩位食客啱啱先開始食，結果騎虎難下，由於嗌左嘢食，想走都走唔到，結果又等咗差唔多一個鐘..講返食物質素，大閘蟹其實味道唔錯，有好多膏，夠熱，出餐也快(可能因為開始食嘅時候已經9:30)，但其他食物只係用光波爐叮熱，花枝丸，滷肉飯都唔夠熱，仲有好多飲品都話賣晒... 最後想講一下，餐廳應該嚴格遵守抗疫守則，我竟然見到七個人一枱... 不過聽到佢哋原本訂咗7:30枱，點知9:30先入得，我都唔好意思再講嘢。總括而言，一個六百多元的大閘蟹放題質素竟然低劣至此，絕對絕對唔會再嚟。

提前一星期就book左位但係去到都依然等左好耐我覺得可能係唯一唔好嘅地方就係要等去到話大家都係book左位嘅人真係勁多人手唔夠，幾個哥哥姐姐一刻都停唔到所以去時前都要做好個心理準備都俾多啲理解俾佢地入座後服務態度都好好不過忙得制我地試388嘅蟹，星期五六日都會額外加多20蟹公蟹乸都有，不過公居多真係唔鐘意食公所以叫佢幫我地轉蟹乸～都好多膏下好好味小食嘅質素都唔錯野飲就麻麻地所以都係叫薑茶黎飲驅驅寒我地88分鐘真係拼勁全力集中精力係咁食蟹一坐到就會問你食咩蟹，唔會要你等好耐👍🏻👍🏻

一間充滿文青格調既小店，食物選擇多又豐富，呢到有各式台式主食、爐端燒、小食、燉湯、甜品及飲品如冷泡茶！有句話我覺得好岩聽”人生有六成時間都是在等待⏳”而當中最值得等既莫過於美味既食物！所以遇到美味既食物就要盡情享受🤗一間餐廳仲可以同時食到台式爐端燒同台式小食😋🌟台式爐端燒推介：牛肩甲🐄平時食開牛肉，未試過，所以就試下，牛味同樣濃郁，口感適中唔會過韌，上面灑上鹽花就已經令味道好突出，好食！另外🌟台式主食亦有好多款值得推介：燒雞泡魚乾夠香同煙韌帶微脆口感好正烤香腸甜甜的，外帶點脆台式烤香腸外，仲有埋黑色既膶腸，幾特別，平常比較少吃到，當然相比香腸，個人較為喜愛香腸基隆市甜不辣煙韌彈牙😋台式牛筋牛肚麵跟三小碟前菜🍜一次過食齊手筋牛肚，鍾意夠煙韌又入味麵條夠闊，口感十足湯底香濃古早藥膳排骨湯好清甜，飲完唔會口渴，而且配料好多好入味🤤飲品份量好大杯，冬瓜鮮奶有我最鍾意飲既冬瓜茶加上鮮奶，奶香滑，入口帶點冬瓜茶香冷泡白桃🍑烏龍，好香🍑香，烏龍甘而不澀，下次可以買外賣帶返屋企😋✌🏻

趁住近期大閘蟹🦀🦀旺季，所以搵咗九龍城呢間台灣食店"等等Hea"居然有大閘蟹任食當晚預約咗七點半入座 , 七點二十分到達門口時，已經有十幾廿人排隊等候，有walk in有電話預約 , 店家在安排入座上有點混亂，唔需要核對個名同電話，只要你話電話預約咗，同埋幾多位，佢就會安排你入去，大家講個信字🤣 原本預約咗七點半，直至八點鐘先正式被安排入座😂😂😂任食大閘蟹分三個價錢，本人揀咗中間價位$488+10%食中蟹🦀 上蟹速度快👍👍👍絕不吝嗇😎 隻隻蟹上枱都係出煙熱辣辣既😋 要幾多隻畀幾多隻，食既過程完全冇壓力，食過咁多次大閘蟹任食呢間係食得最開心嘅👍😊隻隻蟹都好新鮮冇死蟹，蟹公蟹乸一樣咁正😋 不過食咗第一轉指定兩隻蟹公之後，叫第二轉蟹時，舖頭話已經無曬$488中蟹乸，會俾$388既細蟹乸我地，感覺上面好似俾人揾咗笨咁😑不過都已經坐低咗，同埋開始食緊，唯有默默地接受🤦‍♀️台式小食方面叫咗鰻魚，炸花枝丸，鴨血 ，蚵仔滷肉飯，蟹粥，小食方面唔太似地道台灣口味，感覺一般般， 炸花枝丸可以一試 ，其他可以唔叫，留肚食大閘蟹吧啦 。飲品方面，當晚居然所有台式飲品例如珍珠奶茶，烏龍茶等等全部無芝士奶蓋提供，

近排係大閘蟹季節眼見個個都打卡食大閘蟹今次終於輪到我做完research揀咗呢間喺九龍城嘅大閘蟹放題佢$388任食88分鐘所以想慢慢嘆嘅人就唔係好啱喇一坐低就問我哋要幾多隻大閘蟹唔會dum波鐘之後我哋每輪都係嗌4隻佢熱得嚟都唔會太熱姐係啱啱好唔會阻你拆蟹嘅熱其實d小食都唔錯嘅尤其鴨血同鰻魚但食完第一round就無再嗌因為要專心食蟹d特飲質素都ok嘅最緊要係夠選擇個冬瓜檸檬溶咗d冰 味道就仲好我仲試咗黑糖奶茶珍珠個質感似係擺得耐黑糖味岀到有d苦附上大閘蟹內部相佢係細細隻嘅 都夠多膏咁唯有多d嚟密d手 食多幾隻啦唯一想挑剔嘅係個坐位 我坐喺佢擺餐具餐牌嘅位隔離一路食一路覺得後面好近嘅地方好嘈時不時又有d風有d騷擾人食嘢仲有上網search見佢話係黃店嚟但見佢用愛奇藝

今年第3次食大閘蟹放題呢間係最滿意一間👍🏻因為佢有得揀公或乸其他都只有公食放題黎講佢地服務態度真係好好今日星期五晚 坐爆晒人每人每次可以叫2隻食剩2隻嘅時候已經有職員問洗唔洗加蟹平時果啲叫極都未有但呢間好主動幫你落單又上得快我地2個人一人食左10幾隻見隔離枱夠鐘 比埋單佢地 但都仲繼續叫😂職員都好好話其實已經夠鐘但都仲比佢地落埋單夠晒鐘 佢地4個人落8隻蟹職員都照做👍🏻👍🏻其他食物都不錯鰻魚同鹽酥雞都好食不過環境方便就坐得比較迫同埋飲品一般般 但任飲黎講都算好多款式掛住食無影相但都專登想寫個食評比啲支持希望佢地服務態度可以一直好落去😊

Hea到冇朋友，Hea到不能接受冇影到相。但食完先覺得嬲，忍唔着寫生平第一篇食評，唔想再有人中伏。我叫滷水拼盤，雞翼係白色嘅你見過未？雞肉仲要實似石頭。滷水牛𦟌完全冇滷水味、又乾又柴滷水拼盤隻蛋呢？費事畀你！最恐怖係杯嘢飲。叫咗所謂的紅棗桂圓茶、黑糖薑母茶。飲完完全分唔到邊杯打邊杯！因為兩杯都係冇味嘅！薑味呢？紅棗味呢？完全冇！其中一杯仲有洗地水味！ 寫到呢度，如果你覺得可以去試吓嘅話，咁就祝你好運。