等等HEA

营业中

休息中

九龍城出名多好野食，見近排開左間台灣菜，於是專登黎試下。平日夜晚7點幾去到，唔洗排隊就有得入喇。我係台灣牛肉麵既愛好者，所以嗌左個紅燒牛肉麵試下。湯底濃郁，牛肉燜到好腍，蘿蔔好入味，唔錯唔錯👍🏻好少台式小店會有得食燒肉，可以揀自己燒或者廚房燒，我地當然揀自己燒過下癮啦。我地點左小牛排同埋牛肩胛，份量剛好夠二個人食。肥瘦肉比例適中，加埋特製醬汁，好好味!甜品嗌左個椰奶芋圓仙草，好足料，黑糖珍珠同芋圓煙靭，值得一試😋

去到九龍城😙除咗泰國菜有咩食啊？今次就帶大家試吓台灣菜啦！一入到去，見到牆壁有好多裝飾❄️加埋少少語錄咁樣🥳都幾有台灣小店嘅風味。今次我哋就叫咗台式爐邊燒既牛肉拼盤，台式鹽酥雞配滷肉飯同埋兩碗燉湯。$288既牛肉拼盤分別有牛小排、牛胸腹、牛舌同埋牛肩胛。🙈雖然牛肉拼盤價錢有少少貴，但可以是用光波爐燒都幾特別。我哋另外追加左一個烤菠蘿🍍，菠蘿大粒又多汁🥰🥰燒一燒先食，熱辣辣的溫度令菠蘿更加甜。鹽酥雞好香脆，外脆內軟。...🏡等等HEA (九龍城)九龍城福佬村道41號地下

男友在九灣番工，所以時不時都會去九龍城lunch, 發現好餐廳都會mark低帶我去食。今次揀左間好小清新嘅台灣餐廳等等hea，餐廳名好特別，裝修方面好有心思，入面有好多金句，句句都有d意思，有d更加值得心思。仲好值得打卡Tim!食物方面，因為男友係特登黎試佢個爐端燒，所以叫左一客美國特級牛小排同埋熊本日本和牛，店員特地比等地坐靠牆張枱，因為原來佢地係用光波爐自己燒架，非常有心思，店員仲介紹光波爐有樣好係多餘油脂會流落底，燒日本和牛呢d你知道，油脂同肉分分鐘係6:4架嘛！牛小排同和牛先後到，兩款都切到好薄，方便轉兩圈就食得！牛小排脂肪比例唔算高，所以喜歡瘦少少如我就岩晒，而和牛擁躉就非常滿意個塊熊本和牛，一上枱就見到脂肪比例嘅雪花，燒完入口未至於溶化，但是個種牛肉香味真係非常濃，值得encore!燒完肉就點左佢個手工鹵肉飯配流心蛋，鹵肉飯係我最喜歡嘅台灣食品頭5位，肥肉瘦肉比例剛好，就算食左肥肉都唔多覺，因為入口即溶，超級感動因為太耐無食喇！另外再點一個蒜香田園蔬菜，油就多左d，但是好開心佢有青豆，茄子，秋葵，脆肉瓜，個個都好入味！去台灣店點可以唔點奶蓋茶呢，奶蓋控如我，奶蓋一上，就飲左

今日經過九龍城 俾呢間好sharp既台式餐廳吸引住😍 特別係用左兩個好可愛既公仔 餐廳既裝修好似去左台灣咁入到餐廳 裝修好特別 牆上有唔同句子 令人覺得好舒服 由於已經差不多八點 好肚餓 即刻睇下餐牌有咩食 有台式燒肉、小食、飯麵等爐端燒牛肉拼盤 $288 (牛舌/牛肩甲/牛小排/牛胸腹)這個拼盤是二人份量 牛肉質素非常新鮮 👍🏻 只要放上爐端燒一陣 就好快熟 店員好細心提供長筷子for夾燒肉同醬汁 由於牛肉質素新鮮 只需要鹽和胡椒已經好好味 食燒肉點可以唔食飯 但又唔想食白飯於是叫左蠔仔滷肉飯 蠔仔有好多粒 無腥味 我地見枱枱都有叫鹽酥滷肉雞扒飯 於是我哋有叫一份 嘩! 雞扒超級大塊 份量都好多 而且炸得好鬆脆 😍 最後叫番個芋圓做終結 本身對芋圓無咩期望 諗住呢到唔係食糖水專門店 應該麻麻地 但點知出奇地好味 芋圓好煙韌 而且好足料😋推介指數：⭐️⭐️⭐️⭐️

九龍城真係一個好多野食嘅地方，今次就同朋友黎試一試呢間台灣餐廳😙。.爐端燒美國特版牛小排（$98）呢度有得食爐端燒，當然要試下，可以自己燒，自己控制生熟度。每一塊都幾乎無渣，而且牛味十足🤤，再加上牛小排本身嘅油香味真係無得頂💕。.鹽酥大大雞扒配滷肉飯（$78）雞扒啱啱炸起非常脆🤩，佢亦有提供醬汁可以點。滷肉飯真係值得一試，滷肉本身嘅香味同白飯好夾😝。.蒜香麻辣牛舌（$68）我一向都好鍾意食牛舌，黎到呢度當然都要叫，牛舌本身好爽口😋，麻辣汁亦唔會太辣。

呀媽話好耐無食台灣野，明明平時一年飛幾次台灣，今年一次都未去！呢間類似ｃａｆｅ既台灣餐廳都幾有FEEL, 特別係D燈牌，好過癮！食台灣野我必叫牛肉麵！　呢到既牛肉麵湯底好味，唔會太咸得味精味，而有牛味架！牛肉好淋，淡淡肉，正！百香果茶好大杯，夠我同媽咪２個人飲～加左仙草好好味～套餐送既３小碟～另外叫既鹽酥雞排，好大份好ＪＵＩＣＹ，個皮真係炸得好好食，又唔會好多味精粉係上面，好食過街邊豪ＸＸ果Ｄ超多！！

本身今日嚟到諗住食台灣滷肉飯嗰啲嘢食，但係打開個餐牌見到有燒肉食，見到隔離嗰台啲人啲燒肉又好似好正咁，所以轉去咗食燒肉，叫咗個牛肉拼盤同雞軟骨，最後西班牙豚肉冇貨，又咁啱見到隔離嗰台個鹽酥雞扒飯又好似好正，忍唔住最後叫咗個鹽酥雞扒滷肉飯，一晚滿足晒兩個願望先來個牛肉拼盤，有牛舌牛小排牛空腹同埋牛肩甲，牛舌夠厚又夠嫩，牛肩甲多汁又夠香，份量啱啱好夠兩個人食，本身諗住帶個白飯，最後叫咗鹽酥雞扒飯，鹽酥雞扒炸得夠乾身，雞肉又唔佬又多汁，同滷肉飯係完美配合最後叫咗個芋圓做糖水，本身冇乜期望諗住搭單食個糖水，但係呢個芋圓喜出望外，我覺得可以直頭開一間舖頭淨係賣芋圓

入九龍城唔一定要食泰國菜 推薦可以試下呢間台灣菜 真心覺得可以recall環境真係唔錯 幾適合打卡影相📸️慢慢食慢慢hea真係好爽 老闆娘又好熱情🥰😋鹽酥排骨炸得香脆，雖然好熱氣 真係真係忍唔住食多幾塊 份量適中 啱曬下午茶時段😍 人氣芝麻雞冀食肉最怕本身有雪藏味 好彩呢個醬汁調得好好 而且肉的口感唔會太硬 帶少少甜香味 整體來講唔錯 蒜香麻辣豬耳豬耳好爽脆，但係我覺得仍然唔算太辣 如果可以再辣啲就更加好等等蚵仔煎呢個人味道好正宗，蚵仔煎味道新鮮又juice 😍 好懷念台灣夜市嘅味道鹽酥雞呢個不過也不失 一個大眾雞扒嘅口味 不過等等hea的份量就比較大件 食完好滿足呀！！點少得凍飲呀食太多熱氣啦 雖然全部都係小食 但係真的好滿足 重點係慢慢hea住同fd傾計 好過去cafe shop🥰

九龍城美食臨立 成日都有新餐廳 今次經過福佬村道有間細細間既台式小店吸引左我眼球 😋 門口招牌用黃色做門牌 ，餐廳細細間 大約10張枱左右，全部用手機落單，慳返時間👍🏻食物主要以台式小食炸物，小炒 及滷水為主。另外亦有一般台式飲品提供。🥢士林鹽酥雞$48一份好大份，有大約20多塊雞粒，每粒都用左蕃薯粉上面，夠脆身之餘仲要皮脆肉嫩 重點係有九層塔嘅香味👍🏻好食🥢台式滷水拼盤$48呢個細細份分別有2隻雞翼+麻辣豬耳+千層豆腐，台式滷水嘅特別係甜甜地唔會過鹹 ，麻辣就以麻為主，整得幾夾。🥢等等蚵仔煎$60呢個真心推介❤️❤️ 出面食蚵仔煎成日都無蠔，但呢間係好足料之餘，個煎蛋係外脆內滑，仲有少少流心feel 夾埋勁多蠔仔好好食 🥢鹽酥排骨滷肉飯$78主食就order左鹽酥排骨滷肉飯，飯係珍珠米底，鹽酥排骨可以轉香酥排骨，皮會再脆身d, 但酥味亦相對重。滷肉汁偏咸少少，配埋飲品會比較建議😋🥢冷泡四季春茶$28 and 台灣金牌啤酒$38冷泡茶全部一支支上，四季春茶葉幾好飲，唔會太苦澀得黎茶味好夠👍🏻清清地幾推薦。另外台灣啤酒🍻淡得黎好重香味😆 真係好似去左台灣咁 因為香港都幾少有得賣呢隻啤酒

今晚黎到九龍城食晚飯，唔係食泰國菜，而係食台灣菜。呢間等等HEA我已經想試好耐，每次行過都會被佢好有特色既裝潢吸引。餐廳環境寬敞，卡位闊落舒適，牆身有好多文青字句，夠哂幽默。一坐底就獲奉上茶水，店員仲好熱情推薦特色菜式。爐端燒牛肉拼盤無火烤肉唔會食到成身油煙味，牛舌口感鮮嫩有嚼勁、牛肩甲油花分布均勻Q彈帶勁、牛小排肉質緊實，嫩度適中肉汁滿溢、牛胸腹油花細緻口感爽滑多汁。沾上燒汁提升味道層次，好惹味。小碗手工魯肉飯配滷水溏心蛋滷肉肥而不膩好入味，口感滑嫩多汁，鹹/甜度剛好。將滷水溏心蛋拌勻白飯，口感更豐富。仲附送三小碟前菜，有花生、雲耳、青瓜。等等蚵仔煎蚵仔粒粒飽滿滑溜，口感軟Q，配以香嫩雞蛋，邊緣煎得香酥薄脆。特色手工餃煎得外酥內嫩，外皮厚薄適中，甘香惹味。

呢間台式店好cute！一直令我印象深刻！💙🤍終於去咗試下喇😆店長態度好好👍🏻💗 等等蚵仔滷肉飯 $88好有特色！係呢度既招牌菜之一，我哋揀咗酥炸蚵仔，幾好食！🤤滷肉飯都有水準👍🏻台式紅燒牛肉麵 $84個湯底唔錯，岩口味😋牛肉好腍，麵質都幾好～等等麻辣牛舌 $68夠晒麻辣，牛舌幾爽口！如果厚切啲會更好🤣基隆市甜不辣 $45煙煙韌韌我鍾意！不過份量少咗啲🙈冷泡四季春茶 $28冷泡白桃烏龍 $28冷泡玫瑰烏龍茶 $28都好好飲！又大支🤩最近愛上飲冷泡茶！🧡

今次特登嚟到九龍城試吓呢間環境非常少女🤩🤩個外觀好似一間文青Cafe但係裏面係食台灣美食嘅餐廳😋有霓虹燈飾在墻上，「你等的人，等你的人，都是懂你的那一個」非常有文采同浪漫呀！😚😚反影在墻上顯得很夢幻^^女生來到一定會好鍾意呢個位置😉瘋狂打卡呢~~☺️牛肉拼盤肉嘅種類都唔少😉包括有：牛舌、牛肩、牛小排、牛胸腹一次過可以試齊晒唔同嘅部位🤩🤩擺設亦都非精緻小編特別喜歡牛舌，牛胸腹☺️油脂分布比較平均😋😋好香幾好味😋！燒爐好特別啊🤩會自動不斷地轉圈令每塊肉都燒得好平均☺️☺️士林鹽酥雞非常香脆😋食落好惹味話梅豬手酸酸甜甜非常開胃豬手亦都浸到好爽口🤩🤩配上酸菜食，味道值得推介☺️飲品方面：黑糖珍珠奶茶奶蓋可可

端午節假期，最正係瞓到自然醒，肚餓先諗食乜嘢。去咗九龍城嘅等等hea，啱曬我今日嘅心情。 餐廳係食台灣嘢，下午茶時間都幾多人。餐廳嘅佈置有好多有趣嘅字句，好有特色。除咗一般嘅台灣食品，仲有台式燒肉供應。叫咗一份宮崎西冷， 一個柯仔煎同柯仔滷肉飯（送三個前菜） 西冷用光波爐燒，果然係和牛，味道零舍 不同。餐廳招牌菜係柯仔，因為柯仔夠新鮮，所以非常美味。柯仔滷肉飯又飽肚又好吃。柯仔煎都好食，煎得好香口。店員中透露7月開始會有燒肉放題，😍好期待呀!

//< 等等Hea >九龍城除左泰菜竟然台灣菜都幾好味😊呢間等等hea午市套餐真心幾抵食！大大份又好味🥰🥰————————————————- 川川辣辣口水雞 $68 -呢個初頭以為會好辣！點知食落去又唔會wo😁個種「川川」味啱啱好，喜歡濃味既可能會覺得唔夠🤣但係小編覺得好啱我口味～雞好滑，直頭會離骨添吖😇————————————————- 蚵仔魯肉飯 +$10 -頭先個口水雞可以跟普通魯肉飯同麵，但係小編係衝住佢地既蚵仔黎又點可以唔加$10試呢🤤蚵仔好肥美，而且數量都唔少！就咁食呢個飯都已經好飽好滿足🤪🤪————————————————- 鹵水拼盤 （牛展、牛肋條、雞翼）$68 -呢個小編配左刀削麵，連埋麵完全食唔曬🤣牛展、牛肋條都好淋好入味，幾好食😆雞翼就相對上淡d～刀削麵中規中矩，份量真係不容忽視🤣🤣————————————————- 士林鹽酥雞 +$10 -呢個好有驚喜，雖然加$10但係一d都唔hea!炸得香脆可口，又唔淋油～配埋上面少少既千島醬好好味🥰🥰————————————————- 菊花蜜 （凍）+$3 -小編因為食完仲想去買嘢飲，所以就無加貴d要其他台式

居然有餐廳煲既蟲草花湯比我家皇后煲既湯還要清（清到冇味）係咪放漏左D咩?百香果茶叫左少甜都係好甜， 不過加左仙草都還可接受雖然燉湯一般， 蛋刀削麵既湯底有幾唔錯， 仲有兩舊紅蘿蔔鹽酥雞炸到超香口， 九層塔都俾佢炸到脆卜卜， 夠哂邪惡我又豬左，叫左水蜜桃既生抄骨，以為會有幾舊水蜜桃食下， 冇不特止仲要唔夠脆，同平時兩餸飯差唔多，我應該叫士多啤梨味，特別D就咁睇都睇到，大大pat 既辣醬喺個口水雞既上面，確實係辣既，就算掃就哂D 醬，肉身都係辣